良記餐廳(老鳳冰室) (已結業)

深水埗一直都係臥虎藏龍既地方，今晚兔仔兔女就去會一會「老鳳」！見大部分食評都推介「黑松露炒蛋多士」，當然先來一客。甫上枱，比個分量嚇親，黑松露係我地食咁多次經驗以黎最多既一客！炒蛋亦好滑，加上多士既脆，食完真係好想 encore 多次！懷舊雪糕紅豆冰 - 用雪米磁代替雪粒，夠特別。紅豆未算㷛到起沙，而且花奶味較淡焗芝士海鮮保齡球 - 唔少人推介保齡球，外觀好睇，內涵都唔錯，兔女嫌芝士味未算突出，呢個只係芝士控既兔女個人意見，對於其他人可能已經夠晒味道最後我們點左無咩人講既「堡雲蘇焗羊扒」，喺茶餐廳食焗羊扒應該算少有了⋯⋯ 羊扒以木板上枱，再加一籃子炸薯仔，感覺好似去左cafe食西餐，即時高檔左！堡雲蘇既做法係兔女至愛，好香口，羊扒帶有少少騷，而且肉質好軟嫩，好正！

大約8點到達餐廳，附近店鋪都已關門，唯獨老鳳餐廳仍然滿坐一入坐就被滿有特色既懷舊主題吸引餐牌係放係復古既郵箱入面三個人各叫左一份餐點餐飲，另外一份多士同油菜，呢個份糧食到我地反屋企都好飽。可選飯或意粉，我就揀左意粉。農夫包入面放左肉醬意粉，個包面焗到香脆，店芝士汁食剛剛好，亦可以店肉醬食，兩款都好夾個芝士汁吳會好膩，咸度亦適中。D冰係用奶茶雪成波波既形狀，所以奶茶勁濃郁，跟餐再加$14, 真係好抵呢個炒蛋多士都勁正，炒蛋有蛋汁，非常厚身而且下面既厚多士依然好脆口，黑松露又香朋友叫的，因為我吳食牛所以冇試朋友評價有啲重口味，但佢都ko哂成碟有沙津伴很不錯整體感覺: 餐廳好有創意，睇得出每樣餐點都悉心考慮而且CP值好高，不貴既價錢，但吃到味道質素高。我會再黎嫁!!!題外話: 如果大家有捉小精靈注意餐廳位於三個stop既中間，勁多精靈，一路食一路捉。

個名咁懷舊... 裝修又懷舊... 好有特色... 仲好多人幫襯~兩款小食 兩杯野飲份量岩岩好~ 之後大家都仲有空間食晚餐 （可惜晚餐無我份...）原味波波奶茶 波波奶茶唔係第一次飲 （第一次仲就得係屯門飲既）要整碎個奶茶波一齊飲先夠味~ 飲晒成杯 d 碎冰都未溶晒~老鳳雞亦食落似係鹵水雞亦咁... 好淋好易起骨... 要點住汁食~蝦多士伴個個沙律好味~ 蝦多士唔油~ 食晒 4 小件真係超 easy job~蝦多士側面炸得好靚~ 有埋千島醬添~

今日陪男友去佢最愛既茶記食野，呢間茶記既黑松露炒蛋多士，每次黎都必食，多士烘得脆卜卜，搽左層牛油有啖啖牛油香味，炒蛋 好滑溜 一d都唔老，師傅好大器 落左好多黑松露，好正呀。另叫左份芝士豬頸肉撈丁，芝士多到呢，已佔據成碟，啖啖都撈到芝士醬汁，好邪惡呀！芝士咸香味道岩岩好，豬頸肉幾淋身 份量都幾多。叫呢個撈丁仲會送塊厚多士，多士 烘得幾脆，陣陣牛油 香，讚。見到餐牌d飲品名好得意，我叫左杯飛仔華田，個名夠特別之餘，呢杯野仲夠哂重量級添！華田味道好濃郁唔再講，上面有一pat cream、華田餅乾、朱古力 可可脆片同星星蜜糖脆片，呢杯好好飲👍🏻而我男友係非常中意飲奶茶既人，就叫左杯紅豆波波奶茶，奶茶上有兩粒波波，大粒過乒乓球，係用奶茶雪成波波形狀，下面就有勁多紅豆，男友話好正。

