良記餐廳(老鳳冰室) (已結業)

趁11:30前黎食個早餐，裝修幾懷舊，模仿幾十年代既背景，用舊信箱裝餐牌，細微位都用舊時既款式展示，都幾過癮。仲掛住大大個''內有雅座''，我都諗左下係咪真係入面有多啲位😂見到有蝦多士等懷舊食物，雖然價錢一啲都唔懷舊，不過有得食到都開心。叫左叉燒炒蛋湯意粉同沙嗲牛肉公仔麵，追加一個黑松露炒蛋配多士。原來係叉燒煎太陽蛋湯意粉，不過意粉唔錯，有口感唔係平時烚到無牙都食到，叉燒雖然亦唔係半肥瘦，不過好香，好重酒味，偏甜，不過薄過紙咁，加埋先等於平時既2塊叉燒而已...黑松露炒蛋夠滑，炒到半生熟仲有蛋汁流出黎，啱啱整起熱辣辣！我知茶餐廳質素唔應該咁多挑剔，不過佢既黑松露算係麻麻地，黑松露既粒子好粗，亦無想像中既濃黑松露香味，應該係最平價貨，不過茶餐廳係咁，加$1X既炒蛋就係多左呢啖醬而又唔係一般咁香口，抵唔抵就見人見至。但係冷氣夠，坐得舒服，奶茶沖得好，又有懷舊佈置，經過無妨試下！

早前陪朋友去深水埗修理電腦，俢理完電腦之後在附近揾地方吃飯，朋友介紹老鳯,她來過這裡話幾好,就去了老鳯吃飯，我和朋友入到餐廳，朋友想找店員寫野,店員服務態度好差,店員話未到營業時間，話我和朋友冇望外面休息牌就入來,朋友話冇見到有掛 店員好似皇恩話下不為例，朋友未見肚餓，她只叫了一杯飲品,我就叫了咖哩海鮮飯+可力，味道都OK,裝修都幾靚,服務真的不敢恭維了,可力勁甜 ，海鮮飯都可以，呢間不會再有下次，深水埗有咁多選擇，仲點會再來令人受氣餐廳

剛踏進老鳯茶餐廳,就感受到店家的用心牆上掛滿了復古的吊鐘,信箱,以前的海報就連menu 也設計成信封的樣子,還寫上自己的地址xd,貼上郵票打開menu ,看到店創意的菜式名字,也忍不住哄堂大笑和友人一直猜到底是什麼菜式奶茶仔溝咖啡妹應該就是鴛鴦!看見不少客人都點了麵食,就放棄黑松露炒蛋,試試沙爹牛肉麵,肉醬薯蓉,炒蛋多士和老鳯雞翼和飛仔華田沙爹牛肉麵沙爹味很濃,牛肉也很"林",加上茶餐廳"快"的本色,公仔麵軟度剛剛好!大愛茶餐廳沙爹牛肉麵<3炒蛋也蠻滑,但比起澳洲牛奶公司....還是有待進步肉醬薯蓉點完之後...不禁反問自己為什麼要在這港式餐廳點這道..xdanyway...就是非常普通的薯蓉....現在完全記不起來那個味道老鳯雞翼其實這道是老水雞翼這個雞翼做得真的很好不單入味,雞翼很"林"但吃下去又不會馬上散掉下次會因為這雞翼再去深水埗喔!

今日去深水埗買野，路經一間冰室，主打老香港情懷，牆上既懷舊報置幾有心思，食左個芝士豬頸肉撈丁，爆多芝士！同新記芝士撈丁口味有啲唔同，呢度既芝士汁味幾出，仲有想試下呢度出名既波波冰鎮奶茶，可惜賣曬，唯有叫杯「飛女可力」，凍可力上面有朱古力脆米，配搭好正！另外黑松露炒蛋都好正👍🏻

一直也想試試港式冰室是是什麼味道,但真的相當困難,因為知名冰室多人排隊之餘,夠了一定人數又會落閘放狗,所以吃到冰室的食物也算是中獎了今天友人介紹一家在深水步的冰室,不知味道如何呢進去後十分多人,看起來名氣不俗,不過多數人是吃晚餐我吃的是冰室食物,看起來格格不入先吃一個芝士蕃茄通粉,芝士不算十分濃郁,一化開便立刻溶了混進湯裡後的確增加了芝士味通粉十分有韌度,吃起來口感超好,不錯的最重要的是蕃茄湯,不是普通開水沖的,是真的煲出來,所以味道超一流特飲方面,樣子不錯,不過味道平平,沒什麼特別奶茶只是一杯凍和濃的奶茶,味道不錯但可能期望過高失望了另一杯是華田加強版,也是平平無奇不過整體味道不俗是真的

