至尊重慶雞煲 (創興廣場)

營業中

休息中

雞煲超好味，夠味雞又滑，好正份量十足，比想像中好味，絕對好味過出面貴0個d雞煲。至於其他食材墨魚丸芝心丸，炸魚皮，紅薯粉，自家餃子都好好味，但白菜牛肉餃鹹左d。香芹豬肉餃就特別d。東茹就吾好食吾新鮮，至於肥牛係呢間就吾洗食，呢個價錢0既肥牛係超吾靚，肥牛真係不可一不可再，叫左成碟無乜點食，仲比返2碟佢。好抵食每人148吾加一，每人仲包一小杯雀巢牌雪糕。飲品任飲，意米水好好味。但全場個雞煲先係主角。如果一心主要係食雞煲絕對超值。可再黎，d配料都ok除左肥牛。

1)此店限食兩小時，由落單叫到帶個雞煲足足要20分鐘，問店內服務員，不作答﹗2）本人不小心弄到窄小的檯面有醬油，叫了多次也沒有服務員理會，我用自己的紙巾抺了先（但不太夠吸)，即叫服務員拿紙巾來協助，終於有一位回答：叫我俾＄3元先﹗一D也不明白，清抺檯面要另外付款﹖原來是要自己可於店內買一包紙巾﹗店內真的十分識搶錢﹗3)食物，點了牛肉，過了30分鐘也沒來過；D花膠，似橡筋，咬落超奇怪地差；其他食物也是有點沒來，很混亂。D服務員（經理仲差）不會為你跟進，再入ORDER紙，服務員會超差地說：食吾晒會罰錢﹗食物沒有來，沒服務員跟，補入多次，又會被串，服務差到呢﹗4)店內雪榚，奇怪是，有D人有我吃，有D人沒有機會取，點解﹖經理說雪榚未解冷﹗而且D客人會破壞雪櫃所以推回去，所以不是所有客人也有得吃﹗她是超惡，沒有禮貌﹗話沒有寫文字說必包雪榚，叫我叫不用再說WOO！她此時用手指我次，很想哭﹗我太驚了，於是立即付錢走人﹗差差差

次次同frd walkin都要等好耐而食唔到，今次試下早一日book定枱諗住去到好快可以坐低啦，點知都係要攞飛等位同walkin冇分別，眼見門口逼到轉身既位都冇，黎左無謂掃興唔想次次轉呔放題惟有等啦，大概等左十分鐘就入席，安排得都快，我地一行四人8點入席，坐低唔多講即刻畫下鬼腳，睇張鬼腳紙啲料都係普通火鍋料同出邊冇乜大分別，決為目的係雞煲，所以都冇乜所謂，大概兩個字左右個煲就到，啲火鍋料跟住尾黎，快，唔講咁多，開餐，因為我地四個都唔太食得辣，所以只係叫左小辣，雖然只係小辣，但食左兩三件雞己經標晒汗，夠味夠刺激，而飲料方面，有美蓮達汽水，有檸檬茶，有獅威，唔知係咪多人既關係，想飲既飲料好快冇晒，亦都唔見有員工refill，咁惟有飲汽水沖淡下啲辣味，好快咁貶下眼就消滅晒啲雞件，跟住提示落花膠，牛柏葉，魷魚，可能第一次火鍋食花膠，個感覺都幾新鮮，辣花膠都幾得意，跟住叫姐姐加湯當火鍋食，黎黎去去都係果啲丸類，豬肉，肥牛，菜，等等，佢門口出邊有寫住限時兩個鐘，同frd吹下水講下笑食下野啲時間好快就過，話咁快十點鐘，盛惠位位148大洋，以任飲任食黎講呢個價錢真係抵食，惟一一樣唔多滿意就係執枱個姐姐

平時新年之後天氣已經開始回暖，但今年好奇怪，凍足兩個月，搞到我係咁想食ｄ暖身野，平時放工經過又見到呢間雞煲好多人排隊，於是就決定搵日同朋友一齊試下喇！第一次黎到，真係好多人，唔係講笑，雖然今次好彩只係等左25分鐘，但我下次一定會預先book位，不過往好果方面諗，等咁耐都咁多人食，證明呢間野都真係唔錯既～我地一行四人，點左個微辣既雞煲，等左5-10分鐘左右就黎左喇，望落ｄ汁好濃好正又熱辣辣咁，已經等唔切。我地見到台面張野寫住係先食雞肉、再加牛柏葉、水魷魚同花膠，然後再加湯當打binlo咁食~ 咁我地初到貴境，梗係跟足指示食啦～食落ｄ雞肉真係好濃味，幾滑，一開頭唔會話好辣（後來發現會越煲越辣，如果鐘意食辣既話會好正，如果唔得既話可以食到中途拎返ｄ辣椒出黎就ｏｋ喇～）雖然食雞煲係為左食雞，但我個人認為步驟２係最正既～姐係落牛柏葉、水魷魚同花膠，我本身好鐘意食花膠，呢間野係任點形式，分1,2,3 level既份量，1係最少，3係最多，我覺得呢個系統都幾好，有時想食某樣野但又唔食得多，咁樣就唔洗浪費晒ｄ食物～我點左好多花膠，食完1 round再追加呢3樣餸，全部都係3份量，因為真係好好食，吸晒ｄ

