花椒子 (已結業)

今晚約左朋友去食川菜，但去到店門口似飲酒的地方，店內似去了太空漫遊🤣，很有噱頭，座位也寬闊夠空間感。先來個湖南辣椒炒雞煲，嘩！好鬼香，好惹味，而且份量不少，雞滑肉嫩，不過都幾辣😝要杯青檸菠蘿手搖茶解一解辣先😚，食到咁上下可以加湯或啤酒打個邊爐，打邊爐當然要叫碟美國肥牛同西班牙黑毛豬烚一烚佢😋，肥牛就普通野，但這個黑毛豬食落就好幾嫩口而且跟這個打邊爐雞煲好夾味，幾得👍🏻再來個水煮鱸魚，睇落似好辣，其實係BB辣👍🏻，而且爐魚片超滑身，啖啖肉，正😋食到底仲有薯粉👏🏻。最後來個涼浸浸的玫瑰冰粉結尾，滿足。下次要再encore雞煲😆。

茗茶 $12/位有普洱、香片、菊花、玫瑰花、鐵觀音。萵筍絲 $88萵筍絲有三種做法：清炒、香蒜、熗炒，叫了香蒜，萵筍絲切得幼細，食落清甜爽脆，配打邊爐酸菜魚剛剛好。重點係可以選擇少油/少鹽，適合曬健康人士。花椒魚頭美蛙鍋 $268強烈建議食得辣的朋友來挑戰。美蛙目測至少有7隻，本身怕食唔曬糾結緊要不要叫花椒魚頭鍋另加一隻美蛙，如果喜歡食美蛙的建議要食花椒魚頭美蛙鍋，會抵食好多。魚頭和美蛙都煮得好入味，值得回頭。飄香酸菜鱸魚片(細) $138酸菜魚很足料，鱸魚片很滑，配料有滿滿的萵筍片、粉絲、金針菇等。基本想要既就要，唔使單獨再叫，而粉絲都好入味。絲苗白飯 $13紅糖糍粑 $48糍粑煙韌，配上紅糖和黑糖醬一流。玫瑰冰粉 $38冰粉分量很足，適合不喜歡太甜、清淡的朋友。

第二次黎花椒子喇，平得黎好食，夠辣氣氛又好，好似返左深圳咁。餐廳裝飾好新穎，用左好多LED光管，同大螢光幕播緊特製動畫，加埋強勁節拍既音樂，根據某科學家講，呢D嘈吵既音樂環境會令人想食更多更濃味同咸既野，例如日本串燒店就係咁。今次叫左個花椒魚頭鍋同飄香酸菜鱸魚片做底。花椒魚頭鍋 ($198)勁辣，超多辣椒粒鋪滿晒魚頭個面，再加D蔥同芫茜，唔洗要咩醬汁點，直接食辣到我就黎死XD 好多好多魚肉，2大大件魚頭，可以話係食極都仲有。魚頭本身煎香過，所以好香口。飄香酸菜鱸魚片 (細) ($138)$138好抵食，好多魚片又係食極都有，唔會太辣，呢D BB辣好岩我火鍋料揀左：鮮蝦菜肉雲吞 (4粒) ($58)美國肥牛片 100g ($68)西班牙黑毛豬 100g ($68)福花菜 ($48)青檸芒果手搖茶 ($34)非常解渴睇落好似好少餸咁，但2個人食到一半已經好飽

颱風天出來覓食，無咩鋪頭開門，係旺角行行下見到呢間鋪頭竟然有開門，裝修又五錯，以太空為主題，好多打卡位，一於來試下。坐低睇菜牌先知距主打係川菜，岩曬我口味啦。好耐無食過牛蛙啦，呢度有牛蛙魚頭煲，想都五使想，點一個來試下。雖然我地叫左少辣，上來好似都比較紅了，可見落足料去整。成個煲五止煲大，連牛蛙都甘大只牛蛙肉好嫩，我地叫左少鹽，好似又淡口味左少少，於是叫加鹽，就剛剛好了，味道好五錯。入面個魚頭都同樣好大個，魚雲很嫩口。個煲仲有薯粉，萵筍同豆芽呢滴配菜，確實比較抵食。個豬耳比較爽脆，五難咬，味道都好正宗。辣子雞份量比我食過既都多，雖然係炸，但係滴肉都五柴。呢個四季豆五多似傳統乾煸四季豆做法，但係個四季豆食落又好嫩，味道五辣五咸，好好食。食辣當然五少得酸梅汁，解辣一流

