花椒子 (已結業)

經過雅蘭中心見到呢間新開既特色四川菜比佢餐廳既主題吸引到！餐廳以太空為主題,內裏較暗既燈光下襯托出藍色霓虹燈所帶出一陣時空感.湖南辣椒炒雞配美國肥牛片充滿青辣椒及鮮雞件以原個熱鍋送上放入電磁爐上再炒香.上枱既時間已經聞到陣陣青椒香.雞件入口肉質彈牙而嫩滑,雞肉吸晒青辣椒既辛香感,香辣惹味.食完雞件後仲配多一碟美國肥牛片,用餘下既醬汁加上肥牛再炒香,肥牛香軟索晒炒雞既精華.飄香酸菜鱸魚片鱸魚片香滑肉嫩,魚肉嫩得黎肉質唔會過分鬆散,保持結實.酸菜魚湯呈金黃色,湯底香而不膩,酸菜香味夠香.底下配上粉絲,口感彈牙又吸晒酸菜魚湯既鮮味.自家制竹庶茅根水竹庶清甜解渴之餘又消暑,食完熱辣辣既炒雞後飲返啖即刻降溫.青檸芒果手搖茶酸酸甜甜消滯解膩,茶底都夠香.太空彩虹木桶冰見到真係超級驚喜！超級豐富,足2個人share有餘.4條冰震雪條加上紅頭同2樣朱古力雪糕,食完咁多辣野後食到熱辣辣食返呢款咁冰凍既甜品真係好滿足又降溫.

中午係旺角行完街，見到雅蘭中心開左間新餐廳，而本人又食得辣，入左黎試吓！湖南辣椒炒雞配肥牛片$198+$68: 睇個樣以為好辣，因為落左好多青椒🫑但食落去原來無想像中咁辣，只係好輕微嘅辣，如果嫌唔夠辣，可以落辣椒粉增加辣度！而雞嘅份量都好多，亦用左雞髀肉黎烹調，所以食落去真係好嫩滑，另外仲加配左肥牛片，牛肉吸收晒辣椒嘅精華，的確比之前辣左啲！酸菜鱸魚片（細）$138: 呢個望落去以為無咁辣，估唔到食落去都好辣下，而且有麻香感覺，所以食落去個嘴好痺！食唔到麻辣嘅朋友呢碟未必適合啦！而鱸魚亦都非常滑溜，另外仲有啲萵荀+粉絲做配料～份量岩岩好！牛油果鮮奶$34: 第一次飲呢個配搭，估唔到出奇地好飲！成杯野都好creamy，又唔會覺得太甜，如果牛油果嘅份量仲多啲就好啦，會更加濃郁！青檸芒果手搖茶$34: 好香青檸味，而芒果亦都blend過，所以飲落去比較”潔”身，甜度亦都岩岩好！太空彩虹木桶冰$88: 份量非常多！有4條雪條（2條紅豆+1條椰子+1條朱古力脆皮）、2球雪糕（1個雲尼拿+1個朱古力），兩個人食真係絕對食唔晒呀！起碼要3個人食呢個甜品先得！不過前面食得咁辣，呢個甜品絕對可以解辣！S

今日喺旺角行街路過發現呢一間新開嘅川菜店，佢標榜辣到上太空，於是乎就入去試吓佢嘅辣有幾出色。一入到去裝修都好靚，座位都好多，枱興枱之間超級闊落，坐得好舒服！我哋點咗個飄香酸菜鱸魚片，呢個一上菜已經問到好香嘅酸麻辣嗰種香氣，魚片份量都唔少，佢底下有唔少配料，啲酸菜嘅酸度好岩，配埋啲魚片一齊食岩曬，食得出啲魚肉好新鮮，好爽口！另外我哋重點咗佢哋嘅另一個招牌就係呢一個湖南辣椒炒雞片，仲配咗個美國肥牛片。呢個嘅椒香味更加重，啲雞肉好嫩滑，完全唔係似冰鮮雞，份量都唔少，啲肥牛吸收曬啲椒香醬汁，呢間送飯簡直一流！一般食完呢個仲可以加入湯底，繼續係到打邊爐！我哋都有試佢哋嘅特飲，我哋叫左杯芒果沙冰，好重芒果味，飲到出有啖啖芒果肉，用嚟解辣真係岩曬。另一杯就係呢個青檸菠蘿手搖茶，好香菠蘿味，飲落好清新，茶味都好夠。最後我哋試埋佢哋玫瑰冰粉甜品，呢個就不過不失，飯後解下膩幾岩食！呢度好多打卡點，中意食辣同探店嘅一定要嚟試吓！

