聆渢咖啡廳

營業中

休息中

星期六晚，六點幾入到呢度食BUFFET，已經有不少人到場，但幸好我們早已預訂了露天坐位，故完全沒有壓迫感，環境亦十分開揚，面對著名正言順即煮即燒的OPEN KICTEN 和海鮮大檔，加上涼風送爽，實在頰意非常，一個字──正！食物方面，選擇不少，冷盆有即開生蠔、厚切魚生、蟹腳、凍蝦、大螺、蟹蚶、八爪魚等，超新鮮肥美，另外仲有凍肉同埋多款芝士和巴馬火腿添~~熱葷方面反而沒有太大新意，只有一般麵、飯、雞、魚、不到十款~~甜品選擇亦不少，Cheese cake、蛋糕、生果、雪糕、弄花、朱古力瀑布、豆花、即製窩夫、pancake等，十分豐富~~而最為特別是BBQ食物，每位客人可得3支簽，然後可用簽到露天海鮮檔換食物，廚師會為你烹調然後送上，如：5支簽可換BOSTON龍蝦、4支簽可換ANGUS steak、2支簽可以換超爆大扇貝、1支簽可換半隻燒雞、豬頸肉或釀蟹蓋等等。如不夠簽，亦可以30元買1支簽，加換你喜歡的食物~~最後在雜誌剪了coupon，還有每位送龍蝦tiramisu一件添，地方舒服，服務細心，且十分有創意，值得推介~~※恆生、中銀信用咭有9折。

11月26日12:30公司的亞太會議已近尾聲，中午在這樣開餐。生滾皮蛋瘦肉粥：粥底算綿，皮蛋糖心，瘦肉入味。豬湯：清、香濃。木瓜、煙肉杯：甘超薄德國煙肉，配木瓜，據聞是絕配，但有中式酒樓茶杯盛載，有點怪相。因下午仍要開會，所以不敢吃太飽，以免飯氣攻心。環境不錯，侍應反應算快。

酒店的環境不容置疑的一大個「美」字，有室內及室外座位，近泳池旁，水影在燈光下四處閃亮，周遭椰樹林立，環境幽美怡人...食物款式不多，但重質不重量，可見食物新鮮無比，就連平時對海產極度抗拒的我，也奇蹟似地吃了一只生蠔，我平時可是放入口不到兩秒便吐出，今次還真算我第一次真真正正吃生蠔，其他食物也很出色，三文魚生更是任吃唔嬲，鮮八爪魚彈牙爽口，煎牛肉卷亦是水準之作，沙律照樣的吃了不少...整體來說，值得一去...

今次以「龍皇宴」做主題,所以有好多海鮮做冷盤冷盤-->青口,田螺,蝦,蟹,蟹腳,仲有兩隻唔知咩貝同一條熟左既凍魚,刺身有五六款,鍾意冷食既都會滿意,再加上佢既生蠔係即開,好新鮮,仲有海水味架!!沙律-->都有幾款,但都係普通料熱盤-->咕嚕肉,豬扒,牛仔骨,牛扒,雞柳,炒飯,芥蘭,豆腐,西芹,蒸魚,仲有冬瓜,戶外既熱盤好食d,有牛油蒜蓉煎大蝦,成晚最好食係依個餸, 鵝肝牛肉卷都唔錯,幾香,燒乳鴿都幾香口同脆,瑤柱雞皇粥幾軟綿,龍蝦碗仔翅普通,炸雪糕好好味呀,炸海鮮紮無食過,唔知...甜品-->好失色,平時我食最多甜品,但今次真係極失望,樣樣都細細件,但一d都唔好食,最好味既已經係木瓜西米露,佢既窩夫同燕窩鮮捆pancake好普通囉,都食唔出有燕窩,仲有個朱古力噴泉,但對它興趣不大...生果-->反而有好多,所以今晚食左好多生果總括來講,唔需要特登入來食,除非咁岩經過

