芝樂坊餐廳

心血來潮好想食芝士蛋糕，一openrice 就見到cheesecake factory，因為之前實在係太多人等位，經常食唔到，今日專登6點出去等位！去到見到長長人龍，都知一定要等，好彩今次即刻攞到部機，等左50分鐘就有位喇！我地叫左芝樂坊沙律，avocado eggrolls,本身想嗌多個pasta，但侍應話我哋應該都夠食，叫我地食住先～🍽芝樂坊沙律沙律真係好大盤！烤雞胸好香，撈埋blue cheese加avocado，好creamy同香！Blue cheese完全係沙律畫龍點睛位！🍽牛油果蛋皮脆卷蛋皮包住香滑牛油果，入面仲有紅葱、蕃茄乾同松子仁！好香口！不過我prefer唔沾醬食😛🍰鮮士多啤梨cheesecake終於到主菜！cheesecake幼滑，不過我鐘意再芝士味濃d同無咁甜，士多啤梨浸左糖漿，加埋 cheesecake一齊食就更甜了🍰Godiva 朱古力cheesecake朱古力味就預左好甜，上層係朱古力mousse再加中間朱古力cheese，下層朱古力餅底有朱古力粒粒，朱古力味香濃，加埋朱古力粒粒有多重口感！讚！份量真係好大份，兩個人食到好飽！滿足！

係尖沙咀行開街，行到海港城，諗緊有乜好食，突然諗起cheese cake factory 開咗，於是就決定重捨在美國經常食嘅cheese cake factory! 嚟到餐廳，發覺跟美國的很像！因為朋友就快生日了，所以決定要一塊蛋糕！我們選了瑧子朱古力芝士蛋糕，店員們知道我的朋友就嚟生日，於是就問佢叫咩名，一嚟到個蛋糕有寫happy birthday同佢個名！重唱埋生日歌，好熱鬧！因為我地唔太餓，所以無叫到主食，要咗個蛋糕同埋水牛城雞翼就算，等下次再試！

朋友介紹下黎到cheesecake factory, 餐廳嘅燈光比較昏暗, 而且格局屬於懷舊, 係走外國餐廳路線, 有好多卡位可以選擇, 所以帶埋仔仔呢都絕對有空間。 因為係新世界中心上完堂，順路就第一次帶埋仔仔黎午餐, 等位接近45分鐘, 最後都覺得值得的。呢度係有一個小朋友餐, 但已自備午餐比佢, 所以就冇叫到, 等仔仔大啲再食我地落單叫左一個白汁雞皇意粉, 一客雞槌及重點既士多啤梨pancake一上枱先會有軟淋淋3款麵包, 另外會有牛油配送, 仔仔都搶住食呢但竟然係3樣一齊黎 -_- 忘記甜品後上白汁雞肉意粉夠濃味亦夠多醬汁, 超鐘意食炸雞有埋西芹配送, 有芝士汁可以點黎食, 超好味, 夠脆夠惹味而重點當然係pancake，今次既重點都係呢個, 好鬆化, 好香口, 甜度配合得剛剛好, 仔仔 都食咗一片, 下次可以encall值得注意的, 呢度所有嘅份量都係好大份, 唔好叫太多

生日飯 係度食 慳家的我認為十分貴但等咗太耐 驚我餓暈的朋友 狂點食物好似點咗個burger 🍔 卡幫尼意粉 芝士通粉 西蘭花🥦同蛋糕三個人食 最後只ko咗🥦 同佢啲餐包 其如都要打包 剩太多 番屋企 果度分開食咗四五餐不過每樣都好好食 平均分9分😍😍💯💹📈原來佢呢個價錢咁大份又咁好食 即刻覺得極掋 回頭率高😍太餓嘅關係冇影相 只有影到最尾嘅蛋糕 但飽到一啖都冇食 攞走😅拎到番去都隔咗兩日先食😅但都係超好食 好甜唔漏 會停唔到口 有芝士味 唔帶酸 朱古力濃 兩個都冇蓋過對方 30週年紀念朱古力芝士蛋糕

