聯發茶餐廳

營業中

休息中

一個人時，通常比較喜歡去食個簡單的常餐。多士炒蛋+通粉就是最佳選擇。多士鬆軟，散發著陣陣的牛油香味。炒蛋味道尚可，如果加多少少牛奶味道應該會更香更滑。沙嗲牛肉通粉 - 通粉雖然不是坑紋，但食落很有咬感，不會太容易被湯浸到太稔。牛肉不嚡身，醬汁味夠濃，食落份外滋味。

滑蛋叉燒都幾好，不過飯太硬，48蚊一碟飯加一杯熱飲，好心就買啲靚啲嘅米，煲好啲飯，唔好浪費咗個滑蛋叉燒喇。餐廳座不滿人，但好多張枱寫留座。以為茶餐廳好多嘢食，但係得幾碟飯同啲常餐揀。上到openrice 睇先知原來係賣品牌嘅⋯⋯但係，我想講，你當落樓下求求其其食啲嘢，唔好抱太大期望，個飯係食得飽嘅。

以前成日都喺九龍城嘅某間醫院做野，午餐最鍾意過嚟外賣聯發茶餐廳，餐廳老闆係澳牛嘅第二代，成個報告都好似澳牛咁，最重要係餐牌上面嘅所有野都令你好有親切感。你都呢度我最鍾意叫嘅係蛋治烘底，呢度嘅炒蛋好似話係用忌廉炒嘅，最鍾意食呢啲濕濕地嘅炒蛋，夠晒滑，但又唔會出水，真係冇乜邊度嘅炒蛋夠佢好食，外賣最緊要叫烘底，如果無的話個包好容易比啲蛋汁浸林，令到返去就唔好食。烘底之後個面脆卜卜， 又唔會過硬有冇燶味，不過＄22稍為貴左少少。

1/3/2016及2／3/20167：00am一開門就步入餐廳～😆😆😆不等了馬上叫了個正宗香港人的早餐：1/3早餐叫了炒蛋三文治、火腿通、熱奶茶。2/3早餐叫了炒蛋、多士、餐肉通、熱煙鴛鴦。炒蛋及炒蛋三文治炒蛋是這間餐廳的招牌出名炒得蛋香又炒得滑加上他做三文治的麵包比外面餐廳用的更要厚及鬆軟，就分外香、滑、鬆軟及飽肚。👍🏻👍🏻👍🏻👍🏻火腿通、餐肉通湯㡳是正宗，傳統港式口味的濃味湯㡳，好久未食過，好吸引，湯又夠哂熱，好好味~火腿絲用一般火腿絲餐肉應該是用白豬仔，好味，煎得好香脆~熱奶茶也是這餐廳的招牌我覺得茶夠香但不夠滑比外面餐廳的帶多少少茶香味及茶的苦瀝味~奶的分量適中，奶茶味道非常調和~如果怕苦瀝的可多放一點糖，這就𣎴問題了~👍🏻👍🏻👍🏻👍🏻好飲的傳統、正宗的港式奶茶就是有這個苦瀝味，可能是做苦力的工人發起的飲品，他們工作辛苦，口味會偏重，所以做就了香港奶茶比外國的總有較多的茶香及苦瀝味，所以不要放棄這些苦瀝味~因為現在香港很少餐廳能冲到了~這是香港味道~好飲~熱鴛鴦咖啡溝奶茶飲得出他們的咖啡香濃~奶茶味不太出~合格~不過不失~這裡的服務習慣快，靚、正所以你們在緊忙時段用餐，下單忌慢

2016.01.01 新一年新開始, 2015 好多喜歡的食店尤其是價廉物美抵食本來都好有實力的會突然消失又或者預告要拜拜, 九龍城都有好幾間無聲無息摺咗 , 原來多半都是香港有'土地問題'喎...地租貴大家喜歡的都Bye-Bye了....真個X+Y%*#!  這兒是的地盤, 當然寫和"食"有關的事情, 土地的事不在此討論了, 寫來都沒共鳴, 寫番到九龍城呢區, 幸好我喜歡的其中一間仍尚在, 有'食力'就當然的, 亦可能因為佢賣貴十元八塊頂得住租??!  點都好, 如去年一樣 01.01我可以去聯發食早餐開個好年, 都好滿足! 2016**祝各位新年快樂笑呵呵 , 長食長有大家發、身體健康有食神! **其實我食的很簡單, 茶記嗎?  沙爹牛肉出前一丁麵 + 凍鴛鴦是我本人的頭號例牌, 去酒樓小館就例牌生炒骨, 食一百幾十年只要個餐牌有基本上叫俾我就得了, 知我者不用問; 西餐廳就焗豬扒意粉/牛尾濃湯, 街頭小食嗎?  炸魚蛋、燒賣多辣油、腸粉全醬上、篤串咖哩魚蛋加甜醬, 大墨魚就甜醬芥辣都要...以上的...唔需要問都可以叫俾我因為我就係鍾意食呢啲!     關於聯發, 想起來一年

