胡爐 (已結業)

國慶夜準備去睇煙花後食一餐豐富嘅晚餐，特別訂了尖沙咀厚福街胡爐，已經想試很耐，終於有機會。地方須然唔大，但總數舒適清潔，4個人枱子就比較迫左小小，但講到食物質素，真係值得一讚，我地叫了一個四格鍋。一個鍋四種口味岩晒我唔食麻辣既朋友，但我又超鐘意食麻辣啊！其餘還有沙嗲、芫荽皮蛋、鮮茄薯仔牛腩。超值啱晒我哋花心的人。order一個手切牛頸脊、肉質柔嫩滑入口即溶，亦有牛肉味，不過不失啦。必須提就是黑松露蟹肉餃，超勁香黑松露未裏面是一些什菌菇，應該還有牛油，因為聞到浸浸牛油香味。店員仲好細心整咗一個小牌子提我哋不要滾得太久40秒可以了，還有薑蔥魚皮已經很多地方沒有得吃了，XO醬鮑魚蝦餃是不錯過的美食，XO醬好香，不似街外現成貨。會再光臨

放幾日連假又要諗下去邊度玩同食咩好西喇，記得上次喺尖咀食完醉胡爐打邊爐都幾難忘，今次就帶埋屋企人去集團另一間嘅胡爐再食過我哋被安排入房坐，地方好闊落呀！仲有部大電視，同屋企人或者朋友聚餐最適合不過 點餐紙有好多嘢食，淨係鍋底都有好多款選擇。除咗火鍋配料之外，仲有小食，差唔多想食嘅打邊爐配料都有齊曬，好豐富丫！！黎個小食先... 一口脆豆腐 豆腐炸到金黃色，賣相非常吸引！配埋炸蒜一齊食，外皮脆卜卜，豆腐香滑，完全係外脆內軟任添加嘅調味醬料.......我哋叫既湯底係卜卜蜆鮮蟹魚湯而家超抵食呀！！湯底係免費㗎！！變相又平咗底食左原隻鮮蟹好多蟹膏呀，一舊舊橙色嘅膏好鮮甜！肉質都好新鮮！店員叫我哋先飲魚湯先，之後再打邊爐，魚湯一啲都唔腥，好清甜！鍾意魚湯嘅一定要試下另外湯底裏面有非常多蜆，食極都有，超滿足芝心墨魚丸墨魚丸爽口彈牙！裏面係流心芝士，口感豐富！！黑松露蟹肉餃拼手工魚皮餃黑松露餃皮薄餡靚，烚45秒就食得！黑松露味濃，仲真係有蟹肉潻呢魚皮餃個皮夠煙韌，非常新鮮！自家製炸響鈴上碟熱辣辣，即製果然唔同啲，特別脆丫！ 大大舊，一件媲美人哋兩件蔬菜拼盤(大 )冇諗過蔬菜拼盤係可以咁大碟呀!好多

身邊有一班對食超高要求嘅朋友s,所以要揀到一間佢地覺得好食嘅餐廳真係難到嘔!但咁難嘅事我都辦到了!首先呢度裝潢古色古香,從餐桌餐椅到餐具都好中國傳統Style,我最喜歡係個爐!因為人多,我地可以叫2個湯底,分別係冬瓜花膠雞翅湯 $298同埋冬瓜荷葉海鮮湯 $268第一次食D咁高質嘅火鍋,見到冬瓜花膠雞翅湯上面咁多翅咁多料真係嚇左一跳~~咁多雞肉,真係熬幾耐依然會好甜!滾左之後店員會提醒我地先飲湯再淥~~的確湯底好滋潤好補但一D都唔油!至於海鮮湯裡面有大大隻蟹,加埋冬瓜,令湯底好鮮甜,淥肉類剛剛好~~~因為湯底已經好華麗,所以食物方面我地都唔係叫左好多,要提提大家呢度D牛肉好好味而且份量多,好抵食~好似本地手切肥牛油脂均勻,入口感受到豐富牛味追求口感的話可以食手切牛頸脊淥一淥已經食得,佢無咁肥又彈牙,牛味都幾重呢度蔬菜都幾多選擇,最驚喜係見到又大片又厚嘅萵筍,好少地方有呢個菜,放落雞翅湯度完全索曬湯嘅精華,同時有萵筍爽脆口感,可以解膩~朋友們都笑我點午餐肉,但上台之時大家都舉起手機,因為佢擺盤好精美!午餐肉都去到呢個程度,不得不佩服,當然午餐肉都好高質,唔會兩秒散曬都唔會太咸,就算被歧視

