船長意法日餐廳 (已結業)

最近去左兩次呢間餐廳食野我就一次過打啦……我是分隔線……第一次係食夜晚打開餐牌 每樣大概三十幾至六十幾不等但原來係冇套餐的 要散叫 所以每樣都吾會好貴 普通野飲半價計今次叫左東洋pizza 燒雞好香 薄底 批邊脆保證即焗 熱辣辣 略嫌芝士少一點跟著叫左個脆南瓜餅 好脆 呢個岩素食人士的最後叫左個西西里焗豬扒飯超好食 有個皇冠喺隔離係吾同啲♡最後叫左杯熱特濃朱古力 真係好濃…………我是分隔線……第二次中午去坐低睇餐牌 突然好驚喜地有下午茶餐下午茶包飲品 凍飲加3蚊 特飲加8蚊今次食芝士撈麵同葡萄柚子雞翼拼沙律（或薯皇）麵保證係韓國麵 好彈牙 吾食得漏既建議吾點呢個 因為呢個較漏雞翼 個人食得都覺得真係好甜炸雞翼上配葡萄柚子醬而且呢個製作需時十五至二十分中 趕時間的就吾建議了……今次叫左杯熱焦糖咖啡 吾錯都幾好飲…………………………………………食完呢兩次 整體感覺良好聚餐的好適合不過 因為價錢同分量成正比 多人的可以叫吾同野食share 試到吾同野食地址:校長燒肉斜對面假日下午茶時間: 2:45 - 5:00

居住元朗多年，一直無去船長食過，心諗「都係普通西餐廳嘅味道」姐。今日途經附近搵食，見到船長嘅餐牌，好多款式，意式、日式等都有，而且價錢相對西餐廳都較便宜，一於食咗先再下定論！店內都相當大，裝潢好似去咗船長架船內，頂上吊住啲油燈，仲有啲水泡。餐廳闊落舒適，全部都係卡位，坐得舒舒服服。先叫咗三個小食，包括椒鹽魷魚鬚、蜜燒葡萄柚子蜜雞翼同沖繩胡麻手撕雞。魷魚剛炸好，用個細炸籃上台，感覺特別。而炸籃內有張吸油級吸吸油，放落口唔會太油膩。魷魚炸粉唔厚，僅僅包住啲魷魚鬚，魷魚易咬開，都夠味，伴以加咗七味粉嘅沙律醬，點一點又係另一種配搭。再嚟一碟四隻柚子蜜雞翼，柚子蜜汁原味上陣，帶甘甘甜甜嘅味道，雞翼都醃得夠味，炸得皮脆肉嫩。而芝麻醬手撕雞呢，用木兜上枱，感覺好似去咗日式西餐廳咁，貫徹咗船長意法日嘅宗旨。一般手撕雞都係人手撕，無得叫貨，雞嘅份量都幾多下，加上爽脆嘅青瓜絲同醬，每一口都都香，亦無凍食蔬菜時留落黎嘅多餘水分。主食叫咗兩款，一款係紐西蘭極級牛扒，可以配蛋、薯菜、飯等。個扒鐵板上，上菜時熱辣辣。牛扒夠大份，微微燒焦夠味，又夠腍。又配蛋、飯同薯皇同菜。夠驚喜嘅係啲飯係黃薑飯，好香微辣，粒粒分明

沒有中伏沒有誇張成份，性價比真系高👍🏻⬆️好抵食，無加一 👑想搵吾貴又好食有反甘上下質素既餐廳 ，可以拺 #船長意法日餐廳 ⚓️麻醬雞絲-手撕雞泥嫁，所以好滑完全無半點鞋既感覺，麻醬夠多，中意麻醬既朋友，包括我，條條都沾滿💧吾洗撈撈撈又剩😂柚子雞翼-中意酸甜既人會中意，個柚子自然地有少少柚皮味，雞肉質juicy 嫩滑，食完呢兩樣甘開胃既小食後 兩個人繼續食左好多野😩紐西蘭極級牛扒-珍珠米好好食好香吾知加左d咩，有淨食飯都好好味既感覺，你地食完話我知，牛扒一d都吾un,好軟好似牛仔骨甘軟好好味👍🏻👍🏻👍🏻全部食哂尤魚鬚-炸得好香，有驚喜嫁真系，因為我好怕食尤魚鬚怕好難咬，但呢個吾難咬仲要好味我都食左好多船長海鮮焗飯-長腳蟹熱食會覺得咸因為平時凍食咸味自然無甘出，但賣相的確好，海鮮好足料，呢個大約系六十幾蚊，成個飯入哂海鮮味😋