聽講新開的川菜餐廳有「美蛙魚頭」食，好耐冇返過大陸食好西嘅我即刻就book位黎食環境裝修係太空主題，係幾新穎有趣，雖然諗唔明同川菜嘅關係，不過目的係黎食野，環境好當然好。可惜，呢間餐廳嘅味道並不如理想水準，性價比亦不大高，讓我有些許失望前菜：涼拌蓮藕$48一份嘅涼拌蓮藕，份量如下，川菜涼拌料理如此出色，但呢份完全冇水準。似鹽水煮藕片，後另撈左兩下蒜蓉辣椒涼拌汁，一d都唔入味。食落去藕片還藕片，汁還汁，要點汁同就埋蒜蓉食，涼拌菜賣呢個價錢，應該攞出相應水準，街邊四川小食舖嘅藕片平但好食，只能說是迎合了港人的清淡口味。小食：湘味串串🍢$148嘅湘味串串有兩兜，一兜應該係藤椒味，另一兜可能係麻辣味。入面有蝦、魷魚、鵪鶉蛋、小鮑魚等。藤椒味道還可以，就稍顯藤椒味唔夠出，不過可能係考慮搭配其他菜食，就唔會過鹹。麻辣味不可🙅就係豆瓣醬嘅味，雖說湘菜多用豆瓣醬，但食落總覺得係飲豆瓣醬。🥲主菜：🌶️湖南辣椒炒豬三寶（大腸、腩肉、豬肚）亦算是店內招牌，本人頗鍾意食辣椒炒肉，對此期望幾大，但仍差d水平🥲上菜時辣椒炒肉和圖片嘅鍋係分開嘅，會當住你嘅面開爐、倒菜入鍋並翻炒，翻炒兩下就會離火，之後食得。花臣多，但

同一班同事黎食 lunch, 經以前間野食台式辣野, 而家主要係加左d 太空decormenu 都換左，唔係太差，冇乜特別但辣度失望，可能因為未食之前佢周圍寫辣到上太空，所以諗多左如果中意食辣建議食大辣，呢度比出面川菜辣度來說是稍低

近排又開始轉涼，朋友建議不如食下啲辣野。喺旺角行到攰，見到有間用太空做主題嘅舖頭係主打川菜，門口又幾得意，咁就入左去試試！由地面行樓梯落去餐廳，已經有好多光管同埋霓虹燈可以俾人打卡，非常型格。以往食親嘅川菜都係用中國風做裝修，今次行到入去揀餐廳，全部都係好新穎嘅口號同裝修，所以好期待一陣食嘅嘢。我地用QR code 點餸，好處就係可以比較用客制化式叫餐。我地總共叫左兩個午市套餐同埋兩個招牌餸，都係嗰到既職員推介我地既！套餐分別叫左牛腍肉麵同酸辣粉，值得一提既係佢地個餐真係幾抵食架，一個主食、小食再加埋飲品都係大概都係$60左右。牛腍肉一咬落去就覺得好腍滑而唔會有渣，而酸辣粉夠哂酸，鐘意食重酸味既朋友就岩食啦，但略嫌唔夠辣。 而跟餐既小食份量適中，跟埋飲品就剛好係一個正常午餐份量！接下來就係兩款招牌菜—湖南辣椒炒雞同飄香酸菜鱸魚片。碟炒雞會有人專登過黎幫我地炒，咁就可以唔洗驚整親自己，服務一流👍 再加上有青椒同白木耳一齊炒，整碟雞有辣味之餘，又有一陣香辣嘅氣味。 以為炒雞既雞件會好鞋，但出色既地係啲雞都保持到嫩滑而有肉汁！至於酸菜魚，今次叫咗個細size，未送到黎已經聞到好香，上菜時直程