由於星期日中午食左自助餐，所以到晚餐時間都未係好肚餓，仲可以等下位，結果就繼續放低阿B，兩公婆出黎搵野食，去左一向都好多人排隊既餐廳。由於西餐通常份量比較大碟，而我地又想食甜品--重點芝士蛋糕，所以兩個人點左一份牛柳配薯蓉，再叫左件Godiva 朱古力蛋糕。個牛柳好淋，但唔係入口會溶嗰種，仲有啲𡁻勁，而且肉汁豐富，由於要左六成熟，所以唔會熟到乾晒，而且由於牛柳一向欠缺肉味（因為油花少，所以更加要唔好咁熟），但配上肉汁及薯蓉剛剛好。而甜品亦非常軟滑，而且唔會太甜，直得排隊，而且會再返試其他蛋糕，因為實在有太多款式。

之前試過一次夜晚去排，被告知要等兩個鐘，果斷放棄！心有不甘，搵個少人時段，特登黎試吓有幾好食！麵包: 食咗三分一已經無食，又乾又硬，唔夠熱，溶唔到d butter! 古巴卷: 春卷脆皮包住類似豬肉嘅嘢，調味ok，同d cheese 醬都夾，最重要炸得夠熱，脆卜卜，熱辣辣，係ok嘅！蟹球: 唔熱，唔脆，有小小唔知魚味定蟹味，咬落係淋嘅！呢6粒嘢收我92蚊，都未計加一，錢真係易搵！Four cheese pasta: 食到呢碟，不禁有個疑問，cheesecake factory d厨師煮嘢係咪好趕？又係唔熱嘅？芝士都溶唔晒想我點食！本身通粉係ok嘅，芝士味都夠，但一舊芝士響底食唔到囉！重頭戲original cheesecake: 舊嘢係好食嘅，但太甜，同埋個餅底太重味，喧賓奪主咗！同埋唔係d人講到咁大舊啫！總括黎講，咁嘅價錢，咁嘅質素，完全可以響第度食好d，食開心d！唔會再有下次，跟風傻仔做一次夠啦！btw, 發現美心餐巾！🤔

相信大家都知道Chessecake Factory啲野食有幾大份，咁到底有幾大份呢? 原來真係幾個人幾碟野都食唔晒!! 約食飯果日都唔係超級肚餓，所以都無諗住要叫好多野食，加上好想留肚食蛋糕，點知都係出事會飽晒🙈凱薩沙律+雞肉因為知道將會食左幾多卡路里落肚，所以要食大大盤沙律，減低左罪惡感先，事實係食完個沙律已經佔左個肚好多室間...Carbonara 已經成為每次西餐必點項目，常言道，越簡單越難煮得好食，今次Carbonara無令我地失望。非常creamy 同香，濃而不膩，意粉有咬口👍🏻Fish & Chips應該都係西餐常見食品，因為太鍾意食薯條叫左，魚又咁大舊😂 佢無油益味，魚手指唔係脆卜卜果種，不過我反而鍾情依款，真係好彩有叫!主角芝士蛋糕要出場喇!!! 士多啤梨芝士蛋糕應該係依度皇牌，好似好多人叫，佢啲cream同士多啤梨唔會慳俾你。另外嘅GODIVA朱古力芝士蛋糕，佢嘅朱古力濃到你唔捨得唔食，每一啖都係朱古力味。加上Cheesecake Factory嘅蛋糕偏軟身，每一啖都好似食緊朱古力醬咁呀😋😋😋

