興記菜館

營業中

休息中

話說尋晚7點零鐘同老婆係上海街買完廚房野就過隔離廟街興記食煲仔飯落完單冇耐開始人多坐滿晒人之後有兩個肥胖身形既女人 其中一個抱住隻狗施施然咁坐係我隔一張四人檯當時我都望下佢 佢又望到我望住佢 所以佢不時回頭望我咁我見d野食有排先到 咁諗住過番隔離街買食用色素順便搵下見唔見番之前果幾個當緊值食環署職員 可惜搵?唔見 可能收左工咁我就返左興記 一入門口 有個女人可能知我想報串 不停咁回頭睇下我做緊咩我見我d野食黎晒 唔怕人地廚房會加料 所以拎住手提出左問口打 1083問電話隔左10秒 另一個女人好快咁抱左隻狗出門口去鴉打街方向咁我都收左線算數返左入去食野入到去剩低果個女人不停咁回頭裝我又同幾個舖頭女工細細聲討論話咩帶狗入舖頭 隔左十分鐘先走左咁我地食完埋單走人 經過隔離鴉打街 5x號興記分店又見番果兩個女人同隻狗係裡面食緊野想打去食環署就線路繁忙 兜左一個圈又唔見其他食環署職員 咁就由佢 我繼續行街唔係唔比你帶狗食野 我屋企對面個私人商場地下幾間食店都係街出面擺檯方便d帶狗人士食野同放狗架你都唔係好似曾特首批准左咁抱住係心口大模施樣咁揚揚下行入食店丫間食店女工又係衰

已有多年無來了, 十多年前尚在求學階段, 差不多每星期來三次以上, 如今街道依舊, 但比較人少了, 十多年前每次到來都是叫臘腸排骨煲仔飯, 今次也不例外, 但絕對是失望之作, 打開了煲蓋, 數得出六小件排骨, 接近沒有醃過, 肉質尚算適中, 不太肥, 臘腸屬下下價貨, 太多肥肉了, 咬一口, 望一望, 佈滿肥膏在內, 煲仔白飯不算太熱, 明顯是放了一回才再加熱上來, 才料和白飯份量都好少, 飯粒則是有濕有硬, 不平均, 煲底有一半是全黑的飯焦，有一半是只有些少微黃色的白飯, 明符其實不合格, 尚記得十數年前, 還有葱及莞茜在飯面, 如今一概消失, 不會再幫襯了.

自小在這一帶長大，對這間煲仔飯名店自然不會陌生。從前三五知己荷包正式是"仙都唔仙吓"的時候，到來嘗一煲熱辣辣的亷價煲仔飯，再加兩三枝大啤，坐着邊吃邊"吹水"，實在是令人回味不已之往事....數一數手指，已有十多年沒來吧。個多兩個月前的一個晚上，天氣仍是乍暖還寒。舊日之時，已穿着春夏裝在吃着消暑之妙品。想不到隔了多年光景，現在竟是身穿薄毛衣在吃煲仔飯，實在是始料不及....一早就知道此地一年四季都是人流暢旺之極，所以特地較正六時左右便到達。太太今天有事要辦，故就只小弟一人早點到來去重温這"古早味"....記得從前這兒的煲仔飯配料就只有最基本的如滑雞、排骨及臘味等，料不到現在的配料已多至有差不多一整個menu那麼多，就連甚麼膏蟹、黃鱔也有得選擇，真箇是趕上了大潮流了....既說是重温舊夢，當然便選了個排骨滑雞雙併。只叫煲仔飯當然不符小弟"心多多"之本性，也就再添了份小蠔餅吃吃....循例等十五分鐘才有得吃。亦是循例不打開蓋，從蓋邊倒入少許豉油，後再焗一陣子，這樣才是王道。吃一下兩樣配菜，兩者皆沒處理得過嚡口，但味道卻是極端的淡，好像是全然沒有醃過的；飯粒則是不濕帶硬，煲底雖有一大片的飯焦，

