肚餓了串燒烤焗專門店 (已結業)

🌟勁辣跳舞翼 兩隻 $30佢唔係四川嘅辣 而係蜜糖再加辣 所以食起上嚟好juicy 都幾特別 真係幾辣下 食一隻又幾過癮 不過$30兩隻就比較貴少少🙁🌟鹽燒牛舌$59厚切牛脷 大大粒好有滿足感 無根唔un 有咬口😍🌟黑椒牛仔骨$59對比起其他燒嘢食來講 呢個都算幾抵 份量都比較多 $59來講係CP值高 但係有幾舊咬唔開🙁🌟燒豬頸肉$69尼個真心高質 燒得夠脆 個汁係泰式酸酸地嘅汁 好夾 可以中和豬頸肉嘅油膩 而且份量都算多😛🌟西京比目魚$88有兩舊 用錫紙包着咁燒 條魚幾鮮甜 有魚香 好滑 唔會腥 其實食比目魚嘅原汁原味 唔使落其他調味料已經好好食 成餐最鍾意食呢個❤️🌟黑松露廣島蠔兩隻$59廣島蠔上面鋪滿住好多菇粒 黑松露應該係mix左落啲菇入面 可惜黑松露嘅味唔夠濃郁 如果多番少少就會好啲😃 蠔夠juicy 燒得啱啱好🌟微辣肉碎茄子$49呢個好搞笑 好似食緊酸辣粉嘅味 不過下邊係茄子 平時四川食飯都係加啲調味料上去 加肉碎呢個配搭有幾特別 同埋幾夾😘😘🌟黃金薯條$59呢個都幾驚喜 黃金魚皮就食得多 薯條就小啲配鹹蛋黃 面頭有好多鹹蛋黃碎 以為就咁就算 點知下面每一條薯條都有濃郁嘅鹹蛋

早前帶老媽去燒烤做了她的燒烤専員😑。還是讓人服侍的好，所以今次和朋友來這裡吃串燒。環境裝飾很有特色，稍高的座位如吧枱，超大的鐘，還有一排排的酒樽。雖然在商廈的6樓，但8點過後就很多食客了。點餐紙密密麻麻的美食，某些可以在Menu裏看圖，有圖有真相。微辣肉碎原條燒茄子，$49。很香麻辣味，微辣，保留了茄子味道。面頭很多肉碎，還有比較硬的炸蒜粒。很香口但不油膩。惹味汁燒雞泡魚乾，$49。喝酒時的良伴。甜甜的好有嚼勁。平時當小吃也一流。汁燒惹味翠肉瓜，$20。面頭很多孜然粉，翠肉瓜大件但感覺普通。燒新鮮冬菇串，$25。冬菇算厚身，雖然切半但吃著也有口感，燒得剛好，面層乾下層仍有水份。汁燒秋葵，$29。比較乾身，少少汁燒的味道，有咬口。鹽燒鴕鳥肉，$29。很乾身，一點脂肪都沒有，有點似吃牛肉乾。燒雞軟骨串，$39。夠爽口。燒黑豚肉，$49。燒得恰當，保留肉質的嫩。珍寶帆立貝，$69。啖啖肉，很肥美，燒得香囗，和刺身的口感不同。西京比目魚，$88。有入口即溶的感覺，味道清清帶甜，熱騰騰很好味，算多骨但分明。芝士丸，$20。像打邊爐的芝士丸，但很彈牙，芝士也不膩。棉花糖多士，$29。賣相吸引，也不

