船長意法日餐廳 (已結業)

見食評幾好走去試午餐，叫咗3個餐，1個係鰻魚飯，1個係醬汁雞扒撈麵，1個係粟米忌廉炸魚柳飯，本身見個白湯都覺得應該都唔錯，點知咸到嘔，2飯1麵到埋，老公一睇個賣相就知難食，果然真係難食！個撈麵係得個甜字，食咗塊雞扒就無食，老公就話個鰻魚飯又係無味，對仔女食個魚柳飯都話唔好食，未試過對仔女食唔食一碟飯，證明真係好難食，埋單收錢果女人又態度差，整跌我啲錢，Sorry都無聲，一定唔會有下次囉！！！！！！

呢一間平民快餐的確平靚正 幾時嚟食 都 攬住個肚行出門口我哋點樣做午餐其中會跟咗個忌廉湯 雞肉粟米湯 跟住就係個 海鮮意大利飯， 好足料呀， 四十幾蚊呢個餐仲會有埋杯凍檸飲茶 ，真係好抵， 午餐有好多選擇日日嚟食，一個禮拜七日都可以食唔同款式呢個天氣咁炎熱飲番杯紅豆冰都幾爽， 粒粒紅豆大大粒， 有得食又有野咬下口關島風情pizza 細細個pizza食嘢唔會太大個， 芝士同辣肉腸嘅配搭夠曬惹味，夠哂邪惡炸雜菜餅， 我就最鍾意佢個口感，粉粉地軟腍腍， 熱氣得嚟又夠曬健康😂朋友仔就點咗支啤酒嗌咗兩個小食送下酒， 講明送酒， 當然唔炸過，唔夠熱氣唔食啦😂咁先夠正， 外脆內軟又彈牙雞奕都係， 甘香可口脆卜卜， 食落 仲有肉汁流出嚟， 好 juicy 呀又飯又小食飲埋啤酒都係216，好抵呀

船長意法日餐廳主題餐廳不止是裝潢，擺設風格一致，更與食物配合，船長意法日餐廳則利用航海將不同國家的菜式融合，菜單如寶箱般收藏不同菜餚，但餐廳的定價十分親民，平實卻多樣性。椒鹽魷魚鬚係即叫即炸的魷魚鬚，配合七味粉沙律醬，味道不錯，上菜時仍然熱辣辣，尤魚十分有咬口同彈牙。煌脆雞翼，食落係普通既炸雞翼味，不過入面既雞肉十分嫩滑，雖然係炸，但仍然鎖到肉汁，外皮炸脆，金黃色好誘人，入面肉質軟滑，肉汁仍然十分充足。板燒澳洲肉眼扒配煙肉紅酒汁，這個肉眼扒比較薄，肉質冧軟，雖不萛上等，但也絶不失禮，味道方面，大家也能想像以煙肉和紅酒煮成的汁是多香濃惹味，提升了肉眼的肉味，我們是點了七成熟的牛扒，切牛扒時的確是半生熟的形態，牛扒口感很好，肉味濃郁，更值得一讚是脆薯，熱辣辣的香味一上桌就聞到。龍蝦汁香煎龍脷柳伴日本帆立貝，要左意粉，魚柳賣相很不錯，魚柳炸得金黃香脆的，再點埋個汁一齊食，就真係double鮮味。和風炸蝦餅好彈牙，外層鬆脆，內裡綿軟淡，淡天然的蝦味濃郁，配上沙律醬，令味道更突出。乳酸同巨峰提子啫喱冰冰十分推介！入面有巨峰提子既啫喱，冰亦都會攪碎，可以一路飲一路有野咬下，正！