突然想食煲仔飯，黎左依到，依間算係比較出名的。之前都食過1. 煎蠔餅 (細) - 有兩大塊到，外圍有點鬆脆的，唔會話太厚粉，不過係油左一點，算係唔錯啦!2. 滑雞蠟腸飯 (加蛋) - 滑雞就真係滑雞啦...一條蠟腸...試左一啖，無咩特別，OK啦!3. 咸魚滑雞飯 (加蛋) - 雞的確係滑的，D雞係面到..唔見有咸魚...原來係曬個底到..要反一反先見到，不過真係幾咸，咸過頭，但整體唔錯。另外叫左一枝可樂!Total $77

聞說廟街煲仔飯非常好食，咁岩果日行去果度，見到興記幾多人下，就幫襯。1) 蠔餅：在屋企都食過蠔餅無數次，不過同佢地既煮法唔同，佢地係落好多蛋炸，食落同自家煮有不同的風味，不過超多油，但都好味。2)滑雞煲仔飯：雞幾滑，不過d飯好大"濃"味，底果d飯焦黑到唔好食，敗筆。3)牛肉加蛋煲仔飯：呢個d飯雖然ok，但我覺得滑雞煲仔飯香d，因為牛肉無乜味，而且煮作煲仔飯好似唔襯。4)腐乳通菜：食咁多肉無菜好似唔多健康，通菜一直都鍾意食，基本上無乜問題。總結：飯的量太少，不過$20係咁，如果唔係太"濃"都ok。

當時間差不多五點﹐店員已開始塔起帳篷及放了多張大長檯及凳在街上。 是晚六點多來到已見全堂坐及外座都已九成半滿﹐所以只好坐在溝渠旁那兩個位﹐是晚沒下雨﹐不知為何旁邊的帳篷整餐在滴水﹐地下環境滿地都是污穢漬水﹐旁邊那溝渠整晚還散發著惡臭蛋般那硫磺味道﹐現在想起真的不知道為何那時能忍受這惡劣環境﹐現在想起還有些打冷震及毛管棟。 食物方面﹐這店徐了煲仔飯外﹐還有很多不同款式的小菜。是晚點了辣酒煮蜆﹐鹹魚章魚雞粒煲仔飯及椒鹽鮮魷。 辣酒煮蜆 – 因花甲已賣完﹐所以只有叫蜆。 味道真是很辣﹐但帶有酒香及香辣味道。鹹魚章魚雞粒煲仔飯 - 章魚份量算足夠﹐雞粒經已醃過﹐味道配與鹹鹹的章魚一起吃有點鹹了一點。椒鹽鮮魷 - 火喉控制得剛好﹐外層呈金黃色﹐內裡的魷魚還很嫩滑﹐有咬口。 食物方面每樣的質素都做得不錯﹐各菜式的火喉都控制得剛好。如不介意惡劣環境﹐可以一試。這裡食物良好﹐但環境及衛生差劣﹐打個和。題外話﹕在進食其間﹐聽到後面其中一食客向其旁邊的朋友驚嚇地說﹕剛剛不知道什麼東西在她腳上走過。對方為了不再驚動她﹐只好安慰地說可能只是貓兒吧。

好少去廟街,一大班人要出去行年宵,所以就去左廟街醫肚先一入廟街,就勁多人係咁叫我地食煲仔飯隨便就入左1間食叫左6個煲仔飯,大蠔餅,避風塘炒硯,蝦醬通菜個蠔餅本身想叫細試下先, 個落單姨姨話得2塊咁我地問佢大有幾多塊,佢話4塊.....有分別咩-_-避風塘炒硯-bad..全部都係殼..大部份都係得蒜容無硯肉主菜煲仔飯,個個都唔同味我覺得牛肉都幾好食: )但有人d飯就好"林"無飯焦,有人就好多飯焦睇運氣臨走果時有隻小強逐漸迫近,所以急急腳咁走左去..總括而言,無傳聞中咁好食算係不過不失,未食過既可以一試既..