以太空作為主題，風格別具特色，店內裝修風格以太空為主，🤩入左去既感覺就好似探索緊新既地區，既科幻又新潮🐔湖南辣椒炒雞 $198係一個另類既雞煲，平時食開係辣汁加洋蔥炒，但今次呢一個係用辣椒再加埋好似青椒嘅椒一齊炒，雞既份量一啲都唔少而且夠晒入味😋，仲有專業既店員幫手炒，真係坐定定就可以食😆。🐮美國肥牛片(100g) $68店員介紹可以放入雞煲入面煮，個感覺有啲似壽喜燒中式版🤔，不過濃縮左嘅醬汁再用嚟煮肥牛真係非常入味😋，不過如果食得淡味嘅朋友，可能就會覺得太鹹。🐟飄香酸菜鱸魚片 細 $138雖然係叫咗細份，但魚肉同埋配菜都好足料👍，兩個人夠晒食，魚肉鮮嫩，但係有少少幼骨，可能因為係鱸魚既關係。青檸菠蘿手搖茶 $34菠蘿梳打冰 $34兩杯茶都有一個特點「清爽」，食辣嘢配一杯清爽嘅飲品，係夏天嘅感覺😍。

由地面走到地庫感覺好神奇，雖然你係往下走，但就有種「Ah Ha我要飛上天上」既感覺。穿過時光隧道既樓梯，好似走到太空艙，之後黎到用心裝潢設計的太空主題座位區。設計新潮帶玩味，播既麵係英文流行歌曲，一d都唔老土，可能老闆就係一個太空發燒友！佢既午市套餐選擇好多十，價錢麵好相宜。不過我地想試下佢其他招牌菜，因為學佢話辣得起先夠招積。我哋兩個人叫咗兩個主菜、一個甜品同兩杯飲品。 湖南辣椒炒雞+飄香酸菜鱸魚片呢個炒辣雞即係好似雞煲咁；熱著烘著炒著嚟食嘅。雖然上枱好似好大份，爆滿左d椒同埋雞件。但係經過爆炒之後，雞嘅油份逼左出嚟，d椒亦都吸收左呢啲油同精華，就會縮細，食起嚟特別香。而且佢嘅椒係仲有幾種，有青椒同埋較特別嘅螺絲椒。呢個都啱唔係食得咁辣嘅朋友食，因為只係微辣反而香同埋惹味係較重。好欣賞佢個酸菜魚！湯底已經非常之好飲，用咗豬骨、魚骨同埋多種配料熬製而成。要食嘅時候再加入酸菜、金菇、萵筍、辣椒同埋鱸魚片去煮。鱸魚片完全冇骨、又唔腥，仲要好滑溜。我哋最後係將成個湯飲晒！食辣嘢就梗係要飲啲凍冰冰嘅嘢去解辣。叫咗呢一杯青檸菠蘿手搖茶，飲落清新微甜，仲有陣陣嘅菠蘿香。士多啤梨沙冰就好似雪條咁！仲

