花椒子 (已結業)

成日覺得旺角D餐廳, 一係就好細間好迫, 一係就唔好食, 要又舒服又好食就一定好貴, 今日食完呢個餐廳, 發現我錯了, 原來旺角都有平ge好西食。餐廳喺雅蘭中心地庫. 落緊去已經覺得自己遠離左又多人又迫ge 環境,餐廳用咗好多成本去裝修，有好靚嘅太空環境，叫嘢食嘅時候，店員都好熱心為我哋介紹有啲咩拿手小菜。————————————-牛肉香鍋配白飯牛肉軟硬適中，充滿牛味，而且份量不少，辣度又啱啱好，配埋白飯簡直好好味。—————————————酸菜鱸魚片配白飯酸菜魚無骨，酸菜湯嘅未入晒落魚肉，加上分量適中，係一個唔錯嘅選擇。飲品方面，芒果沙冰仲有水果茶都好大杯，好抵飲，買單時候一人$100都唔使，喺旺角區有呢啲寧靜嘅環境同朋友食下飯都唔錯。

朋友推介吃川菜，去了旺角彌敦道639號雅蘭中心地庫B102號~花椒子，港鐵旺角站E1出口，步行約3至5分鐘，交通十分方便是約朋友聚餐最好的地點。入口已經覺得極時尚太空的裝潢，五光十色吸睛的幻彩霓虹光管，令食客不能抗拒至潮打卡美食的好去處。店內環境整齊清潔，座位之間距離寬敞，有獨立房間，供客人選用。服務員禮貌推介佳餚，令客人稱心滿意。鎮店菜餚繁多，盡顯正宗四川麻辣風味的特式，如川辣火鍋系列、山城水煮系列、巴蜀香鍋系列、惹味家常小炒及霧都主菜等。玫瑰花茶每位$12淡淡清香玫瑰花茶香，清清口腔味蕾，提升胃口，舒服又醒神。湖南辣椒炒雞$198加追美國肥牛片$68香氣四溢熱鍋上枱，色香味俱全，鍋內熱炒，雞肉表皮炒至微焦，雞肉嫩滑多汁，調味恰好，還有大量青椒伴炒，待雞油廹出加肥牛爆炒，更覺辣味惹味。隨鍋配加辣椒紅粉，增加味蕾刺激感。飄香酸菜鱸魚片(細)$138鱸魚片份量頗多，有酸菜、萵荀、金菇、粉絲、白木耳、紅辣椒、菊花片，鱸魚肉片很嫩滑，吸入酸菜湯汁又好味又惹味。牛油果鮮奶$34, 芒果沙冰$34牛油果鮮奶，奶香牛油果味濃，濃郁度極佳，好飲。芒果沙冰賣相吸引，果肉舖滿杯面，又甜又解渴。太空彩虹木

旺角開左間專食川菜既餐廳，岩曬我同鐘意食辣既朋友。叫左個湖南辣椒炒雞，級數係2個辣椒仔，一黎到既時候，係超級香，辣椒個陣味仲有少少弓鼻。雞件數量都幾多，全部都好入味! 湖南辣椒原來係青青地色，食落一入口個下有少少辣，之後就係後勁既辣，同埋好香，食落好爽口。仲可以追加美國肥牛片，食完一半炒雞之後就可以落肥牛，都仲係好香架。黎到又想食酸菜鱸魚，好在原來佢有得叫細份，就叫左個飄香酸菜鱸魚片，級數係1個辣椒仔，食落唔算好辣。入面有粉絲，萵荀，酸菜同金姑等等。D魚仲好滑，冇骨，食落好方便。野飲叫左青檸芒果手搖茶同波蘿梳打冰，飲落都好Fresh，仲可以解辣。原來呢到都有玫瑰冰粉!! 即刻叫左黎食，上面仲有D話梅粒，酸酸甜甜好好食。

