芝加哥串燒 (美豐花園) (已結業)

Dragon bbqbar係芝加哥串燒嘅分店，呢邊係主打西式菜，有賣扒，意粉，小食同酒，今次試咗佢兩隻draft beer（$ 53 HH /1), 用冰杯上，冰杯雪到超級凍都keep到凍一段時間，另外小食叫咗炸菇（$58）同香草雞翼（$48），當中炸菇真係值得一食，份量大份，粉粉厚薄適中均勻，一咬就散開，裡面大大舊燒烤菇，炸得非常juicy,點蘸埋黑松露醬非常之美味，如果醬汁唔夠，店主非常熱心為你加醬，服務相當好。配酒合適不過喇。另外主菜叫咗prime極黑牛小排（$168）同保雲酥羊架（$118），兩者都可選擇熟度，前者揀咗medium,後者就7成。配菜有用心制作嘅炒菇，煎原隻香蒜，薯角，當中薯角真係好好食。牛扒仲配有燒菠蘿去油膩感添。牛扒肉汁鮮嫩，牛味濃濃，如果表面煎得再燶一點就更加好喇。相憶之下羊架更加抵食，份量足，有三舊羊架再加配菜，絕對夠食。羊架以酥炸，外酥肉嫩。Bbq bar燈光昏暗，同朋友飲飲酒談談天吃吃東西都係一個幾啱嘅地方。

好耐無見中學同學想傾吓計食串燒小食 黎到近近地既大埔 今次選擇黎芝加哥呢度 飲返杯gur下 朋友叫左杯Guinness 佢好鐘意飲鐵繡味 夠苦🤯我就比較鐘意酸酸甜甜🤣Apple cider 就可以喇🤩唔止somersby 仲有款magners 幾爽酸甜好飲 之前黎呢度都鐘意叫佢地既串燒😛不過唔知點解今日menu無串燒 得小食同意粉之類 👀所以就只係叫左小食 我地叫左蒜香雞翼 唔係乾身個隻 係濕身多醬汁包著既個種雞翼 食起嚟又幾惹味喎 個醬汁幾香甜雞翼食落幾滋味😋之後叫左個黑松露醬炸菇 好正 外脆內嫩 外面係層好薄既脆漿 裡面既菇好鮮嫩 配黑松露醬食好惹味呀 送酒一流😌另外我地仲叫左個炸魚薯條 炸魚好大大件 一樣都係好脆口裡面既一疏疏好軟熟 幾好食 薯條都唔錯 樣樣野都幾好 就咁食下小食飲下酒傾下傾下發現原來咁都會飽到上心口🤣

約了朋友食生日飯，咁岩撞正星期一，放工都易約d又方便d，我地去左大埔食飯，最近都係去D唔太多人既地方比較安全。餐廳幾有情調，星期一晚唔算多人，方便傾計，落單好快有野食，依度專食西餐，我地每人叫左一個套餐，我食左個牛扒薯條，薯條係炸得脆果種，唔係求求其其放上去，好好味呀！牛扒都好有味道😋，唔會好咸或太硬，口感味道都一流。炸魚都幾好食，點埋醬味道更加好。之後叫左D酒飲，依度D酒都唔算貴，幾抵飲，食完傾左一陣計就返屋企，因為第2日仲要返工。

今晚同朋友去飲杯野放鬆下，成日見到餐廳職員係店外好用心咁宣傳同介紹，仲要係黃店，緊係入去支持下！apple cider我揀左angry orchard，酒味同甜味平衡得黎又夠濃，好味道，店員仲特登幫我地換冰杯飲。小食同主菜質素好高，我中意佢地份量剛剛好，大力推薦黑松露帶子意大利飯，超濃郁巴黑松露味仲有少少creamy質感，飯粒煙煙韌韌有嚼勁，帶子煎得出色大大粒而且熟得恰好，仲食到裏面嫩滑的口感，至於三文魚忌廉汁長通粉同樣好creamy好喜歡佢地醬汁夠濃同多。另外香草雞翼同埋墨西哥雞肉烤餅都必試呀！一定會再返黎食！👍👍

