胡爐 (已結業)

今次黎到尖沙咀胡爐, 因為見到openrice食滿$200就送一個卜卜峴湯, 好抵食喎, 因為基本上都食過$200, 去到先醒起屋企人唔食海鮮, 都無所謂啦一場去到, 就叫左另一個椰子雞湯, 店員都即場炒熟d雞, 再加入一個椰青同湯底, 滾左之後即刻飲一碗, 真係好甜好好飲!!而且都有好多雞肉, 淨係食雞都飽左1/3啦!另外叫左一碟牛頸脊, 黑豚肉, 菜, 牛汁芝士丸, 墨魚滑, 同埋蝦子生麵!原來細份既牛頸脊已經係咁大盤, 而且切得幾厚, 肉質超淋, 大推!黑豚肉就普通, 第一轉烚得太耐所以好鞋口, 第二轉就滑d!牛汁芝士丸同墨魚滑都好彈牙, 仲有汁架! 好好味!!!菜拼盤都好大份, 洗得好乾淨, 好新鮮!火鍋黎講有蝦子生麵都好特別, 所以就叫左一份, 生麵好彈牙, 而且都比左幾多蝦子!最後餐廳仲送左椰汁糕, 好清甜, 凍凍地解油膩感一流呀!

食過好多邊爐，但講到真係好值得encore真係非胡爐莫屬，用料新鮮又高級，真係食過返尋味，今次帶屋企人黎食，完全冇令人失望店員介紹呢兩日新出左個佛跳牆煲，梗係要試試，一上台真係嚇一嚇，鍋底超級足料，有鮑魚、花膠、海參、魚肚、冬菇、雪耳、火腿，湯底飲落係原材料既甜，淨係食個鍋底加飲湯都已經非常滿足白鱔片，出面真係好少食到咁新鮮，肉質鮮甜鵝腸好新鮮爽脆而且份量好多牛汁芝士丸同蟹子蝦丸，牛丸有牛汁芝士超惹味，蟹子脆口加埋彈牙蝦丸好正黑松露蟹肉餃，濃濃黑松露味好香牛骨髓大大條炸響鈴同魚皮一上台熱辣辣真係現場即時炸野菌拼盤，菇既種類好多打邊爐點少得凍豆腐索晒湯汁好好味最後係蔬菜拼盤，好大盤而且眼見菜都洗得好乾淨，呢餐真係超班之選

出去打邊爐貴就預咗㗎啦，不過最怕就係又細碟又唔好食。好彩搵到呢間胡爐系列嘅邊爐水準都好平均。今晚凍凍地食返啲養生野先，揀咗椰子雞煲，首先店員會親自炒一炒啲雞然後再落一個新鮮椰子水加埋雞湯一齊煮，食之前可以先飲一飲手切肥牛細碟但份量都幾足黃金墨魚丸，入面包住少少鹹蛋黃，彈牙得來又有啲層次另外叫咗平時少見嘅龍躉片，比起普通魚片厚身好多，彈牙得來又啖啖肉另外雜菌拼盤份量都幾夠唔會呃人錢，唔使淨係食肉啦。

卜卜蜆蟹煲湯㡳好咸 蜆肉其實都ok，蟹就正常無特別，牛肉都ok但不是出色，響令唔趣唔新鮮，仲有68蚊一碟四粒細細粒既䳘干蝦丸，還境走中國風路線，服務可接受，只係兩個人打邊爐千二蚊真係有啲唔值

首戰胡爐，正！有朋友之前介紹胡爐，話環境又好、食物質素又好喎，所以點可以唔試呀！一入到去，宮廷式裝修勁吸引，好似去左古代咁，做皇帝嘆美食咁！湯底叫既椰子雞湯，勁足料！真係用左半隻雞同全個椰子水去煲！超fresh，勁養生呀！ 不得不提係佢個手切肥牛，超正呀！牛肉味勁香，又有油花，完全每一口都係享受！另外，黑松露墨丸都一試難忘！唔好以為將黑松露放去打邊爐會冇晒香味！正正相反，超香超正呀，而手打墨丸又彈牙，高級用心做果然不同！仲有其他野都好好味又足料呀！美中不足係2個人食唔到好多，下次一定要同多啲人食晒呢個出色火鍋店既menu呀！正！

今日同屋企人去尖沙咀行街加食飯,見天氣涼涼地,所以最後都係去打邊爐。我地大概6點半左加上到去,可能因為早既緣故,所以唔使等位,但你到7點幾開始就多人啦,到我地走果陣大約8點半,D人上到黎已經開始要等位,所以如果要去,建議BOOK位穩陣D。佢哩間火鍋店有好多湯底可以選擇,價錢亦都好親民,就算一個$300幾蚊既湯底價錢中等但用料上乘。係我地正考慮湯底期間,店員向我地介紹新出既『佛跳墻燉湯鍋』,既然新出既就試下啦哩個鍋入面有鮑魚、海參、花膠、魚翅等等材料,香味濃郁且真材實料,滋補養顏花膠又大又厚,女性既恩物爽脆既鵝腸左邊係鱔片,一片差唔多有我一隻手掌咁大片右邊係黑松露蟹肉餃,兩者配搭得宜,十分鮮味。粗壯既牛骨髓,因為食料新解,所以有腥味芝士牛太同蝦丸入面裝滿芝士,一咬就流曬出黎新鮮既蔬菜拼盤