朋友興起想食辣嘢， 就去咗朗豪坊附近這間花椒子原本入去係勁驚，因為成個感覺得好似好辣咁，對於唔係幾食得辣嘢嘅人真係有啲驚仲話辣到上太空今晚都算幾多人要等一陣朋友一坐低就話要叫湖南辣椒炒雞+ 辣子雞三寶湖南辣椒炒雞,還好朋友就我叫咗個小辣食落好香,煮得越來越辣嘅,啱啱開始食就冇咁辣去到尾啲椒淋曬就開始勁辣朋友叫多咗一客肥牛，加埋落去一齊煮感覺都幾有趣因為我自己覺得辣啦，所以就叫咗嘢飲我就牛油果鮮奶，朋友就有芒果沙冰牛油果鮮奶重，牛油果味同奶比例配合， 甜度 啱啱好， 我自己就覺得非常非常好飲之後就黎咗個辣雞三寶， 睇落勁多辣椒，實際唔算好辣，有雞皮、雞軟骨同埋啲腰果， 我覺得係有意外驚喜食咗咁多主食又覺得想要啲碳水化合物，所以就叫咗一個土豆絲最尾係見到隔離枱有一個成盤打卡一樓嘅甜品所以就跟住叫叫太空彩虹木桶冰， 好彩甜品係第二個胃，因為真係好大桶，底入面仲有好多涼粉， 真係一個唔錯嘅甜品食夠300蚊依家仲有得扭蛋抽獎整體嚟講我覺得呢度係一個又有趣又可以食辣嘢嘅好地方

身為川辣(但其實唔太食得辣)愛好者,最近經過雅蘭見到呢間新開冇耐(?)嘅【花椒子】終於嚟咗試！其實真係好想試佢個魚頭肥腸鍋但見到佢嘅Lunch Menu都好似好抵食，決定都係下次先嚟試火鍋！ 【水煮牛肉飯 $68 】唔會太油唔會太辣，但又夠香夠味，牛肉份量都合理入面仲有粉絲。唔錯！【酸菜鱸魚飯  $68 】可能係我近期食過最好食嘅酸菜魚味道有層次，酸咸辣味道係我鐘意嘅比例本人怕太酸，鐘意食酸嘅朋友可能就唔同意了魚嘅份量好夠，仲有薯粉，好正！一定會再嚟食！【口水雞 $68 】非常一般⋯份量少⋯隔離傷心酸辣粉好食好多⋯ 唔會Encore呢樣仲加咗錢叫咗芒果同士多啤梨沙冰 （$38） 係真生果味嘅冰，唔會個啲假味糖漿冰叫得過！

第一次食呢間野，但係就落錯單，叫2個套都錯，仲好似係我錯咁，真係「好」服務🤦🏻‍♀️，員工真係需要好好培訓，打工仔食個lunch 有幾多時間姐，要我拎返去換，換得黎時間仲有時間食？！真心唔會叫第二次，失望到極點

今日嚟到旺角食酸菜魚，呢間餐廳裝修好特別，好似去咗太空咁。午市套餐包嘢飲，有大概10幾款嘅選擇，我同朋友叫咗兩個午餐大家分享。酸菜鱸魚片配白飯 HKD 68 - 這個價錢已經叫到酸菜魚，我覺得性價比好高。賣相十分漂亮，因為係一人份量，所以魚片份量唔會好多，但加上配菜都夠餸飯。味道唔會好辣，魚片略嫌比較鬆散，無彈性。無骨口水雞配白飯 HKD 58 - 口水雞夠嫩，不過雞味唔夠，鹹味多過辣味，個人覺得酸菜魚比較優勝。牛油果鮮奶 餐飲+HKD 13 - 牛油果味道唔係好出。菠蘿梳打冰 餐飲+HKD 13 - 清涼嘅感覺淡淡的菠蘿味。

今日去左花椒子呢間型格餐廳一人lunch。餐廳喺雅蘭中心地庫，裝修用左大量黑色同霓虹燈，非常型格。午市川菜lunch set menu 都幾多花款。我就一眼見到酸菜鱸魚片配白飯，就試下一人酸菜魚！唔食得太辣嘅我飲品揀左杯草莓沙冰，必要時都可以解下辣。酸菜鱸魚片賣相好得，一撈起勁多大大片魚片，酸菜仲有酸蘿蔔，金菇，粉絲同芹菜。而且份量比想像中多。白飯一碗，裝得好滿，幾有飯香，食落粒粒分明，唔會太乾。先食一啖鱸魚片，非常嫰滑，仲有一份鮮味。個人好鐘意食酸菜，份量好多，拎黎撈飯食爽脆又惹味。酸蘿蔔都好脆口，金菇，粉絲夠諗唔難咬，仲非常入味，充滿住酸菜香味。整體酸辣程度啱啱好，唔會偏向其中一邊，而且食落唔覺油，有水準。草莓沙冰解熱又解辣，炎炎夏日飲返啖都即刻透心涼。餐廳環境舒適，服務都好好，最重要係食物質素高。晚飯仲有更多選擇，同一班朋友想食川菜放心試~