黑松露炒蛋多士.看相片不太覺 但真實看到才發現 黑松露份量真的好多😍 炒蛋夠嫩滑 但美中不足的是蛋香不太濃 始終不及華星澳牛 飛仔華田.頗有特色的茶餐廳飲品☺️ 首先值得一讚的是華田不會沖得過稀 有些地方沖得像華田味的水那麼淡😂 然後上面有各種的粟米片脆脆 整體實是不錯呢

見朋友試完個芝士麵好似唔錯~今日lunch time行過就入去試一試叫左個芝士豬扒撈丁，跟左塊厚多士唔好睇塊厚多士好普通咁~呀！食落又幾好味喎，咬落脆口有少少鬆化而個芝士麵都幾多汁，芝士味都算濃~豬扒又易咬~但唔鍾意或者唔好芝士既朋友，可能會覺得咸左少少波波奶茶都係想試既其中一樣嘢~當然冇失望啦~茶味好香，用左奶茶冰又唔會沖淡成杯嘢下次我想試埋個安格斯牛腩

過往都略有批評時下為數不少走偽彷古懷舊路線的一眾所謂的"冰室"，絕大多數都只屬徒具軀殼但全欠靈魂之輩，食物更是難吃之極。碰過幾次釘後，自己近來差不多已幾近絕跡於這一類地方了....不過這一間最近為不少食友們大加推介的偽冰室，卻意外成為了小弟近來少有食過後令我留下深刻印象的茶記....縱使其內隴是一如其他"彷古"冰室的走帶點攪鬼浮誇的路線，絕對是有點"荒死人唔知佢係舊冰室"的感覺，但無可置疑的一點卻是，有部份的裝飾擺設倒真能讓人一粲的....其中包括這個以舊式郵袋盛著裝成信封模樣的餐牌....當然少不了這個別出心裁的"毛主席"糖盅....但空有這般吸睛引人拿起手機不斷拍的擺設於我而言是全然沒用的，若然沒有好吃的話裝修再花巧再攪嘢都是徒然....先試了一口凍檸茶....咦....既香濃又有茶香。縱然冰塊下得甚多但茶味依然未失帶甘勁，這一個頭關弈是輕易地跨過了....這兒除了有最基本的如腿通加多士煎蛋一類的例牌組合以外，還有一系列在外頭普通茶記較少有的食物可供揀選....好像在這歐陸早餐組合上，就找到了一小撮肉醬焗薯泥....這薯泥雖絕不算怎麼的細滑但倒夠用料足，吃後滿是薯香以及粉糯；肉醬甜

每次去完黃金必去醫肚既地方 - 老鳳冰室 今次就叫左個以前未試過既焗芝士海鮮保0球 呢道菜做得認真有創意 打開左個保0球(姐係包蓋) 入面就係一個芝士海鮮焗飯 都幾足料既 有幾多海鮮 而且焗得相當入味 精髓之一就係另外再附上一碗芝士汁 可以沾包食又或者加落飯入面

今日行到好熱好想搵個地方坐低飲杯野抖下，朋友曾經講過呢間d野飲名幾得意，於是去試試。去左個凍飛女可力$26，原來好立克！有可力粉，有2款早餐食品嗰d脆脆，有塊阿華田餅。整體唔太甜，有埋可力粉好香口。餅乾唔係自製既，但阿華田餅配可力味味道好夾。可能有早餐脆脆同餅乾既關係，我飲完都飽左～

見呢间野賣懷舊情懷，吹得咁勁就排除試下……落住雨排哂隊……店舖出面好多hard sell入到去，好有氣芬，佈置得唔錯啊，大牌推介特飲，我就叫左个波波紅豆奶茶。波波係冰，得个桌头，冇味，唔好食。紅豆好細粒，唔係好品种，奶茶味係可以既！友人叫左杯奶茶好似化算d！我又叫左个招牌菜，芝士波波焗朱扒反！賣相可以，芝士唔香唔濃，波波係包，即朱扒包！中伏。有小小反在朱扒底。d朱扒好少，一磈！不过冇胃口，因為條菜有虫，但算喇，冇出声！d位好迫好窄唔舒服

一直都好支持本地地道嘅傳統食物，茶餐廳更加唔少得，係openrice見到呢間嘅裝修咁特別，特別鍾意佢個信箱同郵件餐牌設計，嘢食啲名同賣相又咁得意，所以黎試吓～飲品點少得人人都有叫賣相同個名搞笑嘅：1）波波奶茶：一柸有三大個波波奶茶冰球，咁樣就唔會溝稀左原本本身嘅奶茶，所以奶茶味好濃郁好香！！2）飛仔華田：又係大家黎呢到必叫嘅，成柸內容非常豐富，上面鋪滿阿華田粉，胚芽，數唔同款式嘅粟米片，同一塊阿華田餅，成柸好味又豐富又增添脆口，特別啱我呢個鍾意飲華田嘅人，非常推介！！食物叫咗：1）黑松露炒蛋多士：大大塊多士，香脆，上配埋份量好多嘅黑松露，令個炒蛋更加香～2）蜜焦薯仔牛柳飯：特別喜歡個蜜焦薯仔，甜得適中，牛柳粒煑得軟硬適中～3）安格斯牛腩撈一丁：竟然用安格斯牛腩同腩汁配撈丁，真係材料豐富美味嘅食法哦～總括：非常欣賞呢間餐廳嘅創意，材料好豐富好味～