約了一班西藏友出來晚飯，希望在出發前能再相聚了解多一點，所以便來了食雞煲。第1次來，沒想到是以雞煲為主食，之後才加入水當打邊爐，這樣食法又是第1次，這樣火喉十足的雞煲很不錯，最重要是不需加一也是100多/位任食，抵食。**************************我們各自上食店集合，今晚來到大門不算人多。我們7人便來了2個雞煲，一個辣一個不辣。這是原味雞煲，看到份量很多，味道很入味，所以只食這個雞煲也不錯。這個雞煲是辣味的，加入粉絲是很惹味，再配上大葱很香口，我們雖有7人，但都食不完。今晚的材料點了很多，但上菜的食材永遠都不足和缺乏提供。場地雖大，但服務員不足，很難找到人追單。但以食材質素也算不錯，雖份量不足，配上雞煲湯水，又很入味，這裏的調味做得不錯。還有其他食材，也是一樣新鮮的。那些魚片頭也爽口，放入湯底也入味十足，所以很好味。飲品任飲，我們要了一渣涼茶，味道不會很淡無味，又不會很甜。之後我又飲了Jolly Sandy，除此之外，還有其他汽水。

尋日收工諗住去創興一間火鍋店打下邊爐，好耐無食，點知上到去拎埋飛先發現......竟然已經轉左手...仲勁多人排隊！星期六晚去邊都有排等，做左成日野又唔想走來走去，所以都乖乖地坐低等，唔使半個鐘已經入得～未坐低佢已經問我地想要咩煲，可以揀唔同辣度，雖然我唔食得辣，但雞煲係唔可以唔辣！最終點左個微辣同半隻雞，啲雞都幾滑。至於火鍋料，138任食，以為無咩可以揀，點知都幾多野食基本既肥牛豚肉：肉味都算濃花膠仔：超中意食，質料算唔錯豆腐：ｔｅｓｔｕｒｅ同出面唔同，好吸汁，口感都幾特別，賣飛佛水餃：皮薄餡多，同個湯底都好夾，必食推介飲品：任飲任拎，基本汽水下火野都有，仲有啲韓國飲品仲有杯裝雪糕食，雖然話甜品係另一個胃，但２個人食晒半隻雞同咁多野，真係飽到食唔落...飲恨！

前幾日同朋友行完MK, 佢地話想食雞煲, 就行左去食MK既至尊重慶雞煲。由於無BOOK位既關係, 等到2046是常識吧。同朋友8:00攞定位然後去行陣街, 9:00行番去, 9:30入座。我唔怪佢地, 因為無BOOKING位WALK IN係我地既責任, 等是應該的, 而且有位就已經好好, 鬼叫我朋友任性死都要食雞煲。我地岩岩好6個人, 所以岩岩好坐到卡位, 開心仔。咁話說雞煲有得選擇幾辣, 身為一個唔食得辣既小可愛, 更係食原味唔辣啦。等個雞煲等左三個字, 我地笨拙左, 應該寫定配料單, 如是者我地又傻下傻下等多三個字, 真係喊出黎。旁邊有枱人食小辣, 然後見佢地成頭汁同狂叫野飲, 我就知我叫唔辣係正確既選擇。雞煲都算幾香, 食落去幾入味, 但d雞既肉質就一般般, 又唔係話好粗糙, 但真係唔夠滑。其他配料又無話特別好食, 都只係一般平價打邊爐既冰鮮料。但以尼個價錢, 百幾蚊一位埋單都真係算係咁。提提大家去之前記得記得book位。

今日星期六唔洗等咁內！奇蹟！好快有位了！其實佢一次比一次退進呀！相比第一次去！簡直差好遠主打“韓國“飲品！最想飲的沒有！飲得過還算好飲的中段比人飲哂貨源唔夠啦！你知打邊爐會勁飲嘢！任食方面就，除了主力“雞“煲還可，其實啲打邊爐材料，超級“那西“無點的食物亂攞來，肥牛無色，肥肉勁多，花膠勁假膠，生腸，雞子，魚全部出哂水，木耳勁厚又硬，個自家手餃完全失禮呀！本人唔係想咁平嘅價錢要食嘢高質素食物，但都唔好比啲咁下劣的食物給客人！如果要每人客人食得開心新鮮，我諗你們要改進一番啦！眼現大多數都係年輕一代去食去試！無理由給他再這樣吃下去！

