茶墨 (已結業)

今日去The One行街，行到攰想搵個位坐。行到4樓見到茶墨：之前冇飲過，一直以為係台灣珍珠奶茶d 朋友，點知原來佢係香港本地品牌，仲自家研發左唔同味道既茶。比較出名係茶墨風既茶，除左茶仲有沙冰，仲有好特别既低脂galeto😍用galeto mix成茶既特飲又有，可以話係應有盡有。仲有好多吾同款蛋糕👇：不過今次我冇嗌galeto, 我嗌左麻糬芋泥鮮奶綠同埋 清香柚子芝士蛋糕。舖頭熱賣嘅筆墨風飲係芝麻味，因為我麻麻芝麻所以冇揀到。揀左哩隻麻糬芋泥鮮奶綠真係out of my surprise, 係超好味。正常甜度 ，對不太好甜既我真係岩岩好。 個賣相混色混得好靚，飲之前要攪勻個底先，飲第一啖已經食到個麻薯， 好煙韌好好味，個芋泥mix茉莉有種清香味，雖然係奶綠不過一d都唔滯。今次嗌埋舖頭比較出名既清香柚子芝士蛋糕, 雖然賣相普普通通，但係cheesecake 迷既朋友要嗌啦😆個cake texture好軟的， 好多啖都幾乎食到有柚子，我平時不太好cheesecake, 因為太重芝士好膩嘅感覺😂但哩個mix係perfect 👍👍值得encore.堂食位置不多，店員都有禮貌👍

杯中茶。心中墨尖沙咀The One 「茶墨」具氣派麻糬芝麻烏龍茶（$39） 應該係招牌推介👍🏻👍🏻👍🏻 麻糬口感十足🥣 十分好味😍😍 芝麻同烏龍茶味道好夾😋 茶杯加上芝麻好靚😎😎 好岩打卡📸📸 又好味😋😋😋

難得放假，就同女朋友嚟咗尖沙咀行街；喺The One行到攰，就嚟咗呢間手搖飲品店度坐下。呢度啲飲品同雪糕都幾有驚喜，所以忍唔住要寫返個食評！🤩士多啤梨雪糕奶昔🍓🍦🥤佢奶昔上面有一層cream，質地綿滑；至於奶昔方面，佢質地有啲似沙冰，飲落會有士多啤梨嘅酸甜味，然後會飲到牛奶味，我叫咗少糖所以唔會太甜，飲晒成杯都唔腬～🥰蘋果冰搖茉莉花茶🍎🌸🍵呢杯一入口，會飲到蘋果嘅果香味，同埋一陣清香嘅茉莉花茶味，同樣叫咗少甜所以佢都唔會好甜，咁樣令我更加飲得出蘋果同埋茶本身嘅味道。兩者平衡得好好，果味同茶味好夾！🤤Gelato (荔枝) 🍦 雪糕嘅口感有啲似雪芭，佢有清新嘅荔枝味，然後食到啲濃濃嘅牛奶味。係我第一次食到荔枝同牛奶嘅組合，好有驚喜！😋茶墨嘅飲品同雪糕都好出色，味道嘅平衡做得好好，保持到茶或者材料本身嘅味道，將來行過都會回頭再試！😆💛

⭐️麻糬芋泥茉莉鮮奶綠 $39🥤飲品外型模仿水墨畫嘅筆跡感，的確幾有美感～店員建議攪勻底部嘅芋泥先飲，但芋泥本身偏企身，似芋泥團，較難攪勻攪散，不過就相對有口感。麻薯煙韌，有少少硬，香味突出。茶底有淡淡茉莉花香，面頭有一層忌廉。欣賞佢整體甜度不高，可以品嘗到每樣材料最本身嘅味道🧡睇得出有理念同心思，作為香港本地品牌值得支持😆👍🏻旁邊有一些枱同椅子可供堂食。行行下街，想飲杯野坐下都係唔錯嘅選擇。

💛茶墨 @尖沙咀📍尖沙咀彌敦道100號The ONE 4樓L411號舖🍵麻糬抹茶鮮奶 $39抹茶唔係特別濃郁 有d甜 而且抹茶粉有d唔係好勻 所以飲落有d粉末感😕 第一次飲有麻糬既飲品😚 麻糬口感就好似小丸子 略嫌有d煮得唔係好夠淋 同埋糯米粉味重🤔 $39一杯呢個質素整體性價比較低～～ 見佢其他野飲 例如芝麻都幾出名 仲要係水墨畫風 鐘意芝麻既朋友有機會都可以試下 會再大杯d～👅好味：3/5💲價錢：3.3/5🌟性價比：3/5👥服務：3.5/5

