胡爐 (已結業)

今次為大家推薦尖沙咀厚福街H8既胡爐比大家! 點解? 因為試過好味囉!近期成日聽哥哥推薦九龍城有一間卜卜蜆鍋好好味, 搞到我超想食! 但九龍城真係...都...幾遠下...所以, 當我發現胡爐都有卜卜蜆鍋, 就約埋幾個friend一齊出發啦~去到當然二話不說揀左我心愛既卜卜蜆蟹魚鍋...見個名係卜卜蜆行先, 所以我冇期望過蟹既份量...點知...竟然有兩隻三點蟹啊仲細心地切半, 所以我地野食都未黎, 就每人食左半隻蟹啦~~d蟹勁新鮮, 冇沙冇縮水, 啖啖都係肉黎!而卜卜蜆就多到食極都有....蜆既size唔算大亦唔算細, 但都夠哂鮮甜, 滿足到我食卜卜蜆既心癮額外驚喜個魚湯, 又係好甜, 甜到我飲左一大碗!!!配料方面我地就揀左蔬菜拼盤, 嚮鈴, 牛汁牛骨丸, 本地手切牛同蝴蝶腩!當中性價比最高&大家必試之選, 就係牛汁牛骨丸啦, 口感同味道都一流, 同平時食既牛丸完全唔同, 係街都搵唔到邊度有的買。。。所以大家黎胡爐既話, 必試佢地既牛汁牛骨丸啦!胡爐其實都幾抵食, 配料唔算貴, 係湯底比較貴, 但又貴得合理, 因為夠高質

之前食過醉胡爐, 感覺不錯, 今次在的厚福街的H8中發現了另一分店-胡爐。原本想食另一家餐廳, 但太多人了, 發現了16樓有胡爐, 就不多用多想, 上16樓吧!上次已試過椰青雞煲, 好味得到現在還是印象深刻, 今次再試試其他湯底, 看看會否同樣高質!卜卜蜆鮮蟹魚鍋 ($298)以想不到的份量 有兩大隻蟹跟大量的卜卜蜆!蟹肉鮮甜又新鮮, 卜卜蜆雖不算大隻, 但份量十足, 而且每一隻都新鮮, 沒有不開殼的~而用左做湯底的魚湯都很濃味, 雖然胡椒味有點重, 但味道都是一流的!!!自家製炸響鈴 ($68)上次兩人點了這個, 每人一件已KO我們了, 今次人多, 可以點啦!!!都是脆卜卜的, 鬆化得大力一點夾都會碎呢極上本地手切牛 ($238)看似不太多, 但其實每一片都有一定的厚度~每片的肉味都很濃, 而且口感都很好, 但切記不要煮得全熟, 全熟會有點韌, 8分熟就剛剛好!牛骨牛汁丸 ($88)原本都沒太大期望, 誰知以想不到地好味!牛丸中帶有點根所以口感已很讚, 而且咬下去真的是充滿牛汁的!其實我記憶中食過這款超美味牛丸, 但忘了在那....(是醉胡爐嗎?)秘製蝴蝶腩 ($108)是牛腩口感的

尖沙嘴又多了個火鍋選擇。雖然現在天氣炎熱，但無阻我倆的火鍋心態。這裡除了裝修新潮，坐得舒服外，價錢還很合理：我們選了雙拼窩底 ($198)，是四川麻辣鍋和北海道牛乳，豆腐花膠鍋。可以一次過滿足2種願望，適合吃辣和不吃辣的朋友一同品嚐。鮮蝦帶子餃 ($52) 大大粒，蝦肉和帶子鮮味重，而且爽口彈牙。炸魚皮 ($68) 是自家製的，香脆無比。蔬菜拼盤 ($78) 金菇菜 ($48)極上本地手切肥牛 ($298) 是必試之選，嫩滑的牛肉真是一試難忘。牛脂味濃郁，肥瘦均勻，有入口即溶感。

