至尊重慶雞煲 (創興廣場)

營業中

休息中

約左前同事食飯，同事想任食又想平價，第一時間諗起呢間至尊重慶雞煲，想食親民價錢就唔可以對食物質素有太高要求，只能說不過不失。但個雞煲真係要讚下，好香好入味，雞煲既雞件都幾多！ 醬汁亦都夠濃厚，但成個雞煲美中不足既係雞肉有點兒鞋口。其他配料都算多款選擇，落order時出單快又少漏單，呢度要讚下，但服務員既態度就要改善下🙈🙈最尾埋單每人唔洗200蚊，但可以係度吹水吹足兩個鐘，堅抵😍😍😍😍😍

今日同朋友嚟到試重慶雞煲 朋友一路都想試下正宗ge重慶雞煲 所以就特登揾左呢間嚟試 貪佢價錢吾貴又有得任食🤪🤪🤪我地叫左小辣 雞煲一嚟到好重香料味🤩食落雞都幾滑 呢種辣味係食完都仲會停留係嘴 感覺一路keep住辣😂 但又幾惹味 我地兩個快快手食完已經飽飽地 之後我地再加湯打binlo😚😚😚肥牛係超薄切仲要有有根 好難食🤢🤢😟返而豬腩片同羊片就好少少 滑雞件又係超級薄切 淥完之後幾乎揾吾到 果日去食仲要無手工餃子 朋友叫ge娃娃菜仲要有蟲🤮🤮🤮🤮🤮🤮🤮🤮🤮推薦:⭐️

有個泰國朋友到港旅遊，帶佢到旺角至尊雞煲，入到場好有雞煲味，我地叫左個超級大辣雞煲，泰國朋友試完都話好辣😂 但重辣椒味而唔係化學野👍🏻👍🏻雞煲汁好濃味，咁未加湯前落牛柏葉，正正👍🏻👍🏻，啤酒任飲，岩曬我呢班後生仔聚會

凍冰冰最好 打邊爐食雞煲今日朋友推介至尊雞煲， 佢哋講唔差， 最重要是價錢平， 又可以食雞煲又可以打火鍋，我們揀選九點半時段， 由於是閑日， 平時的創興廣場人龍處處， 今日不算太多人先上雞煲， 我們選了小麻辣， 味道 濃， 好香口的麻辣， 不俗! 當然不要要求 是新鮮雞， 一分錢一分貨之後叫了豬肉片 和菜， 丸之類放火鍋，啤酒和飲料是任飲， 相對來說相當便宜，兩小時用餐， 時間會計到好醉， 一夠鐘已立即催走埋單原價128(加一收費)大家吃到捧住個肚， 大滿足

雞煲放題第一次，黎到雞煲好香，叫了小辣，還可以，雞肉都算滑，芫茜比較老，食唔到食完再打邊爐，野食種類都算多，但要劃紙，可能有漏單情況或等得太耐，飲品任拿唔怒，款式多，雞煲加打邊爐算係最平，要求唔好太高。親民價錢，抵食

講開雞煲 就一定係諗起重慶雞煲 第一次食呢間至尊重慶雞煲 去到嗰陣時聞到嘅味係好似好辣咁... 心諗大獲啦咁辣點樣食呀🙈但係你係食之前就已經好多排緊隊 而嗰日我哋係冇定位嘅😭 結果就喺度等... 所以奉勸如果大家多人嘅最好就訂咗位先啦 少人嘅訂到位就更加安全啦🙈 wall in係多數無位。食雞煲打邊爐最驚嘅梗係食完之後成件衫同個袋都係雞煲既味道... 但係重慶雞煲都好細心 坐嗰張凳係可以打開嘅 跟住可以放啲袋同埋外套喺裏面再閂返埋佢 咁就唔會吸晒啲味啦😂講返個雞煲 雖然一開始聞落好似好辣咁 但係食落就係好惹味一啲都唔覺得難 俾個味道呃左啦😂 食完雞煲就可以加湯打邊爐 至於餸方面呢 真係好多都有啊 有啲比較貴嘅好似花膠都有 其他魚蛋啊腸啊基本上都有啊！食到你飽之後仲有甜品 有雪糕雪條可以揀！百零蚊成班朋友可以聚下又可以食好食嘅雞煲同打邊爐真係抵到爛 Reu食雞煲嘅不二之選🤣

