肉骨皇 (已結業)

今日同老公行入黎大坑尋找美食，搵到呢間肉骨皇好似好好食，都幾多人下，等左一陣就可以入座喇，超期待呀！難得係香港都可以食到肉骨茶，但好食既就真係唔多啦！！！我地叫左個細既「肉骨茶」$98細細鍋已經夠哂兩個人食，超足料大大舊豬骨超入味，配料有枝竹東菇金菇，湯底更是濃郁夠味超好飲，係香港真係好難搵到一間又好食又正宗既肉骨茶啦！值得去食啊！「柚子蝦沙律」$88沙律用左泰國辣醬酸酸甜甜超開胃既沙律🥗大蝦夠足料又大隻夠爽口彈牙！！石榴流打有氣既石榴原來係咁香甜好飲架！天氣熱辣辣飲返杯超解熱！

大坑咩都有得食，連星馬菜都唔少得，係浣紗街尾有間肉骨皇。簡約裝橫配上黃色牆身，帶點星馬風情。星馬菜式樣樣俱全。招牌肉骨茶細($98)即場開明火加熱，等一陣就有熱辣辣肉骨茶食。幾乎每一塊肉都有骨，那是最好吃的部份，還有軟骨，湯中藥味也很濃郁，很補身喔。馬拉盞炒蘿蔔糕($68)加了豆乾、生菜、蘿蔔絲、芽菜炒，口感豐富，味道十足，十分惹味。桔仔酸梅水($28)用環保飲管，酸甜味很有特色，夏日解暑首選。無骨海南雞飯($98)，雞肉已經去骨了，很嫩，還有粗身芽菜，油飯是四角椎體，很用心的賣相。石榴梳打($28)很特別，帶香甜石榴味，少少酸，幾好飲。

黎到肉骨皇!唔一定要食肉骨茶既!仲可以試下佢地唔同既推介,我係星期六晏就去,適逢唔係好多人,坐得幾舒服,大坑係天后落車,直過一條小徑就到,都幾方便!!👇-📌馬來椰漿飯 - $88👉聞落已經好香,有滿滿既椰漿味,有少少可惜係我想像中會係爆哂汁,淋哂係面果種,原來佢係溝埋左係個飯到,食落都好香而且都幾滑,飯就唔錯,另外有2隻grilled chicken wings幾好,燒到有少少焦香,咬落仲有熱,證明係即叫即做,唔會整定擺係到保溫,抵讚!另外有個幾特別既佢地有個少少既醬汁,入面有D咸魚乾,甜甜地又辣辣地,不過我都係鍾意椰漿多D.📌海南雞喇沙 - $88👉海南雞飯你就食得多啦!今次個飯底變左做喇沙底.staff問我地想油麵定米線,我地話兩溝得唔得,佢又ok wor,其實喇沙係講求個湯底,我就覺得相當唔錯,甜度適中,又唔會過辣,我幾鍾意,麵質都唔錯,雞肉肥瘦均勻,食落都唔錯,幾滑嫩,📌洋蔥油酥餅 - $48👉油酥餅好香!帶少少咸香加埋洋蔥更加香口,而且外皮做到好酥脆,食得過!

早兩年曾經到新架坡旅遊，新架坡都幾好玩，但最吸引我的是星架坡美食，我最鍾愛的是肉骨茶，那種味道很難形容，有少少辣而帶有甘啲藥材味，真的很匠配，回港後曾試過很多的所謂肉骨茶，都未能找回那种味道，但昨天很好彩，給我碰到一間在大坑綄紗街名為"肉骨皇"的餐廳，那的肉骨茶就是我想要的味道，此餐廳還有很多值得介紹大家試吓的食品，小食拼盤，拼盤有多种款式，有蝦餅，春卷，雞亦，魚餅配很美味的醬汁，很回味蕉葉燒倉魚，倉魚燒得非常香脆，魚肉鮮味，其實還有很多美食值得讚賞的，馬拉盞羅白糕，海南無骨雞油飯，鮮雞啖啖肉，香滑無比，還有很多美食，在此只是想跟大家分享一下。

