聆渢咖啡廳

營業中

休息中

老婆生日join 咗酒店個birthday package,一人free 自助晚餐!1. 魚生十分fresh...2. 熱盤的選擇很多...3. 甜品有好多種類...4. 雪糕只有2 個味道...(- -")由於今次一人免費, 真係好抵食呀!

價錢有點貴, 可能是因為母親節吧, 但安排十分不錯, 每個家庭都會安排拍全安幅, 還是佈境專及業攝影師!----------------------------------------------食物種類真的幾多, 味道還可以:- 魚生份量真的十分足!一碟已經滿足- BBQ區的選擇不多, 羊扒,雞軟骨,大蝦等- 燒乳鴨, 乳豬, 炒蜆也不錯, 幾特別- 中式熱盤, 不是我最愛, 沒有留意, 西式的選擇不多- 甜品一般而已, 不過種類也不少, 最好吃的是焗蛋- 雪糕當晚只有3個味道><整體來說是不錯, 室外吃自助餐感覺不錯

母親節又有package,而且又轉為花香蜜語自助晚餐,完全合適鐘意花既大人,所以唔駛考慮,book之!除左一袋crabtree & evelyn護膚品之外,本來仲有一支花,但最後改為送三隻燕窩蛋撻到房間,燕窩份量算ok,蛋味唔太覺,而且有點淋,不過誠意搭夠。花香自助餐除桂花糕之外,原來仲有錫紙包菊花龍利柳同菊花芝士肉丸;龍利柳幾香滑,一打開錫紙包就見到幾朵菊花,而且聞到好香菊花味,又幾特別!菊花肉丸中間真係有朵菊花在內,除此之外只係見甜品中有無數花瓣,未算太貼題。熱盤試左咕嚕肉(味道ok但稍乾);海南雞(雞肉夠滑,加上甜甜黑豉油同蔥茸,都幾好時沙嗲感覺);炒雜菜(新鮮炒起,芥蘭、鮮冬菇、小棠菜、椰菜花都好新鮮,不過食到有胡椒粉味)。戶外燒烤今次多左燒乳豬同乳鴿,試左一隻燒乳鴿,size幾細有少少肉但唔太入味,未夠之前在台北食既好味;燒蝦、羊扒保持水準,食左三件羊扒,真開心!!雞軟骨今次味道欠奉,只有口感;天婦羅還ok,夠新鮮!大人話金菇牛肉卷超好吃,另外燒秋刀魚都好好味。響螺湯煲得夠時間,好老火湯feel;泰國魚翅食到一條海參,味道ok但飽肚。甜品方面真係幾多款式,今次仲加左燕窩,媽媽

趁住長假期酒店又有package,再次留港消費促進香港經濟繁榮=p dinner buffet同以往有少少分別,今次已經無需用牌仔換食物,客人只需向廚師order各類食物就ok。粉葛赤小豆煲豬肉湯味道還可,可能為免有魚骨問題,呢個湯並無加魚同煲,所以欠缺少少鮮甜味道。熱盤:款式一般,只試左海南雞飯,雞肉被客人揀至體無完膚,幸好仲有幾件雞胸係度,加上甜甜黑豉油、蔥茸,總算味道ok。沙律、凍肉今次不感興趣;食左隻凍龍蝦仔,肉質幾爽只係味道自己不太接受。魚生一如以往排長龍,姐姐仍然每人大大碟,只係今次質素真係唔得,北寄貝size細細,三文魚睇落肥美但無乜味道,連豉油同wasabi都係.....反而戶外燒烤質素更好,勁食鐵板煎大蝦、扇貝、芝士焗帶子、串燒雞軟骨....最好味係燒羊扒,雖然無上次有汁有配菜,但自己就最鐘意!!另外天婦羅都幾好,除一般蔬菜、大蝦之外,連多春魚、軟殼蟹都有,新鮮炸起好香口!甜品方面質素一般,由於復活節關係,大部份蛋糕都以呢個節日做主題,造型方面極度吸引小朋友,所以甜品檯/朱古力噴泉前面永遠有一大群小朋友同家長,算吧....幸而仲有任食雪糕,自己要左杯咖啡雪糕,真好味

