肥姐小食店

營業中

休息中

每次行過肥姐舖頭，都是大排長龍。幸好，每次排五、六分鐘，便可順利買到美食。因有選擇困難症，所以買了大皇牌便算。大皇牌包括: 墨魚，大生腸及火雞腎。店員好快手把三串食物放在纸上，就問要吾要 芥辣，即食定帶走， 很快便把食物遞給我。墨魚及大生腸好厚切，口感好實在。墨魚好煙靭，大生腸好爽，火雞腎有少少脆口。配上秘制醬汁及芥辣，味道即時提升。

：皇牌（墨魚 生腸 雞腎 各一）加多一串墨魚 $36身邊好多朋友知道我唔食內臟都會鬧我😂我知我錯過左好多美食，所以次次陪爸爸黎掃肥姐街，我都剩係食墨魚或者豬耳。馳名既生腸 我一舊都冇食過，不過你見佢條人龍冇停過，就知有幾好食喇！💁🏻最鍾意就係超爆多芥辣 辣到好鬼爽💦 而且墨魚真係好彈牙好好味呀～

每每經過都排左條人龍，同學仔話不食不可，兩條友就加入，齊齊排埋一份。一定一定要食皇牌，皇牌－生腸、墨魚、火雞腎（HKD26)醬料務必要有，提升晒成個皇牌味道個Level⋯⋯生腸超爽脆，完全無韌嘅感覺！好似係個口到彈下彈下咁，大愛！火鷄腎亦都非常爽脆鬆軟，真係超正同超惹味！墨魚就更加不用講，完全係正呀！食完真係會想再食的，十分衛生，整潔，一分錢一分貨！下次買個大皇牌，唔係咁夠喉，依家又想食喇！

是的，來到旺角又怎可能不去排隊買肥姐，變了我們來旺角必到的行程之一！點了皇牌-生腸、墨魚、鴨腎，水準十年都無變過咁！一樣咁爽脆有味！配埋黃醬同甜醬才是皇道，更加惹味！長期排隊是有原因的😝

好后悔没多买几串 大排长龙的店 雞肾超级嫩生肠好好好食啊 脆脆滴鱿鱼不是很合胃口种草鸭舌同猪耳朵吃了还想吃的店啦虽然排队好长有排两排啦但埋单速度很快啦 排队唔需好长时间

之前食過之後一直心思思想再食喺旺角登打士街嘅「肥姐小食店」，今日我們特意再去買嚟食！我們買咗個大皇牌套餐：大生腸、火鷄腎同鴨舌！大生腸極之爽滑彈牙！火鷄腎非常爽脆鬆軟，完全無韌嘅感覺！鴨舌相當爽口軟滑！加上惹味醬料一齊食，真係超正同超惹味！所有食物都依舊清潔得好乾淨衛生！

肥姐小食店門外無時無刻都是人龍，隊中有不少都是慕名來的遊客。上一次吃已是數年前的事，數年後的今天，所售的食物一樣，食物價錢卻差不多翻了一倍。隊中約有二十餘人，輪候的時間很快，大約排了3-5 分鐘便購得食物。買了墨魚和鴨舌各一串，每串$12。店員首先把食物淋上鹵水汁，然後再加上甜醬和芥辣。墨魚肉質彈牙，鴨舌質感正常。鹵水汁不會太咸，可是上面的甜醬實在太多太咸，需用紙巾抹去部份甜醬才能入口。整體來說，不認為食物稱得上好吃，也許人們大多是羊群心理。

今日同朋友一齊去旺角 大家又提議去到呢間小食店到排隊買 今次一人一串我都係依舊叫咗我嘅例牌大墨魚 墨魚今次新鮮度比上次更加高 因為肉質更加爽口 而且彈牙得嚟又夠滑 再配上佢哋獨有嘅醬汁口感層次比以前更加高

我相信比姐小食店對好多人嚟講都唔陌生我都唔例外 由中學時期開始就差不多每次去到旺角都係必去嘅地方 基本上肥姐小食店一日任何時候門口都排著一條長長嘅隊無論外國人香港人定內地人都好鍾意呢間小食店小息點最出名嘅係大墨魚由於我唔太鐘意食動物嘅內臟所以每次都會嗌大墨魚紅腸 今次一次過叫咗兩吋大墨魚大墨魚食落口雖然凍凍地但係 有墨魚鮮甜味咬落彈牙嫩滑 加上秘製醬汁令人一試難忘食完再食 不能自拔

導航找到，一家街邊小店，沒有座位，買了站在路邊吃，但是排長隊哦。吃串串的。品種有點多，不知道點什麼，就點了招牌上推薦的招牌三寶。大生腸、墨魚、雞腎。紙包的，撒了甜醬，也可以撒芥末。涼的。看著不太想吃，不過吃完直呼好吃呀。特別好吃。腸和墨魚都很脆，入味，帶著甜醬真是回味無窮。

最記得以前放學嘅時候，成日求媽咪買串魚蛋啊、牛雜啊比自己，仲會因為咁答應咗媽咪好多條件，一定會完成當天功課啊，考試考前十啊，宜家霖翻起都覺得搞笑！今日又來到肥姐呢度，試翻原來嘅小食，真系好有感覺，雞腎魷魚仲系咁好食！但佢D醬料比以前稀釋咗嘅感覺，無以前咁濃郁但系肉質嘅味道仲系以前懷舊嘅味道

旺角應該係好多人既天堂, 因為食既買既咩都有, 掃街既, 旺角最有香港特色應該以肥姐可以為榜首!唔好睇佢舖仔細細, 入面d員工人數真係多達10個人!而且每次去親都一定有一條隊係度, 真係做到入面d員工有氣冇頂抖..不過睇你好冇彩喇~有時週末下午時間都會有比較少人既時間雖然每次排隊既人都好多不過因為佢既既只工好有程序咁做野, 所以就算多人都唔會手腳亂, 頂多5分鐘內一定可以買到.皇牌套餐-墨魚, 大生腸/細生腸, 雞腎, 真係每次必叫!生腸呢d既特別在於o係處理完, "老"完之後再將佢雪凍, 令到生腸食落口可以保持原有既爽口感覺, 配埋佢地既甜醬同芥辣醬真係冇得頂

每次黎旺角（掃街)，都會黎肥姐小食店買幾串火鷄腎解嘴饞，既使每次黎都排長龍，都係值得嘅。火鷄腎，每一塊鷄腎非常厚實，濃郁滷水汁與鷄腎融合好夾，既冇腥味又令到鷄腎鹹鮮爽口，再加啲辣醬更加惹味！

每次行開呢頭都會買來食，26蚊3串，雞腎爽脆，無陣臭味，生腸今次食無咁爽，仲有d咸，魷魚清新，淡淡地，好味，今次既汁水同之前有d唔同，咸左d，搞到食唔到食物原有既味道！

每次嚟旺角行街，都會特登去肥媽小食店買幾串大生腸，火鷄腎，加啲芥辣醬，十分惹味！大生腸，口感嫩滑爽口，滷水味完全融入生腸裡面，鹹鹹的十分入味！！火鷄腎，十分厚切，鮮嫩彈牙，滷水味濃郁香甜，一啖啖停不了口！