至尊重慶雞煲 (創興廣場)

營業中

休息中

是夜，又約左班「烚烚貢」舊同事一聚～ 😂 呢幾位問食咩，都係打邊爐～ 😂😂 朋友A食過呢間～經常提"3個字"～ 好！ 今晚就食你（🐔）😬預先book 左位7pm 下， 好快入座👇🏿座位都幾寬敞我地6位， 俾左一窩雞煲～ 未黎前朋友G就擔心夠吾夠食架～～😅 哇～香噴噴，熱辣辣🐔煲 好快呈現我地面前👆🏼 雞肉大大件～醬汁極香濃～雞有雞味！ 肉身滑（最怕得雪藏味）食到😋😋呢窩應該有一隻半🐔，份量勁足～ 朋友A 一見到即收番之前的擔憂～轉化之為食量～ 😆👍👏🏻😋👇🏿 任食打邊爐配料😌 落邊爐料，都算快到， 一大碟過😌👇🏿 免費飲品款式多👇🏿仲有雪糕總結： 十分應同朋友A 個*3個字*😝 ～ 就係～～～「平，靚，正」😬 呢個雞煲食完係會再回味的～ 😆 下次再會！

我和朋友都非常鍾意食辣和雞，因此這次去了吃重慶雞煲。小辣雞煲 - 聽聞湯底用左十幾種由重慶運來既香料來調味剛送來時，薑蔥蒜香氣突出分明，雞肉肉香甚濃。而入口當然是很重椒香味，雞肉好有彈性且無雪藏味。小辣食落只有少少麻味而不辣。 不過重點還是雞煲湯底，濃郁而不過咸，幾入味。 

同朋友食生日飯，黎到好耐無黎的至尊雞煲，依次係我第二次黎依間食，味道一如既往好惹味～我食果煲是唔辣的，唯獨覺得依間唔辣都好味：P好鍾意佢的湯底，夠濃郁；而配料方面好似比以前少左D，不過都算齊備的，＄158這個價錢算OK啊：）

先講下訂位 真係嬲嬲地 訂左位都仲要等成為15分鐘而且等位時已經Order左雞煲 15分鐘後坐低 個煲竟然等左成半個中先到限時兩個小時既雞煲去到滾食得既時候已經無左大半個鐘講返個煲 4個人食 兩男兩女 其實一隻雞都夠 依個價錢依個質數認真係好抵中辣對我黎講個級數低左小小 不過勝在夠香食到差不多就當然要䦕始打邊爐啦 啲配料選擇都幾多 大路野佢都有 推介既係羊肉 薯仔 芋頭 肥牛 雞子個湯底唔會因為加左水而變淡 反而一次濃過一次認真係愈打愈入味 後尾夠鐘前半小時D員工已經開始催埋單 我地都無理佢住佢地D態度就好似我地比唔起錢會食霸王餐咁 真係令人好反感其實依度野食環境價錢都十分吸引人 但D員工真係令人好卻步而雞煲送到既時長十分有呃錢既感覺 希望會有改善

一大班人，最好就係打邊爐，雖然價錢係貴d，但食物真係好正,湯低一流由其辣度剛剛好，雖然雞應該是雪藏雞，但湯低既重口味已足夠令人回味無窮，加上好似自助形式咁叫打，所以可以不停咁叫肥牛、黑豚腩片等等，但我個人既小推介就花膠同滑雞，雖然已經食緊雞煲，但係我可能真係好中意食雞，既然多人，就試一次，包你爽YY。