平時食開嘅水煮魚或者酸菜魚都要幾個人share成食， 要夾朋友/夾家人嘅時間實在太難，大家都各有各忙。想食水煮魚既心已經去到巔峰，經過花椒子見到門口個餐牌有各式各樣嘅川菜午市套餐，二話不說我衝咗入去。午市套餐我選擇了 水煮鱸魚片$68，任選小食一款流心黃金蛋，套餐加配$10牛油果鮮奶，套餐配白飯一碗。一人份量水煮鱸魚(大辣)，水煮魚內有大量配菜，寬薯粉、豆芽、 辣椒、萵筍 等食材製作而成。油而不膩、辣而不燥、麻而不苦、魚肉質滑嫩，麻辣鮮香、味道可口。紅油香味撲鼻，食落有豐富的辣度層次。黃金皮蛋配麻辣汁，份量少少的，小小品嚐特別好吃，皮蛋食得多會太滯。牛油果鮮奶，用嚟解辣就最適合不過，飲落嘅質地非常豐厚，牛油果味道清新，非常冰凍，最緊要唔會太甜，好飲。食辣嘢就最怕熱辣辣，餐廳嘅冷氣夠凍，唔會食到成身汗，另外空間都非常大，夠曬闊落。 裝修玩味十足，有一些相應的潮流金句：辣到上太空/食辣仲訓練 返鄉下耕田， 實在太搞笑了。

不說也不知道原來這裡是一間餐廳😳餐廳以時尚太空元素👨‍🚀佈滿了霓虹燈字句玩味十足🤪灰暗燈光營造出神秘感且充滿格調😎主打多元化四川地道風味菜式😋飄香酸菜鱸魚片 (大)🐟份量頗多的鱸魚片厚實滑嫩，但有少許魚骨要小心吃，加上爽口的酸菜、萵筍、金菇及粉絲等配料，湯底以多種辣椒🌶️及香料調味，酸辣兼備能滿足你的味蕾🤤重慶小麵🍜幼麵麵質軟硬適中，有大量辣椒油伴隨🌶️，口感辣度一般，但友人覺得很麻辣🥵脆炸小酥肉🐷切成一條條豬肉條去炸，肥瘦分佈均勻，配飯一流💯 風沙雞翼🐔單邊雞翼炸至金黃色，加上惹味的蒜粒碎、紅椒粒及香蔥做配料，有蒜香且香脆可口 玫瑰花茶🌹🫖茶壺裡放了兩包玫瑰花茶包，能喝到淡淡玫瑰花味，非常解膩

午市套餐每個主菜都會跟一碗飯可以揀選一份小食同埋加配飲品🌶涼拌蓮藕雖然見到紅油但我覺得一啲都唔辣。上面加咗啲蒜蓉同埋芫荽所以都幾香🥬涼拌海帶絲份量唔少都有好幾啖口感軟滑又帶啲啲爽🐟水煮鱸魚片 $68上次都有試過呢款 覺得佢唔夠辣所以今次特別request加辣先講個辣度真係有提升整體味道更加突出而且甜味少翻好多如果散叫可以揀唔同品種嘅魚 呢度就鎖定係鱸魚片鮮魚片份量有大概去哂骨啖啖肉 有幾塊會連魚皮好在魚肉滑捋捋完全唔會腥配料有啲韭菜 萵筍 金菇 大量紅辣椒同埋薯粉薯粉係寬扁形狀 口感帶微微煙韌都幾Q彈值得讚係佢可以選擇少油 嚟到真係唔會話見到一層油喺面咁誇張👍🐽豬頸肉香鍋 $72香鍋係用個鼎盛著 下面有個迷你蠟燭造型一流但其實熱力唔太勁 直接摸個鼎都係微暖😂 豬頸肉份量都幾多口感都好爽口醬料鹹鹹哋又辣辣哋 超級惹味完全係白飯殺手！配料有蓮藕 雲耳 萵荀 芫荽蔥同韭菜一啲都唔單調

雅蘭新開花椒子新派川菜，專登約埋食辣朋友一齊去試新野 。水煮鱸魚片(大) 份量十足，鱸魚片非常滑又無骨，辣味適中唔會遮蓋鱸魚魚味，非常出色！湖南辣椒炒雞 + 肥牛片，雞嫩滑入味，略嚴不夠辣，食完雞後職員幫忙加入肥牛片炒，肥牛非常入味，職員服務態度讚

