舍利鮨 (已結業)

今日去左元朗找朋友，咁lunch食咩當然問地頭蟲啦，佢就話話間新開的日本料理好有格調，幾好食咁，可以一齊試下。餐廳係有lunch set的，基本上都係手握壽司，廚師會按食客的口味推介邊款刺身俾食客。每款壽司上碟嘅時候，廚師都會逐一介紹。基本上每款刺身都非常鮮味。壽司飯亦選用左赤醋飯去中和酸味，令食材食落更加新鮮。前菜係茶碗蒸蛋同味增湯，味道唔會太濃，足以引起食客的食慾，而甜品係豆腐雪糕，豆腐味都幾濃。

見呢間日本餐廳新開，裝修都幾靚，暫時未有人排隊，所以就自己一個人黎試下，我選左最平個set, 有十件壽司。，旦，湯。個旦好味，但唔知點解太多水。 但果十件壽司真心高水準，尤其是牡丹蝦同埋Tori (好似咁叫）同埋海膽壽司，超正，食品新鮮，好有層次，叫有心制造。師傅好有禮貌，會解釋食物點樣整，但講野好細聲，有時聽唔清楚。總括而言，各方面都好滿意，環境服務，食物質素都好好，真心覺得值👍🏻👍🏻👍🏻👍🏻

上星期山長水又遠咁入元朗探朋友～朋友見我咁有心，,所以就話要請我食返餐xppp朋友話呢間日本餐廳開左無耐，所以佢都未試過！入到去既環境都好舒適，店員亦都好有禮貌：）既然朋友話請客，咁就由佢發辦，我就坐停停等食xppp呢度既壽司刺身都好新鮮，當中有三款壽司成為我當日既心水之選：第一款係秋刀魚壽司～平日食既秋刀魚多為熟食，唔唔到秋刀魚刺身原來係咁肥美架！！！另一款心水都係肥美既魚類壽司：獅魚壽司：）最後一款係超鮮既：牡！丹！蝦！！！！！蝦肉光澤透亮，蝦身上擺放蝦膏～只要一放入口，鮮甜既味道四散口腔，回味回味！

得知元朗開左高級壽司🍣店，是由前江戶前壽司廚師發辦，而食材是從日本🇯🇵漁市場空運直送，質素有保證。努力工作後，決定獎勵自己食好啲同順便黎朝聖❤️門面走簡約和風，帶有一種神秘感。一入去被其裝潢吸引住，優雅大方簡約系設計，比人一種好舒服既感覺。座位不多，分三邊吧台，方便每一位師傅照顧每邊既客人，吧台設計有助增加食客同師傅交流。DINNER SET :HKD 1300 , 15貫壽司HKD 1600 , 20貫壽司印象最深刻係呢三款壽司🍣，新鮮程度令人難以忘懷。（排名不分先後）間八：肉質肥嫩，脂含量豐富，體長2Cm以上的大型鰤魚才稱為間八，味道很好，好考驗師傅刀工🔪，而且又比認為係頂級壽司🍣食材頭三名。❤️中拖羅：顏色粉紅，脂肪比例較高，魚香持而恰到好處的魚油脂，非常甘香，充滿油香。小肌魚：屬鯖魚家族一類，經醃漬後口味甚濃，適合放於各壽司的最後位置，是很好的「江戶前」壽司代表。總結：視覺與味覺享受 師傅巧手準備佳餚 賞心悅目食材用料新鮮上乘 值得再去

新開嘅日本餐廳，Lunch set 10貫$350, 15貫$500 ，比其他omakase 店來說，性價比真係超高呢！其中最推介有： 秋刀魚、白蝦、中拖羅😚每次食omakase 都覺得係到上左一堂課。今次其中一樣學嘅就係秋刀魚小知識～秋刀魚原來係秋天當造，再加上魚係銀色，所以叫秋刀魚嗱。平時食燒秋刀魚就食得多，但刺身版真係第一次食呢。估5到可以一啲都5腥仲好鮮甜！另外，拖羅平時就食得多，但今次食omakase 先知原來拖羅有分大拖羅同中拖羅。今次omakase 食嘅係魚腩中後部分嘅中拖羅，油分適中而無筋，入口即溶而魚味濃郁，oishi 😋最後最想推嘅係日本上級白蝦肉刺身。捕獲後即去除蝦頭及蝦殼，晶瑩剔透，即開即食，肉質彈牙，鮮甜美味，爽口滋味。

