花月宮

營業中

休息中

藥膳花雕花膠醉雞鍋（半隻）$238揀咗半隻雞～湯底有好多中藥材，味道香濃，覺得好補😎雞係另上，仲見到有唔少花雕酒浸住啲雞店員細心講解湯滾咗之後就可以落雞，10分鐘就可以食～我地跟足指示😎雞一啲雪味都冇，而且好嫩滑～煮10分鐘就啱啱好👍🏻重點‼️仲有幾大塊花膠，係滿滿嘅骨膠原💓*店員會端上一個九宮格醬料盤，可以自己調校鍾意食嘅醬汁本地手切牛吊龍（小）$298牛一睇就知係正野～師傅刀工好好，每塊切得厚薄好均勻，牛味重肉質嫩，一個字正‼️手打墨魚滑 $108呢個真係今餐嘅mvp⭐️墨魚滑係超級超級彈牙👍🏻而且食落都幾鮮甜，仲有啲蟹子撈埋一齊，口感好脆😋墨魚滑一定要試🔥手工韭菜餃 $78一碟有6粒～皮夠晒薄，餃子好飽滿，有大量豬肉同韭菜，而且肉嘅肥瘦比例啱啱好，唔會太油膩👍🏻自家製脆炸響鈴 $68打邊爐點少得響鈴😎呢度嘅響鈴超大條，炸得好脆，放湯3秒就食得🤣自家竹蔗茅根（一渣）$68好清甜，打邊爐最佳嘅飲品，可以下一下火 ～我仲食埋入面嘅馬蹄，好爽脆😜裝修雅致，無論係吊燈、牆紙、餐枱全部都係好講究，光線充足，整齊潔淨，俾人感覺好舒服～同市面上好多嘅火鍋店感覺好唔同，呢度係走比較高級嘅路線，而且店員好

屋企人住屯門見到附近有間新開既火鍋店，係建生就試下，火鍋店係商場一樓，新開關係入面環境光猛寬闊 叫左碟細既本地生鮮牛，好好食👍🏻另外叫左碟雜錦手打丸同鯇魚片 都ok食物新鮮 湯底叫左椰子雞，雞有半隻夠哂兩個人食

好味指數：🌕🌕🌕🌕🌗舒適度：🌕🌕🌕🌕🌖【芫茜皮蛋鍋】清得嚟唔淡，用嚟淥手切牛一流。【美國頂級手切牛】油脂分佈均勻，唔會太油，入口有嚼勁而唔老，發揮到手切牛應有水準，牛味都幾香，不過如果點豉油再食會立即提升層次，唔點的話會略嫌淡咗啲啲，但整體嚟講係好的，兩個人食，份量剛剛好～【美國黑毛豬卷】豬卷賣相正常，入口味道比我哋想像中好，肉味濃，亦唔算太老，基本上加埋一碟牛肉都滿足到同行嗰位食肉獸～【新鮮黑柏葉】黑柏葉水準正常，口感尚算爽脆。【花月宮手打雙滑（鮮蝦拼墨魚）】鮮蝦滑內仍有原隻蝦肉，口感有趣，墨魚滑幾鮮味，喜歡食滑嘅朋友仔不妨一試！【稻庭烏冬、萵荀】火鍋配料之中，稻庭烏冬煙煙韌韌又滑溜溜，經湯底煮完點豉油食，簡單的美味！萵荀則略帶少少苦味。

1730pm佢哋啱啱開門，入到去感覺舒服😌新裝修環境闊落，枱與枱之間都有一段距離，所以食飯嘅時候私隱度都好高，傾偈都唔錯：）欣賞佢比嘅調味料芫荽切到細細粒⭐️好細心👍🏻香濃椰子雞煲鍋（半隻）$208配料都唔算少，除咗半隻雞之外，仲有白蘿蔔，粟米，椰子，紅蘿蔔等等😊滾起咗之後心急飲咗啖湯都幾清甜啊！😊本地手切牛吊龍(小）$298店入邊嘅員工全部都好有禮貌，亦好殷勤咁介紹，原來牛吊龍即係牛嘅脊椎位，牛味特別濃郁因為係新鮮切出嚟～～侍應生都會建議唔怕生嘅話輕輕一落就食得，會更加有肉味😊萵荀$48打邊爐唔少得，兩個人份量啱啱好自家竹庶矛根(渣）$68好解渴⭐️而且唔會過甜😊白鱔片$168有時出去食嘅白鱔片滾起之後肉質會散開呢個完全冇😊 仲好爽口兩個人食嘅份量啱啱好：）