朋友住元朗介紹嚟呢度食午餐，話呢度嘅扒餐好抵食又好食，叫咗個雞扒餐，配菜都算幾多種類，平時出面食嗰啲只係得幾條薯條同埋一啲椰菜羅伯斯，呢度有車厘茄有粟米西蘭花同薯條，雞扒都算軟嫩，唔錯；朋友就叫咗牛扒餐配黑椒汁，塊牛扒真係好食喎，而且唔韌，加埋好有黑椒味嘅黑椒汁真係好食，每個扒餐仲跟一隻太陽蛋。朋友叫的焗豬扒飯，因為新鮮即焗嘅關係所以等左大約15分鐘先至送到嚟，但係幾香，而且芝士味唔錯，豬扒都鬆化唔韌。計返都係＄80左右連埋嘢飲，cp值幾高

元朗真係好多嘢食，今日三人行到元朗逛逛，見到呢間餐廳幾多選擇喎，價錢又抵，就入去試試。裝修切合餐廳主題，周圍都有關於船嘅裝飾， 好有趣。午餐叫咗瘋狂㗎哩牛筋腩珍珠飯，牛筋腩炆得好淋，咖哩好香 ，仲配合珍珠飯，唔錯午餐配餐湯同飲品， 飲菊花蜜都唔使加錢喎，夠曬清潤另外散叫咗多一個水手咖哩海蝦燴意大利麵，我哋好愛吃咖哩呀! 呢隻咖喱有啲似星洲炒米嗰隻，夠惹味唔想食咁飽，嗌多咗個白酒汁煮珍珠蜆同田園素菜烤pizza， 份量啱啱好。仲散叫多杯蜂蜜梅子蜜，酸酸地幾潤喉。 朋友鍾意飲紅豆冰但怕肥， 所以叫咗走忌廉呢度價錢大眾化又好多選擇呀!

估唔到星期日二點幾去到船長，成間餐廳依然咁爆，所以最後都等左三個字先有位，等我食餐飽補數椒鹽魷魚鬚$38，即叫即炸，夠哂熱辣辣，小心燙嘴蒜香牛柳粒$38，肉質淋甜，都算抵食沖繩風胡麻手撕雞$38，雞絲幼細，下面有雪凍既沙律菜同青瓜，配上麻醬，最岩夏天食西蘭花好大舊，上面有一大塊溶左既芝士，食落咸咸地脆爆雞中翼$30，真係好爆脆，但肉汁仲係好鮮嫩，呢度係配薯角，都比較少見，岩哂鍾意食薯仔既朋友醬油雞脾$35，隻雞脾好大隻，仲好入味添吉列豬扒$52同吉列魚柳$52都揀左配沙律，個沙律有好多生果，中和返d咁肥膩既食物估唔到韓式辛辣麵都有得食，我就配埋五香肉丁，黎個辣上加辣由於今日太多人一齊食飯，咁就可以叫個扒餐一齊開心share，入面有豬扒、雞扒、火腿、栗米、西蘭花、大蝦、薯角，仲有煎蛋添，真係多d人食先可以食到咁大個扒餐pizza都幾多料，有火腿、磨菇、芝士、蕃茄蓉添泡菜味濃，但唔太辣，仲要鐵板上，夠哂鑊氣炒飯一粒粒，每粒都係金黃色，仲有唔少鰻魚粒添黑松露醬再多d就好喇，海鮮就有蜆、青口、蝦同魷魚烏冬就味道正常飲品就推介大家試下忌廉奶茶紅豆冰冰，好茶茶香夠滑，配埋甜入心既紅豆加埋個忌廉係頂

就係因為有日試咗佢個下午茶，個吉列豬扒面嗰層炸漿好薄，個豬扒直頭係有肉汁，於是今日又去食，今日係午餐，但個豬扒同嗰日比相差好遠，嗰層炸漿好厚好硬，件豬扒好實，無肉汁😑 好失望 ; 另外叫咗個沙薑雞飯，個造型就好唔掂，一岩一忽咁，同埋我最憎見倒係雞翼，好揾笨，呢餐呢兩個餐都好唔掂，仲有餐廳水冷氣唔夠，如果熱天，你一定要揾個有風扇底嘅位置坐，其實佢個早餐係幾 ok ，希望佢要保持好嘅水准，唔係d 客就會轉地頭，附近都太多選擇了