今日同朋友去尖沙咀the one行街，行到攰攰地嗰陣，諗住搵個地方歇一歇！咁岩見到呢間茶墨，旁邊設有座位，我同朋友就決定要買番杯好好品嚐一下！我哋喺嗌嘢飲之前都有搜索一下OpenRice，見到好多人都推薦飲麻糬，所以我哋就嗌左一杯麻糬抹茶鮮奶$39，入邊嘅麻糬好彈牙，因為有得揀微甜，所以成杯飲落都唔覺得好跩！跟住仲有熱辣辣天氣少不免既雪糕奶昔$48，我哋揀咗士多啤梨味係呢啲咁熱嘅天氣食雪糕奶昔，真係解暑一流！飲落味道仲唔錯添！店舖除咗有賣特飲之外，仲有賣蛋糕，款款蛋糕嘅賣相睇落都不錯！但由於我哋食完lunch隔左唔係好耐，所以最尾決定嗌一份蛋糕share，我哋揀咗清香柚子芝士蛋糕 $28，呢款蛋糕清清地得黎又有好濃嘅芝士味！

IG大熱 水墨風手調飲品，今次終於到我朝聖🥰 分店位於尖沙咀the one, 呢間手調飲品店除咗口味上有好多少見既配搭之外，最特別嘅地方係佢仲有甜品可以食😮 除咗蛋糕之外仲有意式雪糕，令到我既選擇困難症又發作喇🤣麻糬芋泥茉莉鮮奶綠 $39淺啡與白色嘅水墨畫風，每一啖都飲到有芋泥，而杯最底嘅就係一粒粒麻糬。麻糬變成珍珠咁嘅尺寸，比珍珠更煙靭有咬口，飲落去都幾特別整杯都是美美的水墨畫風底部全是麻糬，好滿足🤣🤣

星期日同朋友去開The One經過茶墨比杯芝麻吸引住因為我好鐘意黑芝麻！！仲要打卡一流 有中國風一於買兩杯嘢飲試試佢必試麻薯芝麻烏龍鮮奶茶 $39本身芝麻味嘅飲品都唔多常見仲要有最愛嘅麻薯呢個組合非常吸引飲落淡淡芝麻 好正！！鍾意芝麻嘅朋友一定唔可以錯過望落充滿中國風 好有墨水嘅感覺另一杯試咗朱古力意式雪糕奶昔 $48入面加咗朱古力雪糕感覺上似朱古力沙冰都係一個好選擇除咗兩杯飲品之外亦都加咗$28試咗蛋糕今次試咗日式奶茶蛋糕淡淡嘅茶香味 亦都唔會太甜可以試試除咗蛋糕之外呢度另一樣特色就係有Gelato有唔同嘅茶味 亦都有開心果味下次有機會想試吓開心果

好鍾意飲一杯杯嘅我，今次就去左試下茶墨，能夠將水墨畫風融入飲品中確實別有一番風味，用來打卡就最好不過📷🍠紫薯鐵觀音沙冰今次叫左少糖，用上真材實料的紫薯，有實實在在嘅感覺，唔會太假，紫薯配上鐵觀音，唔會太甜之餘，茶味又唔會被蓋過。成杯都充滿沙冰同紫薯，為消暑解渴嘅頭號選擇！🌞🍦茉莉花茶雪糕呢個低脂雪糕，荼味突出，口味較獨特，平時都比較少見呢隻口味，不妨一試

今日同朋友行The one見到呢間手沖野飲好特別，整到好似一幅藝術畫作咁，忍唔住試左🤭原來佢哋係用水墨畫做主題，唔怪得知咁有藝術feel,我試左招牌麻薯芝麻烏龍茶鮮奶，係我第一次飲有黑芝麻嘅野飲，感覺好新鮮吖，賣相相當吸睛，真係整到好似水墨畫咁，味道🈶️好香嘅芝麻香味，又有清香嘅烏龍茶味🍵仲有鮮奶，配合埋一齊成個感覺好特別😋🈶️麻薯波波，口感豐富，重點唔會太甜👍🏻朋友就試咗紫薯鐵觀音沙冰，另外我地又試左兩款蛋糕，日式奶茶蛋糕🍰同日向夏橙芝士蛋糕，奶茶蛋糕有好香嘅奶茶🧋味，鬆鬆軟軟而且🈶️幾層夾層😋芝士蛋糕個🍊味好濃郁，橙同芝士味好夾😋兩款都好食，果然冇試錯🙌🏻推介🤜🏻🤛🏻