探朋友兼一齊打個邊爐🫕呢間座位坐得好舒服，員工都殷勤有禮貌。香濃椰子雞煲鍋（半隻） 一滾起就聞到好香嘅椰子味，雞肉好快就熟，嫩滑有雞味好唔錯。美國頂級手切牛手切牛真係冇得輸，牛味香濃，淥4-5秒就食得，有咬口又唔韌，真心好味。本來以為份量唔多，食食下發覺足二人份量有突，抵食呀。青芥未單耳好爽脆，wasabi落得毫不手軟，頗為刺激嘅一個小食😌脆炸厚切午餐肉塔炸得好透，我麻麻地午餐肉都覺得幾好食。手打鮮蝦丸一碟有8大粒，性價比好高。就算淥完都仲係大大粒冇縮水，咬落爽口鮮甜，而且感覺冇咩肥豬肉，高蛋白質好健康。

屯門建生新開左好多餐廳，間間都環境靚質素高，今次食依間坐得好舒服，可以慢慢嘆個邊爐。首先揀湯底，選擇多而且有心思，唔係普通湯底，揀左個香濃椰子雞煲鍋 包半隻雞（$208），好足料，椰子湯底好香，再加埋粟米同紅蘿蔔就更加清甜，夏天食好合適！雞肉都夠滑食火鍋都唔少得要叫牛，今次試咗牛頸脊($298)，冇乜脂肪，好有咬口同濃肉味，配合清清地嘅椰子湯更加突顯牛味。另外叫咗個手打雙滑($138)，係鮮蝦拼墨魚，幾彈牙而且蝦同墨魚味道夠出。手工韭菜餃($78），皮夠薄，韭菜加醃好嘅豬肉，就咁食已經好好食太熱氣所以都係叫咗個竹蔗茅根($68)飲，幾清甜！整體黎講依間用料質素幾好，配合埋環境真係可以嘆個火鍋！

自疫情甚少外出打邊爐，適逢朋友生日，靜悄悄帶住同蛋糕到附近新開的一間火爐店慶生。餐廳以淺木宮廷為主，簡約之中帶點氣派，枱與枱之間空間十足，整個用膳過程也沒有聽到鄰枱對話，而且空調充足，涼快不侷促。枱面寬躺，可放4套餐具、九宮格調味架及多碟大型食材盤。餐具配套亦十分齊全整潔，有濕紙巾和口罩套。九宮格調味架內有基本傳統醬料提供，有芫茜、蔥花、蒜蓉、辣椒、炸蒜、沙嗲醬、胡麻醬、醬汁及麻油。頭嗒湯底有香濃藥材味，還有2-3片原塊花膠，雞件雖花雕味不明顯，但皮薄肉嫩。生牛肉新鮮色澤鮮紅，脂肪分布平均而且薄片，涮後肉質嫩腍，帶有淡淡牛肉味。鮮蝦：鮮蝦滑中有蝦仁粒，熟後更顯彈牙口感墨魚：墨西哥滑中都有墨魚粒，彈牙之餘更增加墨魚香比以往品嘗過的蝦魚滑更有口感味道更香濃，熟後質感爽口無雪藏味。想仔細品嚐湯底的我必點蜂巢豆腐，鬆軟質地完全吸引藥材湯底，一咬滾燙湯底即湧出，那是藥材的味道。水餃脹卜卜大小如乒乓波！餡內豬肉及蝦仁也爽口彈牙。香脆無油溢味，不過長幼形狀減低了鬆軟度。內有旺菜、茼蒿、蕃茄及粟米，全都新鮮爽脆，沒有爛葉也沒有變黃，若菜束拆散些會更容易進食。誰也想不到2位女子打完邊爐肚子還有空間食蛋糕

今日食呢間中式打邊爐，感覺幾高級幾有privacy。可能因為係屯門，所以每個卡座都勁闊落容納到好多人，我地4個人坐好鬆動舒服😌 環境好岩傾計同埋傾生意之類見呢度有新鮮海鮮，就緊係要叫啲嚟試吓叫咗鮮甜桂花蚌同牛柏葉，味道都幾爽甜配埋椰子雞煲個湯底，唔錯！另外仲叫咗好多牛肉，有牛頸脊同埋牛吊龍，食落去都非常之正😋😋都有叫到一啲普通打邊爐會食嘅配料，例如係羊肉餃、鳳城水餃、芝士腸、獅子狗等等，都幾多選擇～手打低糖芝士鮮蝦丸，呢個要特別推介，因為個味道真係好鮮甜，而且蝦係低脂肪，減肥人岩曬🤣🤣食咗勁多野，四個人除開都係大概$500左右，我覺得都幾唔錯☺️☺️