辣到上太空？？？行過見到新餐廳諗住試下伏點知真係伏咗可能餐廳個廚唔食得辣😂湖南辣椒雞😀真係得辣椒係辣嘅宮保雞丁係甜嘅先勁我地同d staff講點解係甜嘅 佢話😅宮保雞丁就係甜甜地辣辣地不過最後都有炒過碟俾我地但係又真係估佢唔到bor🤣🤣🤣第二碟都係甜嘅個菜名叫糖醋雞丁會好d土豆絲唔講啦😂我無諗過去一間要食辣嘢嘅餐廳要加辣椒油重點！！！d辣椒油都係唔辣🌝利申：我平時食雞煲食開bb辣ga 咋🌝

💜花椒子💜🟠熟我嘅人就知道我真係好鍾意食川菜,由於冇得北上探(太二）唯有喺香港覓食尋找酸菜魚的影子🤣🟡近期試咗間新嘢😝環境同味道都唔錯，一定要推介無.辣不歡的你們🟤呢間位於旺角雅蘭地下嘅川菜館，川菜選擇亦算多，除咗由最出名嘅酸菜魚外，仲有香鍋、火鍋、家常小炒、串燒、麵飯及甜品🔹🔸🔹🔸🔹🔸🔹🔸🔹🔸🔹飄香酸菜鱸魚片大$198細$138（二人份量）四川菜最出名嘅酸菜魚，呢度嘅酸菜魚係用鱸魚片做的，冇骨嘅鱸魚，肉質又滑又彈鹹香開胃，味重不膩，香味濃郁。酸菜魚加入大量嘅花椒辣椒乾、胡椒粉，淡淡的的麻辣香味，令人食慾大增。🔸🔹🔸🔹🔸🔹🔸🔹🔸🔹🔸山城毛血旺$138重慶特色菜式，無人不知～毛血旺顧名思義好似大雜燴咁🤣食物配料包括有豬紅、午餐肉、牛肚、魷魚、椰菜花🥦⋯⋯不過相比別家的配料相對較少，麻辣燙香味，味道比較濃厚。🔹🔸🔹🔸🔹🔸🔹🔸🔹🔸🔹香蒜萵筍絲$88又是我的至愛💜淡淡的蒜香加上爽口的萵筍，自己也可以吃一碟🔹🔸🔹🔸🔹🔸🔹🔸🔹🔸🔹📍旺角彌敦道639號雅蘭地下B 102

裝修新穎服務漏氣（主要係職員感覺做得好頹）出菜超慢！落左單等左45分鐘先上第一味，一個鐘先上火鍋，再過多15分鐘先上到碟肥牛到重點！ 野食好 難 食！酸菜魚好油又唔酸，魚片表面有層野，口感好差，唔配薯粉或者寬粉，竟然係配粉絲火鍋料好少唔夠，味道超普通，啲肥牛還可以肥腸香鍋唔爽，肥腸冇炸過，好咁油膩又好林第一次覺得忍唔住要打食評（要求200字先可以俾劣評，所以不建議不建議不建議不建議不建議不建議不建議不建議）

不嬲都幾鍾意食辣野，但自己又唔係好食得辣，又要威又要戴頭盔，唯有拉班friend去食辣野。見到呢間川菜都幾fashion，太空科幻設計配川菜都係第一次見。我地嗌左最經典的幾樣川菜，水煮牛、口水雞、酸菜魚同辣牛舌。水煮牛肉幾好味，牛肉唔會好韌，大部分一咬即開，辣度適中。口水雞食得多但呢度既辣真係堅，絕對夠味，份量就唔係好多。辣牛舌算係最好食既，爽口配上適中既辣度，值得一試，可惜切得幾薄而且份量唔多。酸菜魚應該係最差既菜，酸味重過辣味，而且魚塊份量超少，食幾啖就冇曬，真係唔抵食。總體都算OK，衛生服務都一般般冇特別。

