船長意法日餐廳 (已結業)

今日難得未到五點收工，就和同事一齊去食個Tea,就選擇在千色滙後面有間船長意法日餐廳，泊車方面，餐廳食物選擇多。門口很大，一眼就望到。卡位座位坐得好舒服。牆上掛着一些裝飾跟店舖名（船長）很貼切👍下午茶時段好多優惠套餐，價錢都幾抵食👍巨峰提子啫喱冰冰特飲-飲落提子味香濃，甜甜地咬落去有些一粒一粒的啫喱，好有趣😋鹽燒豬軟骨仙台拉麵，豬軟骨熬得軟淋淋好入味。拉麵食落爽口，湯底又濃又惹味船長龍蝦汁海鮮意式燴珍珠飯-龍蝦汁好香好味，飯煮得粒粒分明，加入少量翠玉瓜，食落爽口，海鮮新鮮鮮甜。白汁芝士焗西蘭花，熱辣辣，食落鹹鹹地好爽口，食唔停千島海鮮薄餅，海鮮豐富配千島醬一流，皮底比較薄，脆卜卜，好似食薯片一樣。

和朋友們第二次來到這間餐廳，今次是吃晚餐，食物價錢一如以往的便宜，四個人坐得很闊落，地方大但都很多人。韓國艦隊芝士麵配料豐富，有豬柳扒、煎蛋、餐肉和粟米粒，好抵食。除了本身芝士粉湯底仲有一片真的芝士！胡麻豆腐沙律麻醬味十足，豆腐都幾滑，去吃青瓜絲和沙律菜很開胃。豐盛晚市一人套餐D是板燒歐洲肉眼扒配煙肉紅酒汁，包是日餐湯、沙律和熱飲。牛扒汁的味道幾香，忌廉薯蓉吃很正，牛扒這個價錢都算不錯。羅宋湯雜菜很淋，蕃茄味香。蜜燒葡萄柚子雞翼很惹味，必點小吃，甜甜蜜蜜又入味。日式煎餃子超出色，皮薄餡靚。和風炸蝦餅蝦味濃郁，口感結實啖啖肉！椒鹽魷魚鬚份量很多，四個人吃剛好。凍咖啡好好飲。價錢便宜，地方舒服，食物都不錯。👍

經過元朗見到餐廳裝潢幾靚座位寬敞加上價錢唔貴決定試試四人套餐優惠價四百蚊唔使幾抵胡麻野菜沙律沙律菜好新鮮爽脆加上胡麻醬味道香濃惹味岩鹽燒大蝦燒蝦都幾大隻而且肉質爽彈結實日式吉列南瓜薯餅新鮮即炸外表金黃香脆南瓜內餡香甜千島海鮮薄餅材料好足好多而且勁多芝士夠哂邪惡白酒汁煮珍珠蜆忌廉香濃微帶酒香可以突出珍珠蜆肉鮮甜維也納煙燻蛇形腸伴脆薯皇蛇形腸煙燻味濃配上德國酸菜開胃解膩鐵板海鮮炒烏冬海鮮幾多除左青口仲有扇貝而且烏冬彈牙石鍋蒜香牛肉飯牛肉入味而且肉質唔韌；醬汁香濃加上蒜味十足好正

今天我和朋友打完波後十分肚餓，就來到這間餐廳吃晚餐。餐廳的裝修以船為主題，放置了許多特色的擺設，環境不錯座位也很寬敞。由於很肚餓的關係我們點了很多菜式，有紐西蘭極級鐵板牛扒$78, 我哋叫咗七成熟，牛扒十分厚身，而鐵板亦夠熱，加上其他配菜味道配合得很好，第二樣係船長龍蝦汁海鮮異色會珍珠飯$85，海鮮也很足料，如果龍蝦汁更為濃郁會更加好。其他小食包括韓風芝士焗青口$29，蜜燒葡萄柚子雞翼$28，白酒汁煮珍珠硯$33同埋椒鹽魷魚酥$38，其中以魷魚鬚最為出色，炸得香脆可口新鮮熱辣。而飲品我哋點左一杯鮮檸巨峰梳打$13同埋荔枝玉露得飲$12，買單計埋都係$300左右，真係抵食夾大件，推薦各位來試試。

