花椒子 (已結業)

店铺好乾淨，裝修是太空風格，配合燈光音樂好新潮。酸菜魚是主打菜式，點了份「飄香酸菜鱸魚片」，辣味正好，一盤的份量正好夠兩人吃。酸菜魚非常嫩滑，味道與湯頭完美融合。魚片冇刺，五會太厚，魚片融合佐香濃花椒和酸菜同泡椒味，很美味。吃魚前可以先食一啖湯，超開胃。朋友好鍾意食辣，所以仲點佐份「湖南辣椒炒雞」。店裡的哥哥仔幫忙先起鍋，將青椒片同雞肉炒香。青椒片掏空了辣椒籽，又清脆又辣，好過癮。雞肉非常嫩，炒完帶佐青椒片的香味，味道好正。食得差不多加了份肥牛卷落鍋，牛肉好香！有陣淡淡的奶味。作為牛油果發燒友，點了兩杯牛油果鮮奶，淡淡的綠色，味道清新解膩！最後以一份超大份量的雪糕甜品作為結尾，甜品有四條雪條兩個雪毬。雪條有四種味道，最好味的是奧利奧口味，最獨特的是生薑口味，獵奇者可以試試，仲有紅豆味同牛奶味。雪毬都幾香滑。甜品的紅豆咬落又甜又綿密，配合甜品最下層的黑涼粉，好幸福！

中秋節假去咗太空賞月😆。因為去咗花椒子食嘢，嗰環境佈置全部係關於太空，靚到忍唔住瘋狂影相😍。午市有套餐，主食+小食+白飯。QR code落單。因為12點就去食，人少等一陣就有得食。酸菜鱸魚片，$68鱸魚片滑嫩大片。配料有酸菜、粉絲、萵荀、金菇樣樣有啲，酸酸地好開胃。肥腸香鍋，$72有個小火溫熱住唔會凍曬。香口惹味，肥腸有咬口，越食越香口。蓮藕好入味。小食：泡淑白木耳。辣，爽口。第一次食白木耳，幾特別。小食：涼拌蓮藕，小辣，大大塊都爽口。草莓沙冰，加$10。勁冰凍，食住辣嘢飲一流。牛油果鮮奶，加$10。有特色，但牛油果比重可以再濃再多啲。地方好大坐得舒服，環境滿分。食物都唔差，份量唔會好多，一個餐啱啱好夠一個人食。

作為中意食麻辣菜既我，經朋友介紹黎旺角呢間花椒子試一試佢既菜式。餐廳用左太空做主題，入口有隻好大既太空人，十分易認！餐廳環境好cyber, 入面竟然食川菜，又幾特別～運餐牌都一樣好cyber,haha二個人食晚飯，試左酸菜魚，好大盆，都幾抵食！鱸魚好大塊，份量又多，魚肉質鮮美又滑嫩，正！下面既粉絲吸晒汁，好好味湖南辣椒炒雞：炒得夠獲氣，然後再用砂鍋上，保持住佢既熱力，值得一讚。加埋肥牛落去一樣甘惹味！最後一定要推介下佢既太空彩虹木桶冰！擺上台嘩左出聲，超級大桶，二個人差啲食唔晒！

食物質素ok,但唔明收費加咗一，都沒有水提供，服務員話有支裝水叫，咁樣迫個客人叫飲品我下次都不會幫襯，在客人角度，覺得這間店很 計較，在旺角區，我出門口已經有得賣啦！

揉合傳統辛辣美食，加太空科幻霓虹燈佈置，營造咗 “花椒子” 主題：辣到上太空。飄香酸菜鱸魚片一定係必選，微辣帶出魚嘅鮮味，大量酸菜提升酸甜味，令本身新鮮嫩滑嘅鱸魚味道，互相融合，正正是酸菜魚嘅精髓了。另一道主菜辣子雞丁三寶亦不容忽視，千祈不要被紅噹噹嘅辣椒嚇怕，因為雞肉醃得入味，炸得酥香，保留住雞嘅鮮嫩，入口爽脆，雞皮入口似炸魚皮感覺，配埋腰果，怕辣嘅朋友都食得好過瘾，佐酒一流。當然要嚟杯冰涷飲品解辣、解膩及消暑，芒果沙冰大大杯，上面舖咗芒果蓉，飲落即有濃香甜蜜芒果味，果然沙冰特別透心涼。洛神酸梅冰亦不乏捧場客，好多人鍾意酸酸甜甜味道，勁清涼又有消滯效果，夏天最啱。最後一定要預留quota食甜品，原因係太空彩虹木桶冰嘅份量唔細，有四支雪條、兩個雪糕球，再加紅豆及涼粉，造型先聲奪人，打卡一流，絕對不能錯過，成就咗美好的晚餐。餐廳招呼唔錯，可以帶一大班朋友嚟試下

