芝加哥串燒 (美豐花園)

星期四晚放工同朋友食飯,上年搬左入大埔之後,放工返屋企既時間長左,好在多朋友住依頭
去左屋企附近一家餐廳食野,佢地前一排停左無開,原來係轉做西餐
入面燈光好似都唔同左,平時路過都見到佢地,其實今次第一次黎食野
我鍾意食羊扒,依度既羊扒唔錯,依個價位黎講幾抵食,唔會太羶,亦有小小羶香,肉味都夠
配埋調味料幾好食
另外雞翼都唔錯,肉質好滑,又唔會好咸
依度仲有酒飲,同朋友飲左幾杯,因為大家第2日都放假,所以都可以暢飲暢談
價錢唔算貴,好合理