面書的元朗谷話開左間新西餐廳，幾有特色，價錢又大眾化，今晚一家人試一試佢。新裝修空間感大左，冷氣夠涼，卡坐亦很濶落。餐餐飲品會有半價，叫了幾杯特飲試試。忌廉咖啡紅豆冰，咖味不足但紅豆頗軟淋甜美。荔枝Q果冰紅茶，好黎荔枝味，椰果爽口，適合夏天飲。柑桔生薑蜜，柑桔酸酸甜甜，薑味十足，果然夠薑。跟餐加$12有呢個船長麥脆沙律，咩係麥脆呢？原來係加左粟米片，雜果沙律好新鮮，沙律醬調味得不錯。蜜糖葡萄柚子雞翼先黎個小食，雞翼嫩滑，柚子醬甜甜的又幾好味，仲有少許芝麻香。日式煎餃子一般日式餃子囉，無驚喜亦唔係特別之物，純粹個人喜好喜歡食餃子，所以我覺得幾好食㗎。蒜香牛柳粒強烈蒜容味，真係幾香，一碟細細的原來份量幾多，牛柳粒不算牛味濃，但呢個價錢絕對收貨。紐西蘭極級牛扒魔鬼汁配薯菜主菜黎啦，六十幾蚊有鐵板牛扒梗係要試一試佢。牛好大塊，要了五成熟又真係做到，牛味一般，但勝在無渣同幾肉嫩，魔鬼汁其實係黑椒汁，又香又辣好惹味。要了配薯菜，但原來都有飯，嘩，又飯又薯菜超飽肚！黑松露珍珠蜆意式燴珍珠飯偽意大利飯黑松露味不濃，但當佢係忌廉汁其實幾好味，汁夠傑身，珍珠飯黏口，蜆用的是有殼蜆，好鮮甜，平民版燴飯好味喎

從前住在市區，總會覺得元朗屯門很遠，無必要都不會去的，但是自遷到現址居住，情況卻有點改變了，就啱候車時間的話，其實都只是咫尺，沒有那種遙遠的感覺。是日又到了元朗，除了閒逛之外，還是要醫肚。最近發現船長意日法餐廳取代了原本的元朗茶記，可說是有新的選擇吧。餐廳為配合船長主題，裝飾品都是圍繞著與航海，或者與輪船有關的物品，如經常見到的水泡，海錨和船上的用品，大大增加了主題效果。打開餐牌，多樣化的食物概覽在這裡。包括了意粉小食和薄餅，亦不乏有午餐。除此之外，亦有甜品和飲品。再細看當中內容，其實都是環繞著日式，意式和法式的食物，其中海鮮就仿照法式做法，而日式則以鰻魚蝦餅和照燒鳥配飯。餐湯是雜菜湯，雖然都是以紅色示人，但每喝一口，質感都不是那種茶記的口感，而是有點像西式的味道，有種似是爽爽地的口感難以形容。日式照燒雞扒飯是今餐主食，味道一如既往，有著燒汁的香味，不過雞皮就燒得較硬，過了火位，不脆，雞肉還好，軟腍而不硬，仍有些許肉汁在內，不過雞件間卻連在一起還未斬斷。日式炸蝦餅是今餐小食，一客有四塊，配有沙律醬。入口雖然有著蝦的鮮味，也被攪得很碎，但是最敗筆的，是那種死實而堅硬的口感，更何況蝦餅炸得

