良記餐廳(老鳳冰室) (已結業)

我平時好少寫食評，但今次不得不寫出嚟俾大家知道。難得同媽咪去呢間餐廳食早餐，叫咗兩份早餐，但兩塊多士好似塊白麵包咁，於是要求再烘過，但個侍應（中年女人）反應係'下'咗一下，拎走咗兩塊'多士'。過咗一陣，同一位侍應笑笑口咁放底咗兩塊多士，我見到後，問佢你係咪諗住俾我食呢兩塊多士，佢望住我笑，我相信各位客人望到呢兩塊黑色嘅多士都會覺得唔可以拎俾客人食，但呢位侍應將塊多士烘到咁燶都照拎俾客人食，之後佢見我拎部手機準備影相時，佢立即想收返兩塊多士，咁其實即係佢都覺得係唔可以拎俾客人食㗎啦！今時今日我相信大家係求味道好味之外，都會好注重服務態度，咁嘅服務態度我係唔會再光顧！！😤😤😤