相約朋友在雅蘭中心二期等候，有一店舖--花椒子(旺角)，發覺它裝潢十分型格，好夢幻太空吸引眼球👀，想像不到店舖是新派川麻美食😍。它的座位寬敞似是農村系列，再配上太空系列相映成趣。和朋友急不及待互相打卡不亦樂乎😆😆，無辣不歡死黨食……呀，辣到飛上太空🛰🚀☄️出發🌶水煮鱸魚片~鱸魚片嫩滑，入口滑一滑👍👍，鮮香、麻辣，配大荳芽、薯粉，湯底濃郁麻香辣味🌶🌶花椒魚頭美蛙鍋~花椒香味樸入鼻子，魚頭大大個鮮滑，魚頭雲是魚的精華好入味，肉質相當細膩。美蛙大大隻，肉質鮮嫩，還有蓮藕、薯粉……，魚鮮和辣味共治一爐，吃得滿頭大汗，好過癮🤪再來一客太空彩虹木桶冰即時降温，又太空返回地球，爽……爽呀!

呢間店主打川菜,有a bit spicy既雞,加要外加一碟肥牛,店員會輕輕幫我地炒炒,可以慢慢食。雞嫩滑又有辣勁,好刺激呢!油條係呢間店既師傅親自整,口感同味道都同平時食開既好唔同,新鮮不油膩。酸菜魚份量多,非常滑溜,仲有好多酸菜同粉絲,我放左D油條係酸菜魚度,係另一種食法。甜品我叫左紅糖慈巴,有埋紅糖粉,好STICKY,好正!呢度係太空既主題,好有FEEL,好多打卡位,有可愛既太空人,唔錯唔錯!

💫💫太空主題川菜🌶😛🪐🪐川菜配上太空主題 好新穎😝好會新潮感覺😍食物擺碟都好吸晴👀👀招牌酸菜魚🐟😝 叫左小辣🌶 小辣都接受到 下次可以試下叫中辣🌶🌶有花椒麻辣既感覺！魚肉都幾滑 配埋酸菜好開胃😗 配菜仲有金菇薯粉 好豐富🥰泡椒牛肉🐮牛肉幾滑 仲有木耳青瓜做配料 食落會增加口感同層次😂同埋有萵筍炒好爽口😛😛清炒萵筍絲😍萵筍好爽口 不過就無叫加辣🥲🥲🌶相信辣炒會惹味d😋

呢日經過旺角見到呢間食川菜嘅餐廳 勾起我想食辣野嘅慾望 就入咗去試吓😝餐廳以太空做主題 仲要配埋辣到上太空嘅slogan 真係好吸引呀☺️ 餐廳都好多太空人嘅裝修 見到有其他食客都去咗打卡㗎👽飄香酸菜鱸魚片鱸魚片好嫩滑啊🐟 一塊一塊鋪喺面咁好吸引 底下仲有粉絲同埋大量酸菜同萵筍 索晒啲鹹鹹酸酸嘅湯真係好正😚湖南辣椒炒雞見到咁多青椒 就知呢個炒雞夠晒惹味啦🫢 我地仲加配咗美國肥牛片 將肥牛片加埋入去炒 真係更加香 肥牛吸收咗醬汁嘅精華 非常好味🤤 就咁食個青椒有少少辣 但係個炒雞又真係炒得好惹味啊🐥太空彩虹木桶冰強烈建議大家一定要食呢個甜品🍮 呢個甜品非常豐富 有四支雪條 兩球雪糕 紅豆刨冰 刨冰底仲要有涼粉添呀 食完辣野食呢個甜品真係好啱數🫘飲品 芒果沙冰 草莓沙冰沙冰配辣野又係非常之夾 兩杯沙冰都唔算太甜 幾解辣🍧 我就鍾意飲芒果沙冰多啲啦 底下真係有芒果肉㗎呢餐真係好開心 可以食到辣野 又可以食咗個咁豐富嘅甜品 真係估佢唔到有咁多材料啊🤤 個甜品多到可以夠四個人分享