再戰胡爐之前食過銅鑼灣既胡爐，覺得超級正，知道尖沙咀都有間分店，去開果頭當然要食下啦！宮廷式既裝修、爐具、碗盤都冇變，一樣咁靚咁有feel！今次就點左上次覺得人地食好正既椰子雞湯底，上黎既時間，有成隻雞、椰青汁同秘製椰子湯，超香！仲會加酒去點燃，好似睇左個表演咁！正呀😍野食同上次一樣都咁有水準！不過今次冇叫和牛，試下手切既肥牛先！肉質軟滑又夠香牛味！又一個好正呀😍今次仲好推介佢個xo醬飽魚餃，用料高檔，辣辣地仲好有咬口，皮仲好薄，好味呀！大家都要一試！胡爐咁正，我都好肯定會有三戰胡爐啦！

網上好評的H8胡爐，一直都想試呢間火鍋，早幾日經Openrice訂位今個月有免費火焰龍蝦湯，話就話每人最少要消費滿200，其實點碟牛加個菜加渣飲品已經夠數.店面比想像中細，裝修好古典風，包括埋D餐具本身以為個火焰龍蝦鍋底係會即場炒香後加湯，有個火焰標出嚟甘嘅陣容，可能係送既關係啦，今次一煲過上台，原本呢個鍋底叫要$338店員都建議先畢碗湯飲下，半只龍蝦底下的湯都幾鮮甜，龍蝦味都幾出，湯嘅色水都好深A5飛驒和牛大$438，唔叫本地手切牛，專登試下飛驒牛，擺盤色水好靚，油花甘香，入口快融，牛味不算太濃，切得好簿鱈場蟹棒好食，鮮甜而且不貴$68炸響鈴$68，基本上每張台必點，幾鬆脆黑松露墨丸$49/半份&鮮蝦帶子餃$52/半份，都幾貴平均為10蚊一粒，墨丸味道係唔錯既，黑松露味都好大，至於個帶子餃，我完全食唔到有帶子，最多既反而係冬菇，而且好D皮好快就爛甜品係两小件椰汁榚食物同服務都幾好，只係價錢小貴，不能經常食😊

今日一行六個女仔去左胡爐打邊爐， 順便補祝朋友生日。預早book 枱好似送左個龍蝦湯底， 上到枱隻龍蝦仲識郁，好似幾新鮮。叫左啲丸， 魚， 肥牛， 餃子。 味道都幾好。有款丸叫黃金墨魚丸， 真係有啲咸蛋王， 幾正， 幾特別。 啲餃子都好多特別款， 幾得意。啲丸半份有四粒， 價錢普通， 唔貴唔平。食蛋糕收左50蚊切餅費， 但係佢只係放低左啲碟，我地要自己切。6個人連埋加一食左二千幾。因為六個都係女仔所以好飽。都唔算太貴既，但都唔算抵食。

中秋佳節，唔想老婆煮得辛苦，就同佢去咗H8嘅胡爐打邊爐。餐廳位於大廈8F，一開lift 已經見到中國風格裝修， 佈置陳設精緻有心思。餐牌上有好多選擇，老婆話天氣開始乾燥，就揀左鮮椰青雞鍋 。餐廳職員喺我哋面前烹調湯底，爆香鷄肉，再加入整個鮮椰青水及鷄湯。淨係睇職員為我哋煮湯底就已經覺得享受。職員仲細心提我哋湯底滾開之後先飲返碗椰青鷄湯再打邊爐。呢碗湯既有鷄同椰青的鮮甜味又有椰子嘅香味，真係好正！飲完湯就可以開始食鷄肉，鷄肉食落嫩滑有鷄味，呢個湯底真係無揀錯👍👍再嚟點個細嘅胡爐牛拼盤食下， 拼盤入面有牛頸脊、牛舌芯、本地牛、霜降牛粒同牛胸爽一共五款牛肉，唔同部位有唔同牛味同口感，層次十足。😍😍😍要食得多樣營養健康，淨食肉又點得：牛骨髓，口感嫩滑，我打邊爐必點嘅配料之一😆鮮冬菇，新鲜大隻，索滿湯底夠晒鮮甜鮮支竹，豆味濃，大大片口感又爽又煙韌娃娃菜，新鮮大份又鮮甜青島，有美食又點少得佢🍻🍻呢餐食物、服務、環境我哋都好滿意，絕對係個好選擇！

