胡爐 (已結業)

無論冬天夏天，火鍋都一直陪伴著我，咩時候去都係咁鍾意食。同朋友來到尖沙咀胡爐，當然要食呢度推介既胡爐四格鍋啦，四格分別係清湯、沙爹、蕃茄牛腩同麻辣！我特別喜歡蕃茄湯，好濃味，似係用好多蕃茄煮至醬狀，配各款食物都很夾。麻辣湯入面有豬紅，枝竹同埋薯粉，當吸收晒湯既味道，食入口充滿麻辣味，好夠刺激！清湯有豆腐令到個湯變得很清甜，而沙爹亦唔會太濃。火鍋料叫左極上本地手切肥牛(每一片好平均，肉質都唔錯)、自家製炸響鈴(我一件用清湯，一件用左麻辣湯底，雙重既感受)、手打蝦滑(幾彈牙味道很好)、XO鮑魚蝦餃王(皮唔太厚，好足料好大隻)、加埋個出前一丁飽晒！