這裡的環境有點像電影橋段中的那種船長餐廳，感覺很科幻。這家餐廳感覺很舒服，很想在這邊的時間能長一點呢。餐廳中滿滿的是船長裝飾。愛特色餐廳的朋友必定很喜歡來這個地方。我們就是坐在這個望得到餐廳二人座位，除了可感受這裡令人放鬆的氣氛外，更可望廚師為我們烹調美味的菜餚，是為最高的享受。每次在餐廳打開菜單看到有「焗烤」這兩個字的菜，總會讓人忍不住想點來品嚐，於是我點了這個「海鮮焗飯」上桌後賣相十分吸引人，蟹腳作裝飾令這道焗飯更添美感。焗飯是夠香濃，餡料豐富，有各式各樣海鮮，如魷魚，鮮蝦，這些食材十分新鮮。家用小烤箱根本不能勝過的焗烤料理，「船長」的焗飯表面添加醬料芝士烤至表面焦黃，滋味無窮。「芝士焗西籣花」是叧外一道我最愛的菜。西蘭花營養高, 味道又好。芝士焗法, 西籣花的草青味除去，增加滋味度，而外面烘至金黃色，焗成脆脆面就更加香口。每一口西籣花均是濃郁的芝士忌廉味，這個味道比平日吃到的白汁焗飯濃味得多，而且鮮味更重。加在西籣花裡，滿滿的是幸福的味道~!!沒有選擇錯，這家店果然是有驚喜，每一道菜均看到廚師的心思跟功力。不單止食物美味，服務、環境的質素也相當高。我常說，要吃一頓難忘的美味晚餐，

最近出入醫院晚飯只可急急吃，到家附近的茶記解決，想不到還不差，性價比高，大家可以一試！晚餐約七十元左右，老爸點了最名貴的西冷扒鐵板，都只是$68。抱住「求其都係肉心態」，誰知五成熟有板有眼，黑椒汁好味，牛質素不差，最少一定抵食過和好食過大家樂，真心，我覺得這是最低限度的良心吧！可要飯或意粉或薯菜，要了飯，發覺依然有幾片薯角，如此誠意那裡找！我的卡邦尼長通粉，索價$58（好像是），不過不失，汁偏水，忌廉不濃厚，茶餐廳水準西菜，我了收貨的。妹的珍珠米版risotto，不是真的意大利飯啦，才六十元左右，當然是將貨就價。我覺得味道不錯的，童叟無欺，餐牌上寫得很清楚，況且重點是份量大，十分滿足！加了$12換沙律，個人不喜歡雜果沙律，不過甚有茶記特色的。半價換購飲品，飲品選擇不少，我這杯是咖啡紅豆冰，味道還不錯。我妹是雜果賓治，賣相可呃like的。點了兩款小食打算留一點給在醫院當值的媽媽，點了她喜歡的牛柳粒，超好味，必食推介！蒜激香，但不搶牛柳粒咪，牛柳粒沒過韌，牛味濃！柚子雞翼，不錯的，皮焗至香脆，上面塗了柚子蜜，甜甜的。不是炸物，感覺少油，吃得比較少罪惡感。茶記價錢，茶記味道，茶記服務，茶記衛

廳餐裝潢設計不錯，以船艦作為主題。飲品方面不過不失，叫左紅豆奶茶同紅豆咖啡，感覺偏甜，沒有太大驚喜。小食方面，柚子雞翼外皮好脆，雖然唔太食到柚子味，但勝在香口而且甜甜的，不錯。白酒煮蜆味道清淡，食不到酒味但蜆肉鮮甜。牛柳粒唔鞋唔un亦非常惹味。黑松露蜆肉燴飯味道濃郁，份量好大而且非常足料，不過好多蜆殻碎，食既時候要小心慢慢食。個人比較推介卡邦尼煙肉長通粉，好香！總括而言非常抵食，價錢平而且味道不俗，兩個人晚餐嗌到成枱野都係二百鬆，最緊要係無加一及任何服務費！！

系空調房度都無想出門口，費事熱到死，所以有時去食飯都可以食幾粒鐘，哩個系一個好大嘅因素。元朗嘅船長意法日餐廳，好似都唔錯下，我系第一次去。黑松露珍珠蜆意式燴珍珠飯。成個珍珠飯都好圓，各種圓，燴飯都幾入味下，唔錯吧。椒鹽魷魚，我近排上火，但系都忍唔住食咗哩個椒鹽魷魚，因為吸引力太大喇，煎炸到好香氣嘅，魷魚都非常之酥脆，表面嘅麵粉都唔多，口感好脆。紐西蘭極級牛扒，絕對系今晚嘅重頭戲喇，好多醬汁，因此成個牛扒都好有味，牛扒系要咗6成熟嘅，哩個程度岩岩好，牛扒系頂級牛扒，肉質新嫩系一定嘅。千島海鮮批，雖然感覺有小小mini,不過好食，一眼落去仲以為系大型煎蛋，哈哈哈，千島汁嘅襯托之下好滑漏，好食食第二隻。忌廉奶茶紅豆冰，推薦，因為超級落火，涼到入心！