朋友從新加坡來探我，落住雨去完美荷樓睇地道野之後，當然要去D夠地道嘅餐廳食好野！上網亂search就揾到呢間餐廳，因為深水埔好多好食嘅餐廳我已經去過晒，自己都想試下其他野，所以就膽粗粗行去老鳳度食！（當然朋友信得過我嘅選擇）一口氣三個人叫四樣野，三杯飲品，叫時唔知飽，食落就知⋯⋯⋯⋯樣樣都大大碟，正！四樣之中，我最愛係黑松露炒蛋多士，蛋好滑，生熟度剛剛好，如果塊多士可以hold多陣脆多少少，就完美！之後上蝦多士，賣相十分之好，以為會一隻隻蝦係面，點知變晒蝦膠，好有心思，不過我都係成隻蝦上。再上芝士雞扒撈一丁，新加坡朋友覺得好有新意，可惜佢地覺太重味，而且雞扒炸得過左火，「un」左D，所以有少少失色，但因為我太愛芝士，所以就覺得好味。最後係炒飯，可能男人關係都係要有飯落肚，佢地最鍾意個飯，海鮮好足料，黑松露味好香，但我覺得偏咸，但ok的！環境唔錯，好有香港特色，有機會再有海外朋友來香港，我實會再介紹呢度俾佢地！

尋晚同朋友放工後出深水埗亂甘行覓食，經過北河街街市轉入基隆街時，經過一間門面幾搶眼晚茶餐廳，抬頭一望，噢！原來就係「老鳳冰室」！聽左呢個名好耐，原來就喺呢度！決定試一試佢～。當時7點未有太多人，店員好好禮貌地叫我地自己揀喜歡坐既座位。個位吹住冷氣佢仲好貼心地同我閂細左個風～。襯住未有太多人時我就不停影冰室內既設計。佢地貼滿60、70年代既廣告、當紅影星、受歡迎電影海報，而且佢地d 字句都好抵死，香港人會會心微笑。朋友同我講，其實男廁內既標貼仲抵死，但我係女兒家影唔到比大家睇～有興趣既自己去食下野、借個洗手間去睇睇 XD。好，8排完一切之後係時候醫肚～當我猶豫緊個餐牌喺邊既時候，岩岩店員就嚟話我知餐牌原來就喺「郵箱」入面～ 哈！ 餐牌做成信件既樣真係好有趣～心思唔錯～店內仲播住pretty woman呢d經典歌tim~。👄焗芝士海鮮保齡球 $68👉🏻個賣相好得意，圓碌碌一個波甘。打開個蓋即有一陣香焗飯味～隨餐仲會有一碗芝士海鮮汁比你～我地首先將個「保齡球蓋」（即係麵包）摵開點芝士海鮮汁食～都幾好味～麵包焗得好香脆，唔會太乾岩岩好～👉🏻海鮮有魷魚、蟹柳、魚柳、車厘茄,而底部就係焗飯～整個唔

香港地，地小人多，舖租昂貴，小小的店子當然要大家擠迫一下。想不到很多食客居然進店的時候，都嫌座位太擠迫。其實，即使給你坐在卡位，之後很快你又要搭枱😏。老鳯室內的裝潢以七八十年代的電影海報、武打巨星李小龍海報裝飾，燈光微微泛黃。旁邊放餐牌的也是仿舊式信箱小袋，更添懷舊風情。豬頸肉芝士撈出前一丁，以為派頭這麼多，應該會相當大碟，怎料到就好像是中式餐館吃小食的碟子那麼大。幸好，麵條也不算大少，旁邊還放有一塊多士，可以讓客人用多士，點落芝士醬那處，更添滋味。黑松露炒蛋多士，好像很多經典茶餐廳都有各自的特色炒蛋多士，例如有些茶餐廳就有「荵蛋碎牛多士」。這兒的多士放在下面，麵包夠厚，炒蛋的汁液不會浸林了多士， 黑松露剛剛好碎碎的灑在炒蛋上面， 味道香濃，溫度又夠熱，確是美味！波波奶茶-杯子外觀優美，茶內有三顆大顆茶球，先喝一口奶茶，感覺味道起初不是太濃，後來茶內的波波球溶了一點，茶味就顯得更加濃郁。與一般的茶餐廳反其道而行——因為一般茶餐廳的凍奶茶，由於冰粒慢慢溶化，味道一定是越飲越淡。這杯奶茶值得一試。飛仔華田，看來好像是非常受歡迎，但是我喝了兩口，又覺得不是純正的阿華田，味道好像有點兒香料，那