芝加哥串燒 (美豐花園) (已結業)

早2日同女友去左食飯,我地去左大埔,因為要順便去買野,大埔超級城最近小左人,方便好多買完野之後去左餐廳食野,黎左依間芝加哥,依度有西餐食,環境都幾靚SET DINNER好似都幾抵食,一於試一試落單後15分鐘先有食物到,證明係即叫即做,唔係加熱,意粉好香呀口感幾好,有咬口果種,唔係林林地唔好食果D個汁都好有味道另外羊扒都唔錯,唔會有羶味,入口幾香,份量都幾多雖然依度有酒飲,不過因為要揸車,所以無飲酒,做個一等良民下次同其他朋友黎依度開餐先

大埔超多食肆，其中有間芝加哥串燒酒場都很出名，在疫情期間仍然超多顧客的。不過今次不吃串燒了，去了它的舊鋪懷緬一番，轉型做了西餐廳，叫Dragon Bar。雖然舊鋪座位不算多，當初以串燒闖出名堂時也是人頭湧湧。說到做西餐，水準也非常高！而且價錢非常便宜，分量又大，要推介一下這裏的啤酒，價錢不貴，比起其他酒吧，更值得來光顧！先來兩杯啤酒，朋友點的1664,也是出名易入口，喝完嘴裡充滿果香，口感清淡而細滑，相信大部份人都喜歡的。而我的Erdinger, 在一次德國旅行喝過便愛上，麥味香濃，但又不至於苦澀，比很多麥啤易入口，愛它的麥香在口裡迴盪。點了兩個小食，兩個主菜，價錢便宜，試多幾款無妨。香草雞翼$48。 有啤酒當然要吃香口小食，這個香草雞翼，外層灑上香料，炸得脆卜卜的，裏面雞肉肉質又滑溜，新鮮又大隻，助酒不錯。炸魚薯條$68。沒想過$68元的價錢有這麼大的份量，超級抵食！推介要吃炸魚，外層炸漿很薄，炸完超級香脆，裏面魚肉滑嘟嘟的，口感很好，加點檸檬汁消除油膩更好吃。薯條炸得夠乾身，外層脆卜卜，真的吃得很滋味。寶雲酥羊架$118。以麵包糠和迷迭香包著焗製而成，這是法式的做法，喜歡它外層有香

今日同朋友入到去太和食美食，位置係大埔翠樂街11號美豐花園地下10號舖【Dragon BBQ Bar】，舖內有幾張枱及椅子🍽，收工可以同朋友黎呢到放鬆下，食下野，傾下計。店內職員仲介紹好多不同特色既主菜、意粉🍝及前菜比我地揀。👇🏻前菜我地就揀咗👇🏻🐓香草雞翼 $48外脆內軟既肉質，濃郁既香草味與雞翼簡直係絕配👍🏻🐟炸魚薯條 $68炸到金黄色仲要勁大塊既炸魚🐟，外脆內軟，肉質仲要超嫩滑，食到唔停得口。配上長長厚厚既香脆薯條🍟加埋個醬料，超級惹味。🦐炸鳳尾蝦 $68嫩肉鮮甜可口，炸到金黄色，食到LamLam脷😋🥚黑松露炒蛋 $38半熟黑松露炒蛋，炒蛋好滑漏，好香既黑松露，食到停唔到口。👇🏻當然唔少得要叫主菜啦👇🏻🥩Prime 極黑牛小排 $168一定要食牛小排🥩，兩件又長又大塊，仲要夠哂厚身，勁多汁，有入口即溶既感覺。配上香甜既菠蘿🍍、煎過既香蒜及煎香咗既蘋果🍎，食到津津有味。當然唔少得飲品啦，飲品配埋 🍻Magners (Juice apple🍎) $42 x 2支，簡直係絕配。另外加多一罐🥤7up $18

住大埔的老友話翠樂街11號美豐花園地下10號舖，食物和環境不錯👍最近推出新食譜，餐廳雖細，但裝修很用心思，用酒櫃間隔廚房，酒櫃設計很美，牆身用葉紋的磚，真靚靚。我們點左紅酒🍷燴牛脷$58，牛脷夠腍入左紅酒香味，很好吃😋保雲酥羊架$118，羊肉質嫩滑，肉味香，沒羶味，值得推介，👍👍👍香草三文魚忌廉汁意粉$82，三文魚不少，味道不錯。黑松露意大利飯配帶子$118，帶子鮮甜，飯很creamy ，真不錯。生力黑啤，Magners味清香帶少少甜。