老鳳冰室 (深水埗)2016-08-03今日大胃專員河馬車太鉉黎到老鳳冰室, 話覺得佢裝修特別, 好似幾懷舊咁。果然, 懷舊設計吸引到好多人垂青(可能亦都會垂涎), 大胃專員去到時其實已經差不多20:30, 但餐廳依然逼爆, 仲有需要"卡位坐埋一邊"。講一講食物, 大胃專員order左招牌黑松露炒蛋多士、蝦多士、肉夾饃、黑松露海皇炒飯、飛仔華田、雪糕紅豆冰。********************上菜速度驚人咁快, 首先係飛仔華田, 係一杯凍阿華田上面加whip cream, 再撒上阿華田粉、蜜糖星星、朱古力脆脆, 再加一塊阿華田餅, 相信小朋友一定好鍾意。再黎雪糕紅豆冰, 以前食開既雪糕紅豆冰上面, 通常都係一球雲呢拿雪糕, 但老鳳既雪糕紅豆冰, 係紅豆冰上面加whip cream, 再加3粒雪到好硬,包唔溶既雪米糍, 特別得來又可以同人分享。********************跟住就係肉夾饃, 根據店員所指, 裡面包既係豬肉, 加上蔥同辣椒, 好惹味 (如果食唔慣濃味野既朋友有可能覺得太鹹), 但大胃專員覺得個包有D韌, 一時扯唔開D肉餡就流到一手都係......*******

下午茶時間,想食個面,係深水埗行行下就入左呢間有好多懷舊裝潢既茶餐廳周邊既佈置,連餐牌都好得意~叫左個沙爹牛面餐---好多牛肉,多到我已經係一啖牛肉一啖面,食完個面都仲有牛肉係度LOL 沙爹醬好惹味,又唔係好油~隨餐附送香滑炒蛋同多士---蛋都幾香,多士都脆,我見佢其他餐仲有黑松露炒蛋TIM,下次可以試下~野飲加左14蚊轉特飲波波冰鎖奶茶---果個波波形狀既冰其實係用奶茶做GA,所以溶左都唔會啖左~整爛D冰同奶茶一齊飲仲好似沙冰咁~其實佢餐牌仲有好多野都幾吸引GA,搵機會再黎過先得~

先請優點：冰室食品有驚喜，雖然係仿懷舊，但質數幾高。可惜缺點就恐怖：服務態度極差，一個下午茶時間，已見到超過3次要求客人轉枱 (小篇都係其中之一)，仲要係伙計用啲仲難聽過粗口嘅所謂有禮貌方式「請」客人調位。其間有位uncle同疑似老闆娘因轉枱嘈得好勁，粗口就未有，但就立即call「大佬老闆」返嚟。唔駛10分鐘，「大佬」一到，就爆粗兼拖咗uncle出餐廳，係，大家無睇錯，真係拖出去。仲講到我哋響深水埗開舖，梗係惡哂，我仲以為自己睇緊古惑仔拍戲 。Uncle響門口俾「大佬」踢咗幾腳就衝返入餐廳打電話報警。唉。。。嘢食好但無品，自己食都食得唔安樂，小弟拿拿臨食完就閃，都係安全要緊。臨走見到班亞sir仲翻睇緊cctv，呢間茶記真係no next time...

深水埗美食多，每次來總可以找到好吃的，今次光顧的冰室也不例外。冰室的裝潢設計有著懷舊的味道, 牆上掛著不少70，80年代當紅的明星藝人，品牌廣告海報，餐牌還是以信封形式的特別設計。來到懷舊冰室，不能不點港式奶茶，於是點了一款特飲，波波奶茶，有點像'牛丸奶茶'，其實是用奶茶冰製作凍奶茶，避免加冰愈喝愈淡味的問題，奶茶口感頗滑，而且很大一杯。芝士雞扒撈一丁，雞扒算滑口，咸香的芝士拌著一丁，一口又一口，很邪惡呀！炸豬扒伴沙律，份量很大，擺碟不隨便，炸豬扒腍不乾身，伴碟沙律除了菜還有紅腰豆，整體味道不錯！