作為酸菜魚嘅愛好者，聽講呢間花椒子都有酸菜魚食，仲話辣到上太空咁搞笑😂緊係要試下啦！花椒子位於雅蘭中心，地點非常方便，所以同朋友放lunch過黎食。一入到餐廳，覺得呢度嘅裝修同我想像中食中式嘢嘅餐廳完全唔同。餐廳比我嘅感覺非常新潮，唔同顏色嘅霓虹燈整左d搞笑字句同埋圖案。我揀左酸菜鱸魚片配白飯，朋友唔食得辣就揀左川香雞丁炒飯。再加左兩杯飲品，草莓沙冰同埋牛油果鮮奶。酸菜魚好滑好嫩！真係值得一試🥰完全冇腥味冇骨！而且一份都幾多魚，除左魚同酸菜，仲有粉絲、萵筍等等。佢嘅湯汁用黎撈飯真係好正😍咁熱嘅天氣食番d酸酸辣辣嘅野好開胃☺️ 雞丁炒飯好有鑊氣，炒到粒粒分明同乾身。份量超多😂入面d雞肉都好嫩滑。配埋兩杯咁fresh嘅水果特飲真係好夾，好清爽。草莓沙冰唔似假味藥水味架！

茗茶/茶水(每位) $24湖南辣椒炒雞 $198炒雞好辣 果然係辣到上太空🤣🤣🤣 但辣得黎又好鬼刺激 雞肉肉質鮮嫩 冇雪味 加埋青椒 洋蔥 辣椒一齊炒 好惹味🤩🤩🤩美國肥牛片 約100G $68食完炒雞就可以落湯變打邊爐 我地叫左肥牛片 索左啲湯汁之後好正😍😍😍飄香酸菜魚片(細) $138雖然叫左細份 但份量都幾多 酸菜好好食 好開胃 魚片肉厚 咬落嫩滑 好食到飲左幾啖個湯😆😆😆太空彩虹木桶冰 $88好特別嘅甜品 真係超大桶 入有紅豆雪條 朱古力脆皮雪條 雪呢拿雪條 最底係刨冰同涼粉 食完辣野食涼透心 必點👍🏻👍🏻👍🏻青檸芒果手搖茶 少冰 $34青檸嘅酸加埋落果嘅甜好夾 酸酸甜甜好消滯😁😁😁草莓沙冰 $34草莓味香 沙冰好解辣☺️☺️☺️

今晚同鍾意食辣野嘅朋友去試一間新餐廳，喺旺角站附近好方便，餐廳嘅裝修夠晒特別，以太空做主題，周圍都有屏幕顯示係太空漫步嘅感覺餐枱嘅距離夠晒闊落，可以坐得舒服咁同朋友傾偈餐廳以食辣野為主，揀咗個湖南辣椒炒雞，夠晒惹味，辣椒嘅外表亦特別，有少少皺皮，配上炒雞嘅味道一流，原來仲可以加其他配料例如肥牛，辣度適中，食完胃口大增另外仲揀咗個花椒魚頭鍋，呢種辣係慢慢滲出來，魚頭肉質鮮嫩，花椒味道突出，加上蓮藕、萵筍、紅薯粉、芽菜等配料，鍾意食辣野嘅朋友唔好錯過，呢種辣又係另一種感覺，可以一邊飲嘢一邊解辣飲品揀咗草莓沙冰，賣相唔錯，草莓味濃，夏天飲透心涼，係食辣野嘅一流夥伴自己就揀咗芒果梳打冰，芒果味鮮甜，配合梳打水係夏天解暑之選，整體唔會太甜，飲落好舒服最後叫咗個玫瑰冰粉，其實類似食涼粉，加上提子乾、黃糖等提升甜度，為成個晚餐提升滿足感員工嘅態度唔錯，相信餐廳會成為打卡嘅新地方