元朗船長的西餐平民餐廳，位於元朗千色後面，位置方便。很容易看到！我和同事去享用下午餐，發現下午茶的價錢很平民化，適合上班一族來聚餐！位置舒適，可以作小休之用。我叫了下午茶，(雞脾薯條雪菜肉絲米粉餐)雞髀大隻，肉質嫩滑，鎖住肉汁，雪菜肉絲米粉的雪菜不會很咸，薯角炸得不會油膩，又不會乾身，時間剛剛好！味道媲美其他茶餐廳，值得一試！員工服務也很好，又有笑容，大家值得一試！

元朗出名多野食，但係就好多時係隱世小店，細間坐得唔舒服又要排長龍。想搵個地方同朋友坐得舒舒服服，慢慢食個晚餐都幾難。難得朋友話好想試船長餐廳好耐，星期六晚飯時間竟然唔洗等位，餐廳都好闊好大，好多枱。其實晚飯時間都坐滿哂，係咁岩唔洗等，到我地食完已經有好多人等緊位。野食多選擇，又有小食又主食。價錢都好平民。小食： 炸魷魚。炸得好香脆，而且熱辣辣，配埋沙律醬又幾夾幾好味蜜桃沙律有罐頭蜜桃同埋加左燕麥格格脆，沙律就有薯仔，豆同蘋果，小食黎講都幾大份，3人share 都食得飽飽地。芝士焗西蘭花。份量就夠大，但係西蘭花偏生，仲有鮮草既味，麻麻地。焗芒果芝士雞扒烏冬，芒果同芝士加埋既效果又幾特別，一粒芒果肉都冇既，應該係芝士醬方面添加左芒果汁。雞扒好滑，芒果汁令芝士冇咁溜，估唔到有驚喜價錢平民，食物又多選擇，環境又算舒適，可以再幫襯！

最後好hit BB來了，我好慶幸我同豬隊友嘅媽媽相處融洽，仲可以久唔久一齊食個lunch,high 個tea!今次係元朗千色行完街，就去左係附近嘅呢間餐廳食lunch!好易搵，佢個船長招牌好顯眼！見到佢地嘅lunch set 其實好抵，不過我地都唔係太大食，所以寧願散叫，其實價錢都好合理個pizza比想像中出色，批邊鬆軟，芝士夠濃郁，個千島醬又唔會搶晒d味！我同auntie 本身都係雞翼狂熱份子，見到有柚子雞翼，冇原由唔點！佢唔係簿簿掃d糖水上去就算，我地真係見到同食到柚子肉ga!個手撕雞同牛柳粒都好好食，雖然上碟望落好似細細碟，但實際上好足料！

呢條街有好多元朗出名的食肆，和女朋友行完廣場想食個下午茶就來到出名抵食的船長意法日餐廳。茶餐一是卡邦尼煙肉燴長通粉，份量和配料都很多，啱哂大胃王。飲品加$8要忌廉紅豆冰冰，紅豆煲得很淋，椰奶味香，是足料的紅豆冰。茶餐二是雪菜肉絲韓國湯麵，加$6轉做很久沒見過的芝士麵，麵條夠彈牙，幾特別的配搭。跟餐的西班牙奄列有很多腸仔和磨菇粒，配軟香多士一流。試了熱葡萄柚士蜜，比較甜，葡萄味幾突出。日式煎餃子🥟比拉麵店的水準更好，皮薄饀香，必食小吃。沖繩風胡麻手撕雞的手撕雞幾滑，而麻醬味濃郁，幾抵吃。白汁芝士焗西蘭花🥦，超大棵，白汁芝士又多，可以四人分享都有剩。蜜燒葡萄柚子雞翼甜甜蜜蜜，柚子味雞翼非常好吃。食物質素不差又大份，相對同區價錢真的很便宜，難怪那麼多人。

