聯發茶餐廳

營業中

休息中

又到咗星期六同男朋友出街喇！今日無乜目的，只係想周圍行吓！佢提意去聯發試吓！因為一直聽人講好好味，睇相已經流口水！入到店有種澳洲牛奶公司嘅味道，但當然無咁多人排隊啦！佢叫咗常餐，有炒蛋火腿多士同沙嗲鮮牛肉公仔麵！炒蛋果然炒得好滑！最正係杯奶茶！佢叫咗多奶，佢形容係香港試過最好飲嘅！而我本來想試原個蕃茄牛肉飯，點知原來星期六只有晚上六點後先供應！於是我就叫咗炭火叉燒炒蛋飯！嘩！呢個飯真係不得了！叉燒好淋好夠蜜汁嘅甜味，仲要係厚切！我男朋友不禁話佢叫錯嘢食，哈哈！下次一定要去試埋佢個原個蕃茄牛肉飯！

原來係澳牛老闆個仔開😱聽說係發哥成日嚟嘅茶餐廳，不過我就見唔到喇🤔#漩渦蛋包西炒飯 ($78)😋好味指數：(7.5/10)感覺係日式嘢，竟然出現係茶餐廳🤣賣相又真係整得幾靚😚入面嘅西炒飯就有火腿腸仔正正常常咁啦😛#特餐 ($58)😋好味指數：(7.5/10)沙嗲牛肉麵 多士 火腿炒蛋有冇人去茶記一定嗌沙牛🤣牛肉嘅份量都幾多，雖然唔係我食過最濃沙嗲味，不過都ok🤓多士都幾厚，加埋牛油脆卜卜好正🤤炒蛋好滑，幾creamy，不過蛋味就較淡😢#法蘭西多士 ($28)😋好味指數：(7/10)好厚嘅西多士😳記得揾人一齊share😆不過入面竟然冇花生醬，始終覺得差小小🙁

承接上一則評語, 其實朱古力到咗之後我都有等了一陣再問女侍應為何奶茶還未有? 佢答我因為奶茶仲煲緊"未得" 所以要等多陣, 我唯有只好等.... 但當女侍應畀咗奶茶我1分鐘唔夠, 疑似男老闆就走來問我食物到齊未, 我答完到齊好快就跟我說上一則文章內容 嘅說話最後我當然趕快起身,女侍應剛好經過也有問我咁快飲完?我話都畀人趕走仲唔走咩 重點"我同阿仔杯飲品係飲咗一半都沒有就畀人催我盡快離開, 其實佐敦澳洲牛奶無論食物及服務都好呢間好多.

比上一次去食所有嘢已經差很多,叉燒太瘦 &沙嗲牛份量極少,叫咗冬奶茶&朱古力飲,但到小朋友食完一整份茶餐都未到,再問侍應就先送來朱古力,奶茶就話要等多陣,到奶茶到了不到1分鐘,不知到是否老闆就問,食物是否到齊? 我點頭話"係" 轉頭老闆好快攞咗張"留坐"牌放係我面前,並且同我講叫我快D飲完杯奶茶,因出面有好多人等緊,服務態度真係好差, 我等飲杯奶茶就等到食完都未到,但等到奶茶送到不到1分鐘就叫我快D,老闆有冇搞錯晒問題係出於佢地間茶餐廳呀？ 所以以後也唔會再去呢間食, 亦唔鼓勵朋友去食。

今日食lunch 經過聯發茶餐廳，見唔多人就入左去食(平時星期六日都好多人，要排隊)平時都係食早餐同茶餐，今次就試下啲碟頭飯🤡🤡叫左個滑蛋叉燒飯同凍奶茶。等左5分鐘就黎齊，效率非常快👏🏻叉燒雖然偏瘦，但係無平時燒味鋪買果啲咁乾身，味道幾好👍🏻滑蛋就好出色，好滑同好重蛋味，唔似加左奶果啲炒蛋，加埋啲叉燒係絕佳配搭👅凍奶茶夠曬大杯，同埋用左不銹鋼杯，保持冰凍，味道都唔錯👍🏻整體份量都算多，好餓先食得曬.不過價錢以碟頭飯黎講都算偏貴，連凍飲都62蚊👀👀