Dinner和朋友行到去廟街，本想試四季煲仔飯，但又排大隊，排了40多人，上次食唔到，今次也不行結果去了附近聲稱正舖的興記煲仔飯, 眼見舖內牆上貼有一些雜誌訪問，我估都唔會太差啦，雖知但大失所望我食臘腸滑雞煲，一揭蓋，d雞的份量好少，唯有慳住食條臘腸好短，而且無味，正常一揭蓋應有臘腸味撲鼻，但無，而且咬落也無臘腸味再者，d豉油都係無味，真係好唔掂唯一可取，就係那大枝裝可樂最大問題就係唔夠熱，飯焦都未能成型，好失望唉....而且侍應的態度麻麻，普遍對你視若無睹，一開始唔會指示你坐邊，就算舉手點菜，唔係負責落單的，真係完全唔理你，講真，講句等等都好，食客又點會分得出邊個侍應負責做咩邊個唔做咩?!

好耐都冇食過煲仔飯, 今次我地下定咗決心一定要食到, 抗拒壽司的誘惑 去到廟街, 見到好多警察o係巡邏, 本來露天的攤檔都加再簷篷都係因為之前的鏹水狂徒, 令到廟街的風味大不如前.........作為廟街煲仔飯的之首的興記, 去到依然係大排長龍有成二, 三十人o係度排緊隊 不過佢d人龍去得好快, 我地等咗大約十五分鐘分就有位lu~~~我地叫咗一個牛肉排骨煲仔飯, 一個章魚雞粒煲仔飯同一個細蠔餅蠔餅先到, 煎得好香同好乾身, 記住一定要襯熱食先好味ga 2個煲仔飯等咗十分鐘就黎, 打開煲蓋, 倒豉油再焗一陣......真係好香呢~ 我食o個個係章魚雞粒飯, d雞好滑, 不過略嫌d飯唔夠乾身, 可能我焗得唔夠耐la......另外的牛肉排骨飯都唔錯呀~~大排檔有一番特別的人情味 , 係其他地方揾唔到ga雖然地方係比較淺窄, 太大的動作都會整到隔離的人但係呢度d伙計好有禮貌, 同埋好好笑容, 唔會對你粗聲粗氣所以話冬天去食煲仔飯係一個好好的選擇

見近排天氣凍凍地,就約埋同事食宵夜除左打邊爐,都好似冇乜選擇.朋友話好耐未去過廟街所以,最後決定去食煲仔飯蠔餅(細):抵食,又唔多油,蠔仔又多,個粉漿又唔錯.白灼田螺:味道鮮甜,又唔覺腥...OK辣酒煮花甲:辣得可以接受,但朋友就頂唔順 隻隻都大大隻,抵食!臘腸田雞煲仔飯:細細煲兩份食,OK 飯煮得唔夠乾身,有飯焦,但偏(火農)

尋晚同女友落左廟街買髮型用品,順道過黎呢到食煲仔飯 ! (都好多年冇食煲仔飯LU)不過黎呢間就真係貼錢買難受呀 !先講食物 ! 叫左一個細蠔餅 , 我就要一煲臘腸排骨飯 , 女友就要一煲咸魚肉餅飯 !先黎個蠔餅 ! 味道唔錯 ! 唔會話好多粉 ! 好多蠔 ! 賣20蚊都食得過 !而煲仔飯就好一般啫...臘腸排骨飯都可以 ! 但咸魚肉餅飯只食左少少,所以評論唔到 !因為果到地方淺窄 ! 我跟女友坐近走廊位 ! 埋邊仲有一對夫婦 ! 而果對夫婦比我地早黎 !所以會比我地早走 ! 當佢地要走既時候 ! 我同女友就要起身讓開比人出 !就响呢個時候 ! 有個全場最聲大大既女人走埋黎執枱 ! 就係因為佢懶有較率既關係就出事喇 !佢以為我地兩個係同果對夫婦一齊走 ! 將我煲啱啱開始食既飯拎起,疊上我女友果煲到 !跟住果對夫婦都同我地不約而同咁出聲話我地兩個係未走既 ! 個女人知做錯就拿拿臨放返低想扮冇野發生 ! 但就因為佢已經將我果煲疊左上我女友果煲飯到 ! 我倆就出聲指責佢 !佢仲聲大大咁話一直揸住冇疊到落去 ! 我倆就話咩冇呀 ! 睇住都仲話冇 ! 個女人就發晦氣咁大大聲話( 最多我自己扲錢賠