舊式冰室 食物多樣 有懷舊冰室食物亦有創新野焗芝宗海鮮保齡球 68 蚊好似農夫包整法 將成個大包刮空入面放入蝦 蜆 魚 魷魚等等既海鮮料 再加上用蛋炒底既白飯 成個用芝士醬焗， 一揭開個包皮蓋勁香芝士味 包皮焗得好脆 配以應該係主力以卡夫芝士整成既濃味芝士汁勁吸引， 而入面既海鮮飯十分夠鑊氣 海鮮新鮮得黎同芝士醬合而為一 , 一路食一路增添旁邊既芝士汁 一大享受肉夾饃 38 蚊肉夾饃本來係陝西菜 係將一d 肉碎連醬汁放入脆身既包入面一齊食 香口美味 .而良記係用軟綿綿 既包皮焗左一陣令到包身熱辣辣 , 而入面既豬肉切得比較碎口感唔錯 加上配以甜既醬汁 醬汁再配以少少辣椒吊味 開胃好食 雖然唔係正宗 但我覺得好啱香港人口味黑松露炒蛋多士 38 蚊一塊厚厚出面脆身入面軟林既多士上面擦滿牛油 上面鋪滿住炒到半生熟既蛋 加上面勁多黑松露 . 已令人食指大動 黑松露好香 同林身充滿蛋汁既炒蛋好match . 而且蛋落足料 食落去十分飽滿滿足！芝士豬扒撈一叮 48 蚊用出前一叮 加卡夫芝士整成既芝士撈叮基本上唔會有得輸 再加上 煎得外脆肉軟既豬扒 豬扒同芝士合埋一齊食 都係必點之選！飲品方面都種類

聽到「深水埗」好多時都會諗起冰室、茶餐廳或者街邊檔，前幾日陪朋友去買布材就去左深水埗 行左一段時間就諗住食下野，本身我同朋友都諗住去D懷舊冰室到食下野 始終依家出街成日都係食韓國野日本野，間唔中都會想食返D港式D既野食，夠晒地道，誤打誤撞之下 入到黎先發現原來呢個係「偽‧懷舊冰室」餐廳環境係香港懷舊風格，但MENU裡面既食物都相當新潮!我同朋友就叫左一個撈麵同野飲 sharing黎食 味道都唔錯喎!芝士豬頸肉撈麵叫呢個撈麵仲會送埋半份既厚多士，飽肚之於仲可以用厚多士沾上少許既芝士黎食!其實就咁睇張圖你已經可以感受到呢個撈麵上面有幾多芝士。呢間餐廳對於芝士真係毫不倫息! 每一條麵條近乎都佈滿左芝士。食既時候真係覺得好似食緊有麵既芝士 唔係有芝士既麵! 真係好多芝士好濃郁!另外我地仲叫左個黑松露炒蛋厚多士本身其實無留意到呢到有黑松露炒蛋，但係當我同朋友坐底既時候 ，四周既台都傅黎香噴噴既黑松露味，所以我同朋友都忍唔住叫左個黎試試。呢個真係好正 半熟既炒蛋上面有超多既黑松露，攪均佢之後食既每一啖都有好香既黑松露味yummy

夜晚同朋友係深水埗買完野好肚餓，行過見到咩咪食囉，甘岩經過呢間老鳳..真係好老鳳...！開頭入去睇d裝修都幾懷舊幾懶得意甘，甘我地叫左蝦多士，焗田螺同豬頸肉芝士撈丁，諗住最後先叫個飛女可力試下啦！叫完之後個姐姐店員好有霸氣甘叫我地放返好個menu係信封里面！開頭我地兩個坐一邊卡位，甘我地見有張枱d人走左，就好普通正常甘問佢可唔可以調位，甘另一個肥姐姐就話一定要搭枱，甘我地坐返好啦，點知之後有一個男人自己調左埋去，甘我地都明既，我地兩個20幾歲女仔，人地大男人，佢地梗係比男人坐啦..我地都無出聲，跟住我地叫既野食黎左兩樣，之後又有另一張卡位有人走，甘我地見無人等位，咪又問下佢地囉，店員望一望我地，開始全程黑面，我地自己拎d野飲野食過去啦，跟住就開始細聲講大聲笑，又話我地好調位啦，又話比邊個坐有分數之類啦！之後最後一樣野食黎既時候，肥姐姐就發脾氣甘大力放低仲話：你的態度如何我的服務態度也必如何！（佢真係甘講...好搞笑..講緊咩...）之後仲離譜既係佢地一齊大聲講大聲笑，仲話我地甘叻去酒店食唔好係度食（所以呢間茶餐廳有你囉），之後仲指住我地甘話：係唔中意比你地坐呢度呀！（絕無誇張，廚房d男