Omakase一向都深受香港人歡迎，今次就去咗呢間名為舍利鮨食Lunch啦。門面相當簡約，有濃厚和風感覺。最重要佢嘅食材都係日本空運到港相當新鮮。今次就點了佢嘅Lunch Omakase，當中有3個 set選擇，最後就揀了Seasonal Sashimi & Sushi Recommendations $650。當日都幾多人幫襯，而且師傅都好主動同客人介紹每款食物。茶碗蒸上枱時已有濃濃蛋香，而每一啖都食到好滑溜嘅蛋，不錯。牡丹蝦食材相當新鮮，而且賣相十分精美，真係未食已覺得相當抵讚。肉質相當鮮甜，質感爽口。白蝦而個人其中最鍾意就係佢呢個白蝦，色澤亮麗雪白，見到都流晒口水，質感爽滑，帶有陣陣鮮味。

同朋友提前食返餐飯慶祝生日，已經預早左booking食晚市，都一位難求。午市價格親民，上網見到$350有10件sushi，如果好食嘅就諗住下次假日再食過👍🏻灰色外牆配一張3邊壽司吧台，可以近距離見到師傅準備、料理，可以話係賞心悅目，色香味俱全。晚市有2個價錢，$1300共15品及$1600共20品。中拖羅入口即溶；海老方面，見師父輕輕灼左一灼表面先，更帶出左海老嘅鮮同彈性。仲有最印象深刻嘅鮑魚，表面淋上自家製鮑魚肝醬，又濃又綿👍🏻👍🏻👍🏻👍🏻👍🏻成餐食左近3小時，一路同朋友傾住計飲下酒，美食當前，不知時日過😊朋友都好滿意我為佢準備嘅一餐。

朋友介紹元朗新開 omakasebook 左13:45 食lunch 去到門口，見到都覺得唔會差得去邊簡約既裝飾，環境好雅緻位置唔多14-16位既三邊吧台一位師傅負責一邊，感覺好照顧到每位客人lunch set 有三款我地揀左份量最細既10貫頭盤熱熱既蒸蛋，又滑又甜十款壽司，由淡到濃非常鮮味既魚生，再配上赤醋飯每一件都好好味，絕對滿足到口腹之慾記得既壽司有：鯛魚帶子梭子魚牡丹蝦超拖羅拖羅吞拿魚海膽海膽，鮮甜拖羅，油香牡丹蝦好大隻，不過我自己就唔係好鍾意師傅將蝦膏調成汁，再塗向蝦上面。 蝦膏味太濃壽司上完，仲有用蝦頭煲既味噌湯同迷你魚生飯，包保唔會餓最後有咖啡或雪糕揀是日係芝麻雪糕，淡淡既雪糕可以清清口腔既味道。 絕對值得再去既餐廳

專程喺市區揸車入嚟滿心期待，看到很多人推介這間XX徒弟開的店🤢🤮去到門口都算多人等位同埋都係爆場嘅🤪心裏滿滿地暗少好彩早一星有book位令我嘅期望更加大，自古以來有句說話希望越大失望越大....其他食物我都唔想加以評論普通而且仲要可以用不新鮮來形容重點係件海膽變🤮🤮令我哋幾個人都差啲嘔仲要件拖羅係有條大骨，我朋友爭啲。。。。。滿心期待嘅失望！！未試過食廚師發板有如此經驗咁大條骨都可以出現重點係啲飯都完全唔掂食到第二件全部人都已經都已經想拉隊走人最失望嘅係有時佢專登揸車入去大西北會有如此失望