其實已經係第三次入黎食Buffet,不過對上一次已經係兩年前既事,大佬,入一入黎真係要時間架~為慶祝老公加人工,同埋做緊ID有2、0、7是旦一個字七折,更係入黎食番餐好架喇~入到去,發現原來從新裝修過,出面燒烤位整左個好靚既小亭,仲多左好多食物呀~~裡面亦都比我記憶中多左30%既食物,好驚喜呀!!頭盆當然要食刺身啦~刺身部有位亞姐不停切畀我地,有三文魚、立魚、吞拿魚、大八爪魚片、北寄貝同甜蝦,另外仲有小小壽司同玉子,只要你有要求,亞姐亦都會畀滿一個小碟你架~由於大家都見到個櫃裡面大把刺身,所以大家都唔會爭,最多排三、四個人已經有得食啦~刺身既新鮮度都有70分,但以咁既價錢既Buffet黎講,加上長期供應、任食唔嬲,都已經好抵!跟住食下其他冷盆,有成十幾款特別整既肉片,多數用三文魚做主料,大部份都好食!當然都唔少得煙三文魚啦~另外仲有好幾款唔同既煙肉類,都好味~而沙律都有適當份量,不過我就冇食,因為我知道呢餐太多野食,就算每樣試一啖都係食唔哂咁多野!之後到泰色沙律同冷盆食物,都有成八款比你揀,我只係試左其中兩款每樣一啖,OK!另外亦都有日式冷麵同螺肉、八爪魚仔等小食,不過係咁多野食既情款

男友一家20餘人殺入Gold Coast食Tea Buffet，慶祝哥哥生日兼和表妹影畢業相。Tea Buffet成人$115，小童$75，食物種類算多，味道OK，整體上抵食。冷盤：沒魚生，但cold cut種類齊全優質，沙律蔬菜亦見新鮮。這裡亦提供多款芝士和crackers，可惜芝士淡味，吃得不過癮。熱盤：頗出色，最正係即煎的奄烈，女廚師手勢好，配料有火腿、磨菇、羊葱，炒到起哂火，蛋剛熟，落足心機。炸物中，以炸雞件(9成似麥樂雞)最好；中式點心有：叉燒包、燒賣，一般水準。炒物出奇美味，豬扒煎得軟熟、翠肉瓜雞柳是我的至受、沙爹串燒眾人都大讚。甜品：較弱，只有waffle出色，外脆內軟，正！蛋糕欠奉，只提供各式曲奇、jelly和布丁，味道一般。另有提供牛奶公司杯裝雪糕，算交足功課。飲品：各式果汁(非鮮窄)、鮮奶、即磨咖啡，自助任飲，頗公道。Service好，雖然location遠，但有shuttle bus由尖咀和荃灣直達。我在荃灣上車，不消20分鐘便到達，仲快過出銅鑼灣。

昨晚慶祝老闆生日,一行17人去咗呢間餐廳食dinner buffet, 由於有中銀咭, 所以有6折, 加埋預訂壽包, 每人都唔駛$250, 幾抵!7點3左右去到唔係太多人(平日嘛), 但食物種類算多, 最正係個煲仔翅, 裡面真係有好多魚翅, 個個都食2碗!啲冷盤同sashimi都幾新鮮, 但甜品就略為遜色, ice-cream只係mini 雀巢, 仲要得3種味又唔refill, 有點失望. 不過個環境真係幾靚, 衰在地點太偏僻,冇私家車真係咪搞

得閒死唔得閒病食評都攤凍晒剛巧今日係丁丁丁開評一周年當然要努力追返落後左既進度話說地震過後自然要散散心野外Pro飛都係不錯既選擇主題係燒烤自助餐一人三枝攪攪棒出去露天既燒烤檔度揀食物如果唔夠加三十蚊可以再換一枝棒玩法特別不過由於變相有價錢既考慮客人自然會計多幾計究竟值定唔值市場學上唔多聰明於是今次就覺得普遍選擇都幾貴囉例如龍蝦要七枝即係兩個人的話唔加錢無得食餐酒三枝等等最終我地既選擇係帶子王(一隻兩枝)鴨胸(1)同埋大蝦半打(一枝兩隻共三枝)始終係酒店即煮既質素不會太差帶子王煎完當然縮水一人一半無咩落肚大蝦用柑欖油香煎食得到蝦既原味又煎得夠香鴨胸反而最抵成件扒咁而且腌得好好好有蜜糖味唯獨鴨皮肥左少少其他食物方面都唔錯不過唔會唔記得呢度之前出過幾次事盡量都唔食放得耐既冷盤甚麼泰式沙律八爪魚之類魚生亦係一般雖然份量好多但食左一轉覺得心口奄悶唔多妥即刻停手唯獨有人唔識死食蠔食上癮由頭食到落尾不過呢度既蠔仔細細全部師傅即開即洗都ok既海鮮仲有帶子同瀨尿蝦熱葷選擇不算多但唔差唔飽可以食泰式粉麵甜品都叫多款不過無邊款特別深刻豆腐花同即製窩夫都值得一試既汽水雪糕任食不過轉左做雀巢雪糕咁既價位加埋野外

