影片
更多
2022-06-06
33 瀏覽
5月底朋友生日，因為大家都係屯門友所以近近地就腳就搵返係屯門慶祝廢事舟車勞頓😄 慶祝呢d活動打邊爐就o岩哂，又可以坐得比較耐，食物款式各有所好每個人都可以食到自己喜歡既食物，唔洗就嚟就去😄😄😄今次同朋友去一間比較新既火鍋店，位於良德街珀御坊既花月宮裝修環境相當唔錯，非常之中國風，訂位時因為我地一行都6，7人，員工都非常有禮貌問我地會唔會要間房(但有低消)，既然有房可以坐得舒服d又係慶祝生日，當然卻之不恭👊 餐廳內樓底高無壓迫感，坐位都非常闊落，員工都非常之有禮貌而我地都乖乖地碌安心出行同針卡就坐，餐廳仲提供QR code落單，非常環保。坐低當然就係要混醬，九宮格內基本醬料都有齊。壽星仔係鍾意食刺身之人所以一行人商量好就決定聽店員推介食象拔蚌同澳洲龍蝦刺身😋一上檯個下都幾震撼，食落覺得性價比都非常高👍🏻 象拔蚌色澤唔錯而且唔帶腥味，切片上唔影響肉質，非常新鮮有口感。龍蝦刺身亦係另一個驚喜，多數食都係要靠刺身豉油同芥辣去吊一吊出d味，反而今次係非常之鮮甜，無需配料相助下都食得出鮮。最尾既頭同腳仲可以揀煮粥或椒鹽，但一行人食得太飽了，所以舉手投降😂湯底我地揀咗豬骨湯底，有幾嚿大筒骨，栗米同甘
今次同朋友去一間比較新既火鍋店，位於良德街珀御坊既花月宮
裝修環境相當唔錯，非常之中國風，訂位時因為我地一行都6，7人，員工都非常有禮貌問我地會唔會要間房(但有低消)，既然有房可以坐得舒服d又係慶祝生日，當然卻之不恭👊 餐廳內樓底高無壓迫感，坐位都非常闊落，員工都非常之有禮貌而我地都乖乖地碌安心出行同針卡就坐，餐廳仲提供QR code落單，非常環保。
坐低當然就係要混醬，九宮格內基本醬料都有齊。壽星仔係鍾意食刺身之人所以一行人商量好就決定聽店員推介食象拔蚌同澳洲龍蝦刺身😋
一上檯個下都幾震撼，食落覺得性價比都非常高👍🏻 象拔蚌色澤唔錯而且唔帶腥味，切片上唔影響肉質，非常新鮮有口感。
龍蝦刺身亦係另一個驚喜，多數食都係要靠刺身豉油同芥辣去吊一吊出d味，反而今次係非常之鮮甜，無需配料相助下都食得出鮮。最尾既頭同腳仲可以揀煮粥或椒鹽，但一行人食得太飽了，所以舉手投降😂
湯底我地揀咗豬骨湯底，有幾嚿大筒骨，栗米同甘筍等等材料，上檯絕不欺場。水滾時盛咗一碗嚟飲，原來仲有用黑胡椒去吊味，非常好飲而且飲完亦唔口乾，唔似係味精湯。
打邊爐又點少得牛肉，我地叫咗牛頸脊，店員提醒我地淥5-8秒就食得👍🏻 碟牛肥瘦均衡，對比起安格斯牛就比較有o趙口，牛味更加濃厚😋😋😋
另外加多碟牛胸爽，真係要俾幾隻手指👍🏻👍🏻👍🏻 有咬口，又唔會太膩，鍾意食牛既朋友一定要試
再嚟仲有蟶子王，淥10零秒左右就食得😋 乾淨無沙，非常新鮮😋😋😋👍🏻
是晚仲點咗有骨炸魚皮，餃子拼盤，花膠，手打丸，菜，同埋烏冬，但傾得慶起就無補影相了。餃子拼盤非常出色，雲吞有3，4隻蝦係入面而且皮薄涵靚👍相信係自家出品，有骨炸魚皮都非常香口，值得一試，其他既菜同烏冬就正常發揮，飽肚系列。
後記
估唔到屯門都會開到一間咁高質既火鍋店👊，之前屯市都叫有間劉一手但好快玩。
其他任食既火鍋質素又的確不敢恭維，而且最討厭就係假日落元朗，塞車塞到人都癲，況且d價錢絕對唔平質素又唔係特別高😅 而家屯門有間幾高質既火鍋店回頭機會都非常高😋😋😋
臨走時見到廳面有其他客人仲食緊個麻辣湯底非常吸引，搭電梯時已經同朋友閒聊話下次要再嚟試佢個麻辣湯底了😂
人均消費 $750 (7人包加一，醬芥，壽星仔免費）
象拔蚌刺身
4 瀏覽
0 讚好
0 留言
龍蝦刺身
13 瀏覽
0 讚好
0 留言
張貼