因為有buffet club 買一送一coupon, 所以黎食自助餐. 唔好話我大鄉里, 我咁大個女都係第一次黎黃金海岸酒店. 環境真係唔錯喎. 呢期buffet既主題係龍蝦同燕窩. 不過d龍蝦好似手掌咁大隻, 冇乜興趣. 唔知係咪呢d龍蝦好平呢, 好似去度度食buffet都有咁. 講下有咩食先.魚生有三文魚, "魚立"魚, 北寄貝同甜蝦. 另外仲有幾款手卷, 冇食, 所以唔知有咩揀.有沙律, 兩款湯, 一中一西. 另外仲有凍海鮮- 凍蝦, 青口, 瀨尿蝦, 龍蝦仔.另外仲有好多細細件揀, 岩哂我呢d貪心人. Parma ham with melon必食, 因為出去食好貴. 呵呵...熱盤選擇比較少, 豬牛羊魚菜樣樣一款, 仲有炒粉, 炒飯. 露天有幾個小攤檔, 有即煮野食. 有龍蝦碗仔翅, 燕窩雞茸瑤柱粥, 燕窩鵝肝牛肉卷, 燒乳鴿, 煎大蝦, 炸海鮮- 軟殼蟹, 多春魚同埋一個芝士海鮮盒, 可能因為新鮮煮好, 全部都好好食.甜品方面, 有小朋友至愛既朱古力噴泉, 有即製既燕窩雜果pancake同waffle. 另外仲有生果同好多細細件既蛋糕, 好過其他果d一個個上, 俾人切到爛哂.

今晚專誠山長水遠同男友book左8點黎呢度食buffet,雖然今日星期一,但眼見入坐率都有8成.本來book左坐室內,但見室外靜d,feel好d,於是坐左出去.環境真系一流!無敵海景+一片青草地+椰林樹影比人一種好舒服relaxing既感覺,系度食飯可以令人煩惱暫且可放低.食物方面都頗多選擇,室外:燒乳鴿,龍蝦碗仔翅,粥,炸海鮮,椰皇飯,炸雪糕.燒乳鴿同炸軟殼蟹必食!未食過咁juicy既炸軟殼蟹!室內:cold dish:青口,龍蝦仔,凍蝦,三文魚,立魚,吞拿魚,北寄貝.4-5款salad.3-4款三文魚,熱盤都系大路野.反而甜品十分之有種類:燕窩什果pancake,waffle.choco fountain,雀巢雪糕,麵包布甸，豆腐花,細細件有cheesecake,薄荷朱古力mousse,mango mousse,jelly,椰青糕,椰汁糕.燕窩什果pancake同waffle必食!有自助咖啡/茶.服務就麻麻,侍應經驗尚淺,有待改善.原價$238位我地用coupon買一送一,total$290,highly recommended!

冷盤總類很多~味道不錯熱盤不太吸引反而到泳池附近"排隊" 拎既即整食物唔錯1. 意大利炸蔬菜2. 意大利式炸魚3. 即做PASTA4. 串燒5. 燒乳鴿但係...搶食情況都算嚴重甜品可以話係好鬼難食=0=較好既係提供杯裝雪糕, 雪之戀人朱古力嘖泉大受歡迎, 不過.. 我認為D朱古力唔靚同埋始終認為衛生問題．．．．．．．２００幾蚊位，ＯＫ啦住得遠唔值得突登黎＠＠

我去年暑假(2004)book了一晚房間,同班朋友玩番晚。當日去到buffet 餐廳gei時候,reception o既服務態度好好,冇因為我地細個就忽略左我地,仲安排左一張面向池景的cafe台比我地。當晚有一個男人不斷自彈自唱英文歌,食客仲可以點唱,氣氛好好。不過,我要提醒大家,如果有得要求,記住一定要坐2樓(即係我坐o個到),因為2樓其實即係同lobby一層,環境寧靜同埋舒服好多。無可否應,1樓的環境不是太好,比較多人同埋由於位於泳池旁,冷氣並不太充足,但係食物就集中放係1樓。我當時的價錢係$220 (4送1),總數每人都唔使$200。我覺得lee個價錢相當合理,因為$200食一餐dinner buffet都算十分便宜吧,怎能彈到別人一蚊都唔值?最後,我提議大家若book埋房間住一晚會更舒適,因為吃飽後不用長途跋涉回市區,實在係一生一大快事也!