尖沙咀厚福街向來都多食肆，各國美食選擇多多，今次我哋就揀左呢間位於H8嘅胡爐打邊爐。餐廳裝修古色古香，既高雅又有氣派。餐牌上夠晒多選擇，淨係湯底都有十幾款，各適其式，任君選擇。秋天到，當然嚟個滋潤養顏嘅鮮椰青雞鍋 ($258)，侍應哥哥先為我哋爆香雞件、灒酒、然後再加入新鮮揶青水及鮮雞湯，湯底滾開後，立即聞到好香的椰子味同雞湯味，先飲一碗鷄湯，果然清甜鮮美，椰子味馥郁撲鼻，雞肉食落就鮮嫩有雞味，呢個湯底好飲又好食👍打邊爐又點少得牛肉，嚟個細嘅胡爐牛拼盤($398)， 牛頸脊鮮嫩、牛舌芯爽中帶少少嚼勁、本地牛爽嫩、霜降牛粒鮮嫩腍滑、牛胸爽爽脆，呢個拼盤一次過可以食到多種唔同味道、口感嘅新鮮牛肉，最適合我呢D牛魔王😍有鮮甜嘅湯底當然要揀返D索到湯底鮮味嘅火鍋配料：牛骨髓($58)，大大盤新鮮幼滑。鮮冬菇($48)，新鲜量足鮮支竹($48)，爽中帶少少煙韌娃娃菜($48)，新鮮清甜，索完湯底鮮味更好食總括嚟講，呢度打邊爐食物材料新鮮、侍應服務殷勤， 會好主動幫我哋換碟、加湯底；餐廳裝修漂亮舒服，整體感覺好好，值得一讚👍

一試會愛上😍，我仲不斷推介比朋友們🤗我地揀咗卜卜蜆鮮蟹魚湯鍋個職員都叫我地飲咗個湯先既一飲落口已知係心機湯又足料❤️啲海鮮超新鮮重點係飲哂個湯底佢係會不停加番原本我地叫既足料湯所以友人們飲湯可以飲飽野食方面我地揀咗本地牛個牛好鮮味，豬頸肉好爽口響鈴魚皮亦係新鮮炸另有叫珊瑚蚌、原隻貴妃蚌又係好鮮甜爽口黑松露墨魚丸個松露釀係入面又香又彈牙，唔係膠既彈個脆鯇魚腩又係爽到呢叫既食物太多喇基本上叫既都係好好味😋😋可能我同我啲朋友屬大食仔以上只係6人共享😜😜仲要合理價錢店員好nice**絕無收錢地推廣🤣🤣**

今晚帶朋友來試試這間之前來過既火鍋店，我同佢講這間野超好味，叫佢一定要來試！今次都係選了椰士雞鍋，因為之前試過覺得個湯好甜，雞又好滑！所以　encore!侍應會加酒炒炒那個雞，加入原個椰青，再加椰醬湯，加酒炒再點火果一下真係好好睇，當然要拍下呢一刻啦！個湯底其實有三個層次，最初剛滾，比較淡口，有椰子香味，輕微甜度！滾耐左就味了，就好清甜，最後添加骨湯，就有濃濃既肉味！餐紙上有數款牛，其實真係吾識揀要邊款，好喜歡餐廳有說明分別，我選了本地牛肉，非常好味，咬落去好實在好有趙口，好煙靭！黃金墨魚丸係好好味，呢個配搭都好　match, 之前來叫開半份，但覺得吾夠喉，所以今次選了一份滿足下自己！魚皮即叫即炸，好好食，好脆又夠厚身！即使放最後才吃，依然卜卜脆！椒鹽魷魚略為失色，粉夠薄但吾夠椒鹽味！

呢排食宵夜嘅心癮好大， 收工就梗係捉男朋友陪我去食， 男朋友話想打邊爐，於是我哋就揀咗葫蘆系列嘅餐廳去食， 而我哋就去咗最近 尖沙咀厚福街呢間，因為近我收工，哈哈 呢間嘅裝橫 同其他唔同， 行台式風格，帶啲古典嘅味道坐落後，我哋首先叫咗個湯底先，分別係 胡椒豬肚湯同牛乳花膠湯 之後就叫咗 一條象拔蚌刺生食住先 價值888 象拔蚌新鮮鮮甜好爽口 一片又一片咁夾入口真係停唔到 完全係同男朋友搶住食 食完刺身個鍋就滾到 啱啱好，夠曬入味胡椒豬肚湯 味道濃沃 好開胃，啲酸菜 吸曬湯底嘅精華 夠曬入味，豬肚分量又很多。 另外牛乳花膠湯， 有埋木瓜成份， 湯底鮮甜，椰奶味很重，兩個湯底都冇揀錯之後我哋就點埋啲配料 有黑松露墨魚丸黑松露味很濃，墨魚丸彈牙爽口本地手切肥牛雪花均勻 牛肉味很濃 入口即溶雜菜藍 有白菜 油麥菜 生菜三款蔬菜 都 好新鮮之後男朋友仲嗌咗支泰啤，keep住開胃