琴晚同個fd去大埔搵野食，又去左間之前食過另一間串燒既呢間分店。今次呢間店有啲唔同，個餐牌野食完全唔同，咁又試下啦，我同朋友每人都叫一杯啤酒先，店員見我地係女仔，極力推介我地飲一款似cider既蘋果味果酒。咁又試下先，飲落好香果味，而且好易入口，酒精唔會好高，岩我唔太鍾意高酒精濃度既人飲，真係一飲飲唔停。呢間野原來主要食西餐，我兩個女仔見到樣樣都想叫食。小食、意粉同牛排都叫左，慢慢食可以傾計。第一款炸菇配黑松露醬，食落個炸粉漿好鬆脆薄身、點落黑松露醬度成個味超夾，飲埋啤酒真係食唔停🥰第二係紅酒燴牛脷，牛脷炆到好淋、好好味，仲有埋薯條食添。第三係茄汁蝦意粉，幾隻蝦都好大隻，蕃茄醬既味係食得出新鮮既茄肉配搭，所以食落唔錯！最鐘意就係個主菜，煎牛扒。全部野都係即叫即整既，所以個排都係新鮮整出尼，係用上靚既牛去煎，肉質好好、好有牛味，連對牛好挑剔既都好鐘意呀！有埋燒波羅、牛油薯角一齊食係好match架，份量好足，正！間野一路食一路有埋酒飲，仲有電視播桌球比賽，下次可帶埋男朋友/其他來吹水食下野！

喺呢啲時勢，真係要搵間舒服嘅餐廳Hea下吹下水，調劑一下納悶嘅心情竟然比我喺大埔發現到一間好有feel嘅酒吧我揀咗室外嘅位置，簡直就要大力推介一邊聽住餐廳嘅音樂，一邊飲住啤酒，嘆到一個點店員好細心介紹餐廳必食推介，仲有唔同酒類飲品嘅口味，第一次遇到咁熱心嘅店員😂😂我差唔多叫晒佢推介嘅嘢🤣🤣真係每一樣都好正，好好食😋佢介紹咗Cider， 清香嘅蘋果味，好啱女仔飲👍🏻炸燒烤菇配黑松露醬呢個送啤酒一流，烤菇好香口又多汁，再配埋個黑松露醬，一流呀炸魚薯條炸魚薯條一到，心唸唔係咁大份呀😱好多餐廳都係得一件魚，佢哋係有兩件呀，好大份好抵食，會唔會過分左啲呢🤩🤩我覺得好食過英國嘅炸魚薯條😂香蒜辣椒欖油意粉唔好睇佢個樣好似平平無奇咁，好香好味，一陣就清左成碟😅香雲酥羊架呢個又係好好味，點算啊，樣樣都好好味呀😂羊架三大件口感好嫩好多汁，鍾意羊嗰陣味嘅人一定大愛😍😍必食必食記住要Medium well，好食到你唔信😬俾大家參考下有咩飲價錢好抵食我一定會再返嚟食囉，門口位真係好正，吹着風聽住音樂啤啤佢，好似去咗歐洲咁爽等我。i will be back

係咁嘅時勢業主竟然要加我租，又係要四出睇樓嘅時間啊！睇咗幾個小區地方，好鬼攰要坐低飲番杯野抖下氣。行過路過見到呢一間 Dragon BBQ Bar, 環境氣氛唔錯，價錢親民合理，一於坐低飲杯嘢嘆番個 dinner。Apple Cider我今晚唔飲得啤酒所以就叫咗支Apple Cider，呢個牌子好少見，味道夠清幽，甜甜地易入口啱晒女仔。前菜炸魚薯條 $68店員服務細心又夠熱情，極力推介我們吃炸魚薯條因為實在大件夾抵食！炸魚大大件熱辣辣，魚柳夠晒厚身，咬落去十分 juicy, 加上他們的炸魚醬汁，粗身薯條，滋味無窮！主菜燒烤醬配豬肋骨 $108師傅手勢果然一流，即叫即製，水準甚高！燒烤醬味道獨特，配菜竟然用上香甜的烤菠蘿，原隻蒜蓉勁惹味，豬肋骨味道濃郁，肉質軟腍順滑，食到舔舔脷！意大利飯黑松露意大利飯配帶子 $118果然係招牌菜式之一，黑松露味道遠遠都聞得到，意大利飯是正宗的七成熟煮法，口感有咬口。配合濃郁的芝士有拉絲的效果，帶子鮮甜大隻，肉厚多汁。意粉香草蕃茄烤蝦意粉 $78又要再一次讚下廚師，香草蕃茄清新怡人，口味健康，烤蝦彈牙，意粉結實有嚼勁。