went on a saturday night and found it very disappointing.me and gf had high expectations as we saw it on a tv show and on arriving, saw that there were several shops on the same street! surely, it has to be good right?well not really. we ordered a pork rib & sausage and curry beef brisket claypot rice. the former had alot of burnt rice which had a strong smell all over the dish. on complaining, the lady combed through the rice and felt it wasn't that burnt to be replaced. in the end, we just ate

今天天氣寒冷，即想起吃煲仔飯，首選興記。去到廟街，一如既往已有一條長長的人龍但唔好比佢嚇怕，因為流量極快，多數都唔使等十分鐘已有位兩個人叫左細蠔餅，窩蛋牛煲仔飯，椒鹽鮮魷，一支啤酒細蠔餅蠔餅唔錯，熱辣辣，蠔亦算大隻肥美。個漿做得幾好，食落香口鬆脆窩蛋牛煲仔飯因為量產既關係，明白冇可能每一煲都慢火細心地煲但質素的確每況越下，材料不多，飯都是剛剛熟的，又沒有飯焦椒鹽鮮魷普通水準，不過不失，但略嫌細碟食物質素普通，但係冬天去廟街食煲仔飯，確有另一番風味

23/OCT上個星期天氣寒冷時，同學早早約了放學後一起打火鍋，但今個星期天氣又回暖，打火鍋的念頭便取消了，加上只有數個同學出席，於是乎改做食煲仔飯~妹子今年第一次的煲仔篇在此~大家剛好5人乘的士前往油麻地，真的是打冷煲仔地痞集中地，妹子亦很久沒到過廟街了~平時妹子都少去那龍蛇混雜的地方~Miu同學帶領下本來到四季，但是門外人龍甚多，便轉移到隔離的興記，他們說興記也不錯！我們一行5人坐在最入面，店內的枱全是用鋁板分隔，環境衛生真的很差，我同Miu都不敢將背脊向後靠~大家的目標都很一致~便是煲仔飯，正當叫阿姐落單時，阿姐剛好在另一枱東南亞藉的人士落單~只見東南亞人士指著圖片this this this…一時三刻都應該未到我們~只好等著不過眼見真的得阿姐一個落單，其餘2個阿姐只負責送餐，不下單不收錢！突然上演一場3人大戰，眼看落單阿姐發難：話收銀係我落單又係我！之後3人堂堂正正企係中間位唇槍舌劍一番，呵~環境已經夠細，再加多3位份量級的女士，真的令妹子感娛樂性~好了好了~到我們落單未呀？1)牛肉煲仔飯面頭有數片牛肉，3個之中飯香及味道最不及其餘2個，但飯焦之中是最正的，一隻匙羹即片起成塊~2

昨晚同朋友三個人一齊嚟左呢度食煲仔飯,嘩,9點幾啦,都勁長龍,呢間好似好出名及有幾間分舖,等左唔係好耐就有位,環境及衛生程度都好差,朋友話係呢間先多人,我們叫左兩個煲仔飯,一個白鱔飯,一個臘腸蒸雞飯,另叫左一個細蠔餅及一碟蒜蓉炒介蘭,介蘭好快就嚟啦,但係炒得過火左,好淋身,但都ok既,幾甜的,蠔餅都好快嚟,味道幾好,幾多蠔仔係入面,好味喎.煲仔飯都唔係等左好耐,白鱔先嚟,不算好大煲,但d鱔都幾甜的,飯剛剛好熟,好味.臘腸蒸雞飯d臘腸我覺得肥左少少,雞就好滑,好味呀,但係d飯過火了,好淋呀.我們坐的位置剛在洗碗盤前面,周圍的衛生真的好差,我都唔敢掂d野,仕應服務認真差,可能太多人的關係,都有點唔優做的感覺.但價錢係好抵食的,相對其它大排檔平了一大截.