影片
更多
2019-01-10
60 瀏覽
今晚同朋友2個人去咗尖沙咀食串燒~Menu都好多嘢揀~ 基本嘅雞豬牛羊當然唔少得，海鮮種類都唔少，蔬菜款式如下，竟然冇金針菇….太可惜了飲品以酒類嚟講都算幾特別一坐低，叫咗支pear Cider嘆下先，串燒最啱送酒~雞肉串 - $39，一碟有2串，件件都好厚身，味道偏甜，撒啲孜然粉喺面食仲正！肉汁燒雞翼 - $30，一碟，唔算太大隻，但勝在真係好多肉汁，不過一碟得2隻，價錢偏貴！蒜蓉茄子$49一條，呢樣係全晚最好食嘅一樣，超多蒜蓉鋪喺茄子表面，茄子又燒得軟熟，對於我呢個蒜蓉控嚟講真係冇得頂!!羊架（$98）呢個羊架份量十足，大大塊，燒得啱啱好，肉嫩多汁，不過有成條肥膏位喺到，接受到可以食埋，入口即融既油份👍🏻拎上手食啖啖肉，羊味好出，好啱我呢啲鐘意食羊既foodie！黑毛豬件（$69）&原條鰻魚（$59）呢串黑毛豬件真係非常好，無論肉汁同油份都可以鎖喺入面，一咬落去，啲汁都爆哂出黎，而啲瘦肉位都好鬆化易咬，唔會好花力咁嚼佢而呢條鰻魚中規中矩，$59又好難會有咩要求既，比較薄身，可以俾你過吓鰻魚口癮同食吓個鰻魚汁既燒黑豚肉（$49）呢個就比黑毛豬件遜色少少，雖然外表睇落好靚，五花肉咁一層
Menu都好多嘢揀~ 基本嘅雞豬牛羊當然唔少得，
海鮮種類都唔少，
蔬菜款式如下，竟然冇金針菇….太可惜了
飲品以酒類嚟講都算幾特別
一坐低，叫咗支pear Cider嘆下先，串燒最啱送酒~
雞肉串 - $39，一碟有2串，
件件都好厚身，味道偏甜，撒啲孜然粉喺面食仲正！
肉汁燒雞翼 - $30，一碟，唔算太大隻，
但勝在真係好多肉汁，不過一碟得2隻，價錢偏貴！
蒜蓉茄子$49一條，呢樣係全晚最好食嘅一樣，
超多蒜蓉鋪喺茄子表面，茄子又燒得軟熟，
對於我呢個蒜蓉控嚟講真係冇得頂!!
羊架（$98）
呢個羊架份量十足，大大塊，燒得啱啱好，肉嫩多汁，
不過有成條肥膏位喺到，接受到可以食埋，入口即融既油份👍🏻
拎上手食啖啖肉，羊味好出，好啱我呢啲鐘意食羊既foodie！
黑毛豬件（$69）&原條鰻魚（$59）
呢串黑毛豬件真係非常好，無論肉汁同油份都可以鎖喺入面，
一咬落去，啲汁都爆哂出黎，而啲瘦肉位都好鬆化易咬，唔會好花力咁嚼佢
而呢條鰻魚中規中矩，$59又好難會有咩要求既，
比較薄身，可以俾你過吓鰻魚口癮同食吓個鰻魚汁既
燒黑豚肉（$49）
呢個就比黑毛豬件遜色少少，雖然外表睇落好靚，
五花肉咁一層肥一層肉咁，不過食落又感受唔到佢既油香，
而啲肉位都頗為需要啲時間嘴嚼，稍稍overcook咗，但嚿肉望落係唔錯既！
牛油粟米（$38）
原條粟米一開四，粟米甜度還好，不過就食唔出有落牛油去燒，
淨係食到粟米味，不過如果你想再甜啲，可以加少少鹽落去，個甜味就會再更加出啦
張貼