昨晚與弟婦去肚餓了串燒烤焗專門店「串一串」，輕鬆一番，想不到一段時間沒來，這裡增添不少新選擇，如黃金炸魚皮，黑松露蘑菇串等，我們深感興趣。即製的黃金炸魚皮一定要嚐嚐，剛熱炒的鹹蛋黃灑於魚皮表面，視覺效果滿分。魚皮鹹香可口，即使明知黃金炸魚皮熱量甚高，我們仍忍不住一口接一口吃過不停。勁辣跳舞燒餃子雞翼讓弟婦驚艷萬分，一咬開圓股股，酥酥脆脆的雞皮，裡頭的明太子一湧而上，搭配嫩嫩的無骨雞肉吃，香辣無比，極之惹味。黑松露蘑菇串則有另一番風味，蘑菇鮮嫩多汁，毫不乾身，且具彈性，清幽的黑松露香氣撲鼻而來，菇菌的清新鮮美充滿整個口腔之中，回味無窮。熱呼呼的蒜蓉燒原條茄子，茄子上都鋪滿焦黃的蒜蓉，用刀叉切開茄子依然蒜味四溢，一口軟腍的茄子肉，一口脆脆的蒜蓉，感層次豐富，超讚。秘製醬汁燒豬頸肉肉質質彈牙，嫩而不柴，上下牙齒輕輕一撕，蜜香十足，不會油油膩膩的，再沾上餐廳秘製醬汁，豬頸肉更加美味極致。鹽燒厚切牛舌肉質中心保留紅嫩色澤，吃起來有種燒烤的口感，表面焦香，內部保留牛舌的原始香氣，合而為一，非常耐咀嚼的燒物。特式茄汁芝士海鮮焗飯非常豐盛，除了滿滿的蕃茄芝士醬汁，蜆肉，翠玉瓜，魷魚，蘑菇多不勝數，酸甜

Hungry bird is a reasonable priced place with great service and a diverse menu. There’s a selection of meat, seafood and veggie skewers and lots of snack, rice and noodle dishes too. We decided to focus on the skewers but also got the salted egg yolk fries because they sounded tempting. I was deeply impressed by their pork skewers and like that they put a lot of flavor in their veggies too. The asparagus skewers and pork belly were the favorites of the night. The asparagus was soft on the inside

想食串燒，但係又唔想自己燒，同埋整到個身一陣味😝 今晚去咗尖沙咀亞士厘道嘅「肚餓了」就可以滿足到我嘅願望啦☺️ 食物選擇好多，雞、牛、豬、羊、海鮮、蝦、扇貝、蔬菜、丸都有，又有唔同嘅味道，總有一款啱你～ 👍🏻👏🏻黃金炸魚皮非常香脆，包滿鹹蛋黃，熱辣辣，一定好味過包裝嘅鹹蛋魚皮😋👍🏻金黃薯條個人覺得黃金炸魚皮比較好食，因為相對起薯條冇咁濃鹹蛋味～ 雞泡魚乾、白魚蛋、麻吉燒，都非常好味😋🤤 個人10分推介👍🏻羊仔柳肉質腍入味，唔錯～芝士煙肉焗大啡菇非常juicy，芝士煙肉同大啡菇非常夾，醬汁亦好好味👍🏻微辣肉碎茄子原條茄子鋪上肉碎同炸蒜，味道唔錯～燒玉子（芝士蟹籽）玉子甜甜的，芝士同蟹籽份量都好多，味道好好～燒菠蘿、燒粟米都非常好味必點整體食物質素好，而且服務周到，十分唔錯嘅選擇～

肚餓了名字特別，店舖風格亦有特色，用高枱高椅設計，雖然地方不大，但很有飲酒談天的氣氛。串燒種類很多，落單採用客人自己用紙落單方式，店舖亦細心照顧到客人花多眼亂，提供圖片Menu以供參考。燒汁BB露筍- 露筍鮮嫩，沒有渣，配上孜然粉的味道， 十分惹味。微辣肉碎茄子- 落足料，肉碎鋪滿成條茄子，調味足亦很香口，但不會過鹹太辣，茄子肉燒到軟綿綿，很快就食完成條茄子。燒蠔拼盤- 一共有六隻，每隻都唔同味道，有蜜糖燒蠔、芝士蠔、肉碎燒蠔、黑松露燒蠔、芝士沙律醬燒蠔同埋蒜蓉燒蠔。每隻都燒得啱啱好，不會過熟。蠔有鮮味，食得出係新鮮。初時以為應該係細細隻的，但係原來燒完都仲有一定size👍🏻黑松露燒扇貝- 好大隻，落足料，蘑菇碎滿滿的鋪在扇貝上，淡淡黑松露香味。扇貝一樣新鮮，咬落去啖啖肉。安格斯牛柳粒- 牛柳粒略嫌燒過熟，有一啲鞋口，孜然粉亦有些蓋過牛味。

