肚餓了串燒烤焗專門店 (已結業)

好少覺得串燒餐廳難食：因為只要落得夠多調味香料嘅話通常都幾好，不過今次真心失望。見到排名咁高梗係去試吓，價錢唔算平，食物嘅款式都算幾多。先講令我失望嘅其中之一：蘆筍！！！！條蘆筍勁老勁多咋，味道正常但係實在太油不過孜然粉落得好多所以蓋過晒所有味道完全食唔到食物原本應有既嘅味道！！另外呢個安格斯牛粒！！！！上碟時切開咗5份，入邊有三份都係唔入得口，因為超多根位我直情哎唔開，可能揀嘅位置差，就算連佢比較好嘅位置雖然未至於咬唔開但都好銀！！！雞泡魚干！！！！都好難食，好似我之前喺韓國買返嚟嗰啲要自己翻熱既雞泡魚干，上面就咁擺啲醬汁- -鹹蛋黃嘅薯條！味道正常但實在太過油膩！基本上比起平時嘅薯條油3-4倍數，見佢有幾樣產品都係黃金系列，所以我哋另外叫咗一個墨魚咀！一定唔好點！！！呢個又係經典之作，基本食落口嘅唔係爽口彈牙嘅口感，而係有淋又油！當晚唯一比較好嘅我覺得係茄子、因為蒜蓉落得超級多，有炸蒜同埋普通嘅蒜蓉，兩個口感加埋再配埋香料算係呢餐比較好食㗎啦。

happy Friday當然要同朋友嚟食吓燒烤，嘆杯啤酒啦，咁樣先係寫意人生㗎嘛。試新野，見到覺得名幾得意就試下！有好多手工啤酒揀！好特別揀左呢款青瓜味酒。好易入口，女士都好岩飲，但係少少淡淡青瓜味，唔會好似食青瓜咁勁！燒蠔，反而配料個醬整得幾好味，甜甜地，為整體加分！燒茄子，好大份好大條。原隻魷魚，一人一隻，好有口感燒得啱啱好，唔会好晏硬，又好有咬口！兩款雞翼一款係辣到跳舞嘅雞翼，真係好辣。對於唔食得辣嘅肥肥來講，太辣，我係不斷飲凍飲解辣！雞翼内有乾坤，呢款係肉汁香燒餃子雞翼，唔辣，但係入面有啲餃子肉咁，好有咬感，好特別。叫左好多串燒，好欣賞佢D串燒唔會只得孜然味！有D餐廳真係千偏一律棉花糖西多，見到menu覺得好特別，所以就叫左啦，但見到一刻覺得好好笑，其實係好簡單嘅食材，不過咁樣加埋mix埋，原來又幾好食，幾得意！棉花糖軟、西多脆，兩重口感

約左朋友聚餐，佢指名想食呢間位於尖沙咀既串燒我都係鍾意食串燒既,所以一拍即合！餐廳裝修比想像中好, 沒有一般串燒店的油煙及味道，坐得很舒適！黑板上寫滿推薦菜品，未開始食已經好期待！每台都有三罐味粉，重口味人可以自己額外添加味道。其中個辣椒粉應該係四川乾碟，不算很辣但非常惹味黃金炸雞$58炸到外脆內軟既雞腿肉外皮淋上大熱的鹹蛋黃醬，非常邪惡但真係忍唔到手真係超級推薦！！而且份量好大，兩個人根本食唔曬，好抵！黑松露廣島蠔$58@2用了大量雜菌以及黑松露一齊燒既蠔，好特別。不過蠔不算大隻，如果可以大隻d就算貴d我都會覺得更好呢微辣肉碎茄子$49這個又係非常好食！！帶有麻辣味既肉碎鋪上茄子上，比起平常既燒茄子更惹味，而且又冇咁油，味道有d似係麻婆豆腐既茄子版。鍾意食川菜或茄子既人一定鍾意西京比目魚$88魚肉有三大塊，燒得好嫩，可惜味道比較淡鹽燒牛舌$59我真係未食過咁厚切既牛舌，每塊都有一個細雞蛋咁大，啖啖肉好滿足！鹽燒鴕鳥肉$29第一次食鴕鳥肉，沒有我擔心的怪味，反而口感和味道都同牛肉好似，可以試下新食材燒豆角$25雖然不算太特別但係都幾好食！這間串燒既味粉好正呢間串燒份量比較大，所以我地真