我鍾意食辣，都覺意食雞，呢兩年香港正藉潮流中嘅重慶雞煲，雞煲落單後要再等三四個字，原因係即叫即煮即上枱，果然係剛剛爆香而唔係一早煮好，咬落仲好有彈性亦都無雪味，半隻雞好足料 , 脾翼都有添仲有半個雞頭。我地叫左少辣，食落只有少少麻味而不辣，岩晒我。不過個雞醬真係幾唔錯，好濃香又唔會過咸，雞都幾入味。精華所在係 d 洋蔥同莞茜，煲到淋晒索晒 d 湯汁，正！！！！火鍋配料方面 , 選擇都幾多 , 大部份都合格 :肥牛一碟靚一碟太肥，薄切快熟，味道都唔係太差，白魚旦 : 好香魚味 ，好彈牙，睇到佢發大，就知道裏面唔係實卜卜o既粉。魚片頭 : 個面唔係炸得好勁比魚旦更有口感，無咁淋身。豬潤 : 輕輕淥下都好入味 , 但都食到佢o既甜味 , 而且好夠粉，雞柳 : 好嫩滑 , 有皮都唔會好肥。整體成餐都唔錯。ＮＩＣＥ！！！！

識食一定宵夜時段去食！好似會少人又唔使咁逼呢間係創興廣場樓上既雞煲店點知係夜一夜都仲不少人頭我地兩個都等左十幾分鐘先入得，明明已經十點左右小辣雞煲雞煲湯底聽聞係用左十幾種由重慶運來既香料調味入口當然係重椒香，麻感一般，或者因為小辣所以微弱到不太能嚐出來另外，薑蔥蒜香氣亦算突出而分明，互相配合未會大差異雞肉肉香甚濃，肉質未至於嫩口，但不老不柴，又唔算好肥我地兩個人只有半隻雞，只係份量都夠皮既，反正可以任食其他食材即包餃子呢個係比較亮點既食物，因為其他多數都係平日邊爐料，冇咩特別想講既佢有三款：豬、牛及羊我就三款肉都食既，咁就梗係試哂啦，朋友就冇食到羊啦三款餃子外皮都帶微微彈性，包裹得不錯，唔會好易穿爛我就比較中意羊肉餃，全因佢款底特別平時邊爐放題都甚少見有羊肉餃子，豬肉版最普遍，牛肉都不常見較較咬開外皮，佢入面仲係濕潤帶少許肉汁味道唔太油膩，至於羶味……感覺不大就算對羶味敏感，我諗都會覺得佢算溫和既:^\

有朋友book左位, 所以一到就有位, 見到勁多人係出面等位! 我未食過呢間雞煲, 個時心諗咩事咁多人因為有朋友黎過所以俾佢發板, 今次有成十幾個人, 除左原味雞煲仲叫左胡椒豬肚雞煲同埋米酒雞煲呢度148食2個鐘, d雞煲既雞件好足, 好大件, 係出面食過有d地方會將d雞斬到細細件, 同埋食食下會覺得好似唔夠一隻雞咁。但呢度係大件同足料, 啖啖肉, 基本上淨係食晒d雞已經飽飽地因為有人唔食得辣, 所以原味雞煲都只係叫左小辣, 有機會一定會再黎挑戰辣d既! 唔食得辣既朋友話小辣已經覺得好辣, 我就覺得好香, 呢個煲加左湯淥水魷, 午餐肉同腸仔真係好正由於我坐係窗邊無得走黎走去, 胡椒豬肚雞煲我淨係食左少少, 無乜comment...而米酒雞就係我正前面, 所以食得最多, 米酒雞係有米酒同藥才做湯底, 冬天食真係好正, 個胃暖笠笠唔飲酒既可以先等個煲溒下先, 咁酒精揮發左就會只有酒既甜味同無酒精架喇!最最最估唔到係呢個煲越食d藥才越香, 風味好特別, 如果唔食辣, 會叫朋友試呢個除左食雞呢度仲有好多火鍋料任叫, 但我都食左唔太多, d雞已經好多喇 野飲都好多選擇, 成3, 4個大雪櫃俾人任