今日放工約左個friend嚟食呢間樓上既串燒店七點到既時候個場都幾full 好彩朋友一早已經訂好檯 呢度食物種類都幾多 肉類海鮮菜類樣樣都要飯就淨係得焗飯 對我呢d鍾意食炒飯炒麵既人嚟講就缺左少少野咁落好單等左一陣野食就送到啦自家製惹味燒雞肉串(兩串) $39特別推介呢個雞肉串 $39有兩串真係幾抵食粒粒雞肉都好大粒 而且好夠肉汁肉質亦都好滑 滿足鹽燒厚切牛舌 $59牛舌一片片就食得多 但呢個係厚切既一粒粒 平時好少見就算厚切但都一d都唔鞋 而且好重味孜然粉羊仔柳 $32我唔食羊既就冇食呢個 但係我個friend話幾好食 羊既味道夠濃川式燒韭菜$25食串燒我一定會食韭菜 韭菜唔會燒到好乾 加入左適量既調味 食落好惹味肚餓了燒蠔拼盤(六隻) $168一次過可以試曬六款蠔 覺得係為我呢個選擇困難症而設既我自己最重要自家製金黃醬燒味道甜甜地既沙律醬配上濃味既蠔 兩者配合得好好而且特別開胃黑松露香菇醬我都好重要 我呢個黑松露迷對佢既黑松露味道滿意 而且上面真係配上好多香菇 係個比較濃味既選擇川式脆燒雞軟骨串(兩串) $39呢度既雞軟骨同平時食既有少少唔同佢冇咁乾身比較濕潤d既 但係食落都係脆卜

網上訂位, 到左要等10分鐘, 因為比 walk in 入先 😶 .... 無言! 水準係平均嘅, 因為串燒最前嗰件總係太乾 & 燶 😂 ...價錢便宜, 試過便好! 😶 .黑松露燒蠔 ($59/2隻)無松露味, 不過有大量切到好大粒嘅菇...完全唔夾吧! ..芝士蟹子玉子燒 ($38)芝士有拉絲, 玉子唔係好甜, 係燶左 d! ..牛舌 ($59)除左第一粒乾到柴一樣, 其餘嘅都幾好, 厚切, 唔韌!.黑豚肉 ($49)超肥膩, 一口油! 😶.蒜蓉扇貝 ($59/2隻)扇貝厚肉, 大隻, 燒得剛剛好! 大推! 😋.雞軟骨 ($39), 蜜糖雞翼 ($30), 原條茄子 ($49) 有好多種味道選擇! 菠蘿 ($29)! 無可能唔好食啦😋

突然之間想食吓串燒飲吓酒，上網搵吓有咩好揀，就搵到呢間餐廳，全因爲佢個名～《肚餓了》啱哂🤣🤣🤣上到去幸好時間尚早，就算冇bk都入到去，不過再夜啲就唔敢包啦，因為都幾多人有bk枱入嚟食🤔睇嚟呢間啲野都應該唔差得去邊😜一開波睇吓佢個drink list先，佢有好多款crafted beer🍺賣，不過同行唔多喜飲，嗌一支就夠，Watermelon Wheat Ale🍉，呢支入口就飲到很重既麥味，反而西瓜味唔係好出，要"鋸"番啖氣先feel到有西瓜味😬不過呢度搞緊個promotion ，跟返當日係星期幾決定送幾多支，即係星期一就買一送一，可惜今日星期四飲唔到四支，冇得free了😩串燒就唔逐串逐串講，講啲有印象先首先嚟既係微辣肉碎茄子🍆，不過我冇食到，但聞落好香，同行食話好食，好食過《木屋燒烤》，佢一個人都好快清哂🤓跟著就係肉汁燒雞翼，佢燒得好好，燒到外面好香脆而帶少少微焦香，而內裏肉汁豐富，真係師傅技術差啲都做唔到呢個效果👍🏻🤤冇幾耐燒雞串就嚟，燒雞串無疑係呢個最抵食既野，$38有兩串，而且份量十足，大大件，面頭啲醬汁同雞肉好夾，甜甜地😚不過啲雞肉就有點乾😯再黎就係厚燒牛舌，呢樣野真係要撞手神