星期四晚放工同朋友食飯,上年搬左入大埔之後,放工返屋企既時間長左,好在多朋友住依頭去左屋企附近一家餐廳食野,佢地前一排停左無開,原來係轉做西餐入面燈光好似都唔同左,平時路過都見到佢地,其實今次第一次黎食野我鍾意食羊扒,依度既羊扒唔錯,依個價位黎講幾抵食,唔會太羶,亦有小小羶香,肉味都夠配埋調味料幾好食另外雞翼都唔錯,肉質好滑,又唔會好咸依度仲有酒飲,同朋友飲左幾杯,因為大家第2日都放假,所以都可以暢飲暢談價錢唔算貴,好合理

本身都係諗住同朋友飲下酒吹下水，但又未食飯，係依頭見依間又有得飲酒又有得食正餐嘅，就一於試下！估唔到嘢食係令人有驚喜！款式都幾多。仲要價錢唔算好貴。揀咗炸珍寶廣島蠔、保雲酥羊架同黑松露意大利飯配帶子。食炸嘢最驚就係個粉好厚但內餡就好少，但依個蠔絕對唔會因為真係好大隻，而且炸得好好，外皮酥脆，加少少檸檬汁已經好好食。羊架都令我地幾驚喜，一咬落去啲肉係勁多汁又嫩滑，完全唔難咬，同真係處理得好好，因為少少羶味都無。最搞笑係有埋個大蒜係到，特別之處係巳經煮到好林，食落去有蒜香味但食完之後唔會好大浸味留係個口，好得意。忍唔住食埋佢！！最後個飯其實都好好味，個汁好重黑松露味，個飯都煮得啱啱好，吸哂香味之餘又唔會太硬難消化。雖然餐廳細細地，但都坐得幾舒服，就算唔食嘢就咁坐喺度飲下酒吹下水都幾爽。

政府個限酒令真係睇到人眼火爆呀，禁酒根本解決唔到個問題，仲會令到好多酒吧結業，在限酒令實行之前食左一間不錯的酒吧格局的西餐廳，可能係疫情關係無乜客個侍應都走到出街外面sell客入去食，我地2個人見到都入去幫襯打打氣。睇個餐牌佢地啲菜都唔係好貴喎，3塊羊架都係$118，在外面食起碼要2百幾，侍應好熱情招待我地，我地都被佢打動左，佢話廚師係晌某五星級酒店做過，好多食物都好好味，佢老闆請到依個員工真係有運。🥗意大利陳醋沙律陳醋配上酸梅好開胃，沙律菜夠新鮮🦢香煎鵝肝鵝肝份量多，外脆內軟，配件多士就一流🐑保雲酥羊架3塊羊架好香香草味，5成熟夠晒淋又唔會有騷味，與薄荷醬很夾🍝卡邦尼意粉雞蛋與忌廉比例很好，洋蔥和煙肉很濃味🍻1664啤酒疫情下的啤酒特別好飲，沒有投訴

太和呢邊出名多美食😋😋難得約搵中學同學敘舊，梗係搵間食得開心，而且坐得舒服唔會人趕走嘅地方呢，呢度仲有酒飲添，出面有位可泊車幾方便。呢間鋪位喺好旺同店員傾開鋪頭係新開嘅，環境衛生都做得好好，鋪頭通風唔會焗住。朋友未到就先飲杯Apple cider同1664飲先，店員真係好nice ，逐款啤酒介紹🍻仲推介我地食幾款小食。肉醬配玉米片$58煙肉芝士好重手，仲有龍口味嘅橄欖同埋海量番茄肉，真心好好食，送酒一流😋炸燒烤菇配黑松露醬$58估唔到呢個炸菇係咁吸引，炸到出邊脆卜卜，但入面仍然好多汁，精粹在於佢個黑松露醬，真係十級好食，我地想再添，店員無托手踭，轉頭就奉上。燒烤醬雞翼$52多汁夠味道，隻隻大大隻，啱哂送酒，我地係時候叫多杯啦😹！寶雲酥羊假118其實一日呢間鋪頭就已經聞到佢嘅樣嘅味道，終於等到上碟啦！個Lamb Rack Provencal真整得幾好，麵包糠最加個醬汁真係冇得頂，好香而且佢個羊架味道真係好有吸引力。另外佢伴碟的炸蒜好正，我哋一人一粒搶晒😂！蒜香辣椒欖油意粉$68憑呢個意粉，就可以睇得出師傅嘅功架，食得出師父煮嘢食有料。呢個價錢真係人哋食咗個意粉🍝真係非常經驗的質素，爽身、