早餐杯茶飲咗咁多年都係凍鴛少甜, 今年突然/竟然在香港都有好幾日超凍, 啲男同事又成日'哦'我女人人家晨早流流飲凍嘢, 多謝兄弟們關心, 好啦, 心裡面暗自應承大家15度以下早餐改熱鴦!  考吓各位"聯發友", 今日杯鴦有咩特別? ...哈-哈~ 唔明?!  秘密就在個杯, 平時的鴛是用透明杯上枱的...今日的, 我只能講鄧生你好堅~   係 堅・茶王!  香・濃・厚又滑喎!    神來之手你估佢咁易'出手'嗎?  佢咁鬼忙, 我食個早餐啫, 佢"痴唓咁轉"走一百九十幾個圈真係唔係咁易有機會由佢來,  我只能說我真幸運!   你哋有幸飲過未?  我飲過!  我真係飲過!  ((Steve Jobs 我就未見過, 我真係未見過!  ~又如何?))   雖然係我幫趁你, 但我會倒轉頭講: (當然阿師傅的已經好正), 然而真係高手中又有高手, 有幸飲過的自然會明, 我寫文唔叻唔識寫只想說好回味!

本來满心歡喜神級澳牛終於有'分店'可以一試，而且係美食之地九龍城，我當然同我honey一早起身食個早餐喇。睇到鋪前介紹，鄧曉洋係澳牛第三代，唯一第三代識煮澳牛神品，炒蛋，梗係冀望佢青出於藍！而且星期日朝早10點半都已經門口排晒隊，仲唔係勁掂！點知……………恐怖既事發生喇！我同honey每人叫左佢地個早餐（炒蛋西多餐肉丁）加一份西多士share（唉呀！真係好難先slim到喇忍唔住口）當然要享受埋係lee間先有既福利，轉丁面唔洗加錢！ 我地口水流晒咁期待美食………點知………野食一上檯，打左個突！睇到d蛋老到呢………係堅老，個滑字唔通因為lee排天氣凍到結左冰所以變左咁嚡？！個蛋味………真係都唔及佢老豆一半。所以仲影乜鬼美食相呀！我炒滑蛋咁差都係屋企炒得好過佢呀！真係………！唉！d餐肉丁面……真係證明佢唔係茶餐廳來形容，因為普通茶餐廳都好食過佢！大鑊既係乜……就係我要催呀老闆個丁面先來！！食過澳牛既人都知，睇佢上餐速度係一個活生生既極有效率例子！呀孫可能真係由細比人寵慣，連澳牛引以自豪既速度都慢到由用秒去計變左用以10分鐘去計！………老實講，慢活都唔洗咁慢既！從商業角度考慮，唔通………佢驚翻

$49一個特餐包括： 滑蛋火腿配多士 沙爹牛肉通心粉 熱奶茶 多士牛油唔夠多，麵包比較粗，脆但入口好乾。 炒蛋都夠香滑，有小小蛋味，還可以。火腿完全凍冰冰，好似喺雪櫃攞出來，沒有煎過。 沙爹牛肉通粉湯夠濃，入口味道略帶點喊同似雞湯味，還可以但不夠熱。通粉細細條，煮得剛剛好，軟硬適中！沙爹味道一般沒有沙爹惹味，牛肉肉質亦可以，似鮮牛肉味! 服務態度亦一般。

平時在九龍城食泰國餐比較多，所以中午想食清淡一點，於是在網上資料搜集一下，發現依間聯發茶餐廳能夠媲美澳牛，於是滿心歡喜去試一下⋯⋯誰知道～其實貌相都幾吸引，只可惜炒蛋不滑不香，和普通茶餐廳差不多，反之牛油多士厚得黎非常軟熟，有點驚喜～至於沙嗲牛米普普通通，加上4/5啖就可以食完，而且奶茶只有奶味而沒有茶味～失望呢～

特餐同澳牛好似，沙牛麵，免費轉出前一丁好香濃既牛味！！冇cover到出前一丁味。炒蛋好滑牙真係 !但係多士好似少左d牛油 ;(不過可以再試,下午12點幾左右,唔需要等位。