同事話好耐冇食過串燒，上嚟搵到間串燒店叫hungry bird😂放工即刻嚟試下😋鹽燒牛舌@牛舌超厚切，本身都都擔心會燒到好韌，但係肉質偏腍，咬落都幾juicy，雖然孜然味有啲蓋過牛味，但係厚切嘅口感真係好好秘製醬汁燒豬頸肉@份量好足，每塊豬頸肉都唔太厚，熟度啱啱好，外脆內軟，唔會燒到過熟變硬，肉汁仍然保留在內，秘製醬汁酸酸地有啲去油膩感，但係唔點汁已經覺得好好味芝士扇貝@扇貝有好多唔同口味供選擇，最後揀咗芝士味，扇貝雖有大有細，但係都幾新鮮飽滿，配上滿滿燒香嘅芝士，芝味濃郁蒜蓉燒原條茄子@燒香嘅蒜蓉鋪滿成條茄子，蒜蓉燒到微脆好香好惹味。火喉控制得好好，茄子夠軟身juicy，但係唔會燒到過熟令茄子肉腍爛蒜蓉牛油雜菌@食咗咁多肉想食啲蔬菜，牛油焗雜菌好香，主要係蒜蓉帶起菇嘅香味，但係食到最後牛油太多，有少少膩燒雞軟骨串@雞軟骨烤得好爽脆，唔會覺得太乾太硬綿花糖多士@9粒綿花糖幾乎鋪滿多士，燒到半溶嘅綿花糖同脆脆嘅多士，加上朱古力醬，香甜得嚟又唔算太膩

Time to have 串燒一入秋就勁想食串燒 一search就見到肚餓鳥 當然上黎會一會佢啦都幾近地鐵站👍🏻裝修走型格風有一位仲可以望街影食飯都幾chill 牆身貼左獨家手工啤酒 仲係香港經典電影Tim野食選擇十分多Menu 分類好清晰 豬牛羊雞 仲有焗飯雞軟骨即叫即燒係唔同d 熱辣辣脆卜卜 筍一d都唔老 仲好爽口Tim蒜蓉芝士焗扇貝好香蒜蓉味 扇貝新鮮多汁羊架一客二件 燒到岩岩好 7成熟 唔um 正芝士丸 一咬落去 d芝士必晒出黎 芝士控必食牛柳粒又係燒到岩岩好先正冬陰公芝士焗海鮮飯估唔到冬陰公可以咁夾 辣辣地 好惹味

琴日同朋友上黎呢間串燒店。朋友book 的， 咁我上open rice 都睇到有好多人去過下，都有好多好評。因為朋友平時選擇的餐廳都是好味的，咁所以我對呢間野都有好高的期望。：：：：：：呢度d坐位是高檯高櫈， 我係ok Ge. 但我放部電話係檯面就痴到d肉碎。檯未抺乾淨，感覺有d污糟：：：：：：d茄子，露旬，番薯就係先上的， 食落都好味。但一上羊架，蝦， 扇貝，蠔d肉類就出事啦。大部分肉類的燒烤都覺得唔太新鮮。羊架食左一啖就冇食。：：：：：：最後朋友們就齋飲craft beer就算，有d後悔叫左太多肉類😅😅