隔左一段日子 無諗過間野仲有人排隊已經book左位 但等左成粒鐘先有六人枱俾我地去食TEA算啦所有野都好大碟一件cake = 2-3人份量我地六條女為左食啲cake黎食dinner ————————————————————烤蒜雞肉糊蝶粉如果食dinner既 呢個係必嗌講明先唔係特別好食好少雞肉無蒜味維持到正常水準最緊要打卡影相靚 哈哈雞肉pizzaPizza個底好好食 唔會太淋又唔會太硬！好難得pizza個底好食作為cheesecake factory 芝士味唔太突出 無咩特別味道維持到一般水準口感好好但既然去到cheesecake factory 建議大家試下其他芝士味比較重嘅菜or 「乜都有pizza」水牛城香辣雞翼唔好嗌啊無一般水準！無雞味口感又差 一pat野佢有個凍既sauce 比大家點黎食好酸 唔夾建議大家食m記脆香雞翼Godiva Cheesecake每次黎都一定會嗌呢個cake 因爲本身好鍾意食Godiva 個雪糕味道唔會太甜太溜 又大件件cake 既chocolate 味好有層次感chocolate 味又唔會太苦澀好難得架！口感岩岩好哈會太軟太硬總之食完就好滿足Oreo

成日經過都見大排長龍，特登搵個星期六朝早少人時段黎幫襯吓，食完認真no comments...麵包: 之前睇過啲食評，一黎到就應該會有麵包serve咗先，但我地係正餐主食都到咗，個包先到！硬到一個點，乾到一個點，仲要包唔夠熱，完全溶唔到果舊應該啱啱響雪櫃入面拎岀黎嘅牛油！蟹波：可能真係我地孤陋寡聞，碟嘢黎到，真心嚇親，呢碟嘢收92蚊，仲未計加一!!! 每粒15個幾，龍X篤廿粒魚蛋！照理講應該係啱炸起，但唔熱嘅？有小小蟹味，唔脆，無咬口，淋唧唧，我食緊咩！古巴卷: 係ok嘅，脆身又夠熱，外皮好似春卷，入面應該係豬肉絲，加埋d芝士酸瓜醬，係match 嘅！芝士通粉: 又係果個問題，唔夠熱，芝士都溶唔到，係咩玩法？好似要鬥快食咁，但食到最尾，都係成pat芝士琼咗係底！🤷‍♂️份量十足但唔好食有咩用！原味芝士蛋糕: 係好食嘅，除咗過甜！另外，餅底似乎有落肉桂？同cheesecake 唔太夾，搶咗d味！今次真係純粹跟風食，結果大失所望，完全fail!!唔會再幫襯！兩個人埋單460幾，完全可以響第度食好d，食開心d！

今晚補祝返朋友生日🎂 於是就嚟到大名鼎鼎的cheesecake factory 因為夜晚無得book枱 聽聞次次都要等幾個鐘 今夜同朋友都吾敢怠慢 6.幾就嚟到餐廳 可能吾係weekend的關係 竟然吾洗等就入得🥰🥰🥰🥰 聽聞d野食好大份 我地3個女仔就叫左芝樂坊粟米片 烤蒜雞肉蝴蝶粉先試下味 叫左野食侍應就會放低餐包 有我中意的黑糖燕麥包同普通法包 兩種包都係外脆內軟 淨係食包都已經飽左1/3😂😂😂粟米片好大份😱😱😱😱😱粟米片上面舖住海量的cheese 伴住好fresh ge 蕃茄同粟米 仲可以dip🥑醬 酸忌廉 我地朋友都食吾停😋😋😋😋 蝴蝶粉同樣都係好大碟😱 一上碟好香蒜味 蝴蝶粉稍為硬 但整體我地都好中意🥳🥳🥳最後我地叫左青檸芝士蛋糕同漆黑蛋糕🍰 青檸芝士酸酸地好fresh 正好為頭先ge nacho解膩 配埋牛油餅底 一流🤤🤤🤤漆黑蛋糕就係朱古力蛋糕 呢個texture就有d過硬 但食落都好重朱古力味😽😽😽整體質素好好 但價錢都吾平 適合一班人嚟share食😝😝😝😝