火锅酱料只有豉油、蒜蓉、辣椒子超級少配搭，從未見過連蔥、芫茜、腐乳等基本野都没有提供。雞煲已經小辣但依然勁辣及超咸。加完两次水依然勁辣，雞汁調較完全没有味道。座位超逼，檯拼檯又嘈吵混亂。

平時好少打食評，但今次真心覺得中伏所以要寫出嚟...同朋友一行4人去旺角行街買嘢，諗起想食雞煲，見佢咁多好評，就唔洗加一任食2個鐘，就一心試吓（其實幾年前食過，印象中味道不錯的）但竟然由頭失望到尾，首先係個雞煲，雞無問題，係個汁一啲都無麻辣🙄全程我食唔到一粒「炸彈」（一粒粒圓形唔知叫咩，一咬開會好麻嗰隻）得啲咸味，最弊係加湯之後，完全好似無味咁....我未試過食雞煲要用豉油加辣椒....本身唔係重口味，但真係頂唔順好似白烚咁...豉油都好淡，唔知係咪溝左水開，要落勁多蒜或辣椒先好味啲。另外火鍋食材亦唔新鮮，好似雪左好耐咁...全部無影相，因為真係一啲都唔吸引所以無諗過影低佢。公道啲講句，最正常係啲飲品，因為全部都罐裝😂同埋有啤酒，但都唔係咩特別嘢。雪糕好似係牛奶公司（唔知有無記錯，一啲都唔吸引所以無食）總結：以後一定唔會再去！同等價錢任食雞煲荃灣好味好多......

今晚男友突然想話食雞煲就黎左食啦，其實之前都黎食過幾次，一般黎講都算唔錯，不過係有時等位真係要等好耐！上次黎揀小辣食好似冇乜味咁，所以今次就揀中辣食啦，點知好辣🙈之後加左湯整走左辣椒同浮面d辣油先食得到🤣但個味係ok既，野飲又仼飲，都幾多選擇❤️不過野食都係普通火鍋料，位置比較逼，環境比較嘈，今次仲聽完d次店家播生日快樂歌，好大聲感覺有d搞笑😝想靜靜地傾計約會果d，我會建議另找地方，其他都冇乜大問題。

我中年食神起碼食過全港超過30間雞煲（因為鍾意），唯獨至尊係超過食左5次，唔係因為佢平，係因為佢有一種獨特既味道出面係無，當然亦成就左佢今日喺香港雞煲界既地位~直接今日，無論咩時段，都有好多人排隊等位，年齡層亦好多元化👦👧👨👩👴🧓，一出嗰陣味令你已經流口水，我相信好多人都試過😂。兩個人食，半隻雞其實都ok, 因為可以食下其他野，我建議叫”小辣”，唔係唔食得辣，而係唔夠其實可以加，行去加豉油嗰個位就有，而且辣味唔會太勁而蓋過雞肉味~水魷，牛栢業，青口質素係好穩定，豬潤就一時時，有時都爽，除非你鍾意食鞋身😂😂我食嗰日都仲有啲人唔個，去到個場最右邊，係有個自助位可以攞餃子，牛肉餃，羊肉餃都好食，仲有響鈴添~阿姐服務都ok, 任飲任食，真係好抵

夏天食雞煲以為無咩人點知全場滿座我諗主要因為平，同食材多選擇性價比高知道星期六多人所以6點就同朋友黎左地方好大，坐得舒適，因為兩日都有卡位坐店員落單都好快一下子雞煲就黎左，麻辣雞煲兩個先食半隻雞，雞滑多肉麻辣夠入味，雖然只叫左小辣。6點半差唔多7點就開始多人啦明明得幾枱，一下子就全場滿好啦，差唔多食完雞就寫紙叫配料開始打邊爐好多選擇，咩都叫下，食物非常多。朋友未食過雞子，依度雞子都有就試下啦飲品任飲，我地飲左好多烏龍茶調味料可以係出面拎，出面仲有生根，響鈴食物係自助，我地都有出去拎左少少。性價比高既雞煲火鍋