今日去旺角食川菜，花椒子。睇餐廳既介紹，佢地既川菜係會辣到上太空，女朋友無辣不歡，立即同佢黎朝下聖。餐廳裝修非常cyber，播放著好多動感既歌，氣氛好好。-花椒魚頭鍋(追加美蛙)魚頭夠大，魚肉非常嫩滑，有肉有骨，鍾意食魚頭一定唔會失望。花椒湯底味道夠濃郁，叫左小辣都有一定辣度，花椒夠香，幾有質素。美蛙未必人人接受到，如果你鍾意食就係一道佳餚，美蛙肉係超級嫩滑，係花椒湯煮一陣再食，十分夠味道。-飄香酸菜鱸魚片呢一個酸菜魚絕對可以排酸菜魚磅嘅頭三位，鱸魚魚肉結實，唔會一夾就散，最重要嘅係，酸菜魚嘅湯底非常濃郁，酸味辣味非常配合，平衡做得好好，入面仲加咗粉絲，吸晒酸菜魚湯精華，絕。-玫瑰冰粉食辣必備，甜甜酸酸，好神奇咁每次又真係解到辣。-評分 : 7.5/10

之前行旺角成日都經過花椒子門口，見到門外既裝潢都覺得幾特別，好有cyber feel👽，門外又寫住「你出錢 我出辣」今日一於去試試佢!一入門口，已經好有小朋友去太空樂園玩既感覺🧑🏼‍🚀，原來仲要落地牢，好似穿越時空咁。餐廳內既設計都好用心，係太空主題，有唔同既太空人擺設，正呀😍！等我仲以為川菜一定好中式🤭有驚喜喔！我地兩個人叫左兩個主菜，一個甜品，兩杯飲品。辣子雞🌶️🐔一上菜整碟鋪滿紅椒，但雞肉量都唔少喎，望落以為好辣，但食落去個辣度又幾個癮，食到我停唔到口😂食食下發現原來唔止有雞肉，入面仲有雞軟骨同雞皮，食落唔太硬，又好鬆脆，好惹味!!😋🥘湖南辣椒炒雞🫑🐓E個煲都好大份，有好多雞，唔同既辣椒，香料配菜等。佢好似雞煲咁，一邊炒一邊熱住咁食，咁就唔驚啲雞凍曬喇!雞肉食落唔“鞋”口，又多汁👍🏾我地叫左少辣，所以唔太辣，怕辣既人都可以接受! 炒完雞之後，啲雞油逼曬出黎，其他椒同配菜吸曬啲精華後食落仲香口!我地驚唔夠肉食，加多左份西班牙黑毛豬（100g）🐖店員仲好細心❤教我地點樣整熟啲豬肉先好食。啲豬肉唔會太厚身，又大片，食落都好淋，肉片吸埋啲雞汁口感好豐富!正!😍天氣咁熱🌞，梗係要飲啲凍冰冰嘅

行旺角經過見到呢間新開既「花椒子」，門口已經寫明辣到上太空，咁過癮既設計令人忍唔住入去試下😆入面既裝修都有太空元素，而且地方都好闊落！坐低之後就scan QR code落單，茶水每位$12。首先叫左個湖南辣椒🌶️炒雞 ($198)雞肉好嫩，成個鍋上枱時好香，而且份量都唔少！呢個好似雞煲咁，食完亦可以追加牛肉，甚至加湯或者啤酒🍺煮其他配料，不過我地就無再追加啦。另外叫左個巴蜀牛肉香鍋 ($108)，孜然味好香，送飯一流加個白飯 ($13) 無得輸😂 又係一鍋份量十足，連配料都好入味。不過肉質方面，似乎落多左啲鬆肉粉😅口感就爭啲。之後叫左一勺自家制竹蓆茅根水 ($68)，都幾清甜埋單後店員比左個硬幣🪙我地去抽獎扭蛋竟然抽中左大獎 - 花椒魚頭鍋下次又可以再去食啦😂