前幾天剛好悠閒遊元朗一天，途經一間新開的餐廳名字叫船長，剛巧肚仔餓，大家決定先醫飽個肚再行街街店內環境舒適，裝修頗特別，好像上了一首船裏用餐，檣上掛滿船錘及帆船掛飾，十分特別店內大多是卡位坐，光綫柔和很舒服，大多坐位也坐滿食客。先來點幾個小食蜜燒葡萄柚子雞翼 - 外皮烤得很香脆、柚子蜜味香甜，肉嫩多汁，外脆內諗千島海鮮pizza - 芝士跟千島醬味道很夾，海鮮配料很鮮味，份量剛好每人一小個，pizza邊很脆口維也納煙燻蛇形腸 - 蛇形腸肉汁豐富與醬料很配，肉很有煙燻味，還有薯角是脆脆熱騰騰的，沾上醬汁更顯美味蒜香牛柳粒 - 牛柳粒很軟腍，香蒜味很濃，份量很足，抵食之選酒店紅酒燒牛肋條 - 紅酒燒汁味濃，撈飯一流牛肋條燜得很腍，但珍珠飯太爛。船長焗海鮮飯 - 這是餐廳其中一款招牌菜式，主要是海鮮為主有長蟹腳、珍珠蜆、青口、鮮蝦、魷魚... 非常足料！全部海鲜都是預先烤過才焗的，長腳蟹肉很鮮有海水味道海鮮味濃，但不會過鹹，好好把海鮮的鮮味帶出來黑松露珍珠蜆意式燴珍珠飯蜆很鮮，份量也多，黑松露跟白汁很配，每粒飯也粘滿蜆味白汁，不知不覺也吃了一整碟整體食物味道可以，品質一流，份量剛好，最適合一

好朋友聚餐，大家因工作地點關係，今次特別選來了 "船長意日餐廳" 方便就腳！這地方裝修加上燈光配合得很舒服，是聊天的好地方！👍🏻店員推介 （船長焗海鮮飯）熱辣辣的焗飯確有特色，賣相十足、海鮮配搭方面有長蟹腳、青口、帶子、珍珠蜆、鮮蝦等，配上了鮮湯煮成的白汁，真的又鮮又濃。關島風情Pizza $35香喷喷的pizza，表面配上了、蘑菇、辣肉腸、混入了芝士焗裝而成，入口香脆餅底，稍帶一些微辣，而且一𢇃𢇁芝士味道和茄醬汁，我覺得就是這Pizza 之靈魂伴侶 😱👏🏻 太好味 ！😘我朋友選擇了（紐西蘭極級牛扒） $68這五成熟的牛扒配搭黑椒汁、鐵板上，超級醒胃；朋友給我試了一小塊，果然有牛味、而且入口即溶，這黑椒汁帶出了牛肉的鮮，我不禁再試另一塊，哈哈哈！一吃停不了口 😁😁😁當然不少得甜品： Orea 鮮忌廉果凍不太甜、嫩滑鮮忌廉果凍忌廉奶茶紅豆冰又是嘆茶聊天的時候😅這晚上超滿足、超開心聊天、超值$$ 😁😁

前個排經過見到新開左間 船長意法日餐廳， 行過見到門口餐牌陣容好鼎盛， 快速望過餐牌樣樣都好似好平咁，有多款選擇。 講左好多次話要泥試下， 今日終於 可以食到啦。餐廳好大， 卡位好多 ， 坐滿客人 ，牆上面 掛滿船勾， 水泡，船陀既裝飾， 真係好襯佢個名 ，感覺好似置身喺船裏面感， 唔知會唔會見到有鐵勾船長呢，哈哈胡麻青瓜手撕雞 ，和風味好重哦，呢款係凍食泥架 ，又估唔到呢三樣野味道出奇地協調， 而且雞凍左 亦不會 硬左唔好食，還keep到很嫩滑。 珍珠蜆嘅份量也不少啊，以33蚊呢個價錢 ，份量屬於很多。白汁味好香濃幼滑，而且還有磨菇係裏面， 蜆肉也很肥美而且不會有沙見到 分牛扒就知出事啦 ，好大份喔原來仲會有飯炒雜菜同雞蛋跟埋， 平時食牛扒通常 薯菜飯或意粉 只有 一樣你揀， 牛扒還要成個碟咁大塊點了六成熟 鐵板上剛好 ，還帶點血紅色 ，牛扒沒有筋不會韌而且還很juicy。外層炸到脆卜卜香脆可口，裏面南瓜蓉和薯蓉 磨得很幼滑， 是我最愛的南瓜薯餅。原來蜜汁葡萄柚子 用來配搭雞翼 係咁出色嘅， 酸甜既柚子醬 令人開胃醒神 ，加上雞翼 炸得非常甘香 ， 外脆內嫩肉汁很juicy， 兩者配

