至尊重慶雞煲 (創興廣場)

營業中

休息中

服務態度差，D野又難吃，牛肉超級難咬，羊肉超騒， D菜又係苦ga，落左單又經常吾送D食物😒😒😒😒个鸡煲冇湯叫左勁耐都冇人理，加完湯等左半粒鐘先滾，D魚蛋勁大陣雪藏味，個鸡煲好油咯 下次一定唔会再吃

事緣朋友突然好想食雞煲, 早一日打電話去訂位, 聽電話個阿姐一聽到係2位就叫我walk in佢話2位冇得訂枱。佢地派籌係計人頭, 2-3位係A籌, 4-7位係B籌, 如此類推。我7點半左右去拎籌拎到A41號,但派枱到派到A15, 我拎A41籌。因為我都想食雞煲, 明知等得耐照等。但等到8點40分開始覺得唔對路, 因為我有聽到派枱, 但A籌都只係派左2張, 但大廳好明顯少左好多人, 覺得唔對路, 但尊重派籌精神, 照等。等到9點幾, 差唔多2個鐘, A籌完全冇郁過, 我終於忍無可忍走去張枱想問阿姐幾時派A枱, 阿姐行開左, 我見到9點鐘以後有booking, 全部都係2至3個, 而個阿姐亦都開始派枱俾訂左枱的, 先發現原來即使2位都可以訂枱。我問阿姐點解人地2個都訂到枱但唔俾我訂, 佢只係話人地係訂9點後呀麻。我話如果訂到枱你就唔好叫人walk in 啦。而且係電話明明就話2位冇得訂枱喎, 唔係話7點後9點前冇得訂枱喎, 即係烚我冇錄音姐。我問阿姐點解A籌完全冇郁過, 佢竟然答人地係大枱呀麻。咁岩佢又派大枱, 我即時問佢你剛剛派即籌幾點到。佢冇答。然後再派下一張大枱。佢不斷派枱我不斷問佢

今晚7點鬆就到旺角這間雞煲食晚飯，本來都覺得價錢唔算貴，但款式就比較少，也冇乜其他選擇，只是到左8點幾，跟著有個服務員走黎問，還有冇其他要落單，因是最後落單啦，就咁快手就給服務員落單，也給埋了單，埋單幾分鐘後，服務員走黎竟說，食既時間已經到，那明明是兩個鐘，服務員竟說只得一個半鐘食既時間，但明明佢地自己在門口的海報，寫明是兩個鐘，最離譜就是，客人也只將剛到材料放到鍋中，服務員竟說時間到了，就將所有以食物倒掉，這種做法，實在過份，有些食物也只是剛送到，服務員也一齊倒掉，究竟這算是怎麼服務態度？

又到冬天可以食雞煲， 7點幾先到，真係好多排隊等位，等左成45分鐘。座低叫左重慶雞煲，都幾大煲，幾入味，D雞件好滑，不過食到尾開始有D咸。食哂D雞就有待應幫我加湯打邊爐啦！其他配料好似肥牛、菜、肉就普通啦。$158 都幾底既。 

昨晚跟家人一行三人吃雞煲，家姐話要食呢間，我早放工去拎位先。由於7點都未夠，所以冇咩人，好快入得。一座低即叫雞，因為原來限時食，有個半鐘多d，一陣仲要打邊爐，一定吾夠時間。重慶雞煲好大，但雞好似吾多，158一位將就下。雞件好入味，可惜偏咸，總括算惹味。之後有個好cool既阿姐幫我們加湯，可以打邊爐啦！其他配料普通啦，不過煮面吾錯，勁入味。

今日家姐突然話要食雞煲，放工就過左去位於旺角既呢間至尊。家姐話好多人，等左成半個鐘先入得。我遲到要自己去，點知一出lift..嘩，好似個難民營咁，勁多人等位，應該好好食！座低好快有野食，我地叫左重慶雞煲，d雞非常入味，又香又滑，呢part用左半小時完成左，之後阿姐就加水打邊爐。可惜佢加得太多水，個湯好淡。其他食材其實算ok, 粟米特別清甜，仲有花膠養下顏。由於有時間限制(約1.5小時)，所以吾係好夠時間食野，未飽就要走，盛惠$158。建議加至2小時。

今天點了小辣的雞煲，如吃進口裡完全是篇咸，而且廚師放得太多的花椒。變得非常之麻。辣和麻的比例完全不對。加湯不後久低湯低變得苦澀。再來是叫了的肥牛不夠新鮮，吃下去沒有鮮甜的味道。另外肉丸拿出來的時候還是冰冰的，煮完都還有一陣雪味。

一直聽朋友說至尊重慶雞煲很好味抵食，這日便跟寶寶來一試。大約8點多來到，果然滿店是人。大約等了10分鐘左右才能入座。我們點了一個小辣的雞煲，可能太多食客，大約等了20分鐘左右雞煲才到。雞煲很大份量，放了滿滿的雞。滿心期待的開餐，誰不知一點辣味或辣椒香味都沒有，只是整個湯底都極咸。我本身都算是食得很濃味的，但這個雞煲湯底也真的咸得過份。而材料一點也不新鮮。還未解凍的墨魚﹑變黃的蔬菜﹑苦的黑木耳、梅的肥羊片等。把雞煲再煮耐一點，大約半小時後，整個湯底除了咸味以外，還多了一點苦澀味。真的沒有辦法再食下去。對比其他任食火鍋或雞煲，這裡的價錢是很便宜。以這個價錢我當然沒有對食物有太高的要求，但也沒有想過可以差成這個樣子！湯底又咸又苦，配料又不新鮮，真的試一次也嫌多。極失望的一餐。