天寒地凍，當然最好幾個朋友圍埋食火鍋，但一口氣連食五晚火鍋，真的想也沒想過，而至尊重慶雞煲位處旺角創興廣場之內，屬於樓上舖，但要上去，竟然要在街頭排隊超過十分鐘，如果不信，有機會經過時，大可看看門前的長長人龍。一般食店找人試食，都是希望多點人認識，又或是想加強宣傳新菜色，但電梯門一開，眼前等位的客人至少廿人，實在難以置信。店方提供任食火鍋，正價時段是$138位，小童$78；宵夜時段是$108，小童依舊是$78；遇上紅假及前夕或星期五，都只不過另加$10，客人大可享受兩小時的火鍋。望望大堂一角，有個巨型飲品櫃，除了一般大路的汽水外，更引入了韓國的乳酸飲品，就連jolly sandy都有，比起其他食店，的確多了選擇。環顧一周，店內客人大多數是年輕人，看來店方已成功地開拓了年輕人市場。首先上場的是至尊重慶蜑家雞煲 (另加HK$298)，一人個在去年食神爭霸戰中的招牌煮意獎，用料真的一點都不含糊，散發著濃郁的香味，配料除了一隻膏蟹外，還有中海蝦及大花蛤，當然還有非常入味的雞件；海蝦十分爽口彈牙，花蛤又鮮甜肉嫩，好吸引，而且在下一點都不覺得辣，相信好多女孩子都接受得了。另外一個是千奇米酒雞煲，當

香港人很喜歡吃的, 一定離不開自助餐, 放題這些. 一個價錢, 你就能吃很多火鍋吃到飽也算是港人愛吃的其中一種, 現在連吃雞煲也能一個價錢吃到飽在社交網站看到朋友蠻常去至尊重慶雞煲, 之前有朋友邀請, 我亦試過, 亦知道為什麼有那麼多人喜歡來吃了我覺得吃火鍋雞煲這些, 喝的是很重要. 如果價錢貴, 選擇又不多, 那就很扣分這裡除了汽水, jolly shandy, 還有韓國汽水, 選擇很多, 吃也吃得更開心一點雖說是雞煲+配料任吃, 但選擇亦非常的多, 價錢每位只是$138, 宵夜時段只用$108十分划算呢先來一份不辣的千奇米酒雞煲, 本來還想說我應該不會感興趣的, 因為我愛吃辣但這雞煲非常香, 酒香十分濃郁, 湯頭的雞味非常突出, 用來做火鍋很讚雞煲固然好吃才多人來吃, 但如果想再吃好一點的, 每桌只需加$298, 就能享用至尊重慶蜑家雞煲, 除了雞, 還有膏蟹, 非常惹味也有很多的蟹膏. 煲內還有蜆, 蝦, 海鮮材料非常豐富吃完雞煲後可先加一些吸湯的配料, 如牛柏葉跟花膠, 吸了雞煲的味道, 超好吃的, 我喜歡他們的花膠, 可幫助女生補充骨膠原呢這邊的配料也做得很認真的, 餃子都是

呢間雞煲已經第二次幫趁架喇!!其實肥龍B我一向都唔係話太好雞煲...不過天氣凍黎過下口癮都幾好呢!!今日黎食, 有一種好趕既感覺!!已經早左黎, 不過人都係好多...食左兩粒鐘就即刻趕人走了...想坐多陣都唔得呢...不過講返個雞煲真係幾抵食!!個煲又足料, 味道又夠重, 夠惹味!!雖然佢D邊爐料唔係太新鮮,但勝在種類繁多, 多多都有得你揀!!我覺得最正都係佢即場手包既餃子!!有京蔥羊肉, 洋蔥牛肉, 呢兩隻最正!!而且飲品都好多選擇!! 的確係雞煲之選!!但如果坐得可以舒服少少, 唔駛咁逼!!仲有可以坐得耐少少, 唔駛趕住係咁食, 係咁食就好喇!!雞煲好熱辣辣架嘛!!唉...

