花椒子 (已結業)

以太空作為主題，風格別具特色，店內裝修風格以太空為主，🤩入左去既感覺就好似探索緊新既地區，既科幻又新潮🐔湖南辣椒炒雞 $198係一個另類既雞煲，平時食開係辣汁加洋蔥炒，但今次呢一個係用辣椒再加埋好似青椒嘅椒一齊炒，雞既份量一啲都唔少而且夠晒入味😋，仲有專業既店員幫手炒，真係坐定定就可以食😆。🐮美國肥牛片(100g) $68店員介紹可以放入雞煲入面煮，個感覺有啲似壽喜燒中式版🤔，不過濃縮左嘅醬汁再用嚟煮肥牛真係非常入味😋，不過如果食得淡味嘅朋友，可能就會覺得太鹹。🐟飄香酸菜鱸魚片 細 $138雖然係叫咗細份，但魚肉同埋配菜都好足料👍，兩個人夠晒食，魚肉鮮嫩，但係有少少幼骨，可能因為係鱸魚既關係。青檸菠蘿手搖茶 $34菠蘿梳打冰 $34兩杯茶都有一個特點「清爽」，食辣嘢配一杯清爽嘅飲品，係夏天嘅感覺😍。