今晩嚟到胡爐一試風味。鴛鴦湯底好濃，好夠味，牛乳湯底有幾舊花膠，麻辣湯底有豬皮同支竹。個牛肉韌少少不過好有牛味(因為肌肉多脂脂少，牛丸真材實料，不過$52蚊得四粒😆，鮮蝦帶子較好爽口，不過又係$52蚊四粒🤣，炸魚皮真係好食，即叫即炸，好脆，唔係硬身，炸芋頭片都係即叫即炸，蔬菜拼盤$78，好大盤，有生菜，油蜜菜，黃牙白，菜心，蕃茄，稻庭烏冬一碟兩舊。我地最後食剩一細舊金姑菜同埋少少黃牙白，基本上可以算清枱，食完飽到上心口😂😂😂

今日黎到胡爐打邊爐, 裝潢帶古典中國風, 連餐具都係, 非常優雅, 令人身心放鬆!呢個勺子非常好用, 二合一, 唔需要轉換, 又省空間!卜卜蜆鮮蟹魚湯鍋 $268 原鍋海鮮生上, 之後店員喺我地面前即時加入魚湯, 仲幫我地調教火力, 服務周到!侍應建議我地可以喺打邊爐之前, 先品嚐海鮮湯! 湯底非常鮮甜, 帶有蜆肉同鮮魚的清甜味, 之後慢慢會滲出蟹肉的鮮味, 我地每人飲左兩碗! 超正呀!餐廳貼心提供了蟹鉗和濕紙巾, 方便拆蟹肉!  蟹清洗得乾淨, 肉質結實鮮甜! 蜆肉都係清甜無沙, 十分推介卜卜蜆鮮蟹魚湯鍋湯底！手切牛頸脊(細) $288 雖然話係細, 但份量一D都唔少架! 正呀!牛頸脊雪花紋理分佈平均，呈鮮紅色，而且塊塊都係厚切！ 牛肉味濃郁，好嫩滑，有入口即溶既感覺，十分美味！超讚！雜菌拼盤 $68有冬菇、雞脾菇、白玉菇、秀珍菇，份量十足，而且好新鮮！魚皮餃 $42豬肉餡料鬆軟而且充滿肉汁！正！藍妹 $36CC Lemon $18

尖沙咀厚福街不嬲都多好野食，基本上個棟野我都食過咁濟，發現有間打邊爐仲未食過，雖然天氣好熱，但大家都話好想打邊爐，我地就一行人去左呢間啦！環境比較中國風，我就叫左個卜卜蜆鮮蟹魚湯鍋，再另外叫左d配料！個鍋一送到台面，蟹味混合魚鮮味同蜆味 三種既海鮮朴面而來，呢個湯就咁飲都好正，唔會飲完好渴，即係唔係靠味精啦，隻蟹好多蟹膏，仲溶左d係個湯底到，d蜆肉都好乾淨無沙粒，雖然細細隻都鮮味十足！配料叫左個招牌手工餃子拼盤，我覺得最好食就係鮮蝦帶子同雲吞，入面隻蝦肉真係好大粒，又爽口彈牙，皮薄陷多！仲叫左個烏冬，烏冬完全吸哂湯底既精華，我地差唔多每人都叫左一個烏冬，因為真係太好食啦！叫左小食 老友鬼鬼，係用油炸鬼包住蝦肉，油炸鬼炸得剛好，唔會油膩，點少少甜酸醬好惹味！呢度地點咁方便，下次想打邊爐呢間係唔錯既選擇

無論冬天夏天，火鍋都一直陪伴著我，咩時候去都係咁鍾意食。同朋友來到尖沙咀胡爐，當然要食呢度推介既胡爐四格鍋啦，四格分別係清湯、沙爹、蕃茄牛腩同麻辣！我特別喜歡蕃茄湯，好濃味，似係用好多蕃茄煮至醬狀，配各款食物都很夾。麻辣湯入面有豬紅，枝竹同埋薯粉，當吸收晒湯既味道，食入口充滿麻辣味，好夠刺激！清湯有豆腐令到個湯變得很清甜，而沙爹亦唔會太濃。火鍋料叫左極上本地手切肥牛(每一片好平均，肉質都唔錯)、自家製炸響鈴(我一件用清湯，一件用左麻辣湯底，雙重既感受)、手打蝦滑(幾彈牙味道很好)、XO鮑魚蝦餃王(皮唔太厚，好足料好大隻)、加埋個出前一丁飽晒！

