影片
開飯介紹
於大埔起家的人氣串燒酒吧，此分店設有室內外座位，其串燒火侯十足，生熟度恰到好處，肉質鮮嫩，香氣撲鼻，而且價錢合理。
繼續閱讀
附加資料
📢設有包場服務🎉外賣到會⚽英超足球直播🥅
營業時間
今日營業
15:00 - 03:00
星期一至日
15:00 - 03:00
以上資料只供參考, 請與餐廳確認詳情
有關獎賞計劃
優惠
閨蜜表示呢呢排嘅工作壓力好大，於是我就提議不如我哋去食嘢減吓壓先，去佢放工附近嘅中環搵嘢食。呢間餐廳佢話佢食過，啲串燒大約20至$40左右嘅價格，當然有啲菜式可能會貴過呢個價錢。人氣豚肉組合 $98極品即燒乳豬+荔枝豚肉卷+椒鹽日本黑豚+炭燒豬頸肉x1鍾意佢個乳豬好脆口，荔枝豚肉卷荔枝好甜，鹽燒黑豚同埋豬頸肉好有燒烤嘅風味。人氣雞肉組合 $89招牌雞皮墨魚滑+芝士雞肉串+雞肉軟骨棒+蜜糖雞翼 x1欣賞佢個雞皮墨魚滑，外脆內煙靭彈牙嘅感覺。其他雞肉串燒都幾好食。燒娃娃菜 $15充滿燒烤味，食咗咁多肉都要食啲菜！燒宮崎雞扒珍珠飯 $88碗飯同平時嗰啲丼飯嘅大細差唔多，兩個女仔食都夠嘅，因為雞扒大大塊，啲醬汁撈珍珠飯幾好食。Pina Colada $128揀咗呢杯雞尾酒，有啲菠蘿同埋椰汁嘅感覺，甜甜地幾好飲，容易入口啱女仔飲。呢度係一般酒吧格局，適合同一班朋友放工嚟食串燒飲下酒減壓。閨蜜讚呢度啲燒烤調味幾好，除咗有燒烤嘅醬汁風味之外，食材原本嘅味道同埋新鮮口感都可以感受到。
繼續閱讀
是日探店，又讓我找到一家食物不錯坐得舒服又不趕客的聚會場所😋位置就坐落於中環蘭桂坊，正適合上班一族下班消遣。沿着蘭桂坊知名的打卡斜坡上去，在右手邊的橫街小巷拐，頓時好像穿越到另一空間般，燈光酒色，紅綠相映，令人目眩神搖。雖然霓虹燈館大大的字寫著芝加哥，但門口擺放的經典牌坊仍提示你人仍身在『老蘭』。一坐下當然是先來一杯啤酒，一解忙活一天的辛疲。冰涼充滿泡沫的啤酒滑下喉嚨，頓時舒解當刻的鬱悶。餐廳的酒水選擇繁多，除了啤酒，wine、sake、gin、whiskey應有盡有，不會喝酒的也有mocktail可選擇。食物種類也多不勝數，雞豬牛羊魚鱔蝦貝甚至連乳豬烤全羊也能點，價錢也相當相廉。我們點了燒娃娃菜、燒蜜糖叉燒、午餐肉串、芝士和牛、炸白鱔骨、半打廣島蠔、芝士年糕、乳豬、烤豬大腸、明太子多士、紫菜年糕、燒魚肉燒賣、燒東星斑柳、白松露薯條、荔枝牛肉串。值得一讚的是，這類的串燒調味不會過濃，越吃越渴。雖然價錢便宜，基本都是$20到$40一串，但用料絕不吝嗇，每一串都塞的滿滿當當。厚切午餐肉食肉獸至愛😍😍加了孜然粉，將肉膩相對減低，厚切的刀工，每一口都是滿足感。芝士和牛也是印象深刻的一款，芝士充滿奶香，和牛嫩澤飽滿，兩者都是口感濃厚的食材，但入口居然完全沒有油膩的感覺，反倒突顯出牛肉的咸、鮮、香。脆炸白鱔骨是比較少脆的菜式，香脆可口，像炸魚皮卻有更有口感。生蠔雖然形狀大小稍為失色，但非常飽滿多汁，絲毫不腥，海水味較淡，反而像是令和怪物像牛奶般的滑溜口感。想不到紅東星斑除了蒸煮還能燒製，經過高溫炸製，魚肉變得更緊實有彈性，反而有點像脆肉鯇的質感。燒乳豬比想像中薄切，但燒得很脆，油被高溫逼出後，乳豬變得香口而不膩。白松露薯條滿滿一大盤，是三五知己伴酒必叫的小食。薯條是港式老扒房的波浪薯條，外皮稍微脆身，內裡是綿綿的口感，旁邊伴上自製的沙拉醬、蕃茄醬和松露蜜糖，甜的鹹的酸的任君選擇😝😝我愛的還是甜口，加上松露蜜糖把味道更推上一層樓。總體來說，這裏的食物質素和價錢在中環的串燒店來說也是性價比很高的選擇。
繼續閱讀