星期六 跟朋友聚會完畢就趕去旺角跟朋友吃晚飯朋友說過了 9時有優惠 還是任飲任食的任飲任食雞煲都是第一次 其實對任食系列不存好感我們3人行就到了 創興等了大約15分鐘 人多到逼滿門口入到去 我們只需要選什麼辣度職員會安排 雞的分量雞來到 其實真的不要有期望冇期望就不會有失望 原因是 整煲雞一是一隻雞來計算的因為我見到至少6-8隻雞翼尖 脾是一件都沒有的 雞煲的味道 是好的他們的醬是惹味的點了小辣因為我不能吃太辣他的任點菜單都非常豐富種類繁多 最欣賞的是薯粉/ 豬紅 / 牛骨髓 / 生腸

經朋友介紹去試下, 點知又唔錯喎, 只係覺得貴左少少, 不過我仲會去第二次既。等位方面都等左30分鍾, 稍為長左D, 環境都幾寛躺, 坐落都舒服好多。上雞煲都等左成十分鍾, 但雞煲個汁調得好濃, 個雞好入味。 而其他打邊配料亦比其他店既好食, 所以比預期有驚喜。呢間店亦都容納到好多人, 所以見到見到好多一班十幾個朋友圍埋一起食,唔洗分開坐, 我覺得呢到係一個好岩朋友聚會既地方。

之前諗住約個fd食飯又醒起佢都係中意食雞煲之後就同佢去左呢度食啦但係勁多入等位，好似真係好好食咁，但係啲人既服務態度有啲差，叫我入坐呼呼喝喝，但係個煲幾好味既，其他雞煲個湯底好濃味但啲雞吾入味，但呢個既雞好入味雞味加埋啲湯底味簡直完美但之後既邊爐啲送有啲差，牛有啲老，不過我都覺得值得嘗試既

做野做到好夜，同同事一時興起，全世界食雞煲，由於過左十點，唔算太多人，鋪頭地方寬敞，我地叫左一個雞煲之後再點火鍋配料，雞煲好足料，中辣夠晒辣，另外，雞肉大大舊，好滑雞味，夠嫩，唔會好鞋，份量足，絕無欺場，仲有配料如洋蔥都好入味，索晒d雞汁，食完就加上湯打邊爐，有好選擇，而飲品好齊，我覺得lotte系列果汁好正，所以絕對係餓住黎，飽到胃漲走。

同一班朋友一齊約去食辣雞煲。成個氣氛都好輕鬆暢快。講下個雞煲先，佢首先問我地食唔食得辣，但因為我既朋友都唔太食得，所以我地淨係叫左小辣。我相信中辣應該會好正好正。我地接近等左成個幾鐘，大家一坐低都好肚餓 好好既係佢煲雞係一上就已經食得。大家請記住一定要叫魚皮放落煲雞度食 因為呢個先係精粹。對於重口味既我，當然比其他人更接受到個口味，但係其實食到最尾，都開始唔係好得， D雞好好食 連埋佢D好入味汁。 食到差唔多見底就加水打邊爐：） D牛羊既水準都好OKAY，唔錯，不過佢地有D自製既餃就真係麻麻地 主要係因為佢落太多粉，個皮太厚。希望下次去食會有改善。 好正既係果度有薏米水，野飲任拎，又有free ice cream，都好好。 食雞煲一定係飽住走所以價錢都好justified ! 食過3次雞煲後既建議係唔好得2-3個人去食 哈哈！ 因為真係會食到死。

重慶雞煲同一大班朋友食真係正。因為無咩比得上圍埋一齊食嘢咁開心。我多數去旺角分店食，通常都係好多人，最好book定位先。首先叫一個雞煲，之後可以繼續叫配料打邊爐。我自己會叫小辣，因為小辣的話辣味唔會太搶，醬汁嘅味道都會食得到。食過幾次啲雞肉都幾滑，火候控制得幾好。食完啲雞剩低嘅汁加堆上湯，就會變成好正嘅濃湯。跟著打邊爐就會好好味。雖然配料唔算係太特別，但其中有幾樣都推介一下。其中一樣係花膠，花膠喺開始打邊爐時落，會令到個湯更香濃。另外一樣係墨魚滑。墨魚滑數量可以叫多啲，因為一份得兩粒咋。佢幾好食，食落爽彈牙，正！

今日雖然book 左位，但係都等左好一陣子先有位入到去好快已經有得食，落order既速度真係好快。 呢間食物飲品種類多，淨有菜都有至少3種，又有面，丸，腸，肉等等，我地有個唔辣既鍋，食落好香好正，好似上癮咁， 雞都入晒味，蓮藕係爽口既，蘿蔔薄薄一片好快食得!。 食到好滿足!