好耐無去大坑食野，以前學生時期放學就行落山會經過大坑，而家好多店鋪都唔同晒；今晚入到浣沙街盡頭尾尾百佳隔離有間 肉骨皇。渣車可以泊響門口好方便，而且店內有閉路電視監察住門口以防抄牌。先來柚子蝦沙律開開胃。好多柚子及椰菜絲，醬汁加添左平時響麥當當既泰式辣醬，好開胃！黎到肉骨皇當然要點肉骨茶，排骨；支竹；豆卜；金菇；油炸鬼等等配料；湯味道濃郁，而且上桌前再用小爐再興熱一次，確保食得暖立立！肉鬆油酥餅估唔到又幾好食喎，鬆軟又唔油膩，一份有四件岩岩好。朋友係飯桶一定要食飯，所以點左份無骨海南雞飯；飯鋪排成三角形好有趣，而海南雞好滑，係件數略嫌少左d

位於大坑浣紗街 浣紗花園 的肉骨皇 ，喺馬來食品嘅小舖。 舖仔 雖然 細細，但佈置 簡潔青雅 ，環境清靜。 兩個人坐低叫咗幾 款 食 物。 食物 包括肉骨茶 ，海南雞飯，馬拉盞 炒蘿蔔糕。 雞飯 嘅雞油撈飯非常好味 ，食落去唔會成口雞油 。伴碟的雞肉非常嫩滑可口。 馬拉盞炒 蘿蔔糕 炒得非常惹味。 餸 啤酒就一流 喇。而最好嘅 喺熱辣辣的肉骨茶， 熱辣辣的湯 飲落去 喉嚨 非常舒服。 豬肋骨 煮得 鬆軟入味，我一個人都可以飲晒成 煲。最後仲想 叫過甜品，不過已經好飽喇 。下次嚟再試下其他嘅食物。

記得之前在馬拉出差，晚上送回老闆後馬上跟同事搭的士搵 — 肉骨茶 ！ 今日係大坑見到來自星馬餐廳的 《肉骨皇》。 個名甘架勢便入去了！ 環境乾淨企理，食物有辣、晤辣、素食者也照顧到，很體貼附近有學校、住宅，價錢相宜！ 午餐有12款之多而且學生可用優惠價HKD 40 而已！ 性價比高！ 招牌肉骨茶配油飯 HKD 68 職員端上爐具、器皿後即時把肉骨茶滾起。全程由職員監控，很放心。有1-2人份 及 3-4人份，是乎人數。肉質棯而且連骨一起煲味道更為特出且味道跟馬拉近似，藥材味較重。 除外還有吸素力強得豆卜、金菇等。飯有油香，很大碗，有須要可要求減少。想少一點澱粉質可簡選米粉啊跟餐送飲品 — 點了白咖啡 （凍飲 加 HKD 3 口感滑而不多奶！ 除外，另有小食，饞咀的我點HKD 10 油菜、牛肉沙爹 HKD 15 / 2 串及炸雞翼 HKD 20 / 2 隻牛肉沙爹有容易咬而且不會感到被燒得乾淨淨樣子。 炸雞翼煎到金香只是皮破了小許。

肉骨茶是一道享譽為南洋美食。採用了中藥材，香料，再加入豬骨以慢火餚製而成。香港好難找到一間合我心意，大坑嚟間星馬菜館算是我比較喜歡的。肉骨茶 $98煲煮等待的時候已散發出藥材香味，香氣樸鼻。湯底鮮甜帶甘，那種甘味持久不散，待久了又變為甜。豬骨軟腍，其他材料吸盡湯底精華，味道不錯。馬拉盞燒大蝦頭 $188店員極力推介。蝦隻有手掌咁大。蝦肉好豐盛，啖啖肉，蝦膏爆滿。調味採用了馬拉盞和芝士，十分惹味，不過略為過鹹，搶了海鮮的鮮味。

