舍利鮨 (已結業)

話說今日約左一個好耐無見嘅朋友，佢知道近排係元朗有一間新嘅日本餐廳，仲要係廚師發板👨🏻‍🍳。宜家疫情底下，旅行又無得去，只可以留係香港食下其他國家菜式，望梅止渴一下。而我呢個朋友知道我係一個日本迷，年年都會去日本，所以佢帶左我黎試下呢間新日本餐廳。今次係我第一次黎食廚師發板，個感覺好新鮮。餐廳好整齊乾淨，廚師好有誠意係廚房區等候我地嘅來臨，又好有禮貌。由坐低到食物到枱面，我地都可以近距離望到廚師好專業處理食材。因為廚師發板會因應當日有咩新鮮食材而決定當日menu, 所以每日都唔會完全一樣。今次廚師發板準備左5款食物，每一款都好似藝術品咁，好精巧，好靚，唔捨得食。但佢地真係唔係得個樣，仲係好好食，好新鮮。我個人覺得食廚師發板真係好幸福，廚師會站在顧客角度為顧客準備最好嘅食材，同時又有新鮮感，唔洗顧客煩食咩好。我好滿意今次嘅廚師發板嘅體驗👍🏻

我地依d九龍人好日都唔入下元朗, 上星期知道要入去做野, 突登上網搵下有咩好野食, 揀左依間評價幾好既omakase試試!環境高雅有格調, 坐得舒適。一個人對住bar枱師傅, 靜靜欣賞佢既手藝, 睇住佢三兩下手勢就整出件件精緻壽司, 感覺十分尊業, 真係一大享受!每種食材都好新鮮, 仲有熟成刺身, 鮮味無比。當中最喜歡既筋子, 製作前原板新鮮呈上, 見到色澤鮮艷且粒粒飽滿, 見到都流口水。咬破口感脆身既外層, 咸香鮮味湧入口腔, 超滿足!牧丹蝦口感彈牙帶黏口, 非常鮮甜。燒帶子 炙燒過既帶子表面帶一陣淡淡焦香, 又唔會蓋過帶子鮮味, 正。今晚依餐係值回票價, 食材同師傅手藝都好有水準, 值得一試!

是夜黎到元朗既舍利鮨, 日本菜真係百吃不厭, 每個星期都好想食一次, 呢晚就食得奢華D~ 黎食omakase!! 餐廳既裝修格局令你可以睇清楚廚師每一個處理食材既步驟, 感覺好治癒! 睇住廚師好專心咁處理緊D魚生, 令到我都望到入哂神, 呢個真係omakase 既一大優點! 令到食客更加投入! 我地都睇得非常投入, 俾錢食好野之餘仲可以睇到廚師既表演! 呢晚既所有食物都真係好新鮮, 魚生既鮮味未入口已經聞到, 食入口更加係不得了!!! 筋子粒粒飽滿, 食落唔會死咸, 反而有魚香既鮮味! 食落真係超吸引! 燒帶子勁大粒, 包住脆脆既紫菜食真係食到停唔到, 帶子一絲絲既口感真係好吸引! 好想食多粒~!!間八同小肌魚我都係第一次食, 估唔到都咁有魚既鮮味! 真係好想再食多次! 食omakase配埋sake 真係一流, 呢度都有好多sake既選擇, 可以叫廚師介紹一下!!!! 必食之選!

Omakase 初嚐廚師發板，按當日的食材，做出最好的壽司給客人。Omakesa 在香港一向不便宜，由一千至數千元也有。女生胃口不大，作為初入門呢間8貫壽司只是數百元起先說壽司飯，醋同飯比例剛好，米粒水份煮好也不會太濕黏。而夾起不會夾，咬下又不會按太實身，關鍵在於師傅手藝。魚方面當日有吞拿魚，赤貝，魷魚等都非常新鮮嫩口，由淺到濃口味魚肉，而不同魚質地也有分別，每一件都食到獨特層次同師傅的用心。還有要快快享用，不需點豉油同wasabi ,因師傅在壓壽司時已抹了醬油。

今日嚟到元朗搵朋友，兩個都話好耐冇食過日本野，咁岩元朗最近都開咗好幾間新嘅日本菜式，我哋就二話不說提議一齊食啦🥳今次就睇下元朗區omakase既質素如何，omakasa一向有高級同昂貴既感覺，而元朗始終唔係市區，價錢亦相對親民～ 到底平民價錢版既廚師發板又好唔好食呢？😍我哋叫咗個lunch set，價錢係每人$500，有前菜、刺身、壽司、海鮮湯同埋甜品。等我分享下幾樣值得推薦架啦🤣最亮眼既日本海膽🤩 一上枱已經好吸睛，係滿到瀉既海膽呀🥰 顏色鮮艷，奪目既鮮橙色令人食慾大開～ 放入口落去好甘甜，食得出係好新鮮既！藍鯨吞拿魚手握壽司🍣 賣相好靚，吞拿魚色澤均勻，嫩嫩既粉紅色，壽司大細岩岩好，可以一啖放入口，放入口首先食到吞拿魚豐富既魚脂，入口即溶，再食到粒粒既日本壽司飯，帶帶醋香味同微暖，兩者配合得宜😄赤貝壽司🍣 咬落去好彈牙爽口，好新鮮呀🤪其他野食質素都唔錯，環境舒適，價錢都合理，元朗人值得黎食下，支持下新小店，希望元朗可以有更多更多既美食進駐👀👍🏻

