船長意法日餐廳 (已結業)

琴日係補祝朋友生日飯，佢地話想係元朗食， 甘我就係OpenRice 到搵元朗睇下有咩特別野食又係平時夜晚宵夜時間食吾到既，我搵左兩間餐廳， 友人就話選擇喱間（見佢好評比劣評多）， 去前預早打去問可吾可以訂位（原來係無訂位的）我帶左個蛋糕🎂 我地3個人叫左6樣野3杯飲料， 價錢係好平好平（無諗過係喱個價） 黑松露蜆珍珠飯（喱個係最好食，甘多樣野中）千島pizza ( 口感吾好，得個邊位有小小脆）青口龍蝦汁天使麵（龍蝦汁怪怪的，天使麵口感過淋，同龍蝦汁撈埋似小朋友d麵過淋）炸蝦餅（不過不失， 口感ok味道麻麻）紐西蘭極級牛扒（問完成數完來係鐵板上，切開已經係全熟，口感同茶記無分別）飲料3杯，有兩杯不過不失所以吾特別講，有一杯要講下，見佢餐廳杯野飲打左皇冠定星星（忌廉紅豆奶茶）友人話個茶底澀忌廉難食😂之後叫佢幫忙上埋蛋糕收收張枱食完既碟、佢地可分開幾次收，（總數叫左5次左右） 叫佢幫忙上埋蛋糕， 第一次就話有排wo, （態度吾好）跟住叫左幾次有終於叫到上到個蛋糕，個男（著黑衫）侍應就甘放低，生日牌都未擺上去，問佢，佢拎完就甘掉落黎， 算！太無禮貌了無下次！ 食物質素低，價錢平都無用，衰過餐

又入元朗搵食 今晚人比較多 去到西菁街 成條街都係人 又去到晚飯時間 忍唔到肚餓 見到呢間船長餐廳 等位既人比較少 入去試試先當晚同三個朋友去食 四個人叫左兩個飯 一個牛 一個意粉野食份量唔算多 但價錢合理 日式 西式 韓式都有得食下咁牛扒都幾大塊  跟埋有沙津 湯同野飲 唔算太重牛味 但呢個價錢好合格 白酒煮珍珠蜆 白酒味夠濃 其實好香 可惜有幾隻蜆有小小沙 但成碟蜆幾靚估唔到有紅豆冰飲 好大杯 一個人飲唔哂隻味都幾似茶餐廳 西餐黎講 唔錯青口龍蝦汁天使麵 青口幾新鮮 食落去有鮮味 龍蝦汁稀左少少 濃D同天使麵會夾D好得意呢度有南瓜薯餅 仲即時炸出黎 好香口 又脆 豬扒飯 去西餐廳必叫之焗飯 加上炒飯底 好香豬扒調味亦不錯 合格有餘的豬扒飯船長海鮮焗飯 餐廳招牌焗飯 海鮮種類好多 有蝦有蟹 有青口 所以成個飯好鮮仲有炒飯底 用龍蝦汁炒 好香龍蝦味 由餸到飯都貫徹左海鮮既宗旨埋單每人一百蚊左右 但試左好多野 重點呢度咩都有 又唔貴 比起一般既連鎖快餐店 更加抵食！

元朗平民餐廳 無乜期望甘去反而感覺OK 入面好多位 座位闊落 食物選擇都好多下 有拉麵 有日有韓有西紐西蘭極級牛扒 $68 魔鬼汁 6成魔鬼汁其實就係黑椒汁 幾惹味 但牛肉質感偏淋 缺嚼口 沖繩風胡麻手撕雞 $38幾好 突然想食雞絲粉皮有依碟野其實幾爽  當止癮 普通餐廳泥講啲食具算吾馬虎 但就是欠左粉皮LOL韓風芝士焗青口 $29青口不嬲我最愛 依個配芝士都幾好 幾大隻 口感食落都新鮮既飲品點左忌廉奶茶紅豆冰 $11 好大杯 吾會過甜