連續返工Chur左7日終於可以break下啦！其實之前都一直都久仰大名一直都想食適逢今晚收工約左幾個月無見既Asso朋友食飯還掂大家都係雞煲控又鍾意烚吓烚吓一於就黎呢度「食雞」啦😂黎之前「做足功課」得知呢度一直都長期旺場同埋繁忙時間係不設訂枱所以我地7點前就黎到好彩黎到可以即刻入席醫肚唔洗等入席之前服務員會先幫我地點雞同埋辣度體貼之餘亦無阻顧客任飲任食既時間我地一坐底雞煲就即刻送上抵讚之餘亦好有效率！先講講個主角雞煲我地叫左小辣雞煲足料得黎雞件仲嫩滑醬汁辣辣地亦好香同好濃郁唔會話偷工減料夠哂入味！另外除左雞煲主角之外都仲有好多邊爐配料食淨係睇呢兩張點餐紙都睇到眼花撩亂而且任點唔嬲絕對唔會限數目以咁高質既質素同埋野食食兩個半鐘絕對係超值下次留名再帶成班朋友黎「食雞」先！

今天相約幾個老友到旺角食雞煲, 呢間鄰近住Aeon $12店，食完就可以行陣, 這間至尊雞煲價錢幾平, 便決定在這裡吃。我和一班老朋友都不吃辣, 便選了不辣的味道。不辣醬汁濃郁, 醬汁浸入雞肉好惹味, 兩人有半隻雞, 只吃雞也很滿足。 雞吃得七七八八便可以加湯變火鍋。這裡有很多餃子選擇, 魚皮餃, 菜肉餃, 豬肉餃, 可以自由任夾, 其他食物例如肥牛, 響鈴也很新鮮, 蔬菜品種類別也有很多, 吃火鍋時也不需再點調味料，味到各樣恰到好處！

今日休假 同個同事出旺角買啲嘢， 買完嘢差唔多到六點， 經過呢座商業大廈見到有雞煲我同事話想食， 我冇所謂咪陪佢去食囉上到去服務員安排我哋坐低， 個位都算 寬敞坐得都舒服。呢個價錢包埋飲品， 飲品款式都算多落單冇幾耐好快就送上雞煲， 一睇個賣相已經知道好濃味好入味， 開著電池爐一陣間D啲香味經出， 我哋兩個都口水流 急不及待開始食雞， 一入口啲雞肉好嫩好淋 味道好濃 好彩又唔太鹹辣味都ok, 我同我同事你一件我一件不斷食份量都ok多， 差唔多食曬啲雞嘅時候 我哋就加湯打邊爐打邊爐嘅配料都係一般嗰啲啦， 種類都ok多， 而且落單足料送上唔會拖時間呢碟牛肉質素都唔錯丫都幾新鮮 都幾好味食咗咁多肉食番啲生菜同粟米 清清腸胃都唔錯，菜幾新鮮， 粟米個賣相一般般但食落又好甜喎雖然係任食，但我哋兩個食完雞煲再打邊爐食咗一轉已經開始飽， 本來打算勉強再食啲， 我同事話唔使逼自己咁辛苦， 佢話呢度又經濟又好食又方便下次再嚟過咪得囉 咁我都唔同肚皮鬥氣了

今天在旺角閒逛, 到了晚飯時間, 便四處找餐廳, 因為旺角實在有太多餐廳, 一時決定不了在哪吃, 突然見這間至尊雞煲價錢幾平, 又很久沒吃雞煲, 便決定在這裡吃。我和女朋友都不吃辣, 便選了不辣的口味。雖然不辣, 但醬汁濃郁, 醬汁浸入雞肉十分惹味, 兩人有半隻雞, 淨吃雞也很滿足。 雞吃得七七八八便加湯變火鍋。這裡有很多餃子選擇, 魚皮餃, 菜肉餃, 豬肉餃, 可以自由任夾, 其他食物例如肥牛, 響鈴也很新鮮, 蔬菜種類也有很多, 吃火鍋時也不需再點調味料因為本身湯底已很濃郁, 基本在湯裡滾熟, 食物已經很入味, 我倆都吃得很撐。這間是一間性價比很高的雞煲店。