花月宮

營業中

休息中

今日約了好友去咗嘅屯門嘅「花月宮」打邊爐！餐廳裝修優雅，非常闊落，座位十分舒適！湯底叫咗《香濃椰子雞煲》， 滾起轉細火煮一陣就食得，雞肉嫩滑，椰子超香，香味四散！椰子雞又香又滑，雞味十足，雞件鮮嫩， 值得一讚！《珊瑚桂花雙拼》，珊瑚蚌拼桂花蚌，份量十足，珊瑚蚌爽口彈牙，帶淡淡海水味， 係打邊爐必食之選。《脆骨腩》，魚片質素高，十分爽口彈牙、鮮味無比，厚肉，魚香味十足！ 《美國黑毛豬卷》，黑毛豬卷成薄卷，外觀討好，滾一滾，入口鬆化，充滿肉香，正呀！《風花雪月餃子拼盤》包括有雲吞，羊肉餃、魚皮餃、韭菜餃&水餃，每款兩粒，我最喜愛漲卜卜嘅《韭菜餃》&《羊肉餃》，皮薄餡靚， 鮮味無比， 味道豐富，值得一試。

今早去屯門探朋友，順道飲早茶。第一次去 #花月宮，餐廳裝潢帶復古，帶有中國風，牆壁設計細緻優雅。寬躺舒適座位，令人感覺優閑舒服。點心及飯麵即叫即做，熱騰騰咁上枱。同朋友一邊傾計，慢慢飲茶同食點心。叉燒包🍞鬆軟包皮，叉燒餡料肥瘦適中，醬汁味道濃郁。脆皮鹹水角🥟黃金色澤，外層脆卜卜，餡料鹹香又豐富，味道香口。沙律蝦春卷🦐長條型春卷，酥脆口感，有嚼勁，食落蝦肉伴隨沙律醬，好滋味。山竹牛肉球牛肉混入葱花，牛肉味香，軟腍腐竹舖底，再淋上陳醋，非常美味。干炒牛肉河🐮河粉較為幼身，牛肉大塊，加入清甜洋蔥同芽菜，調味豉油入味，層次分明。🏡花月宮 📍屯門良德街8號珀御1樓101號舖#littlewitchwitch

受惠於發展大灣區，屯門變化好大。週末住屯門朋友約我去行街，珀御開有好多食市，到晚餐時間，我們來到屯門良德街8號珀御l樓花月宮打邊爐。餐廳裝潢大氣又典雅，非常光亮，座位舒適，是典型的中國風。入門有個海鮮魚缸，非常搶眼，主打海鮮刺身和多款特色手工丸及高質素肉類。餐廳提供多款調料和十多款特色鍋底供選擇。手機掃描落單超方便。海鮮類日本大扇貝，買相十足，扇貝大大只，口感鮮嫩好好味。柵湖桂花雙拼，鮮甜爽口彈牙，令我回味。本地手切牛頸脊，新鮮嫩腍，牛肉味重口感好，齒夾留香。美國黑毛豬卷，肉色靚麗，脂肪也不會太多，夠水準。蔬菜：西洋菜、唐生菜和鮮淮山都非常新鮮，夠健康。特別要提的是服務非常好，熱情周到，有賓至如歸的感覺！

無論冬天或者夏天，總會想打下邊爐，難得放假想食好啲，聽朋友介紹試下呢間位於屯門既花月宮。裝修好光猛，一入到去好舒服，坐位好大，打邊爐最緊要張枱夠大，第一次打邊爐坐到咁舒服。湯底我地選擇左芫荽皮蛋，清清地，又唔怕油。四個人打邊爐就可以叫多啲唔同野食，今次主要叫海鮮多，叫左帶子、蚌、白鱔等，如果鍾意食刺身，可以叫象拔蚌刺身同龍蝦刺身。佢既牛頸脊都推薦，一黎份量多，兩黎啲牛肉好新鮮好有牛味，佢另外仲有手切牛肉，下次可以試下。