今晚去了元朗交收，便在附近覓食，看看餐牌，見到這間價錢平又多選擇便鎖定要食這間。小食點了香脆南瓜薯餅，南瓜蓉很滑，很香，炸得十分香脆，味道很好。白汁芝士焗西蘭花，味道清淡，是健康之選。對於芝士控來說，若然芝士能再多一點會更好。田園素菜pizza餡料超級多，賣相吸引，包括有粟米、蘑菇、西蘭花和蕃茄仔，面層的芝士很厚，因為沒有肉，所以適合素食者。點了兩個套餐。一個是肉眼扒煙肉紅酒汁飯，肉眼肉質很滑，易咬開，不會死實實。紅酒汁有淡淡酒香，為肉眼增添一份餘香，選配軟綿、黏口的珍珠米是個好配搭。另一個龍蝦汁香煎龍利柳伴凡立貝意粉，龍利柳的胡椒味濃，面層的炸粉很薄，咸味適中。凡立貝就略略有點過熟，小韌，配上龍蝦汁很香。意粉口感彈牙，醫汁吃得出是用新鮮蕃茄煮的，味道天然。

星期日下午到訪~超多人呢！幾乎是滿坐的情況~幸好有位坐不用等位~坐滿曬人~~~不過空間感都唔錯~見到個MEUN野食都好多選擇主要係西餐，但都有拉麵、韓國野食~算係一間高級d既茶餐廳(笑)船長海鮮茄茸燴天使麵~~超推薦呢個因為一上檯既時候冇諗過會有長腳蟹~仲有剪刀比人用黎食~超貼心~味道真係唔錯~天使麵都唔會煮得好稔~而且醬汁包圍著每條天使麵~很夠味~海鮮份量都好多~呢個價錢真係超值！這個白酒煮蜆的份量也很多~~而且白酒味也很濃~還加有蘑菇一起炒pizza都很好吃！烤得很香脆~~~餡料也很多~~這個是冷盤來的~味道很清新胡麻醬很香很濃~同樣份量很多~~奶茶和咖啡紅豆冰都很好喝~紅豆都好多~仲好大粒好甜~~~加上忌廉口感更特別。整間店的食品質素都在水準之上~而且價錢真的很划算~難怪無時無刻都座無虛席以後一定會成為我的飯堂~~

今日入左元朗一日遊，郊遊左成日，又到晚飯時間，元朗出名多野食，間間都各有特色，上網搜尋見到依間西餐廳係以船做主題，見幾得意就去左依度食我地既晚餐店內裝修都擺滿關於船既東西，有船既油燈、掌舵掛牆做裝飾，好似置身係船艙一樣，座位全部都係卡位形式，空間大又夠闊落餐牌選擇都幾多，有齊西日韓意法式既菜式選擇，幾適合一大班人黎開餐，唔洗怕意見多多<<香草炭燒雞扒配野菌汁>>鐵板盛著食物，用左紙卡圍住鐵板，以免彈油，雞扒肉質嫩滑，配汁食有好濃郁既野菌汁味，另仲有煎蛋、薯角、炒菜，底層仲要飯，份量真係超多，食一半已經有點飽肚<<船長麥脆沙律>>沙律中有雜果，面頭有麥脆脆粒，口感脆卜卜，同沙律一口食有陣麥香味同幾開胃<<麼囉差咖喱pizza>>薄餅薄身，入口香脆，連雞肉、菠蘿、芝士一口咬，味道鮮甜得黎帶少許咖哩味，多重口感，食落唔覺有膩濟感，好味道<<蒜香牛柳粒>>離遠已經聞到陣陣既蒜香味，因為牛柳粒中落左好多蔥、蒜同洋蔥，牛柳粒口感軟嫩多汁，食落一啲都唔韌，好惹味，賣相睇落細

又在元朗覓食,一家人都好懶,食飯最好唔洗搭車,要就腳方便,呢曰家姐帶我地去左呢間餐廰…座位很闊,坐得好舒服,我地三個人叫左好食物,全部食晒…大胃王上身咁這個海南雞媽媽媽最愛, 雞好滑,配上特别酱汁,正這個是我至愛,啤洒配炸鱿魚,炸得好乾身,好脆口,一口魷魚一啖啤酒船長海鮮焗飯,買相己經够吸引,食落有鮮味,帶住淡淡之土香味牛仔骨配薯蓉,肉質好嫩滑,只是很久無食過有汁既牛扒,不太習慣麻酱雞絲沙律,好清新,爽口意大利雜菜湯甜酸適中