宜2日真係凍到唔打邊邊唔得了.同班FRD慶祝生日係厚福街H8幢野揀左宜間胡爐試下揀湯底上Openrice立下眼見到宜個四格鍋都幾多人叫又見一個鍋可以滿足4個願望所以就決定了宜個了食完之後,我都會推薦宜個喎!4格係唔係淨湯,格格都足料嫁喎omg清湯 (芫荽皮蛋豆腐馬蕛)蕃茄(薯仔牛腩)沙嗲(腐竹,豬皮)麻辣(都真係幾辣嫁下=p)叫了響鈴食快快脆有得食(其實一碟係有5-6條,但班友好快就開動了lol)宜度響鈴真係做得幾出色喎!!浸一浸湯上返泥唔會即刻林唒無口感仲有少少脆同埋唔會好油益味! 讚嗌左唔少野食, 但都唔記得影相嚕個牛都幾高質的 唔會太肥又幾有牛味overall d野都無咩邊樣失望的~~回頭度高的!會再泥食heeheeps星期日晚去食, 都幾full嫁喎!! 

見到宜個湯匙，就知我又泥左胡爐了！因為宜個湯匙有一邊俾你隔走ｄ湯，我覺得係一個幾特別又細心既設計！實用！話說我上星期先去完銅鑼灣個間胡爐打ｂｉｎｌｏ。由於太高質既關係，決定再戰尖沙咀分店ｈａｈａ！！！不過兩間ｍｅｎｕ有ｄ唔同的啊～今次同daddy mammy泥食^^其實有好多款牛揀，但見到手切肥牛有２種。一個係比較有牛味，軟有咬口；另一個牛味較淡，較林，易咬。同兩老食既關係，我好不猶豫揀左後者。就係牛頸脊。有大中小份量揀的。我叫的宜個係＂中＂既份量泥～　果然，真係唔＂ｕｎ＂，兩老話好易咬，表示好滿意！所以要確保唔ｕｎ的話，我諗嗌宜款係穩陣的今次仲試左個芝士牛丸，真係爆芝士嫁下！食個下真係要小心＞＜幾正的啊！一份有４粒的，只係未影相就急不及待扔左一粒去淥了：ｐ宜個帶子係朋友推介我試下的，因為佢食過覺得好鮮甜。於是我就嗌了。原來可以２食，生食ｓａｓｈｉｍｉ又得，擺落湯淥下再食都得～嗯！係幾唔錯的，大大隻，好肥美最後餐廳送了個椰子糕俾我地食：）幾香的啊～

好耐之前食過一次，個雞非常有雞味好好食咁岩女朋友鍾意打邊爐，所以周年紀念特登過黎但好失望，個雞好普通，完全唔係第一次食既水準叫左好幾款食物，公道黎講正正常常，但唔值呢個價錢好彩做緊優惠免左湯底，抵番少少服務喺呢個價錢係合格既，因為我帶左個蛋糕同女朋友食，咁兩個人梗係食唔哂，待應好貼心咁留住個盒，等我地可以打包番屋企食

天氣開始凍, 又係打邊爐既好時候(雖然香港人一年四季都係打緊邊爐 😂 😂)今次揀左呢間尖沙咀既胡爐一上到去發覺都幾細 唔算好多張枱而家枱與枱之間又好窄服務員好容易行過會撞到你湯底我地揀左鴛鴦鍋四川麻辣配北海道牛乳花膠豆腐鍋白湯個邊成晚都好似滾唔起咁 同埋個湯都無乜味紅湯個邊麻辣唔錯! 小辣都好辣!!!落單既時候都已經發覺係偏貴架喇落完單上菜既時候見到份量咁少就覺得仲貴……. 但質素係可以既!手切牛頸脊 $288 (小) 西班牙黑毛豬豚肉 $168牛頸脊牛味濃 細既都夠三個人食個人對豬麻麻地 但呢個豚肉都幾好食 好薄一淥就熟豬肺 $48唔係間間都有豬肺可以打邊爐 見到就即刻叫左乾淨既 但唔知點解淥極都唔腍既…. 有D失望..手打蝦滑 $98 同我拳頭差不多大而已..黑松露墨魚丸 $49 半份4粒NOTHING SPECIAL另外仲叫左自家制炸響鈴,蓮藕片,西洋菜,娃娃菜同埋薯粉係幼薯粉黎既…. 個人喜愛扁身闊薯粉多D但都好食既 因為個麻辣湯底真係唔錯!!! 好夠辣😋最後3人埋單每人$500總括而言 唔差 但都唔係特別好食 可一不可再

