肉骨皇 (已結業)

今日又同朋友去咗大坑到搵食 大坑呢度我熟悉度唔高 不過揀間多人嘅舖頭肯定冇錯啦呢間肉骨皇午飯時間都幾乎爆滿 十分受歡迎叫咗個招牌肉骨茶配油飯份量超大 原鍋上下面仲有火可以邊食邊加熱 超級細心 湯底藥材味濃郁！而且唔會苦澀！大人細路都啱食 入面嘅豬肉煲得又淋又入味 仲有軟骨添 仲有冬菇 支竹 豆卜等等嘅配料 超級豐富油飯又係另外一個必點嘅菜式 雞油味濃郁 飯粒粒分明 唔錯美祿恐龍 下面係冰凍美祿 上面加上海量嘅美祿粉 飲落去有一粒粒嘅感覺非常濃郁 口感豐富焗咖吔麵包伴雪糕 麵包 成個充滿著牛油香味 正方體烤到金黃色好靚 入面有海量嘅咖吔醬配埋自家製嘅雲呢拿雪糕 成個配搭好夾冰火交融