店名都話到明你知肚餓了，既然咁餓去到就緊係要食番串燒再飲番杯酒，同朋友慢慢食慢慢傾，飲飽食醉咁樣走。用左灰色牆身地版，有少少工業懷舊風既感覺，坐台通常都係木製既高台，如果坐入少少仲有個大大既窗口可以望到街景。牆上面掛上左個古舊Feel既鐘同埋寫左好多餐廳推介既野食，食串燒唔少得飲酒當然仲有大大個酒架同埋唔少酒樽既裝飾。碟上畫上左意大利既名勝都幾別致，同埋放左一系列既調味料，好似鹽、胡椒、孜然粉等等可以落係串燒度。先黎第一串《自家製醬燒黑豚肉》($49)，用左自家製醬料夠香味，黑豚肉燒完油脂豐富，黑豚肉唔韌之外仲好嫩身。招牌菜之一《黃金薯條》($59)，薯條熱辣辣夠脆身，上面加左有粒粒既咸蛋黃，未食已經聞到勁濃既咸蛋味。見到人地食好吸引，叫左條《香燒原條日本鏝魚》($59)，食落唔會好淋身，搽上左日式既鏝魚汁燒更加香口。可以配芝士蟹子或者肉鬆既《玉子燒》($38)，今次揀左蟹子，一黎已經好香芝士味，玉子燒入面仲有少少嫩滑既口感，上面舖滿左蟹子脆卜卜。食左咁多肉都食番啲茶，叫左個《汁燒秋葵》($29)，秋葵都夠新鮮唔會燒到老哂，再加上汁燒調味。另外一個《汁燒BB露荀》($39)，有大約七至

星期六晚朋友約去尖沙咀酒吧街談心，去到亞士厘道一間商業中心一間串燒專門店，呢度嘅好處係不用自己燒，又有特色手工啤酒飲。呢度全部都係高吧枱。我同朋友對海鮮都情有獨鍾，於是叫了一個帆立貝拼盤，以及一個燒蠔拼盤。兩款拼盤都各有六件，不同嘅味道有各一件，包括有蒜蓉，芝士，金黃將燒，黑松露香姑丈，辣燒，蜜糖燒。我個人最喜歡黑松露香菇燒蠔，除咗黑松露的香味之外，香菇的香味再配合大大啖蠔肉口感，一試難忘，所有嘅醬料都10分特別，海鮮亦10分新鮮及大隻。又點了西班牙黑毛豬，$69一串五件，黑毛豬本來肉質便10分細膩，10分香口，串燒微焦香的外層加上嫩滑的肉質，十分推介。最後點了一個焗雜菌，雜菌好入味，牛油味配上金菇係必殺，我哋好快就清晒。不可錯過佢哋嘅手工啤酒，我哋揀咗Pear cider, 結束了完美的晚餐。—————————————如果喜歡我嘅文章，請喺下邊襟個心俾我，鼓勵下我繼續寫食評。多謝你。❤️

朋友係Openrice reviewer，有得免費試菜，今次就嚟度呢間樓上串燒店。個menu嘅款式都幾多，有瓜菜，雞牛豬肉，各種海鮮。最好食係d海鮮，幾新鮮同多汁，燒蝦嘅肉質好爽脆，又大隻。至於呢個黃金炸魚皮同棉花糖多士都值得一試。個魚皮非常鬆脆，亦好濃咸蛋味，送酒一流! 個棉花糖多士都烘得啱啱好，加上棉花糖微溶狀態，幾好味。仲有值得一讚係個黑松露蘑菇，有好濃嘅松露味配合juicy嘅蘑菇。蕃茄同燒菠蘿都燒得恰到好處。但d肉類嘅調味就麻麻，好明顯醃得唔夠耐，唔入味。燒豚肉串嘅肉燒得過火，太硬，亦唔夠味。仲有幾樣野特別失望，令我覺得整體水準麻麻。例如燒粟米同焗芝士西蘭花，粟米一食落就知係搵水淥完再用火槍喺上面噴噴就算，味道似煲湯粟米。焗西蘭花都係，搵水淥完再焗，口感太淋。由於唔好食，我都唔記得影呢幾樣啦。😂😂