依據澳牛做法既聯發加入好多不同種類食品令食客多左選擇，當中既常餐-沙爹牛肉麵倒是不錯的，炒蛋到位，價錢偏貴，牛油使用有啲過多。鮮牛油多士係好食，但如果多士可以薄啲就會更好，食落會脆身好多。新出既蛋包西炒飯個炒蛋當然不錯，最後更淋上蛋汁，撈埋飯來講真係不錯👌🏼。呢到其實成個set來講我會話係不過不失，中上水平，但係佢杯凍0茶或者奶茶就幫佢班回不小分數，茶底夠香，糖水與茶比咧剛好。為此我會推薦此店。

黯然銷魂飯 煎定既荷包蛋(比我既時候蛋黃已經爛咗)，仲要凍(煎定)，叉燒全瘦，無炭火香味，我以為得我係食瘦叉飯，眼見其他食客都係瘦叉，我無話可説我無影相，因為隻蛋爛咗，無心機以$68呢個價錢，食到我黯然神傷沙嗲牛面+厚多士+煎蛋$58呢隻蛋係即煎既，因為仲識流出來，厚多士剛剛好，外脆內軟，沙嗲牛味道，雖然唔夠香，味道過可以，如果多d 沙茶醬會好d總結: 唔會特登駕車去食，瘦叉凍蛋飯小意見: 叫煎荷包蛋既人，煎爛咗自己食返佢，佢一定唔會再煎爛

港式常餐一直為我所愛，有名的大部份都嚐過。這天來到九龍城，一個人最好還是光顧茶記，就來到聲稱是澳牛後代掌舵的聯發一試。 店舖開業數年，裝潢有小時候的味道，不期望坐得舒適，但也不算擁擠；除了常餐以外也有數款碟頭飯供人選擇，價錢五十多至七十多，頗為進取。 特餐$58 - 火腿、炒蛋配多士多士厚度十足，烘得香脆，炒蛋滑溜但蛋香消失得無影無蹤，有點失望。 沙嗲牛肉米粉沙嗲汁帶花生香，湯底和牛肉都偏鹹，不討喜。 整體味道普通而且價錢偏貴，吃常餐嘛，還是佐敦那老字號最好。

星期日夜晚，同朋友喺九龍城踢完波之後，就去左聯發茶餐廳食飯。由於差唔多夜晚9:00，去到唔洗等就有位，一坐低左就諗唔洗諗就叫左佢地個招牌常餐- 叉燒湯意，炒蛋多士，凍奶茶啦。先講呢間餐廳最出名既炒蛋，話哂係澳牛第三代成員開既，炒蛋都夠熱，滑就係夠滑，但係落得太多牛油，搞到食完就已經好滯。至於塊多士就夠哂厚，厚得黎夠熱，牛油份量都適中。不過個叉燒湯意就有D失色，首先個意粉似係煮好左一段時間先加湯上菜咁，食落好漿，食左一半都無就放棄左。叉燒太瘦，食落好難咬。以前都有食開呢間，不過今晚個水準就真係有啲差喇，可以就收鋪求其煮，希望下次會好啲

對聯發期望頗高，因在眾多bookmarked的茶記中，大部分人上載的食物照片也十分「靚仔」，令人感覺穩定和高質，結果還是有落差。多士 - 厚底如兩片方包，有點過硬，口感不佳，見很多客人也吃不完。炒蛋 - 個人偏好較多蛋漿的，這家則偏乾身，蛋味不突出。火腿通粉 - 湯分量偏少、有點「杰」，應加了點忌廉。奶茶 - 茶底濃郁、是會上腦那種，入口偏澀、不夠厚滑，剛好合格。有點意外的是，店內有兩廁格，且不是為了符合法例轉身也有困難的size，地上無積水、有充足廁紙、洗手液、鏡、吹風機和用作吸味的咖啡粉，十分乾淨，值得讚賞！