大坑近浣紗街附近一帶好多特式食肆，而且各有特色，日本菜，意大利菜，中菜，酒吧也有好幾間，今曰就去咗浣紗花園地下果間肉骨皇星馬餐廳，去星加坡就食肉骨茶，差不多係指定動作，依家近近地唔使搭飛機就食到，夠哂方便！因為係星期日，訂咗位，去到見差不多坐滿客人，呢度地方唔算大，三十個座位左右，但都坐得幾舒服，招呼都唔錯！點咗一個肉骨茶（細$98）一個海南雞飯（$98）一個馬拉盞炒蘿蔔糕（$68）肉骨茶（細份）份量都好多喎，滿滿一大窩，味道香濃，加上杞子，香菇，油荳泡，排骨的燉湯，豐料足味，拍得住去星加坡食果啲！海南雞飯嘅雞肉鮮滑，油飯軟綿可口，夠水準！馬拉盞炒年糕味道都唔錯，配以椰菜，夠哂入味！下次一定要再來試吓其他星馬菜式！

今日好想飲肉骨茶，係openrice search 到喱間肉骨皇～即刻book 枱試下啦～ 我同家姐準時到達，餐廳都安排好坐位唔需要等位👍每人一碗肉骨湯～上菜時既香味都覺得好濃～飲左一啖～果然無令我失望。好好味呀～好足料。一碗真係唔多夠😅胡椒大蝦粉絲煲～鐘意食濃味野可以order, 我就覺得太濃～好重胡椒味不過唔夠辣～花甲叻沙～湯頭好味，香味同辣度都剛好，花甲大大隻。正呀😋原味油酥餅（配咖哩汁）～ 油酥餅好香，咖哩汁香料味比較重～馬拉盞炒蘿蔔糕～ 有馬拉盞既香味，不過本身蘿蔔糕比較粉。不過不失啦！

最近濕氣重，是時候來一容肉骨茶排一排毒位於浣紗街的肉骨皇以馬來西亞肉骨茶為主打，有大或細，細的兩個人每人分到約兩碗，另跟上一小碟油條放湯用。內有肉排、豆卜、杞子和金菇，湯頭清甜又有藥材香氣馬拉盞炒蘿蔔糕帶點微辣和濃郁香氣海南雞新鮮嫩滑，伴上醬汁更惹味巴東牛肉炆得入味，醬汁味濃並吃得出香茅、南姜及椰奶味薏米水甜而不腻酸梅青檸梳打透心涼這餐廳裝潢骨子企理，廚師於馬來西亞當過大廚，口味正宗，附近又有泊車位，十分方便

肉骨皇冷冷夜雨,走到大坑內街今次小店系列深入天后食街尋覓美食平常我也喜愛喝湯,先來一碗肉骨茶湯,再點一客咖哩配麵包去骨海南雞飯一個青檸梳打埋單加一 $301價位合理,食物質素相當唔錯一碗肉骨湯 $20有藥材既香味,無苦澀味甘甜濃郁,本來沒什麼胃口也立即提神起來招牌肉骨茶得到滿分！去骨海南雞油飯一份拆骨雞肉，配上一個三角油飯，好看但唔方便食用雞肉嫩滑，但幾乎無調味，就似煮熟了既雞而已，要配埋黑醬油伴吃才好吃呢～油飯乾爽，味道不濃，另有一碗雞湯配埋一起咖哩牛肉配焗麵包用上一大個麵包即時焗脆，中間開口放入咖哩汁與食材香料味濃郁，帶少少辣越食就越辣，外層內軟既麵包沾咖哩汁吃一流!幾乎比我食清光~嫌麻煩既朋友可以直接咖哩汁另上會比較方便食....^_^純粹拍照好睇D,食到中間就比較麻煩要用刀切青檸梳打純粹解渴,唔錯既選擇~#大坑美食#香港美食#特色美食 大坑浣紗街45號浣紗花園地下1號舖Shop 1, G/F, Wan Sha Tower, 45 Wun Sha Street, Tai Hang電話號碼29722266