Weekend 放假同朋去蘭桂坊輕鬆一下大家都係鐘意食住串燒，飲住酒 Chill 返下梗係要去由大埔起家，紅到去中環嘅人氣串燒酒場串燒酒場設有室內外座位，室內用上霓虹燈做裝飾，設有大型 LED 電視，仲可以睇足球比賽，氣氛十足食物方面:Sex On The Beach : 用伏特加做基底，配上桃子糖漿、橙汁、紅石榴糖漿調製，味道清新帶有果味Blue Hawaiian : 用冧酒做基底，配上椰子、藍橙酒、鳳梨調製，口感香甜爽口香蔥燒聖子王 : 聖子王夠曬大隻，火喉燒到剛剛好，肉質柔滑鮮嫩帶點爽脆，再加埋香蔥蒜蓉辣椒醬，惹味到不得了紙鷂雞皮 : ，原塊燒雞皮燒到紙鷂一樣，燒得勁薄勁香脆，配埋啤酒無得彈鹽燒牛舌芯 : 牛舌燒到表面焦脆，再加入少少黑椒去燒，肉質有咬口帶少少咸味豬肉人氣串燒組合 : 有極品即燒乳豬、荔枝豚肉卷、椒鹽日本黑豚、炭燒豬頸肉，當中極品即燒乳豬燒到外脆內軟，咬落夠 juicy，肉質夠嫩滑雞肉人氣串燒組合 : 有招牌雞皮墨魚滑、芝土雞肉串、雞肉軟骨棒、蜜糖雞翼，當中招牌雞皮墨魚滑雞皮香脆，墨魚滑彈牙，口感豐富 燒尖椒串 : 虎皮尖椒新鮮翠綠，辣味十足，辣得過癮浦燒雞脾菇 : 雞脾菇鎖住哂豐富既菇汁，口感軟綿綿，再加上浦燒汁，夠 Juicy 又惹味炸饅頭 : 饅頭炸到金黃色，香脆內軟，再蘸上煉奶食，簡直絕配
繼續閱讀
串燒最精髓之處就係咬一啖肉，即時整啖啤酒，你諗下係冷與熱夾擊之下，果種化學作用，味蕾第一時間感受得到，帶黎無限既官能刺激，試問一個凡夫俗子又點抵抗得到，呢種誘惑呢？👇🏻📌招 牌 推 介 -▪️ 串 燒 - ▫️「招牌雞皮墨魚滑」雞皮外層脆口，裡面墨魚滑食落爽彈，正！▫️「芝士雞肉串」雞肉嫩滑，夠juicy，面頭層芝士唔會太漏。▫️「雞肉軟骨棒」裡面食到粒粒軟骨，點埋蛋黃一齊食，份外惹味。▫️「蜜糖雞翼」額外仲有蜜糖附上，鍾意食甜d一定要點！▫️「煙燻和牛牛舌」口感好有咬口，彈力十足，仲有淡淡煙燻香，好食。▫️「燒豬大腸」燒到外層非常酥脆，好似食到薯片咁，裡面夠哂煙韌。▫️「燒土匪雞翼」真係做到四川果種風味，呢個一定要食。▫️「阿波美雞肝串」雞肝入口即化咁制，口感綿滑，鍾意食內臟既朋友有福了。▪️ 主 食 -▫️「安格斯牛板腱珍珠飯」牛板腱完全唔韌，腍滑入味，而且98蚊勁抵食，份量十足，呢個價勁抵食！▫️「燒宮崎雞腿扒珍珠飯」雞腿扒肉質夠滑溜，大件夾抵食！▪️ 小 食 -▫️「炸饅頭」外脆內軟，細細粒一啖過，過足口癮，同朋友一人一杯啤啤佢，我就Guinness，佢就招牌Chicago Logo Beer，夠哂透心涼，爽！
繼續閱讀
Chicago串燒酒場中環榮華里12-14號榮華大廈B座地下LM號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐⭐服務指數：⭐⭐⭐⭐⭐食物推介：生力清啤酒 $99，串燒組合(1) $89，串燒組合(2) $98，串燒組合(3) $128，安格斯牛板腱珍珠飯 $98，鹽燒牛舌心 $33生力清啤酒：口感清爽，帶有淡淡的麥香，非常適合搭配各式菜餚，尤其是燒烤類，能有效解膩！😄😄😄串燒組合(1)：雞皮墨魚滑鮮嫩滑爽，芝士雞肉串有香濃的乳酪風味，雞肉軟骨棒口感彈牙，而蜜糖雞翼甜中帶鹹，讓人一口接一口，欲罷不能！👍👍👍串燒組合(2)：極品即燒乳豬外皮酥脆，肉質鮮嫩，令人垂涎。荔枝豚肉卷融合了果香與肉香，口感獨特。椒鹽日本黑豚肉質細膩，搭配鹽香，令人難忘。炭燒豬頸肉香氣四溢，肉質多汁！😍😍😍串燒組合(3)：雞皮手打鮮蝦滑鮮美可口，無骨白鱔串口感滑順，芝士北海道魚糕有濃郁的奶香，燒魚肉燒賣肉餡豐富，令人滿足！😋😋😋安格斯牛板腱珍珠飯：高品質的安格斯牛板腱搭配米飯，牛板腱的鮮嫩與珍珠飯的香甜相得益彰，可選擇多飯，更能帶來飽足感！❤️❤️❤️鹽燒牛舌心：心外焦內嫩，肉質彈牙，鹽香撲鼻，是一道非常開胃的小菜，適合與啤酒搭配！👏🏻👏🏻👏🏻
繼續閱讀