影片
更多
2006-07-09
6 瀏覽
上次食得實在太滿意,趁住個package尾聲再食多次,點知就出事喇.......由於週末關係,客人比上次多好多,魚生、湯麵、生蠔檔都人龍處處,未至於要爭食但都要慢慢排隊lu。今次無試西湯,中湯係響螺湯,味道淡淡唔係好濃個隻,普普通通啦。魚生: 魚生仍然靚仔,不過吞拿魚唔得,味淡而且有筋;北寄貝大大片,賣飛佛!! 呢個魚生檔姐姐仍然闊綽,我一個人排隊都有咁大碟!! 熱炒: 酸甜魚柳香脆,酸甜汁唔錯;西芹炒海鮮都幾多海鮮,蝦肉夠爽西芹嫩;蝦炒伊麵賣相似龍蝦伊麵,蝦肉煎得香口,伊麵唔太油;泰式炒青口有膏夠肥美,辣辣地夠惹味;龍脷柳同雞肉就一般,唔食唔係損失。凍海鮮: 帶子細細粒,味道唔算好,不過點解隻帶子唔係chi住個殼既??大人話今次凍蝦凍蟹唔及上次,蝦肉唔彈牙唔鮮甜,蟹肉就淡茂茂.....沙律: 泰式柚子沙律d柚子苦既,唔得!!!青木瓜沙律咸咸酸酸,味道特別但唔係我杯茶;沙律菜新鮮,有橄欖油黑醋汁以為執到寶,點知d黑醋唔似alpha個次甜甜地,而係好酸架!!!燒烤: 今次無左爆好食雞串,好唔高興啦真係!!而且全部食品都加左價,上次一支簽可以換到但今次已經要2支>_< 炒菜
由於週末關係,客人比上次多好多,魚生、湯麵、生蠔檔都人龍處處,未至於要爭食但都要慢慢排隊lu。
今次無試西湯,中湯係響螺湯,味道淡淡唔係好濃個隻,普普通通啦。
魚生: 魚生仍然靚仔,不過吞拿魚唔得,味淡而且有筋;北寄貝大大片,賣飛佛!! 呢個魚生檔姐姐仍然闊綽,我一個人排隊都有咁大碟!!
熱炒: 酸甜魚柳香脆,酸甜汁唔錯;西芹炒海鮮都幾多海鮮,蝦肉夠爽西芹嫩;蝦炒伊麵賣相似龍蝦伊麵,蝦肉煎得香口,伊麵唔太油;泰式炒青口有膏夠肥美,辣辣地夠惹味;龍脷柳同雞肉就一般,唔食唔係損失。
凍海鮮: 帶子細細粒,味道唔算好,不過點解隻帶子唔係chi住個殼既??大人話今次凍蝦凍蟹唔及上次,蝦肉唔彈牙唔鮮甜,蟹肉就淡茂茂.....
沙律: 泰式柚子沙律d柚子苦既,唔得!!!青木瓜沙律咸咸酸酸,味道特別但唔係我杯茶;沙律菜新鮮,有橄欖油黑醋汁以為執到寶,點知d黑醋唔似alpha個次甜甜地,而係好酸架!!!
燒烤: 今次無左爆好食雞串,好唔高興啦真係!!而且全部食品都加左價,上次一支簽可以換到但今次已經要2支>_< 炒菜份量少左,咸魚又少左,炒得唔夠香口;燒鴨胸ok,個醬酸酸地無咁漏;椰皇燕窩蛋白唔夠滑,燕窩好似裝飾一樣,一茶匙都無;唯一幾好係個羊扒,燒得好香,黑椒汁好惹味,羊扒幾肥不過用迷迭香醃過無乜蘇味,又真係幾好食喎,加上2條燒茄子、翠玉瓜,成個主菜look。
甜品: 蛋糕方面不提也罷,連我呢個甜品怪都無心機去揀
@_@ 豆腐花夠熱夠滑,呢個ok!!朱古力麵包布丁好漏,少食為妙;雪糕今次papagallo+雀巢,前者只有草莓味,唔合口味;後者多d選擇,揀左vanilla雪糕配即煎pancake,冰火口感,正!!!
生果: 仍然主打菠蘿/西瓜,但菠蘿水準唔太穩定,睇你彩數。
****************************************************
早餐食物同上一次一模一樣,連擺放位置都係,新鮮感欠奉。
蝦餃仍然新鮮,但size變左迷你版,仲爆皮添;咖喱雞香而不太辣,比辣魷魚好;火腿扒夠口感,意外收穫係伴碟甘荀波波好清甜;炒蛋滑但唔夠蛋味;炒蘿蔔糕今次好粉,唔太好。
成個早餐最好都係有即磨咖啡,飲左2杯加上屋仔奶,正!!最後以幾片菠蘿/西瓜加一杯西柚+橙汁作結。
總括黎講今次係唔多滿意,或者係上次實在太正,所以係無左上次個種滿足同開心感覺lu,OK面係比個2位態度超好既frontdesk經理同餐廳經理,後者好得意,不斷同客人講:慢慢揀,食多d,食多d野=p
張貼