入到黎屯門行山，屯門真係起咗好多新樓，其中一個樓盤地下商場，見到間食肆門口裝修幾靚同埋網上食評都幾好，決定入黎試下入到黎見到裝修風格比較中國宮廷風，同埋好多卡位坐得好舒服火鍋湯底有好多選擇，今日我哋叫左個比較特別嘅藥膳花雕花膠醉雞鍋（半隻）$238個火鍋湯底會跟埋半隻雞，湯底一上黎聞到好香嘅花雕酒香味，個湯底至少有四、五舊好厚嘅花膠，已經炆到好淋同好入味，店員話湯底滾起左，雞放入去滾10分鐘就食得，滾完10分鐘之後嘅雞件非常之嫩滑，吸收晒花雕酒嘅香味，十分正本地手切牛頸脊$298牛頸脊非常之鮮嫩，店員教每一片滾3至4秒就可以食，非常重牛味，其他美國肥牛簡直冇得比手工羊肉餃$78我本人十分喜愛食羊肉，每一次見到有羊肉餃必點，羊肉餃比較難整和繁複，所以出面好少火鍋店有，大部份只會有豬肉或者牛肉餃，羊肉餃每一隻都大大粒，帶點少少的羊羶唔會太重，鍾意食羊肉嘅朋友會覺得係一流自家製脆炸響鈴$68手工制嘅響鈴簡直係與眾不同，每一條都好厚，炸得好脆，放入湯底可以吸晒所有湯嘅精華好正白鱔片$168一上菜十分之驚訝，鱔片十分之大塊同厚切，非常之新鮮同爽口，而且去骨功夫做得好好，唔會食到好多細骨總括嚟講，

花月宮，一個非常秀氣的名字。頂級的環境、一流的食物，襯托得起餐廳名字有餘，亦成為屯門建生附近的一道風景。這裏高雅環境已是一大賣點。中式裝修古雅別致，地方寬倘、四人座位絲毫不覺擠擁。點菜時叫了雙拼四川麻辣/冬瓜瑤柱湯底，看上去雖然覺得有點「水浠浠」，但隨着湯底沸騰，確實飄來了陣陣麻辣的香味，令人垂涎欲滴。我們二人點了店內推薦的安格斯頂級牛小排及手打丸拼盤一同分享。把牛小排放進四川湯底，確實有四川的風味，牛肉鮮嫩又juicy, 味蕾核實了是靚牛後，忍不住吃完一件又一件。手打丸真材實料，墨丸濃味有噍口、蝦丸真的粒粒彈牙爽口，鯪魚球丸也是新鮮製造，每粒都有驚喜，本人十分推介。見麻辣湯底越吃越起勁，馬上點了一個野生竹笙及萵筍，盡情吸收湯底精華。我懷疑師傅是四川人，否則湯底怎會如此原汁原味。吃到中段，唐生菜🥬轉回冬瓜湯湯底，也陸續吃到了瑤柱絲，今天收貨了。飲品方面，餐牌選擇不少，我們點了他自家製花月桔🍊。墨綠色的汁，味道酸甜，其實似鹹柑桔，應該也有降火清熱氣的功效。最後稍為研究了餐牌，下次過來應該午市火鍋更抵食！

夏天都心郁郁想打邊爐，不過天氣熱到咁，屋企開行冷氣都熱😂所以都係睇下附近有咩岩食。建生個邊既柏御開左間打邊爐既，見近近地就試下。首先揀左個香濃椰子雞煲鍋，係岩岩煲好之時，即刻畢左一碗湯飲下。好似飲緊家常煲既椰子雞湯，清清甜甜。店員首先攞左成set 既醬料調味盤俾我地，我最鍾意係落勁多炸蒜同沙嗲加辣椒，點野好惹味。脆骨腩即係脆肉鯇魚，好多時即使係街市買到個啲都係唔脆，好似散哂，呢個掂！魚肉爽口鮮甜。黑毛豬卷幾好，自己都鐘意食啲冇咁肥膩既肉。一口牛柳粒田園拼盤啲野都好齊，食左咁多肉都可以balance 番，最fresh 係西洋菜，又可以下火☺️值得一提係呢到有自家炸既有骨黃門鱔魚皮，係其他火鍋店好少見。魚皮炸得勁香口，連個魚骨都係脆卜卜，浸完湯再點落調味料個到食就正了。