有時想求其食個茶記，但又唔想咁貴咁多人，我就會去搵船長。食物種類比較多，而且又唔駛等太耐。白酒汁煮蜆睇落好似煮得好濃咁，其實味道清清地啱啱好，蜆既份量都唔少。作為前菜係個唔錯既選擇。蒜香牛柳粒廚師功力到家，可以食得出大排檔既鑊氣同黑椒味。但牛肉口感比較煙韌，令整體印象略為扣分。撈飯食仍然係唔錯既選擇。芝士香芒烤雞焗手打烏冬清新既芒果加上烏冬令原本既咸食變得充滿新鮮感。少量既芒果因為份量唔多，唔會影響整體味道，但又能增添新鮮感同清新健康既感覺。真係食左幾次都仲會想encore。咖哩豬扒飯食左幾次牛腩，試下豬扒既配搭又點先。豬扒口感較硬，所以食起黎唔夠乾脆。但亦因為比較大塊，會比較容易有滿足感。咖喱汁就保留到一貫水準，惹味非常，係絕佳既撈汁之選。百香果汁有百香果味但冇左d 百香果...... (無言中)

老豆節又殺到，又係時候諗下同屋企人食咩好野。老人家好多時咩都話唔食得，真係聽到都覺得頭痛。好彩有食過船長，味道唔太差，價錢又唔算好貴。胡麻豆腐首先整個沙律打個底先。豆腐好清新，食埋加左些許芝蔴醬既青瓜同蔬菜，健康又開胃。芝士焗西蘭花你地都以為會好heavy 既菜式，點知出奇地清淡。西蘭花仍然食得蔬菜既味道，冇俾芝士味所掩蓋。船長海鮮焗飯蛋炒飯底加上俾重重芝士包圍既海鮮，好食到停唔到！海鮮pizza薄底脆pizza，加上各種海鮮配料，口感一流。如份量大一點更好。招牌忌廉紅荳奶茶雖然有點邪惡，但奶茶香滑，加上忌廉同紅荳成為新一代紅荳冰，令原本已經成為經典既紅豆冰再添新鮮感。

叫咗個鐵板豬扒，上枱熱辣辣，有薯角及雜菜伴碟，唔好以為薯角只是伴菜，因為真係好好味，除了剛剛炸起熱辣辣外，外層仲非常脆，豬扒食落口一啲都唔銀，很容易咀嚼，小朋友食都冇問題。海鮮炒烏冬，特登叫你比媽咪食，初初佢見到個外表仲覺得冇乜特別姐，後來吃過後，就知非常啱食，因為這烏冬味道比較濃，依家同媽媽出街成日都話周街啲嘢都冇味，呢個烏冬佢就非常啱了，而且配菜都很豐富，有青口、魷魚，蝦等。芝士焗西蘭花，食咗咁多肉，叫返碟菜嚟食下，這碟西蘭花芝士味夠濃，西蘭花也很爽口。

依家香港地出街食飯，閑閑哋每位都百幾弍百落樓，又加一又茶介真係貴到你飛起。今日去呢間餐廳，竟然連加一都唔使，貨真價實，餐牌價就是埋單價。野菜沙律，有埋胡麻醬，甜甜酸酸，蔬菜也很新鮮，食落口爽爽脆脆，夠清新。煙燻腸配薯角，煙燻腸味道較濃，最岩配啤酒一起吃。鹽燒大蝦，真係大大隻的，真係估唔到個套餐咁低的價錢，可以食到咁大隻蝦，啲蝦肉夠實，也很鮮甜。石鍋牛肉飯，牛肉汁味道會較濃，最好配埋啲清新冰凍飲品一起吃，會更有滋味，飯是珍珠米比較軟身啲，很啱小朋友吃。