星期一返公司做完的野，老闆見我未食早餐，加上下午有會開，於是叫我早的出去食晏。咁我就啦啪啦淋出去食早午餐。見大概11點半左右，未開始午市人多，突然想食點心飮茶，吾使等太耐已經可以入座。見呢間酒樓整體環境寬闊清潔，間隔分明，座位舒服，裝飾精緻。坐低即刻點點心。點心都是即叫即蒸，全部上檯都熱辣辣冒著煙。最愛必食蝦餃燒賣，點心皮薄餡靚，粒粒大大件，味道不錯。山竹牛肉、雞扎，仲有好耐無食嘅魚翅餃，全部都新鮮好味。呢間酒樓除提供早午茶市；另設午、晚市火鍋供應，3至5落場，未有下午茶時段。以屯門區內飲茶食嚟講，呢間真係一個好選擇。

><所有卡位都好闊落 坐起上嚟好鬆動好舒服醬芥九宮格($18/人)常見配料都有晒香濃椰子雞煲鍋($208/半隻)個鍋直徑好長 受熱幾快滾起淥咗8-10分鐘 雞肉嫩滑椰子煲到最後都好硬 但咬落好香椰奶味澳洲羊肉卷($128)濃郁羊味唔羶 推薦愛羊之人手打鵝肝墨魚丸($118/8粒)好有彈性 咬開就有鵝肝粒台灣水蓮($68)友人嗌嘅 似幼嘅通菜莖煮完都十分爽脆自家製脆炸響鈴($68)日本蟹柳($48)芋絲($38)無糖可口可樂($15)><><><><><><><><><><花月宮屯門良德街8號珀御1樓101號舖

諗住係屯門打邊爐 又坐得舒服D 就黎左呢到雖然第一次黎 但都好有驚喜 因為D 材料好新鮮 好似自己街市買咁一開始我地叫左比較清既湯底 諗住好似無咁肥 醬料選擇都好多好 一定溝到自己想食既第一驚喜就係呢個台山蠔 佢好大隻 仲要有5隻 份量又足 本身質素又好 淥完都蠔味都好濃 而且淡淡肉個感覺好正 不過佢咁大隻 唔係好識佢熟未就真珊瑚蚌 桂花蚌呢個雙拼份量一樣見得人 我自己就鐘意珊瑚蚌 淥出黎 爽口彈牙 好正白鱔片出邊叫呢個又係得好少 但呢到就一大碟 佢每一片都好大片 而且食得出佢既鱔都係肥美 因為佢都係好多油分 好鮮味脆骨腩佢個份量一樣係比想像中多， 而且好大塊 真係食魚都飽最難得係佢食落真係脆口 因為好多時買到都唔係 相信都係因為新鮮既關係豬肉片佢都係新鮮大塊 而且肉質好 比好多火鍋店都好不過前面實在太驚喜了 哈哈

蕃茄濃湯卜卜蜆鍋粒粒蜆肉脹卜卜，好像名子一樣，唔會冇肉食，蕃茄味都好濃郁，建議打邊爐之前先喝一碗。正白蘿蔔件吃這麼多肉當然需要一些蔬菜，平衡一下，我們就叫了這個新鮮白蘿蔔，順便為湯底增添鮮味。手打墨魚滑店舖的推介之一。入口彈牙，非常新鮮，好像即叫即製的感覺。墨魚味十足。本地手切牛頸脊（小）上枱的時候員工很細心地講解，等待水滾之後放入一片，大約四至五秒，即可食用。牛肉味充滿口腔，又薄又滑。手工澳洲羊肉餃（六粒）每一粒都好似乒乓波咁大粒，入面會充滿羊肉，羊肉味道恰到好處。飲品：自家製花月桔（渣）對面有酸梅，酸酸甜甜的。飲得出是用心製作飲料。剛好中和，熱辣辣的火鍋，好爽。醬芥$18.00/人加一