想輕鬆一下，經過dragon bbq bar ,見到有酒飲，又有野食，抱住試下既感覺！點知又幾好食窩，食物算抵食，店員知我唔鐘意太種酒精既酒，就推介左一款新出嘅蘋果酒，好飲！仲encore 左唔記的個名，但好好食既， 配埋個黑松露醬，一流！配埋啤酒，絕配呀！牛脷好入味，薯條好明顯啱啱炸起，好爽脆！呢款都非常推介，而且價錢唔貴。份量都啱啱好，入味同埋脆口。比我想像中辣少少，但加埋嘢飲都非常好食，意粉嘅口感啱啱好。烤羊架做得最出色，外皮爽脆，又多汁，值得一試。酒吧必備嘅大電視

在大埔嘅美豐花園，有一間隱蔽小店，係食西餐嘅。它的前身是食燒烤的，但由於開了另外一間分店，所以兩間餐廳就做了一個明確的分工，這一間是吃西餐的。同時朋友之間想聚一聚，也可以在這裏喝啤酒。享受一個happy hour.他這裏，可以有生啤、樽裝啤酒供選擇。一開始時候，食一碟小食，就係Fish and Chips.炸魚可謂非常非常大嚿，有一隻手板咁大，而且啲魚肉非常非常滑，薯條新鮮熱辣，炸得香脆。配上沙律醬，正。之後去到正餐，特別點選這裏的卡邦尼你意粉，除了醬汁香濃之餘，特別想提的是，他這裏的意粉質感非常好，稍微硬身的，不錯。之後嚟到整篇食評的重點推介，就是這裏的羊架，羊架煎得非常香，香脆炸蒜放在上面，配上薄荷醬、芥茉醬，非常入味。伴碟是經過烤焗的蒜頭🧄，正。最後不得不提的是，這裏的店員非常用心，熱切殷勤地招呼客人，務求令客人有稱心如意的體驗。埋單計數$441，絕對物超所值。

今日又來大埔，同沈大師食飯，今日股市我哋琴日都預計最少輸1000點恒生指數！都係唔好洩漏咁多天機。講返嘢食先呢一間酒吧，呢附近有兩間，兩間嘅食品唔些同㗎，大啲嗰間呢就有串燒食，細嗰間呢直情有正餐，其實我哋去吹水傾偈，飲完酒食啲嘢，再飲返酒，係好適合我哋生活模式因為唔使轉場，附近泊車亦算方便，街又得又有停車場。合法非法悉隨尊便。都係講返正題，侍應非常殷勤，如果我係老細都非常感恩，大家都應該係共渡時艱，飲品好落力推介，由於我揸車唔係好飲得酒，所以我都係飲啲Cider就算數，沈大師喜歡入1668，希望佢唔係入咗貨啦😂😂😂。頭盤我哋嗌左雞翼，大盤兩個都係叫咗牛扒，雖然份量唔算多，但肉質高級食得到，伴碟舊菠蘿都非常好食。經過呢頭，想飲酒傾偈睇波，應該係不二之選！

一路都知大埔好多好嘢食, 今日 口痕好想食串燒, 上嚟openrice見到芝加哥串燒評語都唔錯就過嚟試下, 環境幾舒服, 可以放鬆慢慢食下飲下嗌咗兩杯酒， 慢慢飲住等串燒😋 之前去其他酒吧嘅嘢食都係普普通通，通常炸嘢比較多，估唔到呢間嘅串燒真係好味， 直情可以當正餐咁樣食 最緊要佢嘅串燒唔係好咸， 味道適中，有陣時有啲串燒店鹹到你接受唔到， 我最鍾意就係佢嘅燒鴨胸肉，好香燒烤味， 另外燒茄子都好香， 啲醬汁入曬味，蒜蓉味好重， 另外芝士焗茹估唔到可以有拉絲效果， 滿足曬我依啲芝士迷嘅需要我哋搵呢間舖都搵咗一陣，近太和，原來佢係兜咗入後行， 整體嚟講下價錢都算合理， 性價比都不俗，下次可以再黎relex下