今晚同朋友2個人去咗尖沙咀食串燒~Menu都好多嘢揀~ 基本嘅雞豬牛羊當然唔少得，海鮮種類都唔少，蔬菜款式如下，竟然冇金針菇….太可惜了飲品以酒類嚟講都算幾特別一坐低，叫咗支pear Cider嘆下先，串燒最啱送酒~雞肉串 - $39，一碟有2串，件件都好厚身，味道偏甜，撒啲孜然粉喺面食仲正！肉汁燒雞翼 - $30，一碟，唔算太大隻，但勝在真係好多肉汁，不過一碟得2隻，價錢偏貴！蒜蓉茄子$49一條，呢樣係全晚最好食嘅一樣，超多蒜蓉鋪喺茄子表面，茄子又燒得軟熟，對於我呢個蒜蓉控嚟講真係冇得頂!!羊架（$98）呢個羊架份量十足，大大塊，燒得啱啱好，肉嫩多汁，不過有成條肥膏位喺到，接受到可以食埋，入口即融既油份👍🏻拎上手食啖啖肉，羊味好出，好啱我呢啲鐘意食羊既foodie！黑毛豬件（$69）&原條鰻魚（$59）呢串黑毛豬件真係非常好，無論肉汁同油份都可以鎖喺入面，一咬落去，啲汁都爆哂出黎，而啲瘦肉位都好鬆化易咬，唔會好花力咁嚼佢而呢條鰻魚中規中矩，$59又好難會有咩要求既，比較薄身，可以俾你過吓鰻魚口癮同食吓個鰻魚汁既燒黑豚肉（$49）呢個就比黑毛豬件遜色少少，雖然外表睇落好靚，五花肉咁一層

以前成日放工都會食串燒，今日放工好想去食，就拉左我男朋友陪我去食串燒，一入到去見到咁多款式揀，我就點左我最鍾意嘅燒茄子，免治雞肉串，燒羊架，桂花燒蕃茄，仲有緊係燒粟米啦！餐牌簡單易明。叫左杯柚子蜜唔好咁熱氣雞肉串燒好正，唔痴牙我最愛嘅燒茄子，上面滿曬蒜蓉，食完好殺菌。依個雞肉棒如果大條d會更好！但味道都唔錯依個值得一提嘅桂花燒蕃茄，如果鐘意特別就可以試下，因為都幾夾羊架係我至愛，肉質好肥美，燒左嘅味道超是香仲有必食燒粟米，燒完仲好甜。又唔乾！整體黎講，食物質素好，環境都唔錯，值得推薦！

今晚同個friend約左出黎行街食飯，因為之前都成日聽到人講話好推薦呢到，但一直都未黎試過，一陣都有個心癮，所以今次我地最後揀就簡左呢一間餐廳。朋友仔帶路，好快行到過去，而且呢間餐廳都幾近個地鐵站，加上人流多，所以都好容易搵到，好方便。首先，店舖的環境相當足夠，地方大，望落干淨，條理分明，比人感覺幾舒服，唔錯。平日午市客人少啲。侍應步伐冇咁急，點單都輕鬆啲，而且佢哋仲好好人幫我地影相。整體黎講都唔錯，下次放題可以考慮平日。鰻魚飯卷：壽司飯比較黏，但鰻魚香濃鮮甜，加上少少沙律菜減低油膩感，抵讚！帶子刺身：帶子軟嫩又鮮美，中間夾上紫菜，更帶出鮮甜味。

同朋友喺尖沙咀搵食， 突然發現亞士厘道好似多咗棟新嘅大廈， 肚餓嘅時候 果然係會畀"肚餓了"呢個名吸引左上去😂餃子雞翼 雞翼外皮燙嘴脆口， 可見係即叫即炸！而一咬下去，口裏同時享受餃子同雞翼兩種味道同感覺，感覺好新鮮！惹味雞肉串 雞肉串有炭香味，而家肉汁燒得好入味，保留到雞肉彈牙唔乾身👍🏻椒鹽燒星加坡白魚蛋 相比起平時食開嘅魚蛋，白魚蛋明顯大大粒又彈牙好多！加埋椒鹽去燒好香口~醬汁豬頸肉估唔到的咁多份量🤣 豬頸肉嫩滑，香口又惹味，配上醬汁更加醒胃！玉子燒 嫩滑嘅厚蛋中，色澤金黃，加埋強勁嘅芝士拉絲同肉鬆餡料，口感富有層次。黃金炸魚皮炸魚皮加上鹹蛋黃碎和香料，鹹香可口又惹味，好味程度有點都不輸蝕於坊嘅高價位炸魚皮，Cp值相當高呢！蒜蓉牛油烤焗菌一打開錫紙就冒出好香嘅牛油味，而野菌烤焗過後仍然十分juicy， 蒜蓉亦非常入味！