今次第二次黎尖沙咀呢間食 上一次去銅鑼灣個間 個人比較鍾意銅鑼灣個間今次book左枱 有個冬瓜翅花膠雞湯底 原來送既唔係原隻冬瓜 係冬瓜片 不過味道都ok 送既唔要求咁高叫左手切牛脊 肉夠淋 ， 牛𦟌爽爽地各有各好黑柏葉淥5-6秒就食得 正！最好食係桂花蚌 甜甜地 好爽口桶蠔就麻麻地 一桶有成7隻 但隻隻都細隻 同平時食開既有d唔同 其他配料都中規中矩 係好食既 菜新鮮 餃類同丸都ok 當日見到佢有椰汁糕 但佢無送俾我地食 有點失望🤨 整體食物ok 值得一試

今次係第二次嚟食胡爐，之前試過佢哋個龍蝦湯底，好鬼死正！今次就黎試吓佢個鮮椰青雞鍋，個鍋上左雞先，然後再上埋原個椰青，直接到晒成個椰青嘅椰水落去個鍋，超鮮甜呀！然後侍應會淋上酒精，點火！冇諗過食過雞鍋都有火焰嘅效果，好開心！然後再倒埋自家湯底，完成！點左個牛肉丸，質感非常彈牙，肉香味道濃，而且咬開好juicy 好多汁！！打親邊爐我都會點萵筍，冇原因地鍾情於佢，呢度嘅萵筍都好新鮮，而且都算切得大塊。另外點左個西班牙黑毛豬腩肉，都幾大塊，油脂分布都算平均，好食！

尖沙咀厚福街H8 好多野食，今晚就揀左胡爐，打邊爐！平時一係去酒樓打海鮮邊爐一係就去大陸食椰子雞，今次朋友話去試吓呢間有啲特色嘅打邊爐，就睇吓有咩唔一樣。一入到去就發現唔單只係平日嗰啲麻辣鍋，海鮮鍋等等，佢仲有好幾種唔同嘅選擇甚至將個鍋分成四格都仲得。諗一輪，一於就試吓佢嗰個椰子雞煲同大陸嗰啲有咩唔同啦。佢呢個喎叫做先鮮椰青雞鍋，首先上咗一個有雞有椰青嘅鍋，侍應再加燒酒即場炒，再落咗一個椰青水同埋雞湯落去煮，滾起左之後侍應就叫我地試咗個湯底先唔好曬咗佢，可能係椰青水嘅關係同其他雞煲嘅味道完全唔一樣，係真心好鬼清甜，忍唔住就已經係食所有野之前飲咗兩碗湯。咁除咗雞煲有雞之外，我哋仲叫咗烏冬，雜錦菇，冰豆腐，牛展粒，自家製響鈴，醉鴨舌等等。當中我最愛嘅就係嗰個冰豆腐，因為佢係個煲入邊吸晒清甜嘅椰青雞湯，真係好好食。至於對鴨舌，都落足料一碟有成20粒，用來做佐酒小食簡直係一流。另外響鈴亦都係另外一個兩點,絕對唔係出邊嗰啲，係淋既或者好硬嘅響鈴，佢呢啲脆卜卜，諗起都好想再食。打邊爐呢加野好食嘅嘢實在太多但係個胃大細就有限，下次一定要試吓佢其他嘅野，例如西班牙黑毛豬或者係日式和牛啊！

今日尖嘴收工唔知食咩好，見呢幾日秋風起，於是同事建議去厚福街間“胡爐”打邊爐。我抱住一個打邊爐來來去去都係咁架啦既心態去, 點知竟然有超大既驚喜！！ 一入到去，雖然個地方唔大，但係個裝修非常別緻，好有中國風既感覺，就連餐具都非常精美。特別一提係個“湯殼”，同傳統既好唔同，係一半有蓋的，防止食物滾下滾下時漏出，看得出設計係有心思既。 一黎我地就試左佢既招牌菜“鮮椰青雞鍋”，原來係會即刻喺你面前炒的，係新鮮椰青，仲有火焰噴出，好新奇，未食已經聞到好香既椰香味！令到本來都唔係好肚餓既我，忽然覺得好肚餓 侍應還溫馨提示我地可以先喝湯，個湯真係好清甜，好有椰子味。 跟住主菜就黎喇～ 頂級霜降牛柳粒哇！係入口即融，牛肉好淋，而且好Juicy，好有牛肉鮮味！XO鮑魚蝦餃王我地兩個人怕食唔噻，於是叫左半份，呢個鮑魚蝦餃王表面平平無奇，但原來一咬開係非常豐富的餡料，鮑魚粒同蝦都非常足料！！好有咬口！！ 貴妃螃我地叫左一份時令菜色，貴妃螃。我本身打邊爐好怕叫海鮮，因怕腥味同唔乾淨。但呢個貴妃螃完全洗左我呢個印象，口感非常爽口，完全不腥，沒有沙！非常新鮮！！我個friend見我喜歡吃，仲讓埋剩下果隻給我