茶墨 (已結業)

去尖沙咀行街，行行下，好想飲野。記得之前有朋友話呢間茶飲店幾好飲，決定去試下。叫咗一杯麻糬芋泥茉莉鮮奶綠，用優惠價加配咗一件芝士蛋糕。~~麻糬芋泥茉莉鮮奶綠賣相好靚，真係好似水墨畫。有好多芋泥，真材實料。飲落好香芋頭味，一啖仲飲到好多芋泥。有淡淡嘅茉莉花味，同芋泥好夾。麻糬份量都好多，食落好煙韌。~~芝士蛋糕用優惠價買，好抵食。芝士味好香濃，食落好creamy，好滑。好想食多件！餐廳有坐位，可以坐低慢慢嘆。