珀御附近有好多新既餐廳，除左打卡cafe，仲有火鍋🍲岩哂一家大細，三五知己！火鍋湯底幾款都好吸引😍我哋就平平地就嗌左個秘製沙嗲鍋，湯底好香濃，全部餸都好入味🤤牛吊龍 ($298)吊龍係牛背脊既牛肉，我地嗌左一份細嘅，份量適合2-4人分享～ 每片牛肉厚薄均勻，咬落有牛味又唔會好韌😋鴨血 ($68)一份有6-8舊，每舊都好厚，同沙嗲湯底都好夾！韮菜餃 ($78)一份韭菜餃六隻，皮好薄，入邊有爆餡既韭菜，不過太入味食落就有少少過咸🫢寬粉 ($38)同沙嗲湯底超級夾！比起粉絲更彈牙，同樣會索晒啲沙嗲味，好惹味😍Overall環境坐得舒服，價錢中上，味道都唔錯👍🏻

朋友話我知建生開左間好高質既火鍋店，即刻去試下!店內裝修係新中式風格，牆身瓷磚畫非常吸精! 卡位夠哂闊落坐位舒服!有好多鼓油配料!每款湯底都好想試, 最後揀左呢個藥膳花雕花膠醉雞鍋唸住補補佢!花膠大大塊, 湯底好濃郁! 叫左一隻雞, 估吾到佢甘大隻! 仲要冇肥膏啖啖肉, 如果得兩個人我建議叫半隻就夠!本地手切牛吊龍(半份)第一次接觸牛既呢一個部位，即係肉眼邊緣部分，肉質真係好軟腍油脂亦不算多! 牛味好濃!風花雪月餃子拼盤總共有5款餃 ( 韭菜餃+鳳城水餃+魚皮餃+鮮蝦雲吞+羊肉餃)好大粒! 皮薄餡多, 鮮蝦雲吞入面充滿彈牙既蝦好正!爽脆珊瑚蚌夠哂新鮮吾會腥, 夠哂爽脆! 份量都好足!真係估吾到係建生呢邊都會有間高質火鍋! 下次BOOK埋間房試埋個海鮮拼盤先! 另外值得一讚既係每位店員都好有禮貌好NICE!

個朋友難得夜晚有時間陪我食嘢，應該都有排傾，不如洗筷子啦，慢慢食又唔使比人趕。原來係屯門都有啲咁靚嘅火鍋地方，呢度仲有得飲茶添。好，坐低睇吓有咩好食先。四川麻辣鍋，個鍋好靚，個麻辣湯好濃郁，試咗啖湯底係超正！美國頂級手切牛，個牛紅卜卜，每片有幼細靚紋，厚薄程度剛剛好，烚完唔會散，有牛味而且入口嫩滑。鮮甜桂花蚌，冇呃我喎，真係好鮮甜，食落仲要爽爽脆，有肉地，呢個必點！黑毛豬腩片，完全係腩位嘅爽脆位，間住間住嘅脂肪，係實淨唔塌的。有肉又有菜，仲叫咗鴨血、魚皮餃、萵筍，啲食材係新鮮好味，貴精不貴多，好過去任食。

♡‎ ♡‎‎ ♡‎ ♡ 屯門 - 花月宮‎ ♡‎ ♡‎‎ ♡‎ ♡‎ 忙碌中一點味覺刺激💕近排都大workload 所以唯有喺生活上調劑下😌一早就計劃好呢日返工去打邊爐🍲Lunch 都嘆一嘆吓同同事兩個人 唔想諗唔想煩直接叫咗個兩人午市套餐😆 $428湯底：芫荽皮蛋湯清清地 芫荽控必選😉🔹美國頂級安格斯牛小排紋理超靚 而且亦有多片🔹美國黑毛豬卷絕對唔會有豬臭味 就算煮耐咗都唔韌🔹花月宫手打丸拼盤套餐嘅丸都係手打 好有心思咬落有嚼勁 而且較真材實料🔹花月宮手工餃拼盤大大粒 餡料好足～🔹精選火鍋配料有我超愛嘅芝士竹輪、芝士腸絕對係打邊爐必備滿足下口癮🔹田園拼盤多款菜 每樣都有啲洗得夠乾淨🔹自家製響鈴🔹潮州地薯粉條可以揀出前一丁 不過薯粉較特別 ૮₍´˶• ᴥ •˶`₎ა ：總評餐廳環境中式輕柔風 不會太傳統老土 兩人食都超闊落 放曬啲野都綽綽有餘兩人午市火鍋套餐份量對兩個女仔嚟講啱啱好不過如果大食啲啲可能未必夠飽🤣可能要考慮追加餐點