自從上次踏足元朗區之後，我這一個星期都心癢癢，想再找一日再到元朗逛逛。今天，百無聊賴，決定了這個行程。先逛逛書局，再走走一些商鋪，然後又走到千色廣場。由於沒有食早餐，我很快就肚餓了。一個人，吃什麼好呢？ 快餐是也。哈!居然有一間離遠就看到，而且名稱也很特別的餐廳。步入餐廳，環境寛敞，四周都以船上設備作為裝飾，有水泡，船槳，像坐在船倉裏。我在11:59 點了個午餐 8號，燒華盛頓特級牛扒配煙肉紅酒汁，套餐包括一個餐湯和飲品。正正12:10，我的午餐送到我枱面。牛扒嫩滑，容易入口，雖然個紅酒汁味道特別，但仍不會蓋過牛扒的鮮味。個意粉份量十足，內裏更有不少蕃茄和碎肉，可見這食店在製作食品方面毫不馬虎。另外，乳酸梳打特飲，在炎炎的夏日，給了我透心涼的感覺，不太甜，非常舒服，像是給我補充了330％的能量。我想，當我吃完這個午餐，可以再戰元朗區12小時!

今日非常肚餓，冇食午餐，又約左朋友仔比手信，咩多想食，第一時間就諗起e間，上次黎食過，好多款式可以選擇，份量又大！而且地點非常方便喺元朗大棠路行10分鐘就到達，裏面嘅裝修幾特別，座位寬闊，聚會傾計一流！朋友仔叫咗紐西蘭頂級牛扒七成熟，效果真係控制到七成熟，值得一讚！牛扒肉質鬆軟，最特別牛扒配太陽蛋，配搭得宜，再叫咗個龍蝦汁海鮮珍珠飯，都幾多海鮮，隻蝦仲好大隻，仲食到淡淡海鮮味道，沖繩風胡麻手撕雞，麻醬與手撕雞配搭一流，入味、雞滑溜，韓式芝士焗青口，焗得香脆，好大隻青口，柚子雞翼，甜甜酸酸好開胃，芝士焗西蘭花，拉C芝士！正、配上熱菊蜜一流，餐廳食物份量大，題外話，收銀姐姐好細心好好笑容😊好開心好滿足，下次再嚟食

呢幾日嘅天氣真係熱到不得了，都唔想出去遠嘅地方食飯，近近地去左呢間船長日法意餐廳。餐廳裏面嘅裝修都幾別緻，以不同船嘅圖案，配件黎做裝飾，仲有一束束嘅大吊燈，感覺唔錯。而餐廳空間感都幾大，卡位多，可以坐得鬆動d,不過個衞生就爭少少，特別係個洗手間😣呢度食物嘅種類都幾多，價錢又唔貴，我地叫左2個主食，3個小食，2杯特飲，（食物種類太多，不知不覺就叫左咁多😥）但都只係$300，食到飽飽，超級抵食。龍蝦汁香煎龍脷柳配日本帆立貝多數龍脷柳都有雪藏味，但呢個冇乜。肉質偏軟腍，一切開就散左，略嫌煎得唔夠，而且龍蝦汁味道鹹左少少。個意粉好好食，有香濃番茄味，而意粉軟硬適中。板燒澳洲肉眼扒配煙肉紅酒汁 肉眼扒唔會太老，肉夠厚亦多肉汁。加上煙肉紅酒汁，成塊肉眼扒更加惹味，唔會太濃，味道剛好。爆脆雞翼 雞翼香脆惹味，外層卜卜脆，好似炸雞快餐店嗰d,肉質鮮嫰唔會乾和風炸蝦餅 豬喜歡呢個蝦餅，因為冇諗過咬落有蝦味，唔太濃味，點埋沙律醬食，非常配。椒鹽魷魚鬚 用左個金屬籃子載住，好可愛，魷魚好新鮮，咬落唔會韌，食到椒鹽味，唔會太鹹。乳酸梳打特飲入口感覺係益力多既乳酸味道，酸酸甜甜幾開胃，唔會太甜，重點係，超消暑，