一入門口就被海產類吸引了目光，海鮮都很生猛。這個勺子非常實用，二合一又省空間！藍妹 $36 & CC Lemon $18啤酒汽水雪得夠凍，正！卜卜蜆鮮蟹魚湯鍋 $268海鮮生上，之後店員再為我們加入魚湯，還會定時幫我們調教火力，全程都唔洗自己郁手，服務夠晒周到店員建議我們在打邊爐之前，先喝一下海鮮湯。湯底非常鮮甜，入口先是蜆肉的清甜味，之後慢慢會滲出蟹肉的鮮味，果然冇介紹錯，每人飲咗三大碗餐廳也主動提供了蟹鉗和濕紙巾，方便將蟹拆肉。蟹劏得很乾淨，肉質結實鮮甜；蜆肉也是清甜無沙，十分推介這個湯底！手切牛頸脊 $288手切牛肉非常肥美，而且塊塊都係起雙飛的。 牛肉口感鬆軟，入口即溶，非常美味。雜菌拼盤 $68有冬菇、雞脾菇、白玉菇、秀珍菇等，份量十足！魚皮餃 $42很有驚喜！外表充滿魚肉的香味，餡料的豬肉則帶點鬆軟而且非常juicy，推介！

今晚去左尖沙咀打邊爐，約左3個大學同學總共4個人圍埋打邊爐，放暑假之後好耐無聚埋一齊食飯，今晚難得個個都夾到時間，於是決定打邊爐。 我地叫左一個湯底，胡椒豬肚拼北海道牛乳花膠豆腐湯，我好鐘意果個牛乳花膠湯底，出面其他餐廳好少見，湯底濃香夠膠質，牛乳湯底夠滑溜，濃香幼滑，胡椒湯底濃香滋味，帶點胡椒香濃辛香味道。我地好鐘意食丸，所以今晚叫左好多丸，牛骨牛汁丸，芝心墨魚丸，另外叫左手工雲呑和鮮蝦帶子水餃，丸類彈牙夠爽口，最鐘意帶子鮮蝦水餃，味道鮮甜吸哂牛乳湯底，餡料豐富好多汁。

今晚去左尖沙咀打邊爐，男朋友是個火鍋迷，超鐘意打邊爐，胡爐是一間高質素火鍋店，其中又以湯底最岩我地兩個口味。我地決定左好耐先叫左一個胡椒豬肚湯底拼北海道牛乳花膠豆腐湯底。男朋友好鐘意胡椒豬肚湯底，胡椒香濃味道辛口麻香，豬肚爽口爽嫩，湯底夠香夠滋味。我就鐘意牛乳花膠豆腐湯底，滋補夠膠質，豆腐湯底幼滑夠滑溜，湯底好香好清甜。我地叫左雲呑和鮮蝦帶子水餃，牛骨牛汁丸和芝心墨魚丸，男朋友最鐘意食丸，粒粒爽口彈牙，入口多汁，水餃吸收哂湯汁餡料夠豐滿，鮮蝦和帶子餡鮮甜。我地決定下次會再黎食架。

放工又想打邊爐🍲於是同朋友去左尖沙咀食<胡爐>呢到嘅裝修同埋餐具都好有宮廷feel仲好古色古香添。。。。。。。。。。。。。。我地揀左”冬瓜花膠雞翅鍋”冬瓜咁清熱，夏天打邊爐都唔怕啦一上枱見到推到成左山咁嘅雞最頂仲有好多翅添呀🤤個湯飲落好清甜好正裡面仲有花膠，真係好養顏保身。。。。。。。。。。。。。。“飛驒和牛肉眼A5”一睇個賣相就知正啦油脂分佈好平均而且厚薄適中滾一滾就食得真係好嫩滑好重油份而且牛味都好香濃😋。。。。。。。。。。。。。。“黑松露蟹肉餃”個皮好薄身黑松露味香得黎又唔會過濃加埋蟹肉真係好好味👍🏻。。。。。。。。。。。。。。“炸響鈴”響鈴即叫即炸好香脆鬆化索埋啲湯好正