勁辣跳舞燒雞翼$30。見到勁辣跳舞燒雞翼的名已感覺非常刺激，以為會好辣，但其實食落口只是小辣，燒雞翼肉質嫩滑，很香。惹味黑椒牛仔骨$59。牛仔骨細細件，燒得比較乾身，但是經腌過都很入味，如果多些肉會更正。辣味北海道原只鱿魚$69。辣味北海道原只鱿魚也是非常大只，啖啖肉的帶少少辣，非常可口。汁燒秋葵$29。食肉食得多也会滯，所以要了汁燒秋葵，汁燒秋葵燒到軟中帶少脆口，加的燒汁帶甜味，可以中和滯的感覺。我試了這款tuatara hefe 的，入口有點香蕉，喝下後卻有雲呢拿味在口中游走，比起一般啤酒，多了一些獨特味道外，也比較甘香，也多了一些after taste,哈，成了品酒師。還試了whistler honey paw lager,自己覺得，這種感覺，令我愛上了"手工啤酒"。 用適當的食材配上適當的烹調方法，才能發輝出食材的特式，"肚餓了"選用了適當食材用於烤焗上，而在濃味手工啤配合下，更顯出食物的特色。

我好少浪費時間去寫comments，除非嬲到震 😡😡😡22/12/18冬至的晚上，跟老父母在尖沙咀找晚餐，翻開openrice 見這間店有477個likes，就來了。8pm 進店點了食物便坐下等，8:35pm連一碟食物也沒到 (這時店內連我們只有2枱客人)我餓到很不耐煩，全店員工也只有18-24歲左右的年輕人，不是發呆就是黑面。我們終忍不住說再不來便走，5分鐘後終於上了第一碟牛舌....咬下去入面無味但雪味還在，心情更糟。😡之後的每一碟都是一樣，只是外面有味粉裡面沒有味道或over cooked 很靭，最離譜是扇貝拼盤$168/6隻，我拿起了蒜蓉那隻，第一次食到蒜蓉扇貝可以無味！沙律味？麻辣味？發生咩事？9:30pm才上的焗飯，賣相已讓人沒食慾，吃了一口，發現下面是硬到好像沒放水煮熟的米飯，究竟發生咩事？！我真的要開口問那些likes 是那裡來的？😡又貴又難吃！發生咩事？😡我嬲是因為冬至飯有期望！我嬲是因為我讓老父母失望！我嬲是被 likes 騙了！😡😡

唔止我有串燒癮, 阿媽都有。當她想在家開個迷李燒爐自己轉住來燒, 我, 立即找了間串燒店跟她二人世界! 今次選了肚餓了烤焗串燒專門店, 最起初原因是被其有趣名字吸引了我。臨進去, 堅肚餓, 感覺它很明白我的胃! 大食怪出動! 同媽媽興奮得意, 點了九款食物加一杯飲品, 食得滋味又滿足! 先要讚同推介是勁辣餃子雞翼: 辣汁帶點香甜, 雞翼中釀著滿滿的肉碎, 惹味無窮! 鹽燒牛舌一來有四大顆, 爽口又多汁, 牛味重! 必定要試其火辣牛丸, 彈牙爽口得來, 汁香味濃! 又是必點的肉鬆玉子燒, 其薄而實的甜蛋塊配上豬肉鬆和沙拉醬, 有新煮意有質素的玉子燒! 我們喜歡比目魚, 點了個香橙比目魚, 用心製作, 足料, 魚嫩滑, 入了橙汁味, 有趣好吃! 喜歡吃羊要點羊仔柳, 肉鬆香多汁, 再吃多件羊架, 吃羊慾望一定滿足! 最後, 如果喜歡燒蔬菜, 一定要食微辣肉碎燒茄子, 多汁得來, 味道清甜, 辣肉碎提昇了茄子鮮味! 若然唔怕邪惡, 石點黃金薯條, 滿滿的蛋黃醬淋在薯條每個角落, 加埋七味粉, 正! 怕熱氣?唔使怕! 我推介點杯熱柚子蜜滋潤一下, 降火降火! 要食! 我認為是抵食的串燒店!