一個月去2次哩間分店感覺真的差得大咁順水說下一個月頭同月尾的分別啦9月27&10月18我同黎哩間食哈哈不過2次都係有人請因為小妹生日唔多說費話咁book位時間/樓下等lift時間,同餐廳爆滿情況係確實有嚴重的分別的,因為佔中唔多唔少受影響入正題至尊雞煲完全係平民級的首選價錢平又任飲任食不過美中不足係你預大家要身貼身坐同爐因為用gas爐的關系個煲唔知咩原因會線來線去都幾牙煙架如果係高貴又公主病王子病的就最好唔好去啦因為哩的地方只合抵食甲大件食到你飽的平民人士是真的如果要求高的呀姐會串爆你架時間方面亦都唔好約會遲到的朋友因為準時2小時會趕你走的雞煲方面一次叫唔辣一次叫小辣不過其實小辣都會越黎越辣所以如唔係人人食得辣小辣同唔辣係首選雞件方面最好一上台就立刻甲起狂食因為呢哩個時間係最滑的之後再打多陣會開始鞋架啦雞汁方面的雞好入味,好濃郁夠熱,不過懷疑都幾重味精下因為都要大量飲水不過四川風味無味精就假樣樣都係用調味料制成咁對我來說可以接受但本身食開清淡的朋友會感覺幾咸架咁任飲的飲品都幾多款式現在好多餐廳都有的韓國飲品都有咁配料方面就係普通貨配番收費埋同台太細太迫所以無影配料啦咁就唔多介紹喜歡雞煲

同朋友一行5人去試試呢個都幾出名既雞煲，叫左個小辣既煲，不嗜辣既朋友都食到..ok~雞既份量都唔算好小，1人都有幾舊食..ok~食物、飲品既種類都算多..ok~最唔ok既就只有侍應既服務質素..話說呢個任食限時係2 hrs，侍應係20分鐘前就來last order同埋單，呢樣我係可以接受既，但我最接受唔到既係..限時到既時候，我地last order既食物先落煲無耐，唔通要我地生食！？好準時咁就已經開始有侍應用好負氣既語氣同我地講「時間夠了，要交枱」，咁我地都好有禮貌咁同佢講「哦..知道了，就走了」其實佢係邊行邊講，根本就無聽我地既回應..fine..過左都無10 mins，另1個應該係主任/經理級嗰d又來催，佢既態度比剛才既侍應更差，佢係話「你地唔可以再食了，夠鐘了」我想講..我知道限時係2 hrs..所以係早20 mins既時候你地來要我地埋單，我地都好合作咁埋左單，限時到你地要我地交枱亦係有道理，但態度需要咁差嗎！？而且你地有無諗下，你地來埋單既時候，我地係last order左食物，由食物拎到來，到落煲再到熟點都需要時間掛，難道你要我生食，咁如果食物未熟我食左，肚瀉係唔係你地負

之前係荃灣戈間食開都好滿意,今次為左就女朋友收工就黎左旺角呢間分店,同荃灣一樣多人等位到喊.等左45分鐘,終於入坐order左個小辣雞煲.一坐低就感覺到有d唔對路,四圍望一望完來呢到係冇小食,心情低落左唯有淨食雞喇,過左5分鐘竟然個煲就黎到,可能係冇小食既關係喇,個煲聞落真係好正,同荃灣戈間差無兩幾,女朋友食左兩舊已經話好辣停左手,可以我食開辣仲頂等住,不過呢個小辣真係辣過荃灣分店既,唯有加水減辣喇,我一個人差唔多食曬d雞咁制,同時女朋友亦劃左肥牛,豆腐,花膠,牛柏葉等等既配料,豆腐,花膠,牛柏葉都唔錯,幾新鮮除左肥牛外,d肥牛真係又硬又爛,叫左一輪之後就一路冇叫肥牛.飽飽後諗住去拎個雪糕食下喇,點知個侍應話冇曬喇......我望下個鐘11點未到wo,咁快冇曬