朋友帶我嚟呢間餐廳，放工約咗喺太和站等，然後行大約7至8分鐘就到，佢話疫情前成日都嚟。而家佢兩個仔唔使返學，日日比佢哋煩死😆😂，所以想輕輕鬆鬆，開開心心咁食返餐。一坐低，都未睇餐牌佢已經叫：唔該一杯啤酒！然後話呢度啲嘢唔貴，你睇下想食乜啦。店舖職員細心介紹下，我點咗4個菜式，同埋一杯Apple cider 比自己，酒精可以消毒😆，飲杯🍻！🍆炸燒茄子配黑松露醬$68金黃色嘅茄子，炸得相當酥脆，伴以非常香的黑松露醬，一口接着一口，好快比我地兩個食晒添😆。🐓香草雞翼$48雞翼醃得很入味，配啤酒🍻簡直perfect!🍖🐑保雲酥羊架$118點咗7成熟嘅羊扒，3件大大件嘅羊扒，一啖咬落去，非常軟熟，肉係淺粉紅色，熟度很準確，配以惹味嘅寶雲酥無人能拒。不能不提伴碟嘅原粒蒜頭🧄，會咁樣整蒜頭嘅餐廳唔多，即時感受到廚師對食物嘅要求，美味，往往醞釀在誠意中。🍝蒜香辣椒橄欖油意粉$68店員介紹蒜味及辣度，可以因應個人口味調配，真好。我點咗多蒜，一般辣，意粉煮得al dente (彈牙），簡單而美味。呢度環境好chill，加上舒服嘅音樂下，好快就進入輕鬆狀態，兩個人乜都傾，由現狀講返去以前係英國一齊讀書嘅搞笑

朋友住舊墟直街，雖去找他們處理一些事情，現時不宜家訪，相約後找個地方坐下。原來附近幾條街有很多食店，大家躊躇找哪兒可坐，順便吃東西的時候，見這侍應姐姐熱情邀請，就在這裡吧！先來飲品降温，❨ Magners apple cider  蘋果酒❩，甜甜少酸蘋果香，酒精成份不高，冰凍。❨Asahi❩ 日本生啤，清爽輕苦澀，但順口，有男神說的angel ring。❨1664❩ 白啤酒，清新有橘子味，微澀。❨蘋果汁❩ 甜甜酸酸又夠凍。送酒小食 ❨Fish and chips❩ 份量挺大，炸魚的皮好脆，肉質滑，加些檸檬汁更提味。醬汁也調教得好味，用來點香脆薯條❨香草雞翼❩，一上枱就散發香草清香，一碟四只不用爭，仲有D沙律菜伴碟，灑少少義大利醋，幾清新。主菜有❨燒烤醬配豬肋骨❩，有2件共5條骨，份量足，肉很juicy，淋滑無筋。伴碟有半個頗大的蒜頭，用刀叉很容易就可挑出來。因處理過，沒有生蒜的辣味，熟蒜微甜。聽說蒜頭可殺菌，這時候食，感覺良好。燒菠蘿也是一絕，可解膩。❨Prime 極黑牛小排❩ 牛味香濃，煎得香又軟嫩，伴菜與豬筋骨相同，兩片不太厚的牛肉，份量多一點更好。❨蒜香辣椒欖油意粉❩ 侍應姐姐推