同一大班朋友黎打邊爐，個個都係食肉獸，一嚟就揀咗個本地牛，貪佢夠晒重牛味，唔鍾意食出邊啲肥牛薄切切咁，呢度嘅牛肉就啱晒我哋，啖啖肉！而且肉質一啲都唔un, 就算十耐左都唔會鞋！湯底就好難就曬咁多人所以就叫咗個呢款有四種湯既！湯底入邊都有啲配料㗎啦已經，例如豆腐，竹笙，牛腩等等⋯⋯另外呢度最正嘅就係有椰青！終於唔使再飲酸梅湯啦！😂仲有椒鹽鮮魷都好正，夠惹味而且一啲都唔難咬！如果送酒就岩哂！呢到已經變左我同朋友仔聚腳既地方，滿足哂我地唔同需求！打邊爐真係最重要係食材新鮮同用料靚，呢到有齊哂！食完店員仲送左甜品椰汁糕，清清地唔太甜，岩哂打完邊爐食左咁多濃味野！夠貼心！👍🏻

朋友平時都好鍾意打邊爐，我就一向麻麻哋，因為覺得打邊爐食嚟食去都係果啲嘢，冇乜新意，但係朋友就話呢一間係與別不同，話我一定會鍾意，咁我就姑且試吓啦！湯底方面我哋揀咗四式鍋，貪佢有清湯、麻辣、番茄牛腩、沙嗲，一次滿足晒大家既要求菜單方面，嘢食嘅種類都唔少，除咗有海鮮，仲有和牛，熟食，小食，刺身。首先叫咗三文魚腩刺身試吓先，睇顏色都知夠晒新鮮，仲要係厚切添！勁肥美！朋友叫咗本地牛，佢哋話好有牛味好正，不過我就唔食牛嘅所以冇辦法評論啦。除此之外呢仲有啲特色小食，呢個叫老友鬼鬼，係用油炸鬼包住墨魚滑，估唔到又幾夾喎！果然唔似一般打邊爐咁悶！總括環境舒適，服務亦都幾好，嘢食質素選擇又多，果然冇介紹錯！

朋友推介去到尖沙咀厚福街「葫蘆火鍋亅餐館宮廷式的設計，十分裝潢，令人好像置身於皇帝级的感覺，同時在這火鍋館享受緊一餐有派頭的美食。一鍋有四格，同時可適合不同味蕾的客人。第一次用四格鍋打邊爐，湯料分別有牛腩薯仔湯，麻辣湯，皮蛋芫茜湯，沙嗲湯，每個湯底味都好濃郁，這個設計很好，可揀自己的味道。打邊爐一定要叫蔬菜籃， 有生菜 娃娃菜、小白菜同蕃茄， 全部都好新鮮翠綠。蟹子墨魚滑，好新鮮彈牙。有我至愛的稻庭烏冬，好幼滑幼細，再加埋塊厚切的午餐肉，就變成一碗餐肉烏冬啦！

星期日去尖沙咀行完街好肚餓，大熱天時竟然心思思想食麻煩火鍋🤭之後就去咗朋友介紹嘅胡爐試下啦。👆🏽一出𨋢門有大量酒樽裝飾，個人認為呢套sake杯好正，色色的浮世繪就好比佳釀美食水乳交融🤤👆🏽叫咗太極鍋，分別係北海道牛乳花膠豆腐鍋(左)及四川麻辣鍋(右)。牛乳鍋滑溜濃厚，蔬菜煮後增加甜味。麻辣鍋湯底重料，超強花椒八角味，仲有豬皮麵筋，滾到咁上下夾嚟食入哂味啊🤤👍🏽👆🏽本地手切牛肉，雖然油脂無和牛咁勁同有啲位有少少筋，但牛味好重，配麻辣好正👆🏽大蔬菜盆及金菇，材料新鮮大棵👆🏽鮮蝦帶子水餃(左)，手打牛丸(右)。鮮蝦同帶子都好新鮮同大粒，水餃皮簿，滾起無爛。手打牛丸彈牙肉鮮、牛味重👆🏽鮮蝦帶子水餃👆🏽炸魚皮超脆，少少椒鹽味，好惹味，當薯片食都得👆🏽稻庭烏冬，煮熟晶瑩剔透又滑，兩個湯底煮都好味👍🏽