放大假的第一天，當然要嘆一個豐富午餐啦!今日行過，見到這間餐廳款式選擇比較多，就即刻入去食啦!餐廳比較大， 座位很寬敞，裝修以海上主題為主, 牆上有水泡，魚，船和掌陀作裝飾， 設計比較新穎。我叫了一個蒲燒原條鰻魚飯，包括有麵豉湯和小食，價錢只需hk$58，就可以享受那麼大的原條鰻魚飯。 鰻魚好滑好香又鮮甜， 一點腥味都沒有，而鰻魚汁也不會太甜， 送到來還是熱辣辣的， 這個非常抵食。額外叫了兩款小食，一個是炸魷魚鬚而另一個是柚子雞翼。 魷魚鬚送到來還是熱辣辣的， 炸粉比較薄， 香脆煙靭， 椒鹽味剛好， 不會太鹹。 而柚子雞翼配搭足夠的柚子醬，皮脆肉嫩，非常惹味。飲品加配了大大的凍檸茶， 茶味香濃， 甜度適中， 分量好足，一個人真係會飲不完套餐選擇比較多， 而且價錢比較經濟，份量十足， 非常飽肚呀!

又多款式,又多選擇,不得不提是元朗船長意法日餐廳，再睇一睇價錢，簡直是超抵食，今日一行三人到船長食lunch，我媽咪叫咗牛扒餐，大大分嘅牛扒餐，七成熟，非常濃厚嘅牛肉味 ，肉質鮮嫩，五大嚿薯角，新鮮薯仔整出嚟的，加上配菜食，好味。我自己就點咗個海鮮意大利飯，大大隻嘅虎蝦，鮮甜爽口，仲有魷魚，蜆，蟹柳，青口，加上意大利飯入面索曬全部海鮮嘅精華。最後我太太就點左個日式鰻魚飯，手掌咁大嘅鰻魚，熱辣辣，一啲都唔腥，配上鰻魚汁，好味。因為餐排上實在有太多選擇，乜都好想食，但係實在太飽，唯有等下一次。

對上一次黎食食到攬住個肚，估唔到今次8個人黎食都係一樣因為照正常餐廳份量去叫的話，呢度份量絕對係抵食夾大件。先講一講個西蘭花，上枱時比我嘅感覺係森林，超~巨型~    餐飲都係MEGA size手撕雞沙律夠新鮮，配上芝麻醬，作為前菜一流多士係千層多士，入口鬆軟下面係火腿奄列，煎得唔老有蛋汁椒鹽魷魚鬚炸得香口，而且份量多吉列豬扒勁厚切，不過我就覺得真係太厚 ，令到豬扒有點韌。吉列魚柳大大船長雜扒餐有雞扒豬扒火腿同大蝦，咁多款食材我比較喜歡豬扒，因為豬醃得相當入味而且一D都唔韌龍蝦汁海鮮燴意大利飯，味道唔錯不過汁稍微多左少少。牛柳粒煮得夠稔，而且筋位少，成碟係搵到2粒食落係有筋架姐

自從在元朗上班之後，就開始留意元朗美食。週末時，收工後便約朋友開餐。今次意外收獲一個驚喜大發現，好吃😋無加一而且價錢合理。餐廳以航船為主題，垟上掛滿有關船的裝飾，相信餐廳主人是個船迷。餐廳非常寛敞，座位都是獨一系列以卡位為主。適合獨立、情侶或三五知己。環境舒適。乍看餐牌，價錢相當得宜，讓我們試試味道如何先。呢種沙律比較不普遍，一般餐廳下午茶才有，但比它更精緻，用個小木碗呈上，外面一層沙律菜，將生果沙律包圍，除生果有蘋果、提子、薯仔、菠蘿等，還特別增加麥香脆，令整個層次提升。非常驚喜。一講起芝士焗青口，讓我想起過往曾經試過某些放題的青口，九成芝士覆蓋一細粒青口仔，虛有其表。這次就令我改觀，這個青口肉質豐富，還非常鮮甜爽口呢。根據我的習慣，會先嘗一口白酒汁，因為蜆好吃與否除了與蜆的新鮮程度和來貨品質關係重要之外，汁佔重要一席位。我很喜歡它的白酒味，香得來又不過火，白汁很滑，很入味。朋友說我很薯，特意為我叫了與薯仔口感相似的南瓜餅。其實南瓜營養豐富，把它炸成南瓜餅，外脆內軟，又香又甜，讓人吃得津津有味。這個炸雞翼令我想起某大連鎖吃店肯德基，口感類似，但這個雞翼肉質更實丶鮮味更足，重點是擁有金