第一次來食重慶雞煲， 我同朋友3個人，食的前一日已經打電話去訂位鐵，想訂7點鐘，但服務員話得返9點，本來想轉食其他野， 但朋友話好想食雞煲，最終就決定去等位。咁我地6點9就到達， 等左一陣間， 突然個服務員大叫， 我地都一頭霧水，做咩冇啦啦大叫，原來今日老板來睇場，老板話等緊位既客人，無論食唔食都可以免費飲野同食雪糕。 wow,我同朋友立即去雪櫃囉野飲。 等左45分鐘島， 就叫到我地， 個時差唔多8點3島， 一入去就叫我地要咩辣，咁我地叫小辣 等左一陣，熱辣辣既主菜雞煲上場啦， 濃郁的湯底， 一件件雞塊，仲有d辣招仔，唔講咁多，起筷。。。。。。。一口咬住，d雞好滑，個湯底同d雞配合得天衣無縫，我仲加一匙湯汁，成個口辣辣地，一件接一件係咁食。 同埋個雞有唔同部位，有鳳爪，雞翼。。。 岩哂鐘意食既人。 之後d火鍋材料都上啦， 為左唔好令個湯底淡，令到d雞淡，我地就盡快食哂佢，總括而言就係(一指班)啦。

跟朋友一行幾人一齊黎嘗試呢度既大辣雞煲，剛上去就發現已經有好多人正在等候。由於冇訂座，等左足足45分鐘呢度場地寬敞，好適合一大群人相聚食晚餐同Gathering，但當然要一大群人個個鍾意食辣又的確系唔容易入座等左大約10分鐘，大辣雞煲就送到來，味道非常濃，離遠已經可以聞到果種麻辣味四處飄逸，當火鍋湯底十分合適，因為簡單既食物都可以吸取到濃郁既麻辣精華@@雞煲黎左之後我地先點其他任食既配菜，但當然我地首先食左D雞先，雞肉嫩滑，味道香濃麻辣。初時食都仲覺得只系少少麻，但系愈食就愈辣，渾身是勁出晒汗，都需要停一停飲水。但都尚算出色，值得欣賞。呢度可以自選既食物都不少，配菜既味道當然沒有什麼特別，只不過加上大辣既湯底，確有另一番風味。尤其豆腐等比較吸水既食物系吸收左麻辣湯底既精華之後，更能反映此店既辣煲特色不過食完之後全身都有濃烈既味道，最好穿著簡單再來。

約曬班friend10點食雞煲，要等差唔多半個鐘先有得入去，不過正常啦，因為勁多人😂叫咗中辣，唔算太辣，不過好正！！！d雞超入味，又嫩，又麻，d汁都好入味！食完雞之後，可能太忙加太少侍應啦所以無人幫手加水，就自己行去加湯啦！食完雞煲就變咗任食打邊爐！有好多野嗌，叫咗豬頸肉、芝士丸、肥牛、貢丸、滑雞、水魷魚、好多好多，最正就係滑雞同水魷魚，其他都無特別，野飲都係任拎，食得好飽好飽，每人都係$138，我覺得幾抵！走之前拎多杯雪糕！正！！！

突然想吃雞煲, 就組團去搵人一齊食。友人介紹尼間, 知道多人去訂位, 訂位時都有講到左都可能要等30分鐘左右先有位。8點鐘準時上去CHECK IN, 已經人山人海, 如果唔訂位都應該唔洗旨意食。等左40分鐘先叫我地點雞煲入席。 一行6人俾左張卡位, 點左一個微辣雞煲。等左參唔多15分鐘先上枱。好在一上枱已經熱辣辣食得。雞唔算特別滑, 汁亦都未完全融入雞入面。雖然如此, 但個汁本身都很濃, 都算夠味。同埋本人不太喜歡太多花椒, 尼度亦都不多易入口。唯一係油太多, 不過邊度雞煲唔油架~以尼個價錢加上任食, 都算係中上之選。其他配料選擇都應有盡有, 而且都上得好快, 每次上的份量不算多。容易控制, 唔夠就建議ORDER多幾轉。特別一提尼間餃子係自己包, 同埋要自己拎。大大隻, 份量十足, 皮不太厚, 好味。位位150, 連加一。雞煲配料飲品全包。算係surprise。當然, 如果想要更好, 又傳統的雞煲, 這裡未必適合啦。