上次食過午餐，今次同屋企人泥食晚餐。覺得set dinner唔太抵食，決定散叫～Main course都可以加錢變成餐，加20蚊就有個什菜湯同麥脆沙律，幾抵玩。湯同沙律先上，價錢減半，但份量無減，食完已經飽左一半～什菜湯好多料，味道偏咸偏酸，比較濃味。沙律其實係雜果薯仔沙律，蘋果同紅腰豆喺雜果沙律中較少見，感覺層次高左，再加幾塊麥片脆脆，口感豐富，調味都唔錯，如果可以少啲沙律醬，多啲脆脆就好。叫左個千島海鮮pizza，30幾蚊都預左係細細個，估唔到又焗得幾香，餅底脆而不肥膩～醬汁調味都唔錯。再泥紅酒炆牛肋條，煲仔上，望落好惹味咁款。牛肋條好腍，醬汁味道都算濃，但感覺總係爭啲，覺得個汁係調味到好濃郁，本身無乜肉味，兩者唔係太融合。卡邦尼長通粉賣相幾好，但係第一印象「咦咁淡嘅」同平時嘅卡邦尼忌廉汁比確係唔夠濃郁。再食「好似有啲蒜香味」撈起汁底會食到有啲蒜蓉，味道即刻加強。整體好惹味，蒜香忌廉汁同煙肉夾住長通粉，一啖又一啖清晒～可惜嘅係長通粉太淋，唔夠彈牙。總結是晚嘅DIY晚餐，食物質素好似無第一次覺得咁好食，但都中規中矩，尚算令人滿意，食到飽飽捧住個肚走～平均都係5,60蚊一個人，再咁落去

星期五一家人到出外晚餐，素聞｢船長意法日餐廳」是性格比高的西日餐廳，而且食物款式選擇多，所以便慕名而來。餐廳環境緊貼主題，白色的磚壁上掛滿了錨、掌舵及水泡外，還有燈塔的壁畫，讓我置身於船隻的甲板上。如果店員的製服都變成水手裝，感覺應該更加有趣。安坐在寬敞的卡位座，倍感舒適。餐牌上的選擇繁多，西式和日式的菜色皆我所愛，我們仨決定點選2個豐盛一人套餐，再加其他小食，以滿足為食的我們。前菜為白湯+雜菜沙律，白湯份量非常大碗，忌廉濃稠，湯內有粒粒煙肉和火腿，也算不錯；雜菜沙律的雜菜新鮮爽脆，配上芝香胡麻醬，很滋味噢。套餐加$5就可以轉為特飲，所以我們點了<菠蘿賓治>及<巨峰梳打啫喱冰>各一。菠蘿賓治的味道清甜解渴，菠蘿果肉佔了半杯賓治，非常refresh；巨峰梳打啫喱冰相對較濃甜，除了提子香氣，還有嚼勁十足的巨峰啫喱，飲到底，啫喱還餘大半，十分滋味。過不久後，小食<蒜香牛柳粒>、<脆香南瓜薯餅>便來到了。蒜香牛柳粒經蒜爆後，十分惹味，牛柳粒軟腍，吸收了洋蔥的香甜，入口肉香濃烈，除了牛柳粒，我們把洋蔥也吃光光；脆香南瓜薯餅砌成8小塊