我同朋友都好鍾意食川菜，見到呢間川菜好似係旺角新開就諗住嚟食下。好搞笑地餐廳嘅裝修有啲科幻嘅感覺，用咗螢光藍色嘅光管，營造一個太空嘅感覺。喺眾多選擇入邊，我哋揀咗酸菜魚同埋辣椒炒雞。飄香酸菜鱸魚片($138)作為酸菜魚愛好者，點都一定要食下。價錢嚟講都算幾平。我地點咗bb辣，辣度可以接受，好適合唔食得辣嘅人。入面另外配有粉絲，佢吸收哂個湯嘅酸辣味，好易送飯。酸菜嘅份量都多。鱸魚嫩滑，份量都多。湖南辣椒炒雞 ($198)店員先幫我哋輕輕炒咗一炒，個椒香味好出。入邊好似仲有啲薄嘅花枝片加上佢會送埋一碟生肉片，我哋就揀咗美國肥牛。喺食個雞煲食到一半嘅時候落埋落鑊，個肥牛就好吸收到雞煲嘅惹味。食到最後再口痕嗌咗個甜品玫瑰冰粉 ($38)喺食辣嘢嘅時候食到啲透心涼嘅甜品真係好爽，佢唔算太甜，口味適中。同朋友各自叫咗個芒果沙冰同埋草莓沙冰 ($34 each), 原本以為會好稀，但比想像中好飲，沙冰完全係足料，啲冰唔會好淡味，士多啤梨同埋芒果嘅甜香味都好出。

同男朋友去朗豪坊睇戲睇完戲搵嘢食男朋友想食辣嘢佢話好掛住去大陸食嘅川菜 上網搵吓邊度有先川菜食見到喺附近有一間行過去睇吓門面好太空裝修見餐牌都ok 又有位就試下啦位置係雅蘭中心向尖沙咀方向側邊條街店舖要落樓梯去地庫所以地址寫地庫去廁所時先發現好大另一面幾間房主菜👉🏻花椒魚頭鍋 有一個大魚頭份量湯底好香花椒味可追加美蛙(田雞)小菜👉🏻辣子雞丁三寶(雞軟骨+雞丁+雞皮+腰果）送酒一流我地叫咗個飯嚟送飲品👉🏻牛油果鮮奶好少有呢種飲品可以中和反個胃飲品👉🏻青檸菠蘿手搖茶可以少甜少冰見到有呢個甜品真係幾開心架真係"嘩嘩聲"🤣👉🏻太空彩虹木桶冰係用雪條雪糕涼粉配合涼粉係桶底食滿$300 可以太空尋寶🤣牆上寫🤣

今日去到朗豪坊附近見到有個裝修好靚嘅川菜店，這個設計非常之科幻太空感，而且店員都好有禮貌就決定入去試下！我哋午市叫咗兩個套餐，一個水煮牛肉，一個老壇酸菜魚！包飲品就揀咗青檸菠蘿手搖茶，同埋牛油果鮮奶！水煮牛肉嘅辣非常之惹味，入邊有薯粉，青瓜同好多芽菜！牛肉嘅質地係滑牛，滑溜溜口感非常之好，配埋白飯真係好開胃！酸菜魚，就係配粉絲，同埋有啲腐皮，相對比較酸，一啲都唔辣！魚肉嘅質地好滑無骨！牛油果鮮奶唔會中伏🤣🤣牛油果咪唔會好淡，奶都唔會好出，岩岩好😆而菠蘿手搖查我就大力推介，因為吾會死甜，好香既菠蘿味😆😆呢度嘅環境亦都坐得非常之舒服同開闊，約埋一大班朋友嚟食就啱啱好！見到仲有好多包房，咁啱今次得兩個人所以未試到

經過山東街都會比呢間位於雅蘭中心嘅「花椒子」吸引到眼球👀 佢門口嘅彩虹色🌈霓虹燈設計再加上望入去只係見到條神秘嘅通道📭落地庫先到達餐廳，更加令人暇想🤔一去到就落兩條嘅樓梯，但呢兩條樓梯一啲都唔覺得長，因為佢嘅設計非常豐富，唔單止有好多鏡🪞，太空人嘅公仔👩🏻‍🚀再配埋科幻嘅燈光就好似通過緊條時光隧道🧬去緊另一個太空咁😆 🐔湖南辣椒炒雞 $198（追加🐖西班牙黑毛豬片一份 $68）呢個好似乾鍋青椒炒辣雞咁，不過全程都係開住個爐一邊燒住，雞肉好夠滑，亦都好夠入味，完全係唔洗點任何醬料都好香，有啲奇味雞煲🥘嘅味道加上少少辣辣地，好惹味，雞肉份量亦好足，隨鍋仲送上碟辣椒粉，岩晒覺得唔夠辣嘅朋友按自己需加炒落去，青椒亦比好多同好爽口，食到一半叫咗罐青島🍺倒落個鍋到燒，係呢到介紹嘅其中一個食法，等啲雞同青椒吸晒啲精華同埋酒精揮法晒就可以食，即時有另一番風味🤩 似啤酒雞翼嘅味道🤭呢個時間就落埋追加嘅黑毛豬片，食完乾鍋再食火鍋咁😌🐟飄香酸菜鱸魚片（細）$138完全估唔到細size 已經咁多魚片，仲要塊塊都好厚身好大塊😋，夠晒兩人份量有餘，鱸魚片勁滑,不過有少少大條嘅魚骨，湯底好夠酸, 辣到都幾足🌶 仲有