元朗新開既高級壽司店✨環境設計好靚😍女店員服務態度好好👍🏻我哋果日去食lunch omakase🥳$350 10貫壽司，$500 15貫，$650 12貫+3品刺身我哋揀咗$500果個set當日分別品嘗咗：昆布汁真鯛、帶子、間白魚、北海道天上鰤、熊本天草黃金池魚、炭燒梳子魚、蝦膏醃甜蝦、牡丹蝦昆布汁推開既蝦膏、鰹魚、秋刀魚、紫海膽、藍鯨吞拿魚、小肌魚、紫蘇菜、筋子、同雜錦魚生卷！整體嚟講都高質同抵食！😍最驚喜係個魚生卷！味道好豐富、有層次感！好讚呀🤤👍🏻

Omakase廚師發板，很有水準Lunch 壽司15貫定食 $500/位北海道海膽壽司，簡直係澎湃，靚海膽真係好香甜最合時的秋刀魚，鮮甜到呢...趁仲係季節，要去食多一兩次有啲魚，師傅會用竹炭燒香塊皮，把整件壽司的口感味覺帶到另外一個層次，其實Omakase，師傅做壽司手藝，都係一個藝術魚生好新鮮，食物真材實料，有誠意👍抵食未有薑提供，有點失望，每一件壽司之間可清清味蕾店內裝修簡約，座位寬闊，坐得舒服，晚上14人起可包場主廚Wilson 仲係專業脷洒師，下次要試佢推介嘅清酒搭西鐵朗屏站，落車步行3分鐘，方便

到左月尾，工作努力左一個月，都會獎勵自己食得好d，食好西係我充電既其一方法！今次經朋友推介黎左元朗新開omakase 店，好enjoy的一餐午餐！黎到店鋪門口，見到裝修是全密封，簡約和風設計，有種神秘感。入到黎見到座無虛席，哩張係我食完餐廳準備落場時影。見到食客座位圍住師傅工作既枱，增加食客同師傅既互動交流。午餐有3個set揀，我同朋友揀左壽司15貫的！前菜係茶碗蒸，蛋好滑，調味剛好！師傅繼續開始為食客手握一件件壽司，食材係廚師發板，只要預先話俾師傅知唔食邊款刺身就可以。我本身對生蝦、帶子刺身有敏感，師傅特別改用其他食材取代，好貼心。1.昆布汁真鯛2.響螺3.間白魚4.北海道天上鰤5.熊本天草黃金池魚6.梳子魚 7.中拖羅8.熟蟹肉蝦膏9.鰹魚10.秋刀魚11.紫海膽12.藍鯨吞拿魚13.小肌魚14.筋子15.廚師發板卷15貫壽司師傅都續一介紹，真係長知識了，當中對梳子魚、鰹魚、秋刀魚等尤其喜歡，魚味較重，又經過炭燒製作，特別香。壽司飯選用赤醋飯，柔和酸味，為食材提鮮。食完15貫壽司，仲有味噌湯同豆腐雪糕，好滿足的一餐！約定朋友遲d再黎食過。

一直都聽人講話元朗有幾間好難book嘅日本omakase，今次朋友搭朋友book到一間新開嘅omakase 舍利鮨。一入到間餐廳裝修非常之優雅空間非常之闊落係我食過咁多間入邊座位最舒服座位同座位之間嘅距離非常有空間感 其次講返食物方面負責我們個師傅叫Wilson 佢好有耐性每一道菜都介紹得非常詳細 佢哋主打嘅江戶前壽司香港真係冇幾間可以食到尤其係佢熟成左12日的藍鯨吞拿魚 一入口簡直是一個味雷的享受 油份啱啱好 入口即溶 回味無窮。至於價錢方面喺omakase餐廳黎講都算非常抵食 我哋午餐時段叫咗10貫同15貫 分別$350 同$500 試業期內仲有日本銀離子口罩送返 真係幾貼心 ！ 我哋一食完已經即場book左下個月正式開幕後再嚟食，唔知到時會唔會有其他驚喜呢？