每次來大坑都是早上去吃車仔麵，成了習慣，無意發掘其他餐廳。這天午飯時間在附近，試下別的。雖然有十分抵食的午餐，但未見過乾肉骨茶，很好奇，決定散叫。加多加多椰菜絲、蘿蔔絲，暖暖的，炒得剛好，很爽口。吸滿汁，有點似沙嗲，帶點花生香，很開胃。蝦片很脆，拿上手不油膩，也不錯。乾肉骨茶第一次見。炒得幾香，排骨炆得很腍，每件都有軟骨，十分爽脆，件件都要咀嚼，過足口癮。肉炆得入味，不過不及湯的藥材味重。內裡還有洋蔥、秋葵。洋蔥油酥餅熱辣辣，酥香無比，入口很鬆，內層卻少少軟韌，口感一流。夾著洋蔥，似生卻不辣又不重氣味。薏米水自家煲的，幾清，淡淡的， 有薏米味，又有薏米的微黏。 都幾滿意的午餐。午飯時間幾多學生，有點吵，但店員幾有耐心，忙而不亂。

一返工就開始諗一陣lunch食乜J提議去大坑肉骨皇，結果一行四人搭的士由銅鑼灣到大坑，為的就是想飲肉骨茶。黎到見到menu真係好多選擇，主要是馬來西亞和星加坡菜式，真係樣樣都想試下肉骨茶(細)$98~以瓦煲用爐熱住上枱，可以keep住溫度，一揭開煲蓋就聞到好濃烈的藥材香味，我地個個都好鐘意飲肉骨茶，呢種香味真是令人垂涎欲滴肉骨茶配料非常豐富，有冬菇絲，豆卜，腐皮和排骨，最驚喜是排骨的肉質很腍很鬆軟，亦很入味，冬菇絲，豆卜和腐皮索哂藥膳湯更美味，加埋油炸鬼就更perfect, 肉骨茶有好重的藥材味，隱約飲到當歸嘅甜味，真是覺得非常滋補，成身頓時變得暖笠笠怡保芽菜雞$128~肉質滑嫩，最鐘意食滑捋捋嘅雞皮，最正宗蘸醬的方式是:先蘸甜甜的黑豉油，後才是辣醬和薑蓉，豉油的糖分能令雞肉更滑溜鬆化，接着辣醬刺激了味蕾，最後就是薑蓉的咸及香油飯$15~油飯也是不可或缺的部份，這個油飯一點也不油腻，反而多了黃薑的香味，而且粒粒分明，把肉骨茶塗進飯中特別美味😋馬拉盞炒蘿蔔糕$68~蘿蔔糕切成細細的方塊狀，加上葱絲，芽菜，洋葱，芝麻，以咸香蝦醬味的馬拉盞炒成，非常惹味，必吃串燒(豬，牛，雞每樣2串)$78

星期六下午，同男友去大坑揾食，路過見到呢間肉骨皇環境唔錯餐牌又吸引，就一於入去試下啦。由於時間尚早，所以我地可以享受“包場”服務。黃色牆木色凳很有南洋風味，而且位置都算闊落。餐牌選擇多，店員仲好熱心咁介紹佢地d招牌菜比我，服務態度好好呀。 招牌肉骨茶細$98呢度既肉骨茶有兩款,有湯的和乾炒的,我們選了有湯的那款。店員問我地鍾意食肉定係飲湯，我地選了多湯，但上台時發現肉的分量也不少呢！這家店是馬來西亞肉骨茶，所以藥材味濃，而且沒有那麼甜，比起新加坡的肉骨茶更像藥材湯。飲完湯之後成個人都暖曬，好正～ 另外還附上甜豉油用來點排骨，配飯一流呢。馬拉盞大頭蝦$188本身仲驚一隻唔夠食，點知黎到發現有成個龍蝦咁大，效果驚人！大頭蝦蝦肉好新鮮，沒有龍蝦肉那麼結實，不過都頗為彈牙，配上惹味既馬拉盞真係好出色！最令人驚喜係蝦頭有大量蝦膏，連本身唔好膏既男友都大讚好食。海鮮喇沙$98有蝦、魷魚、青口、魚片、豆噗等等材料整成既海鮮喇沙真係好豐富，不過個人比較喜好超濃郁的湯底，這個湯底如果椰奶味再重d會更出色。馬拉盞炒蘿蔔糕$68這碟真的很好食亦非常抵食，本身蘿蔔糕已經夠鮮味，再加上帶點咸香蝦醬味的馬拉盞，重