今日去開雅蘭經過見到「花椒子」新開 入面嘅裝修係用太空做主題 好多霓虹燈好modern朋友提議不如試嚇 入咗去要行一條時光隧道落到地庫 好岩打卡😝😝😝飄香酸菜鱸魚片 $138酸菜湯底用紅椒青辣椒胡椒整成 魚片夠滑完全冇骨 湯好味可撈飯 仲有吸湯汁既金菇同粉 正😆😆😆湖南辣椒炒雞 $198 (美國肥牛片 +$68)落左好多青椒蒜頭 炒得好香 雞肉嫩滑彈牙 食一陣食曬之後再落湯底 再放後加嘅美國肥牛片😍😍😍牛油果鮮奶 $34叫咗一杯牛油果鮮奶 因為朋友唔係好食得辣 飲得出好濃 鮮奶香滑 超級清新🥰🥰🥰青檸菠蘿手搖茶 $34係新鮮青檸菠蘿打成 唔會太甜 食辣野飲一流😃😃😃太空彩虹木桶冰 $88食完辣到上太空 所以臨尾叫咗太空彩虹木桶冰😎😎😎

今舖真係食完辣到上太空🥵🥵🥵臨尾一碗冰粉帶我返地球🌍🤣👍🏻平時去開雅蘭都係食牛角，今日經過嘅時候見到新開一間「花椒子」，朋友就提議不如轉下口味試吓啦～出面勁大雨所以我諗都冇諗就入咗去🙌🏻入面嘅裝修好前衛，全部都係同太空有關嘅裝修，我哋要行一條時光隧道，落到地庫先到餐廳🍴燈光比較暗，因為有好多霓虹燈既裝飾，仲有太空人嘅擺設😎勁多打卡位😍招牌有好多選擇：top1 係花椒魚頭鍋 top2 係酸菜魚 top3 係辣椒炒雞🔥 咁我哋梗係試佢最出名嘅招牌魚頭鍋😆 個魚頭有我隻手掌咁大😳超級多辣椒🌶️仲有寬粉、豆芽、蓮藕，辣得好過癮🥵🥵🥵越食越要上太空💥💥食到一半仲追加左一隻美蛙🐸即係肥美田雞🤣🤣上菜嘅時候仲要用個寶箱裝住佢，好有儀式感😆主菜我哋揀咗辣子雞丁三寶👍🏻👍🏻超級香口超級脆，有雞軟骨、雞丁、雞皮，我覺得係必食😋😋份量都好多💯因為其實我地唔係好食得辣，所以叫咗一杯牛油果鮮奶，和士多啤梨🍓沙冰，超大杯，飲得出係新鮮水果打成😎👍🏻唔會死甜，幾好^_^朋友仲叫咗佢最鍾意嘅紅糖糍粑😆😆煙煙銀銀好好味😋配有黃糖，非常惹味！食到最後仲叫咗個玫瑰冰粉🌹🌹超級解辣，清新口腔我鍾意❤️走嘅時候發現原來佢哋仲有包廂

#fafafoodblog旺角 #fafafoodblog四川菜 🍴牛油果鮮奶🥑🥛34 蚊牛油果好濃 落足料 奶夠香滑🍴芒果沙冰🥭🧊34 蚊飲落去用好多芒果 完全係芒果既甜味 食辣野飲一流 🍴飄香酸菜鱸魚片 🌶️細138 蚊紅椒青辣椒胡椒 整成既酸菜湯底 酸辣得黎唔嗆 湯好味可飲 魚片夠滑冇骨 🐟仲有爽滑既金菇同粉絲 盡吸湯汁 正 🍴湖南辣椒炒雞 198 蚊 配西班牙黑毛豬🐷🐤68 蚊湖南辣椒 應該有兩種青椒 寧舍辣 d但好若味 加埋紅辣椒 蒜頭 一齊炒好香 雞肉足料彈牙 首先炒一陣 食一陣再放後加既靚豚肉 黑毛豬肉彈牙肉味香 盡吸辣汁 仲有爽口既白木耳點綴 正: 🍴太空彩虹木桶冰 88 蚊🧊用桶放住外表幾靚 牛奶雪條同紅豆雪條插住 仲有朱古力同雲尼拿雪糕 🍨 刨冰下面有好多爽口涼粉 夏天食透心涼🤣🧊#刨冰 #沙冰 #川菜 #芒果 #酸菜魚 #炒雞肉 #魚片 #牛油果 #鮮奶 Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻

肥腸香鍋 咸到咩味都食唔到 啲肥腸拉油拉到乾哂好硬 酸菜鱸魚片 個湯無味但啲蘿蔔仲酸十粒酸糖加埋 鱸魚好腥 好多骨 而且片到啲魚太薄 未夾到已經散哂 土豆絲 食落咩味都無 每人收茶水錢再加一 食到一肚火

唔明白點解淨係得我要收茶位費，係咪選擇性收費？而家睇翻其他食評相係冇呢樣野，而且啲野食又貴分量又少，職員係咁同你講食完可以加個肥牛乜乜，唔怪得份雞煲咁少，兩人三餸食完都未飽，買單承惠4××，啲湖南小炒肉根本就係回鍋肉，貨不對板，食過咁多間川菜第一次感到失望，不推介呢間，冇下次！！！

朋友話佢個friend食過話好味！所以狂叫我去試。過日本身已經好肚餓於是3個人衝入去、叫野食！「災難級服務」員工發夢唔知自己做緊乜！當日本身客人唔係好多、我估計5-6成、但係漏單同埋上菜嘅速度真係令人咋舌、叫一碟手切牛小排（$328）可以等半粒鐘、叫一支竹蔗茅根水（$68）等20分鐘、其實全部都係唔使煮㗎、點解要咁耐呢！「災難級味道」當日叫咗花椒魚頭美蛙鋦（$268）、魚頭比較腥、美蛙得4舊、其中兩舊係身、咁你估到有幾多嘢食啦！另外湘味串串（$108）完全是災難級的登峰造極境界、完全冇味、食材亦10分敷衍、佢話係有鮑魚、但係粒鮑魚係細過一毫子！「災難級挑戰」如果你認真要挑戰自己的忍耐能力、或者你想找尋另一間伏王之王、呢度會係你不錯嘅選擇！

呢度所有野食，最正常就是辣子雞，魚片，淡面無味，得個咸字，個泡淑鳳爪，辣都不辣，個鴨血更加每人夾左一舊，再無旭過，有陣怪怪地既腥味，衰過平時去士多買個d即食麻辣鴨血⋯總之 佢唔係一間食辣既店，只係一間難食既普通張菜餐廳

嗌咗個水煮牛肉，個牛勁難食，唔香又冇味，得個辣字個小龍蝦同超市賣$50一盒嗰隻一樣 得個牛蛙無功無過 總之唔推薦，冇下次啦難食啦總之啲員工又搞笑，咁多員工都冇嘢做咁

去旺角行街經過見到有辣野就試吓都算有驚喜呢個辣子雞三寶超級香口🤣三寶係雞軟骨雞皮同埋雞肉啲雞皮真係好出色！脆卜卜又幾入味不過美中不足嘅地方係叫之前服務員同我哋講會好辣點不知食落其實都好普通一啲都唔辣 但係味道就幾過癮嘅🤣兩個人食另外仲嗌多咗一個水煮魚水煮都唔辣 （可能因為我哋本身都食得辣入面有萵筍薯粉同埋芽菜魚嘅份量都好多如果冇記錯好似係$68都算幾抵食但係如果可以再辣啲就好啦唔係太麻同辣總括嚟講如果想食下啲特別啲嘅餸菜呢個都係一個唔錯嘅選擇但係如果係真係想食辣野嘅話呢間又唔算話好辣不過係煮得唔錯嘅味道都足夠 分量都好足佢嘅調味都應該適合啲食到少少辣嘅人士但我如果下次再去可能都考慮叫佢加辣😂同埋有一個加分為係佢嘅裝修入面好似係用太空館做主題一行到落去好似去咗外太空咁😂😂😂令人嘆為觀止嘅裝修🤣

第一次黎食野，服務差到呢……埋左位都冇人識上茶水（可能係刻意營銷手法），我以為冇茶水提供，所以先叫野飲，後來發現每枱客都有壺水係我個枱冇，後來出聲問先拎黎。嬲爆，冇下次