雖不算是澳牛的超級粉絲，但亦算是炒滑蛋愛好者一枚。今日就去了九龍城聯發茶餐廳，看看炒滑蛋第三代傳人的功力。餐牌離不開快餐、茶餐、特餐的格式，無論澳牛、華星還是聯發，都只是依樣葫蘆。點了有滑蛋火腿多士，沙嗲牛肉公仔麵及熱菜蜜的特餐，盛惠四十九元。點了一會，主角到！看起來好吸引的厚多士/ 蛋很滑，但無蛋香！無牛油香！/ 多士外脆，但內不軟。麵包密度太高，吃在口中只感到韌性⋯/失望呢😔然後是沙嗲牛肉公仔麵是真.沙嗲牛肉，看得到的沙嗲汁，不是茶餐廳現成的沙嗲牛/ 湯底有沙嗲汁，變得惹味/ 牛肉不夠滑/ 麵的份量很多，女生吃不完。最後以一杯熱檸蜜作結。我認為既然餐廳靈魂是炒滑蛋，好應該再鑽研一下如何煮出香滑濃郁的炒蛋，光是夠滑是不足以滿足一眾刁鑽食家的。

聯發茶餐廳今日去了九龍城工作，又是辛苦的一天，工作完畢後，我便到了這間被稱為「澳牛二代」的茶餐廳吃個下午茶。炒蛋多士 $20 這次來到澳牛二代食炒蛋多士，炒蛋真是好滑好嫩，好有蛋香，還有勁多蛋汁，究竟是怎樣可以把蛋炒得這麼靚呢？另外，多士烤得非常香脆，加上嫩嫩的滑蛋，一滑一脆真的很誘人，真希望這種茶餐廳能在馬鞍山開一間，這樣我便不用再吃那些馬鞍山的劣食茶餐廳...-------------------------------------聯發茶餐廳 (九龍城)九龍城侯王道2-4號地下1號舖

講到吃茶廳早餐，小弟也可算是半個專家。從大約小學開始吃到現在，好說也有二十多年了吧....可惜的是縱然本地茶記數目為數不少，但說到有水準，能令人吃過後留下深印象的，卻並不多....說到最有名的，"澳牛"一定是其一。小弟身為當地的老街坊，從小就已去光顧。好吃固之然絕對稱不上，但充滿效率及侍者之有性格待客之道，卻是"珍珠都冇咁真"....可算是"澳牛"姊妹店的這裡，人流絕對只有佐敦老店約十分一左右，但論食物質素，這兒卻是超越了一倍也不止....先說那碟一丁麵，在澳牛吃到的是淰軟的，而在這兒吃到的是爽彈得多；餐肉也有預先煎香，和用水弄熟，出來淰至斷開到跡近爛的劣貨色，自然亦無法相比....茶走可惜不是用瓷杯盛的，但茶香及甜度的平衡處理得十分得宜。光是做到這一點就已很不容易了....炒蛋是這兩家店的絕活，做出來的效果當然是相當好 ---- 入口既有蛋香又極之滑溜；伴邊的厚多士外烘得鬆脆而內裡軟綿口感很舒服。塗上的牛油份量也很充足自然亦滿帶油香....吃完這一個早餐組合，感覺極為舒服，肚子也十分的受用。美好的一天就這樣開始了.....

【2015 年 7 月】好鍾意食佐敦澳牛的嫩滑炒蛋、厚多士和火腿通粉但每次去都勁多人，排哂長龍 ...朋友之前提過九龍城聯發茶餐廳是澳牛第二代開的店這日順路就去嘆個早餐先 ~~當然是點了至愛的牛油多士、炒蛋和火腿通粉配熱奶茶 ... HK$36 早餐蛋炒得嫩滑又有蛋味多士夠厚又夠熱，外層微脆，裡面又鬆軟 火腿通粉的雞湯味道好濃，配通粉或意粉都不錯除了奶茶唔夠香滑之外，其它都 OK 的下次想食炒蛋厚多士又多一個選擇喇 !!!** 以上分享是以我的口味、喜好及情況作出分享和感受，一試 / 合用與否請自行決定

杯咖啡，好難飲，奶茶無茶味，難飲到死，成個九龍城，茶飱廳排榜尾，好似馬會編班第五班，一句講晒認真喳，义燒葱花炒蛋飯，賣相肉酸到死，難食到痺，上個月杯咖啡，奶茶，炒疍多士，好好多，九龍城排榜首，現在跌到榜尾。