📎 舍利鮨 (元朗)是日來到元朗 品嚐omakaselunch set $500 15貫壽司套餐包括前菜茶碗蒸 湯 甜品 咖啡而dinner set $1300 有15貫壽司 $1600 有20 貫壽司 舍利鮨 位於元朗主打江戶前壽司Omakase以日本古老的「熟成」技術處理食材 醃漬海鮮特別的是搭配赤醋壽司飯突顯魚生的鮮香味餐廳食材全部於東京、京都的兩大漁市場直送到港確保品嚐最新鮮時令的海產提提你們 這裡只有15座 採取全預約制 我最喜歡的是北海道北紫海膽 質感豐厚幼滑 份量滂湃 配上三文魚籽 鮮甜無比 ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $500/𝚑𝚎𝚊𝚍 ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 舍利鮨 (元朗)元朗安寧路38號世宙商場地下6號舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

一向都好中意日本，呢年去唔到日本唯有係香港捐窿捐la食盡日本菜搵番置身係日本既味道！呢晚搵食搵到黎元朗，食omakase當然係要做足功課book 定枱先～入到黎個feel真係好好，望住廚師每一下既動作同埋同佢既交流，真係唔係食餐飯咁簡單！我地仲叫左清酒，真係可以好好enjoy每一道菜！ sake既種類我都唔係咁識，可以叫店員介紹一下～我同行既朋友就有研究，我地揀既呢款味道比較醇～有飲開sake既朋友應該會好中意！ 睇住廚師預備食物真係一大享受，每一下都經過非常專業既訓練，再送到去你面前！睇住佢準備海膽真係有種等唔切既感覺，好想一啖食哂佢準備緊既海膽，哈哈！海膽真係超超超超鮮味！個種甜真係你食入口就會覺得好震撼！ 筋子粒粒分明，唔會好咸，好有魚油既油香！！！另外仲有獅魚同間八，我都係第一次食，全部都好有魚既鮮味！食得出d食材好新鮮..... 講開又想再去食....去食一定要事前訂枱咁就一定有餅可以好好享受日本之旅！

元朗向來都有好多好野食，平價至貴價都包羅萬有！呢晚決定好好獎勵自己～提前book左舍利鮨呢間omakase...... 真係覺得相逢恨晚！其實佢都好似係開左唔算好耐，但我食完呢次之後覺得應該都會成日再黎食，原因係真係太好食！食omakase其中一個重點係可以全程睇住廚師預備同烹調食物，除左有味覺亦都有視覺既享受，去唔到旅行，但仲可以有視覺去左日本既享受真係好抵！！呢晚既廚師發板都真係有好多樣野食.... 但好多時掛住享受樣食物都冇乜影到相，d魚生真係好好好好好鮮味.... 中拖同大拖既油香係口入面慢慢散發出黎.... 好食到好誇張，我諗亦都係我思鄉情重，食落覺得似係日本所以加哂分！秋刀魚刺身我都係食過幾次，估佢唔到又咁鮮味！完全冇腥味！好想再encore....佢omakase menu有兩款，其實兩款都好多野食，咁要食就梗係食盡佢試最多野食個款！都係差$300～仲有好多款sake 可以選擇！認真唔錯！

老公生日，當然要搵吓啲好嘢食，今日特登走入去元朗覓食，佢話想食日本餐，所以我哋就去食omakase,呢間原來係新開，入邊嘅環境好舒服，咪當去轉日本旅行囉老公最鍾意食呢一種日本餐，因為可以睇住廚師即場烹調，佢覺得係一種享受卷身（海膽吞拿魚三文魚），配上壽司飯，味道剛好，唔會太油膩拖羅壽司，入口即化，油脂濃郁，係我嘅至愛原隻鮑魚，師傅即場切開，短短幾分鐘已經上枱，件件都係厚切，而且十分彈牙爽口秋刀魚刺身，真係第一次試，油脂十足，非常好食呢個價錢絕對抵食，如果係同人慶祝，都係好值得嚟

今日係元朗行街，經過呢間較左日風既餐廳，太想念日本鄉下，就入去「舍利鮨」 享受晚餐！ 整體裝修都係omakase 既格局！ 而晚餐由$1300 有15貫壽司$1600 有20貫壽司🍣兩者都包埋前菜、刺身、飯卷、壽司、湯、甜品！以omakase 黎講其實好抵食，望住師傅一路整最新鮮既壽司，一路享受，人生樂事！由於太好味，唔係幫好多壽司、食物影寫真！無得番日整鄉下既同鄉，可以去呢間「舍利鮨」 chill 番晚！！！！

