胡爐 (已結業)

同一大班朋友黎打邊爐，個個都係食肉獸，一嚟就揀咗個本地牛，貪佢夠晒重牛味，唔鍾意食出邊啲肥牛薄切切咁，呢度嘅牛肉就啱晒我哋，啖啖肉！而且肉質一啲都唔un, 就算十耐左都唔會鞋！湯底就好難就曬咁多人所以就叫咗個呢款有四種湯既！湯底入邊都有啲配料㗎啦已經，例如豆腐，竹笙，牛腩等等⋯⋯另外呢度最正嘅就係有椰青！終於唔使再飲酸梅湯啦！😂仲有椒鹽鮮魷都好正，夠惹味而且一啲都唔難咬！如果送酒就岩哂！呢到已經變左我同朋友仔聚腳既地方，滿足哂我地唔同需求！打邊爐真係最重要係食材新鮮同用料靚，呢到有齊哂！食完店員仲送左甜品椰汁糕，清清地唔太甜，岩哂打完邊爐食左咁多濃味野！夠貼心！👍🏻