入秋又係打邊爐嘅好時機今次一行七人去試新餐廳人均消費滿二百蚊就會免費送一個鍋底可以揀麻辣雙拼或者龍蝦海鮮我地就揀咗台灣青麻辣鍋拼北海道牛乳花膠豆腐鍋 有辣有唔辣 大人小朋友都食得 湯底一滾就先試味 牛乳花膠豆腐鍋我飲咗幾碗 滋補一下食肉獸就叫咗飛驒和牛肉眼A5 呢個牛入口即溶 油脂慢慢係口內迴旋 飛驒牛真係無得彈 頂級霜降牛柳粒 一粒粒好方便每粒都咬口 而且肉汁多即刻好想叫碗白飯手切本地肥牛 唔係凍肉鋪嗰隻 係新鮮肥牛 脂肪唔會多過肉美國桶蠔 肥美鮮甜 仲要大size北海道帶子片 刺身食用一流黑松露墨魚丸 牛汁芝士丸 呢兩款我地總共叫咗2 round 墨魚丸咬落去每啖都食到香濃黑松露 芝士丸爆汁 仲有豬紅同響鈴 打邊爐必食 最後仲叫個娃娃菜 索埋湯底食😋榴連愛好 必試炸榴連 入面係滿瀉嘅榴連肉 好幸福飲品就有酸梅柑枯蜜同竹蔗茅根水 普遍大家都認同柑枯蜜比較出色 更解渴 食完呢餐個個都捧住個肚走

今晚同同事出黎聚舊吹水，揀左呢間胡爐火鍋店黎試下。夜晚7點黎到唔算多人，職員好快安排左我地入座。店員推介呢度既奄仔蟹花蛤湯底，本著試新野心態一試無防。湯底上枱時已經聞到有一陣海鮮芳香，試下啲蟹肉好實淨同好有蟹味，再飲一談清湯都清甜，絕對唔係一般既味精湯底。我就比較鍾意食丸類同餃子，叫左一個牛骨牛汁丸同西洋菜鮮蝦帶子餃，兩款食物都屬性水準之上。同埋呢間鋪頭特別之處係有一份同半份既選擇，啱晒我地呢啲眼闊肚窄，又想試好多野既人。而我朋友就叫左一個牛肉拼盤，最特別既係有一款係牛胸爽，店員更細心通知我地碌8-10秒就可以食得，碌得太耐就會唔好食，其他牛柳粒，牛肩脊各個部位口感同味道都各有不同，一個拼盤就可以試齊晒咁多部位簡直係超值。此外，呢度整體環境唔算好嘈，同朋友傾偈絕對係一個好地方。

同朋友黎左Tst 食dinner, H8 商場勁多野食，朋友話之前食過銅鑼灣果間好好食，所以我地就一於試埋尖沙咀呢間。一上到去，環境好舒服，好有古式既氣派，朋友話想食海鮮，就叫左個海鮮煲，有蜆有蟹，一黎到就話煲沸騰之後就可以飲湯試下先，之後再食蟹，蟹就一隻好大隻，肉好多，超甜超好味。之後叫左個牛拼盤，牛肉質素好好，成個拼盤有四款牛，牛橫格膜好得意，推薦！仲叫左beer 飲，叫左啲丸同菜，好滿足既一餐，下次人多啲都會再黎。

晚上9:00，話二選一火焰龍蝦湯底，然後一句話要預早定無，要揀過第樣。食物質素一般，未至於話好好味，記住湯底已經係免費，3個人食多謝成為$1380.我地食完只好講，食番個食評，忠告其他人，然後自己唔會再嚟。。。

11月期間透過openrice訂位可免費送火鍋湯底（人均消費要過$200）。聽聞呢間麻辣好食所以放棄最貴既龍蝦湯點了麻辣及杏汁豬肺湯雙併。結果湯底係令人失望的。先講麻辣湯底，有麻味但沒麻香，到中後期時更加沒有什麼味道。裡面有豬皮可食。習慣煮火鍋配料前先飲一啖湯試味，飲完一啖我同個朋友對望........嗯...好淡好淡的杏仁味而且不像是熬出來的杏汁豬肺湯底，但亦需要讚下，豬肺份量足夠，而且夠腍，亦沒有內臟味。8款配料任均選擇，餐具乾淨大氣。冰豆腐很好，大大舊。能完全吸收麻辣湯的精華，價錢合理。這個炸鮮魷，炸漿太厚，唔夠熱，沒味道。不食也罷。坐成晚果壺茶只有一個茶包，去到中期時已經沒有茶色、茶香，更別說味道。整體來說，價單屬中高消費，但環境、食物質素和細心程度都有待改善。暫時是可一不可再。