第一次要專登開account 打食評 雖然冇影到相, 但岩岩店鋪同事所做的...真的難以至信,我以後都唔會再光顧... 本身之前都食開黎間...感覺其實良好, 又平又低食但今晚的宵夜的確是 恐怖到連我做飲食業都接受唔到既事竟然出現係我面前出現1.) order 的肥牛, 竟然個姐姐會係 隔離附近既台唔要的拎過來, 仲要比我地見到 2.) 之後拎過來都算, 就叫佢換... 但換來的是6碟肥牛-0-" (已食到一半飽肚)3.) 咁我點菜我有預計我食到幾多, order 完比張紙佢, 之後來的食物多到 , 咁我幫佢望望張單, 嘩!多咁多款既!? 我真係冇叫到咁多, 我就同轉菜個姐姐講真係冇咁多呢~ 個傳菜姐姐竟然同我講"你地有落喎!!" 咁我就怕食唔晒同佢講 " 其實我只係order 左大約3款食品, 如果唔信不如你睇返我畫果張吧",附近有個做緊野既姐姐加把口 "如果唔要就阿邊個你拎返入去啦!" [] 4.) 咁廚房last call 我明白, 個姐姐就同我地講:"廚房要截單, 仲有冇野要? 都應該冇啦可..." 當時我只是要求多一份的粟米,因之前落過沒有到, 那個姐姐說沒有問題, 她會去廚

由於上載相片有限，上篇提及環境、收費，同埋重點分享咗兩款雞煲：至尊重慶蜑家雞煲和至尊千芪米酒雞煲，跟住再講就喺我哋食咗咩火鍋配料。 花膠 跟番個食雞3步曲，花膠加落個雞煲煮煮，爽口入味，極之好食，真喺意外驚喜 ，何況花膠膠質豐富，營養又高，養顏滋補佳品，實在喺必點項目 。 牛柏葉、鮮鵝腸 牛柏葉索晒雞煲醬汁，亦都好食，而且亦都爽口，果然3步曲加入花膠及牛栢葉都喺好策略 。不過水魷魚就無叫，改試鮮鵝腸，雖然鵝腸入口都同樣爽脆，但就唔及花膠、牛柏葉入味。 美國肥牛晌度主要食雞煲，所以牛肉唔多，獨沽一味：美國肥牛。外表睇落肥膏頗多，質素個人覺得一般。肉類仲有黑豚腩片及滑雞片，有機會下次要試試先得。 新鮮即包餃子 另一誠意表現，餃子唔用來貨，無花無假，由阿姐現場親自即包，仲要有成3款餃子供應：京蒽羊肉餃、洋蒽牛肉餃及西洋菜豬肉餃，我哋3款都試勻，一致推選西洋菜豬肉餃最好，豬肉口感好，西洋菜清爽 ；京蒽羊肉餃都唔錯，羊肉好味濃，夠晒羶 ；而洋蔥牛肉屬自創，不過當日食落唔知點解個餃皮好溶，味道亦未見特出。 午餐肉、炸枝竹午餐肉都點？唔好問點解，情意結。炸枝竹煮腍之

重慶雞煲近年可講得晌近年迅速火熱，主打雞煲嘅食肆一間接一間咁開，晌港九新界各區開到遍地開花咁滯，早前就試過尖沙咀嘅「陸陸雞煲火鍋」，食過之後就明白確喺有其「味力」。今次又有機會掹食友車邊嚟到人氣食廈創興廣場嘅「至尊重慶雞煲」試菜，多謝食友之餘，更多謝店方 。上到創興廣場16/F一打開𨋢門，嘩！人山人海，仲墟撼過街市 。不過，入內發覺原來大廳非常之大，餐廳佔晒全層，目測所見，估計有超過300個位以上，我哋到埗已有過半數位置被安排入坐，過多無耐就已經座無虛席，人聲鼎沸。店方安排我哋幾個坐晌卡位，更感闊落，擺滿一枱嘢都唔覺無晒位 。收費方面，喺以任飲任食經營，但唔估到咁實惠，怪不得吸引咁多後生仔。星期一至四正價時段（5:00-10:59pm），大人收$138，小童收$78，星期五、六、日、公眾假及其前夕，都只喺酌量收多$10位，絕無搶錢嘅感覺 。如閣下喺夜鬼一族，貓頭鷹時段就更加超抵食（11:00pm-3:00am），大人只收$108，小童仍番收$78，星期五、六、日、公眾假及其前夕，同樣加收$10位。全部全包價，包埋加一 ，睇得出旨在實行薄利多銷，入座計任飲任食2小時，荃灣店及新

一直都想試重慶雞煲，終於約到朋友一齊去食!朋友八點二十五分去等位，我後來會合他們，最後九點一先有位不過門口有位坐住等，感覺唔錯!雞煲可選唔辣，微辣，小辣，中辣同大辣，我地揀左小辣，等左三個字先黎唔辣，雞味不太濃郁，不過好滑，有半隻雞，好味!之後叫火鍋料，款式都幾多，基本野都有，仲有花膠一D感覺上幾名貴既配料!仲有自取的雲吞(定水餃)肥牛同豚肉都好好味，好紅唔算肥，豚肉更是出乎我意料，拍得住出面日式火鍋個種!朋友鐘意韓國飲品，連公仔麵都有係韓國的!不過雪糕一人一杯!美中不足是好逼，二人位變三人位，無咩位擺野!