夏天好少打邊爐但今日我地幾個又突然好想食，難得今次4個人一齊食，所以最後黎左呢間望落好新既花月宮打邊爐！ 呢間舖似係新開既，同圍都好新淨無論坐位定裝飾都好靚同好寬闊～首先店員會俾調味料盤你調配自己鐘意既醬汁🥰呢度都係行電子落單制～一於叫左個湯底先！我地叫左個椰子雞鍋做湯底，嘩上盤好大煲😍即該𢳂左啖湯飲，好清甜～雞肉都幾新鮮食落幼滑之後叫左兩碟牛，牛吊龍同牛頸脊😋呢度仲有好多唔同部位既牛肉叫～岩晒鐘意食牛既朋友之後仲叫左好多其他唔同既火鍋配料～牛柏葉、羊肉餃、手打墨魚滑、蝦球（呢個幾好食，用原隻鮮蝦搓成，入面仲加左芝士）同朋友一路食一路傾計～最後食左兩個鐘真係又飽又滿足，座位好闊所以都幾舒服☺️

最近留返喺屯門區食好西，見呢頭開左間打邊爐嘅名咁文青，吸引左我地入去試下。湯底揀左個藥膳花雕花膠醉雞鍋，佢個湯底真係好足藥材，所以未落雞之前味道會偏苦。但係當啲雞落咗去煲之後，有返啲肉嘅鮮甜味中和返。而去啲雞都好滑，唔使10分鐘已經俾我哋食晒，半隻都覺得有啲唔夠喉。另外佢仲有四片超級大嘅花膠，絕對係真材實料，童叟無欺。食完啲雞之後我哋就開始打邊爐，個牛肉真係冇得頂。我哋揀咗本地手切牛吊龍。啲肉真係好林，可以食返牛真係一件好幸福嘅事。另外仲試咗佢個潮州牛丸，味道係幾唔錯，不過可能雪得太耐，口感怪怪地。另外仲揀咗個手打鵝肝墨魚丸。不過佢講鵝肝就麻麻哋，完全冇乜味。但係個墨魚丸都幾彈牙，唔錯。海鮮方面就揀咗個日本大扇貝，佢就已經幫我哋開邊，所以唔使淥太耐，都幾鮮甜，唔錯。蔬菜方面就揀咗我最愛嘅萵筍同埋白蘿蔔，不過因為佢呢個湯底藥味偏濃，所以啲蘿蔔會有少少帶苦味。飲品方面我哋就揀咗佢嘅自家製竹蔗茅根，不過我家大人就話偏甜左小小，低糖啲會再健康啲。兩個人食呢個價錢還可以，因為佢個環境都幾舒適，全部都係大卡位，啱晒啲朋友嚟到慢慢傾慢慢食。

今日返娘家順便係附近搵野食，發覺建生呢頭多左好多餐廳，有火鍋就緊係去食我最鍾意嘅啦，冇諗到2位都坐噤大張卡位，直頭可以坐到6個人，超級闊落。2個人叫左個豬骨煲湯底，唔好睇小呢煲野，果幾舊豬骨好有睇頭，大個我隻手，仲有粟米、羅白，食料都飽😂火鍋料就叫左：豬腳筋- 完完全全係我鐘意既位置，淨係筋位，滑嘟嘟花月官手打雙滑（墨魚/鯪魚）-餃子拼盤-有十粒，好充料，好大粒，勁多餡料自家製脆炸有骨黃鱔魚皮-非一般炸魚皮，厚肉鬆脆著粉-火鍋必點，吸哂豬骨湯啲汁，正

屯門建生不嬲都多餐廳選擇，最近新開左新派中國風火鍋店，即刻約番個屯門牛去試一試啦。一入到去餐廳走古風路線，光猛，座位與座位間私隱度高🤭😋❁ 香濃椰子雞煲鍋湯底一滾起就食左雞先，雞件唔係雪藏雞，好新鮮唔會有雪味！湯料另外仲有老椰子、粟米、白蘿蔔、芹菜好足料所以都無另外叫菜食啦🍲🍲🍲❁ 本地手切牛吊龍🥩打邊爐一定叫番碟靚牛慢慢嘆，我地兩個人叫左一碟大晚牛吊龍，一上枱，嘩！牛肉脂肪分布均勻🤤師傅刀工好好切得片片大細都一樣，店員好貼心提我地，牛肉新鮮湯滾起只需滾2-3秒已經可以進食，果然食落口完全無渣💯油香四溢，激讚！❁ 風花雪月手打丸拼盤貪心既我一睇到menu就決定係佢啦！一碟10粒，共5款。包括手打墨魚丸、手打鮮蝦丸、手打果皮蝦米鯪魚丸、手打低糖芝士鮮蝦丸、手打鵝肝墨魚丸。當中個人最鍾意係鵝肝墨魚丸，比較少有食落好有驚喜，可以一試！🍡🍡 ❁ 白鱔片白鱔片CP值真係好高，一碟有八大片都只係$168，街市買都要呢個價錢，完全無泥味腥味，魚肉偏爽口實淨，火鍋最緊要材料要新鮮，無得彈！😋