環境寬闊，服務質素好，食物品質也優勝。推介雞肉蒜香檸檬忌廉意大利幼麵，清新香檸忌廉既creamy 麵質煙韌。還有烤蒜雞肉蝴蝶粉，既惹味又濃郁。燒烤風味雞肉田園沙律，清香又新鲜。炸鱿鱼煙煙韌韌，外表鬆脆, 惹味。乜都有Pizza 無得輸, 出名馳名的是芝士原味蛋糕, 芬芳濃郁芝士既creamy 又幼滑, 我也喜歡青檸芝士蛋糕, 青檸味濃又不蓋芝士味, 很正。 真心推介。

The Cheese Cake Factory都去過幾次，雖然次次都排成個半鐘，但係都係無阻我對佢嘅熱愛因為呢度嘅芝士蛋糕真係好好食，多口味揀，多大份，可以同幾個朋友仔share食一人叫一個芝士蛋糕一齊share食，已經飽到不行oreo芝士蛋糕真係好好食，雖然食左咁多cake都會覺得有啲膩，但呢配埋oreo脆脆真係正而芒果青檸就應該係咁多款中最清新嘅，但有啲普通未試過紅絲絨蛋糕，就叫左個試，其實都係朱古力蛋糕黎嘅呢度嘅正餐都好大份，3個人share食都覺得好多，所以呢度真係好適合一大班人黎食呢度環境又暗暗地，好有feel都見到有唔少人會黎呢度慶祝生日

係香港都開左一段時間，一直都好想試可惜長期排隊，平均要等一個鐘左右，好彩今次終於食到！好吧，都係要排一小時多餐廳感覺好大闊落，橙黃色燈光加上裝修好有美國特色，感覺好舒服。廚房又開放式，另外值得一提就係有吧台，好chill食物方面，一早聽聞佢主食出色，大大份同與價錢成正比。果然無令我失望，carbonara 好正多汁啖啖忌廉芝士，好邪惡另外叫左份芝士漢堡都幾好食，唔乾得黎多配菜。邊吃邊掙扎叫唔叫甜品，主食兩個人share已經食到好飽，但一場黎到下次又要再排長隊食，決定都係點份red velvet cheesecake,可惜好失望😞太甜紅絲絨味唔夠出，下次都係試原味好啲。

本身唔太喜歡食芝士但因為朋友想試下cheesecake factory 所以就去下啦先黎左個starter spring roll! 唔算太油 4隻source 都唔錯 仲勁足料之後到主菜 Carbonara 個汁都唔錯 唔濃又唔太稀不過不失之後到burger 薯條好好味 推介！但我嫌個包 dressing 唔係好啱我胃口 有少少失望終於到我成晚 最最最想試嘅cheesecake!!係好味嘅 不過即使兩個人食 都有少少覺得太滯建議兩個人share 唔好一人一個！

今天到尖沙咀時間尚早，是一個絕佳去人氣食店的好時候⋯ 一直很想去試試cheesecake factory，所以帶著愛吃西餐的小朋友們去吃。餐牌上有太多選擇⋯ 每樣都想試⋯因為小朋友都是愛意粉，所以點了2份兒童餐的pasta, 一心想兒童餐的份量不大⋯⋯怎料白汁太易飽肚了⋯ 也是要大人幫忙吃完。另外點了2份小食1份主食看到有炸芝士條，心想愛吃芝士的女兒會喜歡⋯ 怎料一桌5人，只有我愛吃看那拉絲的軟心芝士一般到美式餐廳，我會忍不住點buffalo wings... 這次也不例外。可惜，又要失望⋯ 是比較咸；雞肉還算嫩主食點了factory burger... 這個包還是不錯，內裡的肉汁吃時一直流出來，juicy👍🏻看著cheesecake menu, 好想試好想試⋯但真的太飽吃不下。跟老公說好下次再來試看著近門口的cake櫃⋯⋯⋯⋯ 等我！