5月底朋友生日，因為大家都係屯門友所以近近地就腳就搵返係屯門慶祝廢事舟車勞頓😄 慶祝呢d活動打邊爐就o岩哂，又可以坐得比較耐，食物款式各有所好每個人都可以食到自己喜歡既食物，唔洗就嚟就去😄😄😄今次同朋友去一間比較新既火鍋店，位於良德街珀御坊既花月宮裝修環境相當唔錯，非常之中國風，訂位時因為我地一行都6，7人，員工都非常有禮貌問我地會唔會要間房(但有低消)，既然有房可以坐得舒服d又係慶祝生日，當然卻之不恭👊 餐廳內樓底高無壓迫感，坐位都非常闊落，員工都非常之有禮貌而我地都乖乖地碌安心出行同針卡就坐，餐廳仲提供QR code落單，非常環保。坐低當然就係要混醬，九宮格內基本醬料都有齊。壽星仔係鍾意食刺身之人所以一行人商量好就決定聽店員推介食象拔蚌同澳洲龍蝦刺身😋一上檯個下都幾震撼，食落覺得性價比都非常高👍🏻 象拔蚌色澤唔錯而且唔帶腥味，切片上唔影響肉質，非常新鮮有口感。龍蝦刺身亦係另一個驚喜，多數食都係要靠刺身豉油同芥辣去吊一吊出d味，反而今次係非常之鮮甜，無需配料相助下都食得出鮮。最尾既頭同腳仲可以揀煮粥或椒鹽，但一行人食得太飽了，所以舉手投降😂湯底我地揀咗豬骨湯底，有幾嚿大筒骨，栗米同甘

今日約左住屯門區嘅朋友食飯，朋友話呢一邊有好多好野食，見到呢間打邊爐幾靚，就同朋友黎度試下。餐廳裝修好靚，好光猛，而且座位好舒服，兩個人都有好大張枱，餐廳可以用手機自助落單，非常方便。上網見好多人都食醉雞湯底，不過其實我鍾意椰子雞湯底多啲，好彩朋友都一樣，香濃椰子雞煲鍋（＄208）湯底一上枱就已經聞到椰子嘅清香，湯滾之後就可以食雞先，我地點左半隻，份量都多，而且肉質嫩滑，吸收左椰子味，例牌會飲返幾碗湯底，真係非常鮮甜，飲完亦唔會口渴。配料方面我地叫左：本地手切牛頸脊（＄298）：呢嗰我地兩個人食，細分就啱啱好，牛頸脊好高質，肉味香濃，而且油脂部份亦都非常香口，雖然係手切不過亦都切得好薄身之餘，亦會保留牛嘅口感，非常美味。呢嗰牛就咁用湯底滾就已經可以食，點左醬汁反而破壞左佢嘅味道。因為我地叫左個咁好味嘅湯底，所以想叫啲可以索汁嘅野。豆卜（＄38）就啱哂啦，最中意用佢哋來索汁。水魷魚穌（＄68）：一串串的，非常方便食，而且亦都好爽口，份量有好多。打邊爐我覺得一定要食菜，咁樣先會健康，唐生菜（＄48）份量都好多，亦好新鮮。個湯底本身亦都有粟米，紅蘿蔔，白蘿蔔。好鮮甜好好味。建議蘿蔔類煮到中途

朋友住良景呢邊見到附近開左間新既火鍋店靚裝而且座位闊落呢度係逐碟叫好欣賞呢度好好坐同fd邊爐傾計啱哂食物方面叫左個椰子雞湯椰子味超香，煲滾左更加香而且都好足料，白蘿蔔，紅蘿蔔，粟米都好甜，食材新鮮本地手切牛吊龍牛味濃稠，而且切得厚薄適中風花雪月餃子拼盤有魚皮餃，雲吞，韮菜餃，羊肉餃全部餃都非常飽滿，足料十足特別韮菜餃韭菜好香濃花月宮手打雙滑蝦滑，墨魚滑彈牙十足自家製脆炸響鈴響鈴非常香脆，邊勞必備值得一提，座位非常闊落舒服