船長餐廳最吸引我的早餐是一系列的牛角包早餐。今天我又過來吃牛角了。店內座位很大很舒適，有時候不知不覺會坐了一兩個小時也不發覺。早餐餐牌的選擇是我見過最多的店，當然對我們來說，牛角才是主角。這個珍寶牛角包配番茄湯公仔麵，我選了漢堡豬柳和午餐肉。其實這個番茄湯番茄量多而濃郁，配什麼料也好似。她的珍寶牛角真的很大一個，鬆鬆軟軟的，肯定比吃一般的白麵包或是多士早餐爽很多。另外點了一份牛角奄列早餐，包括牛角，法蘭克福腸，黑松露奄列，配以雪菜肉絲米粉。這個餐CP值很高，雖然奄列做得不算香滑，可加上黑松露，也很香。其他的法蘭克福腸和米粉只算一般，可是以$36的早餐來說，很超值。當然，配牛角包"冇得輸"。

今日同朋友連同兩個細路一齊嚟到呢間船長意法日餐廳，未決定去邊度食嘅時候，細路已經一個叫食pizza，一個又話要食拉麵，大人又話想食扒， 突然諗起呢間餐廳，於是帶左佢地嚟試下，一次過滿足晒佢地嘅要求。餐廳內裝修令人有好似坐响船上面嘅感覺，小朋友當然開心，今日客人唔少，侍應雖然很忙，但非常有禮貌。我地叫左【脆香炸美式薯角】，熱辣辣，脆卜卜，十分香口。【東洋天雞烤焗pizza】，餅底厚度適中，不會太乾身，餅邊有小小脆，d細路勁鍾意食。【船長龍蝦汁海鮮意式燴珍珠飯】龍蝦汁味道濃郁，配合鮮味海鮮，意式燴珍珠飯太會太濕，不錯。【日式炸雞藍】，惹味、香口、脆卜卜，不會太喊，感覺好似食緊旦黃鹽酥雞咁。【水手咖哩海鮮燴意大利麵】，很香咖哩味道，辣度適中，海蝦鮮味。【船長雜扒配野菌汁】，野菌汁味道較淡，配合扒類，感覺多食幾件都唔會滯。食物非常多元化，餐牌選擇非常多。

今晚同老公出去食飯，周圍都好似好多人，咁岩見到船長入面唔洗點等..同埋環境地方都有一種好舒適既感覺...入面既裝修都係以船既概念為主....海鮮有大大隻既蝦、口感爽口...另外仲有魷魚圈...青口、蜆肉...而龍蝦汁..也是濃濃多汁的...而燴飯是軟身...另一款選擇在套餐，龍利柳大大塊...同埋好滑嫩....配上少少龍蝦汁最後叫在個西蘭花...諗唔到有咁多食埋就真係好飽了....呢度價錢唔高，而且選擇多...

No need to wait so good. The table is not spacious but at least you can eat here freely. Food quality is not really that outstanding. But Baked Pork Rice is delicious and the meat is quite soft. I ordered Milk Tea with Red Bean & Cream and love it so much. People must order this. It perfectly matches with Baked Rice, lol. It's local Cantonese dishes and combination. Oversea visitor must try!Come here and enjoy dinning time with your friends. Price is inexpensive, good choice.