工作中午餐，一向泊車行先！呢間餐廳對出有位！入去裝修幾別緻！全部同行船嘅裝飾！燈光幾暗，午餐選擇多樣化！落單食物好快到！瘋狂煲仔咖哩牛肉珍珠米（$50）賣相好怪，長碟盛飯，另一邊空框框（用細碟會正常啲）珍珠米唔稔，幾鬆軟！咖哩汁煲仔另上，餐牌展示有一隻辣椒，食落香濃唔辣，牛肉片鬆肉粉幫忙下完全無牛味，好似咬膠咁，反而咖哩薯仔好正，又稔又入味，有五塊咁多！好味！拌碟啲椰菜太淋！唔好味！夏威夷蜜桃沙律配吉列藍冰魚柳（$48）沙律賣相靚，魚柳炸得金黃色，可惜魚肉澀，而且太薄，炸完又乾又硬，沙律醬都幫唔到！罐頭蜜桃肉正常，沙律有爽脆蘋果、爽口薯仔、稔口紅腰豆！撈埋沙律醬，酸酸地好味！美式什扒蒜香汁飯($52)同事食香煎豬扒洋蔥汁意大利麵（$50）同事食跟餐熱咖啡：咖啡夠熱，無落糖飲，咖啡幾香滑，微甘唔澀易入口跟餐凍檸菊花蜜：同事飲跟餐熱菊花蜜：夠熱！試咗一啖，味道唔假！偏甜！店員爽手，我向其中一個女店員反映魚柳問題，佢好有禮話會向廚房反映！仲問我會不會轉其他餐（我係食完比錢時反映！）唔會hea答！呢樣加分！我覺得呢間餐廳食物幾好，但肉類處理要改善，牛肉同魚柳都唔得，但啲汁其實好味！

一家人出黎食晚飯，其實船長已經食過幾次，覺得佢比一般茶記平少少外，啲位又濶啲，有bb車真係要搵間地方大啲嘅。見網上勁多人話佢啲野難食，我又唔係好覺喎，一般茶記味囉。飲品叫了咖啡紅豆冰，凍利賓納，凍奶茶同凍檸茶，另外兩杯無影相……個咖啡苦苦地，加埋甜甜地嘅紅豆又幾夾。另外幾杯夠凍又大杯囉，無乜特別。阿媽叫的咖喱牛筋腩飯 ($52)，幾大煲喎，咖喱汁很多，香料很重但無乜奶個種咖喱，不辣都幾對胃。一煲有牛腩牛筋薯仔等，都有成六七舊，炆得入味好抵食。自己點左焗豬扒飯 ($50)，豬扒兩大塊，厚切好肉，今次個飯有炒底喎，茄汁酸酸甜甜，加上已滆芝士，實屬不錯之選。仲有呢個焗海鮮飯 ($68)，白汁同芝士好正，啲海鮮好有型喎，不過蟹腳無乜肉，亦不太新鮮，其他仲有青口，蜆，蝦等海鮮，味道ok的，但我喜歡一般茶記用魚柳，魷魚等做焗海鮮飯多一點。阿爸叫的鐵板牛扒 ($68)，今次要左蘑菇汁，上次食魔鬼汁都好味，但要試下新口味喎。有層紙隔一隔無咁油，除了牛扒，仲有一大個飯，薯角，粟米，同一隻蛋，認真豐富。肉都幾嫩，牛扒大大塊，但就梗系唔係靚扒啦，咁嘅價錢仲想點？有落鬆肉粉同塊扒本身醃左味，但68蚊收貨了。叫

今次中秋就同朋友一齊黎元朗過同埋一齊食左好多野由於我最近駛更太多啦所以我就話食平啲又多款既餐廳紐西蘭極級牛扒 $68覺得都幾抵食 因為個飯都好大個 而且個排係幾香幾 仲可以自己㨂幾成熟tim架船長海鮮蓉燴天使麵$78好推薦呢個香甜得黎又唔怕太膩 而且仲多蕃茄同埋海鮮咁長既蟹好正好好味大面吉列豬扒台仙拉麵$49估唔到個豬扒咁大個 都幾抵而且個蕃茄湯係食到酸甜味既所以覺得都唔錯麵都幾多下架有機粟米雞蓉忌廉湯 $16都幾多料唔算太濃同太膩香草蒜蓉包法包 $12都好脆好好味😚😚😚😚😚韓風芝士焗青口 $29有我最愛既芝士 好好味呀但覺都真係食到有spicy 既忌廉奶茶紅豆冰冰 $22好多料係入面\