喺尖沙咀The ONE一講起水墨風格茶飲店，一定就係佢！茶墨💛就連杜生都有介紹過佢哋嘅飲品，非常有特色同埋自己嘅style，我叫咗一杯佢哋嘅招牌麻薯芝麻烏龍鮮奶茶，即使現時有很多虎紋等圖案畫喺杯邊，我覺得都唔夠呢一杯水墨風靚😳飲品就好似更流質狀嘅芝麻糊湯圓🤣芝麻味道非常突出，而且飲多兩啖真係會覺得飽肚嘅感覺，入面啲白雪雪qq麻薯同黑色嘅芝麻好大對比，亦都好好咬同增強口感。當然唔少得要叫埋佢哋以乳酪味行先嘅gelato雪糕，口味約有7款，我就食左桃味，7成乳酪味3成桃味，食落唔甜膩又冇罪惡感🙌🏻

在炎熱的2021年夏季，機緣下認識了"茶墨"因平時飲開電解水嘅習慣，甚少在外飲其他飲料，今日竟然被"茶墨"概念-「杯中茶 心中墨」所吸引，打破常規去品嚐他們對杯中茶的那份詩意。🎐蜂蜜醇香紅茶 $32蜂蜜嘅清甜×紅茶嘅香醇，簡單配合，卻是天衣無縫，解喝之選。乾檸柚子茶蜜 $36由三種天然成份蜂蜜、柚子、檸檬組合而成，入口味道清甜怡人，令這熱到離譜嘅炎夏，加添一份心礦神怡既心情。欣賞"茶墨"概念之餘，"茶墨"職員的用心工作態度尤其使我心刻，殷勤有禮，細心聆聽顧客所需，不但有複述order, 而且還會貼心提示享用需知，值得再去支持幫襯呢。

一開始俾間店名吸引左-- 好有藝術氣息既名.呢次係我第2次幫襯,  幫襯得第2次, 覺得飲品味道唔差.幾款招牌飲品走水墨風, 飲品都可以帶嚟視覺享受.店面環境, 店鋪內有幾張檯, 有企位及坐位.飲品選擇多, 另有甜品同雪糕供應.今日點呢幾款.:左起:麻糬 芋泥茉莉鮮奶綠(熱)麻糬 芝麻烏龍鮮奶茶 (冷)焦糖芝士 玫瑰茉莉花茶 (冷)3款飲品味道都可以.前2款有麻糬,麻糬煙韌有咬口. 嚟到尖沙咀可以一試.

今次係為咗佢嘅嘢飲專誠嚟打卡麻糬芝麻烏龍鮮奶茶 $39少甜少冰>>第一次飲有黑芝麻嘅台式飲品，感覺好新鮮，而且賣相相當吸睛，整到好似水墨畫咁，味道濃濃嘅芝麻香味配淳厚嘅鮮奶，好似飲緊芝麻糊咁😋配埋麻薯一齊成個口感好有層次，少甜左甜度啱啱好紫薯鐵觀音沙冰 $39少甜>>食落咬到一粒粒嘅紫薯，配埋鐵觀音既茶香，呢個配搭出奇地夾日向夏橙芝士蛋糕 $28清新嘅橙味，酸酸地配芝士蛋糕食落一啲都唔漏，蛋糕細細件食完都唔覺得有罪惡感>>>日式奶茶蛋糕 $28又好香嘅奶茶味，鬆軟嘅海綿蛋糕，甜度啱啱好

見過唔少人係呢間主打水墨風嘅飲品店打卡，呢日路過The One ，就試試佢，呢間藝術品飲料店打卡就正喇，味道係咪一樣咁正呢？【麻糬芝麻烏龍鮮奶茶】$39真係水墨畫一般的藝術飲品，絕對要相機食先啦！📸 我叫左少甜走冰，平時飲呢d 手搖杯一走冰就係常溫，唔多唔少都會影到飲品嘅味道，而呢間飲品店嘅走冰都保持到冰涼感，值得欣賞👍🏻另外，第一次飲芝麻夾奶茶，飲落效果都唔錯，我好怕太甜，叫少甜更加飲到奶茶嘅茶香，又飲到濃濃嘅芝麻味，好喜歡呢個配搭！最正係有麻糬呀，細細粒夠煙韌，絕對值得回頭！😋【日式奶茶蛋糕】（跟飲品加配$28）中意呢到嘅蛋糕細細件，一杯野飲加一件蛋糕，啱啱好係一個下午茶嘅份量，一個人都食得哂！😃 蛋糕夠軟綿濕潤，咬落去散發淡淡茶香，甜甜地，同杯芝麻奶茶都好夾！👍🏻見到佢重有Low-Fat Gelato，下次又試吓先☺️☺️