肥姐小食店

網上超多人講好好食，平時經過亦都見佢大排長龍，今次就特登過海嚟旺角試吓佢有冇真係咁好食，結果係超級有驚喜㗎！今次試咗大大皇牌$50先講中間啡色嗰個 佢係雞腎，佢個口感超級煙韌，勁有咬口，食食吓味道就越來越濃。右邊橙色嗰個應該係生腸唔知點解有少少螺絲粉嘅味道，口感好Q彈煙靭，左邊嗰個應該係魷魚 好有彈性 個魷魚嘅肌膚仲嫩滑過我 魷魚味唔重但係口感好正總括 好鍾意甜豉油嗰隻味 上面啲醬配搭得好好超級惹味 每一個都好煙靭有唔同嘅口感 要我揀一個最好食我會揀雞腎因為我超級鍾意佢個口感 最慘淨係得旺角有 好正！…Read More

我食呢間串燒店食咗都有10年，佢嘅位置位於廣華醫院對面的登打士街，主要售賣滷水串燒。自己好鍾意食生腸，原來係豬的輸卵管，串燒用唔同啲滷水汁製作，生腸和大腸都是橙色，口感爽口彈牙，配合秘製醬汁、甜醬和芥辣，味道複雜多層次，令人回味無窮。其他部份有豬肝、豬心、豬肺等，其實我唔係好識分辨，總之就好味，好似至少食三四串。不過三相經常好快售罄，要買就趁早。店舖外面冇以前咁多客人排隊，但經營咗咁多年，捱埋個疫情仍然屹立不倒，證明佢嘅實力。…Read More

呢個都唔洗我點講,基本都知....每次經都排滿人~~呢間鋪年年都會拎米芝蓮,但對香港來講對米芝蓮係又愛又恨,因你一米芝蓮就要加租~~所以好多時店主寧願唔拎米芝蓮,好食ge野,唔拎都會排滿人食..最出名3寶(生腸,雞腎,, 墨魚),我左個大皇牌$40,味道同以往食開一樣冇變到,好多都係企係側邊食完先走.旅行經過可以去試下!!…Read More

肥姐小食店果然十年如一日, 食物和人龍都是。都有不少人排隊, 還好不用等很久, 五分鐘內便取到食物開餐, 合乎香港人的生活節奏, 我喜歡。可惜的是小生腸和豬頭肉已經賣光, 但都點到皇牌, 都算欣慰。火雞腎和墨魚我還好, 大生腸很爽口, 沒有異味, 清潔功夫做得很好, 吃得安心, 斷口性好, 想不到涼拌串燒都那麼好吃, 真是值得光顧。我還點了豬頸肉, 好吃耶, 想不到不用熱食都可以那麼好吃。醬汁給得很足, 但芥末有點太多, 可以少一點, 可以自行選擇撥走, 但店家給得很足料這一點很值得一讚。…Read More

肥姐小食呢，其實都算幾有特色嘅。佢個冷鹵串味道幾特別，鹵水味幾夠，但可能因為係冷嘅，確實帶少少腥味，唔係人人都接受到。個芥末醬同特調醬勁度幾足，鍾意刺激口味嘅人應該會鍾意，但對我來講有啲過火，食多兩啖會覺得有啲頂。話雖如此，佢嘅食材算新鮮。如果係想試新口味嘅朋友，其實可以一試，但建議一開始唔好點太多，先睇下自己受唔受得住呢種風味啦。…Read More