昨天星期六同女朋友兩個人上去食下d串燒。見呢度d師兄評論唔錯點知。。。。。。點左辣雞翼,燒韮菜,燒茄子,帶子,牛仔骨,蒜容燒扇貝,雞串,黃金墨魚咀。。。加支啤酒同汽水。。。。。黃金墨魚咀同燒扇貝最垃圾。收得我咁貴又整得難食到嘔。雪藏貨。。。。。。。牛仔骨燒到乾真真。Very bad!!!得個辣雞翼係ok 。。。冇下次88請我都唔會再黎食。。。。。。。。。。。。。。。。。。。。。。。。。。。。。。

📍尖沙咀📍宵夜必去😍惹味串燒🤤食到停唔到口🤤深夜放毒😂果然宵夜一流😏今次無叫超辣雞翼😂因為真係太辣😪上次飲咗幾杯冰紅茶先解到辣🍹而且好好生意，等咗一陣先有位🙊個翡翠螺真係好大隻又新鮮❤️個黃金炸薯條夾埋啲蛋黃真係好香脆😝生蝦刺身同帶子串都幾正😚(今次去嘅時候)👇🏻但最正都係辣到跳舞既雞翼😻真係無改錯名，個種辣，係要15分鐘先會散🔥🔥之前第一次嚟食，真係辣到飲水都無用💦個黃金薯條都好好食，啲蛋黃醬👍🏻👍🏻👍🏻我真的肚餓了😛(上次嚟嘅時候)👇🏻

難得有個Leisure Wednesday🤪周圍遊走既小肥當然要儲足動力醫肚肚啦🐷😚適逢有朋友介紹尖沙咀呢間串燒店不錯吃🤪🍱還掂同朋友喺元朗走返出黎😆一於用串燒醫下肚餓先🤪🤤位於尖沙咀亞士厘道既肚餓了串燒🍢喺尖沙咀A1出口經海防道過黎亦十分方便😆呢間樓上串燒店配合暗淡氣氛既燈光💡牆壁上更有一排排唔同種類既紅酒白酒擺設🍷甚有地下酒莊既感覺🍾有濃厚酒莊感覺既設計☺️亦燒出高質素既串燒食材🤤🔥🍢金菇牛肉卷 & 金黃醬廣島蠔芝士蟹籽燒玉子口感嫩滑既燒玉子🤤🍳配上濃郁芝香既拉絲芝士🧀🤤以及充滿口感既蟹籽亦係Perfect Match的🤩日式燒餃子🥟蒜蓉燒原條茄子🍆各類串燒汁燒雞脾菇串、汁燒惹味翠玉瓜、燒白魚蛋以及特色燒免治雞肉棒🤤燒墨汁墨魚丸 & 燒芝士丸秘製醬汁燒豬頸肉豬頸肉醃製得夠入味之餘🤤肉質嫩滑脂肪比例均勻食落唔會油膩🤤🐷配合秘製醬汁酸酸甜甜夠哂開胃🤤汁燒BB露荀

串燒本打算試下……因對串燒也有興趣……带同日本朋友嘗試……食後感一般……汲有太大驚喜……印象中汲有什麼特別推介……試一次便足夠……厨房食材見去長沙湾取货……自己BBQ一樣……可一不會再……三人收费過一千……晤抵食、

星期五呢個咁開心既日子，梗係放工同朋友去大食一餐啦！因為約咗好夜係尖咀睇戲，所以都係附近搵嘢食，有朋友就介紹呢間係亞士厘道既樓上舖。亞士厘道多嘢食就係人都知，不過真係唔知原來仲有好多樓上餐廳，好彩有朋友介紹先無錯過到！一坐底就見到餐廳既擺設有好多酒樽，一睇就知係手工啤酒，原來呢間餐廳有同本地既手工啤酒牌麥子合作出咗啲香港電影系列既啤酒。不過因為其他既手工啤酒都好吸引，我地就揀咗另外嗰幾隻試下，價錢同麥子一樣，都係$68枝。食物好多選擇，根本上諗到既都有，蔬菜、肉類同飯等等都有得揀。呢度比較特別就係佢有前排好多人推介既咸蛋味魚皮同薯條食，我地就試咗個黃金薯條($59)，平時只係會當零食買到，而家就食到個熱辣辣既版本，感覺新鮮好多，而且味道都好適中，可以令你一試再試！海鮮就有叫咗呢個蒜蓉燒扇貝($59 2隻)同蒜蓉燒廣島蠔($59 2隻)，調味料好濃郁，連埋呢隻好多肉既扇貝同蠔食感覺唔錯。珍寶日本帆立貝($69)，好大隻！香燒原條日本鰻魚($59)，好少食港式串燒既地方可以食到鰻魚！香草燒紐西蘭羊架($98)，羊架燒得幾好，唔會太銀，羊味都好濃，不錯！蔬菜類嚟啦！翠玉瓜($20)同秋葵($