今日同男朋友嚟到食舍利鮨650 lunch set重點想講個白蝦他他真係好鮮甜好鮮甜好鮮甜重要的事要講3次唔係好識拖羅嘅我平時食開 donki拖羅😂都會揀返淺粉紅嗰啲因為覺得深紅色好似係咪太多筋定唔知點（外行人唔係好識）但呢到嘅深紅色拖羅意外地好味海膽都好鮮甜同埋佢地啲火炙壽司係同出面唔同嘅會比較香，大家去試試就知咩事然後第一次食白子，唔係好鍾意不過店員有問我地要唔要嘅今次揸車無飲酒下次會再幫襯，見啲食評有推介啲酒仲有值得一讚嘅係店員，師傅都好友善師傅每上一道菜都會介紹同埋問下我地意見氣氛好

元朗有幾間出名既omakase就係人都知，最近終於有新力軍入左黎，個名都幾特別，叫「舍利鮨」，已經成年冇飛過，最近思鄉病極重，冇得返家鄉既情況下，唯有食日本菜解一解鄉愁。裝修帶日式格調，店內以淺木色為主色，配搭柔和燈光，令人有種身心及心靈放鬆的感覺，Omakase即是廚師發辦，食omakase有一個好處就是每次黎都會有驚喜，廚師會因應不同季節及食材而設計不同的菜單。赤貝壽司赤貝肉質非常鮮甜，新鮮既赤貝帶有光澤，入口肉質爽脆，鮮味十足。燒帆立貝略為炙燒過既帆立貝更香，更鮮甜，用紫菜包住食口感更佳，筋子壽司原來同三文魚籽都是同樣的，只是筋子是連筋帶膜醃製的三文魚籽，而且是連著一片的，吃起來口感更有層次。

疫情下無得去旅行，又心思思掛住日本嘢可以點？🙈梗係去食omakase啦住元朗嘅朋友今日就帶我去咗呢間日本餐廳食，餐廳名好得意，一講就記得！餐廳裝潢簡單時尚，和風設計令你好似身處日本🇯🇵。重點係食物質素相當高，賣相又得👍🏻時令秋刀魚刺身：估唔到秋刀魚可以咁好味😋，肥美帶有少少油脂。卷物：顏色吸引，入面有幾款魚生，配埋青瓜絲同海膽，口感非常豐富。海膽壽司：海膽綿滑，入口即化，配合埋醋飯，完全提升海膽嘅鮮味牡丹蝦壽司：鮮甜爽口，面上嘅醬料同牡丹蝦一齊食恰到好處，真係好想再叫多見！秘製鮑魚：兩個字出色！每款食物上枱時，壽司師傅都會介紹，而且同我哋有講有笑，有賓至如歸嘅感覺最後仲叫咗兩支米酒，米酒甘甜香醇，好易入口！呢間日本餐廳值得再嚟！

上個禮拜去元朗探好耐無見的朋友，佢帶左我去左位於世宙商場的OMAKASE專門店舍利鮨食廚師發辦。餐廳的裝修走日系簡約風， 環境寬敞，坐得舒服。筋子壽司 - 筋子係仍被卵膜包裹的三文魚子，用左麵豉醃製幾日，粒粒晶瑩通透，咬開筋子後整個口腔都充滿左魚油的甘香，鹹淡味適中，比一般的魚子更為鮮味。中拖羅 - 鐘意食刺身的，必定會食拖羅。今次我食中拖羅，中拖羅係魚腩中後部分，脂肪比例較高，油脂均勻分佈，入口即溶，魚香持久濃郁而且恰到好處。白蝦壽司 - 白蝦透明鮮甜味美, 蝦味濃郁，肉質細滑。

New Japanese Omakase restaurant in Yuen Long! Sushi Shari opened for less than two months and I had made a reservation while their soft opening (one month in advance🤫)! Usually I will not order the omakase menu with Sashimi but pure sushi. I checked with Sushi Shari and discovered they have 𝐒𝐢𝐫𝐚𝐤𝐨 白子☺️. So we have chosen the 𝐒𝐞𝐚𝐬𝐨𝐧𝐚𝐥 𝐒𝐚𝐬𝐡𝐢𝐦𝐢 & 𝐒𝐮𝐬𝐡𝐢 𝐑𝐞𝐜𝐨𝐦𝐦𝐞𝐧𝐝𝐚𝐭𝐢𝐨𝐧 (𝐇𝐤$𝟔𝟓𝟎)!Now is the perfect season of Sirako 白子 and Sanma 秋刀魚🎣!!! I was so glad that I could enjoy both☺️☺️ 𝐒𝐞𝐚𝐬𝐨𝐧𝐚𝐥 𝐒𝐚𝐬𝐡𝐢𝐦𝐢 & 𝐒𝐮𝐬𝐡𝐢 𝐑𝐞𝐜