喺旺角經過見到雅蘭中心新開左間川菜，喺太興隔離。太耐冇返大陸食川菜，嚟呢間餐廳重拾返感覺。呢間餐廳裝修幾有玩味，cyber感好重😂。餐廳寬敞，坐得舒服。湖南辣椒炒雞（$198），一上枱已經食得，不過會用爐再熱住。尖椒同雞件份量平均，肉唔會好少，味道對我黎講唔辣，未到辣到上太空😂，雞件入味唔老，尖椒食到甜味，整體來講夠惹味。追加左一份西班牙黑毛豬（$68），啲醬汁加埋豬肉嘅油脂好食😋。聽waiter講食到咁上下仲可以加湯變做雞煲👏🏻👏🏻飄香酸菜鱸魚片（$138），味道係普通酸菜魚，夠酸但唔會好辣，魚片幾大片，肉質嫩滑。湯底下有粉絲，雖然食落唔奇怪，但如果係薯粉會更夾。左邊係青檸芒果手搖茶（$34），右邊係芒果沙冰。前者有點太甜，唔係好飲到青檸味；後者芒果味出，夏天飲正，比較推介芒果沙冰多啲。太空彩虹木桶冰（$88），個名聽落好勁，但係味道係現成嘅雪糕、雪條、紅豆粒、涼粉等等砌成。都幾大份，3-4人食都夠，幾抵食嘅甜品，打卡啱晒。

花椒子位於雅蘭中心，不過入口就喺山東街。入門口就見到一大座火山。入面嘅裝修有太空感覺，因為佢哋嘅口號係辣到上太空。午市套餐價錢唔貴，最平$58有交易。我哋揀咗無骨口水雞配白飯。口水雞味道偏辣，下面仲配有一整層青瓜，可以中和返辣味。店員好細心遞上骨碟，示意「無骨口水雞」有啲部位係連骨，原來係每一件雞都係連骨，骨碟完全發揮到作用。牛肉香鍋都係配白飯。入面仲有蓮藕片同萵筍片，味道唔錯。特別要讚吓佢哋嘅白飯，份量非常多，食晒主菜都仲有白飯剩。牛油果鮮奶完全符合商品說明條例，係100%牛油果加鮮奶。青檸菠蘿手搖茶就夠晒甜，上面起晒泡，絕對睇得出係正宗手搖茶。

🚀🌶【 花椒子 】🌶🪐⋄ —————⧫♟⧫————— ⋄餐廳嘅裝潢非常型格，簡直係至潮玩味打卡新熱點💫太空人、飛碟、星球...👩🏻‍🚀時尚太空元素加上霓虹燈🚦充滿科技感、未來感🤩⋄┄ ┄ ┄ ┄ ❖ ┄ ┄ ┄ ┄ ⋄🐟花椒魚頭鍋🌶（$268）🐸追加美蛙一份（$38/隻≈150g）「花椒魚頭鍋」選用新鮮大魚頭，湯底以多種辣椒、香料調味，非常香辣！入面仲有紅薯粉條、蓮藕片等配料，好豐富。追加美蛙都係$38/隻，餐廳勁有心思，以特別訂製嘅「太空艙」裝住美蛙壓軸登場，勁適合鍾意打卡嘅我！🐠飄香酸菜鱸魚片(細)（$138）酸菜魚勁醒胃，酸酸辣辣。每塊鱸魚片亦沾滿湯汁，口感嫩滑細緻。🌈太空彩虹木桶冰🍧（$88）勁澎湃嘅甜品！有兩球雪糕、四枝雪條，底下仲有紅豆同埋涼粉，超飽😂😂😂🥭芒果沙冰($34)🍓草莓沙冰($34)⋄┄ ┄ ┄ ┄ ❖ ┄ ┄ ┄ ┄ ⋄📍地址：旺角彌敦道639號雅蘭中心地庫B102號⋄⋄