今天心情唔多好，要食好嘢嚟安撫下我失落嘅心情，于是BB話帶我來船長意法日餐廳食一個又好味好浪漫嘅晚餐，裡面嘅環境都算唔錯喇，比較清靜。我哋點咗幾個菜都好快上枱，服務還算可以。白酒汁煮珍珠蜆酒香撲鼻，聞到已經有少少醉嘅感覺了，但食落唔會太重酒味，反而襯托得珍珠蜆更加鮮美可口；船長焗海鮮飯，賣相也唔錯，店家考慮得好周到，會配埋剪刀來食蟹腿，蟹肉好新鮮爽嫩，飯上面鋪滿芝士醬汁海鮮肉，食起身飯香肉嫩，口感真係超級正；羅馬什菜湯材料好豐富，味道比較濃；蜜燒葡萄柚子雞翼烤得金黃焦嫩，烤得剛剛好，涂上蜜汁之後再灑一點芝麻，整個賣相瞬間提升了不少，小食一口，甜甜嘅蜜汁散發一股柚子嘅清香，肉質好鮮嫩，芝麻香混合埋一齊感覺真係一流。紐約蘭極級牛排果真味如其名，味道很頂級，我哋要咗6成熟，出嚟之後仲依稀可以見到嫩紅生鮮的牛肉，切成一條條食入口，肉質鮮嫩唔IN韌，口感超正。提子芒星梳打味道棒棒，提子嘅果香加冰涼嘅口感，好消食。

幫親戚搬屋後, 屋主請各人吃下午茶小休一刻。我點了 日式烤雞扒芝士撈麵  $42餐牌上寫明是選用韓國即食麵, 滿心期望的吃第一啖芝士撈麵, 芝士醬是濃稠但味道卻不夠, 結果讓我很失望呢, 唯有請侍應生把一樽芝士粉拿給我, 自己芝士撈麵自己撈, 味道回來吧!  雞扒都是那種煎香, 普通調味。凍蜂蜜雪梨特飲, 餐茶另加$8轉特飲結果只是蜂蜜雪梨飲品再加冰塊, 有甜兼帶梨香。沖繩麻醬手撕雞  $38材料是雞肉及青瓜, 混進沖繩麻醬, 雞肉是有雪味但整體配搭良好。

難得相公周末休假，兩口子到元朗閒逛一下，肚餓了就到這裡醫肚。這裡前身是元朗茶記，原本供應的菜式已經是創意十足，猶記得同一間茶餐廳裡竟然有沙爹牛肉麵和壽司吃。現在變身成為船長意法日餐廳後，不但有意法日菜式，還有韓國人菜式，那就算一大班朋友來吃也可切合各人口味啦！日式烤雞扒芝士撈麵(下午茶餐) - HK$42本來我想吃的是意粉，但後來給這個餐牌上的邪惡選項吸引了。又本來我對這菜式期望不高，但它的芝士汁沒有化學味(即不像是用粉沖出來的)，麵條軟硬適中又不黏，雞扒還香香脆脆份量足，真是喜出望外，難得一次邪惡都甘願了。英式法蘭克福熱狗(下午茶餐) - HK$32相公點的這個熱狗用的是超級長的脆皮腸，麵包有稍稍烤過，我只吃了一口腸的部份，味道不錯，像一般熱狗的加長版。熱茶走(跟餐)凍奶茶(跟餐)今天我們不約而同想喝奶茶呢！我的熱茶走夠香夠滑，但相公的凍奶茶似乎太多冰了，把原來的味道過份沖淡了。下次晚餐還可以再和相公來二人世界，試試其他食品呢！