平均一個月去一次啦..<br />夜晚$298一個人,<br />日日有不同的信用咭折扣(6折),<br />4個月前d生蠔大大隻肥得得..<br />到而家就係採用珍珠蠔..又瘦又有dd苦\"<br />不過不過!d甜品真係好好食!咩都有連cheesecake都有分軟餅同硬餅...正呀!<br />d餅乾eg.蝴蝶酥又好味!<br />d西湯就是極品!!<br />是日消費$ 210/ 一人

上次食得實在太滿意,趁住個package尾聲再食多次,點知就出事喇.......由於週末關係,客人比上次多好多,魚生、湯麵、生蠔檔都人龍處處,未至於要爭食但都要慢慢排隊lu。今次無試西湯,中湯係響螺湯,味道淡淡唔係好濃個隻,普普通通啦。魚生: 魚生仍然靚仔,不過吞拿魚唔得,味淡而且有筋;北寄貝大大片,賣飛佛!! 呢個魚生檔姐姐仍然闊綽,我一個人排隊都有咁大碟!! 熱炒: 酸甜魚柳香脆,酸甜汁唔錯;西芹炒海鮮都幾多海鮮,蝦肉夠爽西芹嫩;蝦炒伊麵賣相似龍蝦伊麵,蝦肉煎得香口,伊麵唔太油;泰式炒青口有膏夠肥美,辣辣地夠惹味;龍脷柳同雞肉就一般,唔食唔係損失。凍海鮮: 帶子細細粒,味道唔算好,不過點解隻帶子唔係chi住個殼既??大人話今次凍蝦凍蟹唔及上次,蝦肉唔彈牙唔鮮甜,蟹肉就淡茂茂.....沙律: 泰式柚子沙律d柚子苦既,唔得!!!青木瓜沙律咸咸酸酸,味道特別但唔係我杯茶;沙律菜新鮮,有橄欖油黑醋汁以為執到寶,點知d黑醋唔似alpha個次甜甜地,而係好酸架!!!燒烤: 今次無左爆好食雞串,好唔高興啦真係!!而且全部食品都加左價,上次一支簽可以換到但今次已經要2支>_< 炒菜

黃金海岸最近有超值新package,比個藉口同自己慶生日同放鬆一下,就黎左度玩左2日1夜。今次個package送自助早餐同半價食dinner buffet,齋食野都抵番晒,今次仲免費upgrade上露台海景房,happy happy!!其實dinner buffet唔算太多選擇,尤其係熱盤,可能今期主打海鮮燒烤,拎住幾支簽出去吃燒烤都飽左幾成。洋蔥湯/蘋果嚮螺煲山斑魚湯:中湯比西湯好飲,好鮮甜,但要早d飲,因為後期會加水再煲,味道淡好多。冷盤:肴肉、豬耳批,質素普通,可以不理!有即開生蠔但無吃;凍蝦夠爽口大隻而且軟殼,ok;泰式酸辣鳳爪唔得,無味的!!魚生:三文魚生超新鮮靚仔!!加埋北寄貝,yummy yummy!八爪魚就差d,無味又un;魚生檔姐姐好闊佬,比左三片北寄貝/五片三文魚!!熱盤:芝士菠菜焗蠔唔腥,好香但漏;雞翼煮得好香又肥美;蕃茄龍利魚,味道ok但孩;淮山炒海鮮d蝦仁好大好爽,夠清淡。燒烤:咸魚炒雜菜(1支簽)炒得超香,菜新鮮任揀,好好玩;帶子皇(2支簽)好大隻,芝士汁好香,但2支簽又好似唔多抵,蠢左!!冬菇雞肉串(一支簽)呢個超級得!!2大串嫩嫩雞肉加上甜辣味燒汁,睇個