元朗這間船長意法日餐廳是區内出名的『平靚正』，而且食物款式多樣，所以生意不錯，經常坐滿客人。之前已經光顧了一次，味道雖稱不上有驚喜，但勝在價錢夠便宜，吃得也很自在。這天放假沒事做，留在家中又太可惜，便和媽媽再次光臨船長，吃頓平靚正午餐。大概下午兩點來到餐廳，餐廳内的座位也已經坐滿了8成，可見船長的生意真的很好。餐牌上款式衆多，和媽媽也考慮了好一段時間才決定好要點什麽。先來兩杯飲品：蜂蜜雪梨特飲（跟餐半價$11）和忌廉奶茶紅豆冰（$11）媽媽點的蜂蜜雪梨味道清甜，天然不人工。而我的那杯奶茶紅豆冰亦甚有水準，奶茶比例平均，兩者濃郁突出，配搭紅豆有創意得來也毫無遺和感，不過加入忌廉則有點畫蛇添足。先來一份水手煲仔咖喱牛筋腩配印度薄餅（$52）意想不到的美味。咖喱調味恰到好處，不會太鹹太濃味，香辣得過癮。牛腩肉質嫩軟，牛筋位彈牙爽口，薯仔也煮得綿綿入味。最欣賞印度薄餅薄脆可口，不會太油，配咖喱同吃一絕。紐西蘭極級牛扒配蘑菇汁（$68）一分錢一分貨，牛扒不是特別高質素，牛味薄弱，而且肉汁欠奉，但能夠煮到軟腍入味，而且$68大大份牛扒，實在不能要求太多，配菜的薯角炸得金黃香脆，味道不錯。不過蘑菇汁

同朋友經過船長餐廳，見到餐牌啲野食價錢平均都唔使50蚊，小食大多廿幾三十蚊，於是就扑鎚試下，不過呢度可以話一分錢一分貨，味道同價錢成正比。首先講下史上最怪雞既烏冬，食完一定會話中哂伏，同我想像好大出入😑呢個芝士香芒烤雞手打烏冬食完冇下次😵原先我諗啲雞應該好重芒果味，酸酸甜甜會開胃，點知雞冇乜味，芝士又乾唔juicy，最可怕係啲烏冬索哂啲芒果醬汁，甜到令人唔想再食，烏冬似甜品多過主食，呢種創新冇邊個岩食😅韓風芝士焗青口雖然肥美，可惜一啲都唔korean style，零辛辣味，芝士好乾唔juicy，冇咩香味，哂左啲青口。炸雞未去到乾地步，不過就少左椒鹽呢啲調味料，變得冇咩味。炸魷魚酥係幾惹味，但同炸雞調轉，非常乾身。最好飲係個湯，多雜菜之餘而且酸酸甜甜，真開胃。

每月都會入元朗探朋友，而朋友都會盡地主之誼帶我周圍食！今次就試一試位置較隱蔽的船長意法日餐廳～晚上時份都頗多人輪候入座，但流動率甚快，不需等太久。店內環境闊落，佈置得蠻有特色～粟米忌廉湯 - 味道飲落與茶餐廳的忌廉湯無異！但湯的質感較為杰身，與撈白飯的忌廉汁分別不大。蘋果麥脆沙律 - 味道夠消滯，食完很開胃。麥脆脆粒有咬口且蘋果夠新鮮清新～不錯的餐前前菜！炸蝦餅 - 炸得金黃而不乾身，味道煙韌彈牙！份量適中，$28的價錢實屬合理。柚子雞翼 - 我是一個雞翼控，什麼味道的雞翼均愛品嚐～雞翼外層的皮滲上芝麻而且不油膩，沾上柚子蜜後食落甜甜又滋味～肉質亦滲有柚子的味道，意想不到的美味！煲仔咖哩牛腩飯 - 咖哩汁香濃及椰香十足，送飯一流！牛腩份量很多，肉質既厚之餘又炆得軟淋不黏牙。而且飯的旁邊沾有菜，頗健康且消除食肉後的滯感～