澳洲牛奶已興旺48年了，早過了銀禧，邁向金禧（2020年）。是最長龍，最著名，最威震神州的茶餐廳。其家族史頗神秘，聽了很多知情人士的小道消息，才略知一二。第一代鄧林泰是海員，見識廣，在澳洲時察覺鮮奶之美味，回港後開業。現由第二代鄧棋楠經營，收銀，店長由家人包辦。第三代鄧曉洋與外人合伙開此店，圖延續傳奇。澳洲牛奶最著名是「光速」點餐和進食，餐單簡單，重點分明，此店卻有些複雜。現分析食客應注意的攻略如下:⚀開飯時間三級制其實澳洲牛奶不是茶餐廳，沒有飯粉麵供應。此店一大革新是有飯供應。我覺得此店有「睇頭」反而是飯。請注意到訪時間很重要，上午11時至下午3時最佳，可點選下圖6款飯。3至6時停供上述飯類飯。首選蕃茄鮮牛肉飯。聞說此區人流不足，此店供應碟頭飯以救亡。構思仍以蛋為主角，把蛋融入蕃牛飯，成為炒蛋的進階版。上檯時炒蛋已化為無形，只見牛肉。滑蛋令牛飯充滿黏液，脫皮鮮茄可按食客要求，流下鮮茄汁，令茄牛飯更濕潤，是茶樓供應的茄牛飯的升級版。午市單身男多食此飯，成為男人的浪漫。因獨特性而在此店飯類排名第一。論味道則數滑蛋葱花义燒飯。蛋餅完全覆蓋白飯，濕度滑度滑度色相均比美旺記冰室。蛋餅厚度不及一

早兩年聯發剛開業的時候，報導都說這家的老闆是澳牛第三代成員。近來有好多這食店的食評，看起來好吸引，讓我特地去九龍城試一下。一進店裏已經坐滿了人，裝潢也跟澳牛一模一樣。可是看一下餐牌，就覺得有點貴了，特餐也要$58啊🤔為了特餐而來，首先炒蛋看起來已經有點老了，也沒有蛋香跟奶香，有點失望。而多士是不錯，牛油份量夠，配著炒蛋吃還不錯。沙嗲牛肉麵是出前一丁，有加分。不過麵已經煮過頭，太軟了。而且沙嗲也沒有沙嗲味，牛肉也很硬🤨本來想點小碗的，可是小碗的就沒有蛋，只好點大的了。叉燒有點乾，也很瘦。就沒有什麼特別啊，可是卻差不多要$70... 是為什麼呢...

同屋企人食brunch一諗就諗黎呢度食。每次都係食3樣野，烘底蛋治一上就忍唔住食唔記得左影相，包脆蛋滑香噴噴。沙嗲牛麵我都未撈d沙嗲牛肉落湯度都已經咁濃，撈完就更加唔洗講啦叉燒做得幾好食，燒得好香，唔會好乾好硬太肥太瘦，不過我都唔太好叉燒，都係屋企人點既。同今日啲飯就差差地，淋左d..奶茶唔跟餐賣到$22杯，未飲之前就係度諗究竟佢有咩咁把炮，不過飲完就覺得都OK，飲開唔落糖。呢杯都香滑，奶同茶好夾。不過$22單叫我就唔會啦。

早幾日係FB見到十大常餐,其中一間就係呢間,今日就一於同老公去試下!山長水遠搭車黎食,好彩無令我地失望!!!平日既侯王道無咩人流,但唯獨聯發內人頭湧湧,不過當日都唔需要排隊.等左大約2分鐘就有位,其實價錢真係唔平.到底有咩咁巴閉,就真係要試一試先知呢份餐HKD53 常餐黎講都算天價.叉燒通粉,火腿炒蛋,牛油多士連熱飲牛油多士 - 牛油一D都唔,而且都搽得好均勻!不過真係要襯熱食.所以都建議成份餐最好先食多士,咁就保持到最佳既品質!老公就要左意粉,佢話食通粉食到悶.我就唔鐘意食湯意粉,嫌佢跌返落湯度會彈到周圍都係.每一啖都連埋D湯一啖擺入口,真係好正!個湯夠濃,唔會似出面咁稀!叉燒都唔會乾柴,更加唔係D頭頭尾尾!炒蛋就正常啦,唔係特別出色奶茶一凍一熱,茶味好出!

睇完Facebook 介紹一心諗住入嚟食滑蛋，點知好失望名不副實，炭火叉燒飯一D都唔炭燒味，但肥痩適中，算好食最失望就係呢個旋渦蛋包西炒飯，樣係好精美，但個滑蛋好薄，唔香濃，個炒飯極少餸，得少少腸仔同火腿，飯偏硬無茄汁味，最慘係暖叉燒蛋飯超薄蛋，仲要無比鼓油汁原裝澳牛個三文治好食好多，麵包皮唔夠軟又唔夠熱，D蛋唔夠蛋味又唔熱西多無花生醬，又係唔夠熱，牛油都唔溶其實我淨係想食D熱辣辣又新鮮嘅身物，要求不算高吧！