今日放工同朋友仔入大埔搵食😂 口痕痕又唔想食炒粉麵飯 就去左食串燒飲下酒chill chill 佢😂 仲可以傾下計～ 可能時間仲早 我地係第二枱～ 一入去係酒吧形式有大大部電視播放足球如果當晚有球賽仲可以睇埋波應該會好熱鬧🎉🎉 雖然佢係酒吧形式但環境好舒服唔會坐到好逼因為唔多人同時間比較早 唔會好嘈 最岩就係飲杯酒傾下計～ 餐牌好多種類 海鮮、肉類、蔬菜樣樣齊 齋睇圖片都已經流晒口水🤤🤤 樣樣都想食樣樣都想點 但係我地得兩個人唯有試住幾呢十幾款先😂🤭 我地點左香蒜蔥花廣島蠔、香蔥燒半殼扇貝、燒原隻魷魚、鹽燒雞軟骨、鹽燒雞皮、燒羊架、鹽燒牛舌心、炭燒豬頸肉、燒玉子、招牌茄子燒、韭菜燒、芝士黑松露大啡菇、炭燒豬大腸 仲叫左2杯酒🙈 Apple Cider 同 Dog Days🍻黎點綴下d美食🤤🤤 落單後先為我地上2杯酒～ 蘋果酒有甜甜既蘋果味非常之適合配上咸咸地既串燒🤤🤤 而另一杯啤酒都好易入口 新手都可以試下～由於食物即叫即做大約要等10-15分鐘 整體食物分兩轉上 唔會一次上晒d食物 食唔切而凍左 好細心👍🏻👍🏻 第一轉 熱辣辣香噴噴 已經急不及待先食蠔～ 好新鮮 又唔會燒到乾爭爭

眨眼又快到 Xmas ，係時候約埋一班朋友出嚟飲酒助興，最緊要都係裝飾有氣氛，可以慢慢坐同埋坐夜啲，仲要價錢唔好太貴喎！集合咁多要求都竟然俾我哋大埔友搵到，新裝修沙發坐得好舒服。串燒好食之外價錢仲好優惠，大部份$11-$30 有交易，最適合小資仔女。一踏入門口已經充滿神秘氣氛第一時間叫返兩杯啤酒襯返啲海鮮，天氣熱辣辣叫番杯麒麟啤 Frozen Beer, 除咗涼透心之外芒果味仲好易入口啱晒女仔。鍾意飲口味淡啲嘅啤酒，新力青啤又好啱胃口喎！味增甲羅燒，蟹膏味道濃郁到爆出嚟！撈勻中間嘅蛋汁一齊食更加滋味。香蔥燒半殼扇貝，呢個真係好味到冇朋友，醬汁惹味就唔再講啦！帶子肥美肉厚，質感彈牙！朋友口味好中國式，滋味臘腸串、豚肉串就最啱佢啦！有朋友唔食牛肉唔識豬肉咁雞肉就最啱佢啦！蜜糖雞翼、燒雞翼包飯、皮脆肉嫩，甜甜蜜蜜好香口。健力士黑啤豬肉腸、一口和牛串，肉味濃郁真係食過返尋味。燒紫菜年糕串，最喜歡鹹鹹甜甜嘅味道，口感Q彈，風味更好。金菇牛肉卷差唔多係我每次必叫嘅，鳳梨燒即係燒菠蘿啦！當甜品食一樣鮮甜多汁。

朋友話想食下燒物飲下啤酒，於是我就上網睇吓啲食評，見到呢間都唔錯咁，就6點到左啦！- 炭燒牛排。肉質鮮嫩，好易咬得開，仲有肉汁散出😊- 金菇牛肉卷。牛肉肥瘦適中，食下菇類減下肥膩感☺️- 招牌茄子燒。配上蔥蒜燒，非常惹味😋- 燒大啡菇。加上鵪鶉蛋以及煙肉片，菇的香味更特出👏👏- 燒汁銀鱈魚。鱈魚本身都很滑，佢配以燒汁烤焗，令魚皮脆口，肉質嫩滑😽- 燒羊架。很喜歡羊的騷味，7成煮熟，肉質鮮嫩，唔un，美味。- 風味燒羊肉串。加了孜然粉燒羊肉真係好拍檔，百食不厭。- 香蒜鮮鮑魚。蒜香唔會冚過鮑魚嘅鮮味，而且好易咬開😽感覺新鮮💃- 配上兩杯啤酒，同好友傾談一番,樂極忘形開心的一晚. 走的時候，差不多滿座土，故真係早食早享受👯‍♀️

天氣涼涼地除了打邊爐最啱就係BBQ，咁就搵間有人燒埋俾自己食嘅地方啦。經過門口以為係酒吧，原來係主打串燒同飲酒嘅。👍裝修以黑色為主色調，吧檯上有大電視可以睇波，聽住音樂同朋友啤一啤，傾下計真係幾爽!🍻因為當晚餐吃，所以一口氣叫咗十幾樣燒物，好滿足。推介燒鲭魚同燒鱔片，個邊好香脆，吃得出師傅好用心燒。燒蔬菜都係我首選，娃娃菜同韭菜都夠幹身，唔會太鹹。整體食物水準都可以達到我嘅要求，不過建議天氣涼，最好分開兩轉落單，咁就唔怕食物變涼啦！