好耐無食過一間咁有驚喜嘅餐廳，一定要出返文讚一讚廚師，非常認真同高質素嘅菜式。呢到係新開，唔係朋友住附近都唔會知道有，店內座位唔多，都係bar嘅高腳枱椅，坐得都舒服嘅。重點係食物！第一碟叫咗前菜炸燒烤菇配黑松露醬，估唔到炸菇又幾好食，因為菇類有好多水份，可以做到外脆內軟又juicy嘅感覺，而黑松露醬更加係提升成碟菜嘅元素！送酒呢個菜真係一流，夠香口！之後就係燒烤醬雞翼，呢碟都好好味但同平時出街食的差唔多～Prime極黑牛小排，好正！咁嘅價錢有呢種質素係好驚喜，好似高級西餐廳咁，牛排又軟又好多汁，正呀！配搭嘅薯仔都係好食，唔知大廚用咩方法令佢有啲焦香味。叫埋個意粉飽吐啲，叫左香草蕃茄烤蝦意粉，呢碟雖然係最平常嘅菜式，但大廚煮得異常好食，一來係意粉軟硬適中，偏有咬口一點，二係醬汁完全係炒咗落啲意粉到，平均沾滿咗醬汁，下次來想食下蒜蓉辣椒炒意粉！

最近太壓抑，約咗朋友出黎啤一啤，的確係可以令個人暫時放鬆一下！炸鳳尾蝦外脆的炸皮配上爽口的鳳尾蝦當餐前菜配啤酒不錯之選炸珍寶港島蠔蠔比想像中大隻一啖咬落口仲充滿蠔汁 食得出鮮味 仲好抵食一碟有四隻 四隻都好重份量 值得一試再試保雲酥羊架老實講本人唔太鐘意食羊 因為驚羊的羶味,但食完這店整過的羊 我開始對羊改觀 因為完全唔覺得羶 可能羊外面的炸蒜整到同羊的肉好夾 完全唔覺得有羶味仲食羊的真正味道 同樣地超級抵食份有三大塊仲好厚!香煎鵝肝鵝肝略為有點過火 有部份燶了一點 感覺乾乾的但整體不錯

放假約左朋友S去講朋友K壞話,大抵女人既生活都離唔開咁最近都唔出得遠街,所以都係係附近食野,我地去左芝加哥串燒酒場食野,順便飲酒黎到先知道原來改左做食西餐,不過見價錢都唔貴,一於試下我食左個帶子意大利飯,上枱都幾香帶子好新鮮,味道鮮甜意大利飯飯粒煙韌,個汁唔會太濃太傑,好好食份量都幾多,唔駛叫其他野食都夠飽之後飲左支果汁酒,係侍應推介,幾好飲,唔會太甜傾計傾到夜晚先走,人流唔算多,可能我地果日係星期3晚掛

今晚和老公經過大埔美豐花園附近，見到有間酒bar🍻。服務員推介他們的意大利飯不錯😮，完全是老公杯茶，想不到酒bar 也會有正宗西餐菜式，於是就入內試試！點了墨西哥雞肉芝士烤餅，黑松露意大利飯配帶子和極黑牛小排🥩，另加兩杯啤酒🍻！ 第一道送來的是墨西哥雞肉芝士烤餅，烤餅皮脆，再配上濃濃芝士，好好味，配碟的黑醋沙律亦不馬虎！然後是黑松露意大利飯配帶子，一上枱已經好香，熱辣辣！意大利飯的軟硬度剛好，入口creamy，有點意外在一間酒bar吃到這種水準的意大利飯👍🏻👍🏻！最後是極黑牛小排，擺盤很漂亮，看得出誠意！牛排放入口滿口牛酥香味，外脆內軟，生熟度剛好，juicy！伴菜 - 燒蒜頭🧄外表很可愛，燒完後已沒有辛辣味，口感軟軟，幾香！燒菠蘿好甜，吃完牛排，再吃燒菠蘿，可以中和一下，配搭見細心，不錯！如果想輕鬆下，和朋友摸下酒杯底，同時吃到美味西餐，可以一試。

Prime極黑牛小排 💲168保雲酥羊架 💲118紅酒燴牛脷 💲58香草蕃茄烤蝦意粉 💲78✅ 牛小排脂肪分布平均 燒菠蘿解油膩感🍍✅ 保雲酥羊架特別既地方係法式芥末同蒜蓉大大片咁鋪上羊架既表面🍩 而唔係側面 蒜味濃郁之餘羊架都肉嫩多汁🌊✅ 牛脷大大碟好足料🤑 食曬已經好飽🤰🏻👅Taste：3.5/5💰CP值：3.5/5🙋🏻‍♀Service：3.75/5👁‍🗨Stylishness：3/5