響酒店度假一日﹐順便試下個buffet.感覺係不過不失咁啦﹐我唔覺得值得特登入黎食囉。基本上如果唔係有即叫即燒既食物﹐呢餐buffet真係非常唔抵。因為只有六個hot dish,樣樣都唔好食﹐試都唔駛試﹔D魚生麻麻地﹐唔係特別肥美或者新鮮﹔生蠔雖然係即開﹐但係又細隻又唔新鮮﹔凍海鮮(如青口﹑螺﹑clams﹑瀨尿蝦等等)唔鮮甜﹐唔食都無損失。彈完一輪﹐講講有咩好﹕1. D即叫即燒既野食幾ok﹐有十零種選擇﹐我地試左牛扒(好'lone'﹐差!)﹐盧魚(呢個係包住錫紙黎燒﹐好juicy,好好食)﹐泰式燒雞(非常惹味)同炒菜(純粹想食下菜﹐不過都ok)。其他仲有蝦餅呀﹑阿拉斯加蟹腳﹑烏頭﹑羊扒之類﹐叫做幾多款啦。我地覺得可能佢地想用D即叫即燒黎代替hot dish,所以D hot dish先咁不濟。2. 甜品好似有好多選擇﹐D 一杯杯papagallo gelato係幾吸引既。3. 其實最好係個環境﹐我地坐響室外個燒烤亭附近﹐氣氛好正﹐好有度假feel﹐好在無乜蚊。就係咁。如果唔係有個D即叫即燒就真係要回水!!

食物普通, 選擇唔多, 沙律得泰式, 唔o岩我食, 冷盤都係o個d, 蟹腳、凍蝦、大螺、帶子... 生蠔好細隻, ok 掛?? 我都唔食o既, 刺生ok, 有三文魚、\"立魚\"魚、劍魚、八爪魚、赤貝、北寄貝、玉子同甜蝦, 甜蝦唔錯, 幾好食, 熱盤黎黎去去都係果六至七款, 全程都冇轉過.甜品就... 連cheese cake, tiramisu 都冇, 另有豆腐花、pancake、夾餅, 最好o既係pappagallo 杯裝雪糕不停供應, 支裝可樂任飲, 仲有個粉麵檔.露天bbq 檔d 食物最好食, 但全部食物都要用籤黎換,每位大人有三支, 小朋友兩支, 六支換龍蝦仔, 一支雞串, 呢兩個都好味, 二支大扇貝or 泰式鱸魚, 泰式鱸魚唔得, 好鯹, 一支燕窩燉蛋, 仲有其他...全晚冇人加過水比我, 唔覺冇咩services.credit card 有discount, 8大1細, $23xx, 咁o既價錢食咁o既quality 唔算抵.

山長水遠入黎食buffet，其實因為這裡環境舒適，坐戶外景觀開揚，可看著燒烤的檔口，而且有信用咭優惠十分抵食。食物跟以往沒有太大分別，多加了即制泰式沙律counter，另外，玻璃樽裝可樂任飲和Pappagallo的Gelato任食是抵讚的地方，就算唔食太多野，只飲野食甜品及幾隻生蠔都乜都抵返~~

12月8日今日專誠由香港搭車去黃金海岸食buffet, 因為有買一送一coupon, 我地差唔多八點至到, coffee shop裡已經坐滿人, 于是揀了露天坐位, 雖然氣溫得15度, 但由于枱旁邊放置咗暖爐, 感覺好溫暖, 且對著園林露天景和海鮮大檔, 好似置身于渡假地方.野食方面, 熱盤唔係好多選擇, 最吸引係海鮮大檔, 可惜每樣食物要用竹籤換購, 仲唔係一換一; 因為買一送一關係, 佢地只係俾咗三支竹籤我地, 最後揀咗鵝肝和燒雞……烹調後出黎的效非常美味甜品和生果方面選擇好多, 每樣甜品都細細件’滴滴飾飾’, 好得意, 仲有即開生蠔, 同埋支裝可樂任飲但魚生選擇就唔多, 有d看上去好似唔係好新鮮, 只係食咗三文魚剌身總括黎講都係一個唔錯的選擇