一行三人特意前來拜訪這有名的港式茶餐廳，這餐廳是港式混合西式的烹調技巧，令土砲菜變得更獨特。👴🏻🕵而餐廳佈置由招牌到內在都非常懷舊，牆身掛滿舊式廣告牌，我以為我已回到過去。🎰🎬⛽️.🍴芝士豬頸肉撈一丁($48)我只會食林既豬頸肉，而我食得哂呢到既豬頸肉。芝士唔係一般食開果隻卡夫奶白色芝士，係類似車打芝士，比較濃味，好好食。😝👍分數：9/10🍴飛女可力($20)呢杯好立克無論係姓名定外型都好得意，你可以當佢係一杯甜品感食都得，好甜。⛵️👀最得意係佢真人靚過餐牌上張圖好多，估唔到可力都有驚喜騙圖。👅👧🏼（menu張圖無格格脆同曲奇餅toppings)分數：8/10🍴芝士牛肉濃茄湯通粉+牛乳炒蛋肉醬焗薯泥 ($48)牛肉夠林，芝士夠味，而蕃茄湯底最緊要夠濃夠鮮甜。仲要配埋我最愛的牛乳炒滑蛋同手製肉醬薯泥真係不得了，禁多野算抵食。😫👍👍👍👍💕分數：8/10🍴黑松露海皇炒飯 ($68)離遠都聞到黑松露味，我好似浸左落個黑松露海中一樣，海量黑松露令啖啖飯都惹味十足。入面有什錦海鮮，好飽肚又大碟的飯。😫👍👍👍👍💕分數：8/10🍴黑松露炒蛋多士 ($38)呢到叫黑松露既野食好抵，廚師落得一d都唔手緊，滑蛋

今晚同朋友到深水埗懷舊一番，專程來到基隆街這間以波波奶茶馳名的老鳳冰室試一試。甫一踏入餐廳，就會見到各種各樣六七十年代的懷舊裝飾。餐廳環境充滿特色，確實值得到此一試。就連餐牌封面都一樣用上懷舊feel，別具心思的設計。這就是老鳳冰室最出名的波波冰鎮奶茶！！這兩球波波冰也是用奶茶雪凍製成的而唔係一般茶餐廳的水製冰，夠哂盞鬼！一整杯就是純正的奶茶，飲落感覺相當之自我感覺良好，好味～～專程來試的另一道菜就係這個肉夾饃，肉的味道果然相當唔錯，可惜外面個夾包…好韌…要咬好耐先咬得開，如果可以鬆軟Ｄ就好…今餐最好味的就係呢個焗芝士海鮮保齡球，表面睇落只係個豬仔包點芝士醬，其實內有乾坤！！睇清楚入面，原來係用海鮮飯釀成的豬仔包，又抵食又好食，真係唔可以唔試，超好味！！

372016 老鳳迫室💀第一感覺就係 又迫又唔乾淨😕 啲位排到密麻麻 出入都幾吃力，2個猛男坐一邊卡位都咪話唔爽😅 地下同用具都痴立立。其次，標榜香港懷舊主題，但細心啲睇，根本九成都係毛主席同殘體字😖 心諗 關香港叉事咩…芝士豬頸肉撈丁($48)：份量係岩岩好一個麵。上台已經凍凍地。多士冇牛油冇味乾爭爭。整體完全唔值。飛女可力($20)：呢杯唔錯👍 估佢唔到咁足料，竟然豐富過menu張圖😂原味波波奶茶($24)：面頭浮起果2個大波波係2粒奶茶冰黎，冰都係用奶茶做就唔會溝淡杯野了。但友人話味道冇乜特別。Ps. 上手全枱食淨一半，知咩事😂失望：5/10

午餐來到呢間佈置懷舊搞怪嘅一間冰室，餐牌選擇幾多樣化幾特別試左個炸雞脾保齡球一上枱有啲驚訝，好大份似珍寶分量嘅脆辣雞腿包，佢地用左脆猪夾住隻雞脾，脆猪幾香口，不過雞髀炸得有啲過火 ，外層炸粉顏色黑黑地，食落好硬， 雞髀應該用咖哩汁醃過黃黃哋，可惜味道太重有啲鹹苦味、同好乾身同我期待嘅冰室炸雞脾好大落差望到隔離枱類似炸物顏色都偏黑，認真麻麻，有特改善