其實食2 百幾蚊個自助餐, 點都係蝕GA LA~~呢到D野, 款式都唔少~~~仲有花園既特式燒烤~~不過講特色都唔算好特別~~都係D一般串燒咁~~飲左個全晚皇點推介既唔知咩鬼鮑魚燉咩鬼湯~~可能D材料好貴, 但係飲落就麻麻地姐~~其他果D CAKE AR~~刺身都唔錯~但係我地坐果個位就一般~~因為係樓梯隔離~~黑漆漆~~好難食野~

環境一流～cheese cake ＋甜品好好味，我即燒串燒、chicken wings，仲有魚翅鮑魚一品盅，雲吞沙鍋雞好名貴！！！因為我2 月２８日去，做緊上海之旅，好有特色～～～Anyway, the hotel's performance is larger than my expectation, i feel satisfied about the restaurant!!! and i will come again next time surely~^.^

ｂｏｏｋ左１３／２入住，大約＄１２００／２人（包早晚ｂｕｆｆｅｔ－於信和ｂｏｏｋ既）今次安排左上層既漪泉吧食，好ｆｅｅｌ好得ｌａｗ，ｄ　燈光暗暗地，張張枱都有一個心形ｂａｌｌ，又有人邊彈琴邊唱英文歌，好正～尤於情人節，所以今次ｄ野食係連埋下層聆渢咖啡廳，所以要行上行落（做下運動都唔錯），由６：３０－９：３０，ｄ野食好得，有好多甜品，２月份做緊好似東南亞美食，ｓｏ都ｏｋ，熟食１０幾款，室外又有幾架車仔，有煲仔湯，串燒...ｄ甜品有中（豆腐花），西（芝士－正，朱古力...），印尼（千層糕－超正，糕點），生果，ｉｃｅ　ｃｒｅａｍ，ｄ　ｓａｌａｄ都ｏｋ，又有日式野食，餐湯，餐包．．．重之就正呢～個早餐ｂｕｆｆｅｔ都好正，有好多包包（自己ｃｕｔ又有，一個個又有，自制多士），有乳酪，麥片，生果，芝士...重有ｃｏｆｆｅｅ／ｔｅａ，果汁，蕃茄汁，豆漿，ｍｉｌｋ．．．有煙三文魚．．．正正正～

行過商埸,見佢做緊promotion,所謂海鮮自助餐,180蚊一位.咁抵,一於試下.Book左位,佢話室內無唒位,要坐花園,當時我仲唔知花園係咩一回事,見個日得閑,算,照殺.上網睇食評,見個個人都踩佢,我都唔敢有太大期望.一去到,個花園位熱到爆,旁邊有熟食檔,真係痴線.我即刻走去冷盤到睇下有咩海鮮食:龍虾仔幾隻,青口,蠔,翡翠螺,扇貝,刺身,虾.呢d咁既貨色都叫海鮮餐?What the hell!人地酒店standard既野佢拎尼做賣點,可悲啦.本人熱愛青口,立即試下.一入口大大陣臭水味,反轉個殼睇下,一定係尼自d海水污染勁既地方.唉,咁既貨色好心拎去煮咖哩啦.青螺,龍虾仔得幾隻,比人搶左之後從未refil過.d螺同扇貝又有沙,蠔又有殼碎,又腥,青口又臭,虾又散又無味,刺身更加可以係出水,有無搞錯!?而且所誦既海鮮更加成半個鐘至一個鐘至refil一次.完全唔似酒店囉,又有好多饑民搶食.d熟食就完全無乜印象,因為選擇太少,而且樣樣都係好普通既平價簡單食物.試下羊肉,乜味都無,肉質又唔好.即吐.唯一我覺得好味既熟食就係佢既魚,好滑,唔錯.不過成日比d饑民搞到散唒.素食個邊就有三四樣選擇.甜

因為住宿的關係原先包早餐自助餐，但我們諗著自助午餐會好食過早餐，所以每房加$100.00（兩大一細的附加費）食了午餐。點知食物款少，而且極似早餐，除多了燒牛肉和很廋即冇油的三文魚外。其它食物都好似早上未食完的款式咁，refill又慢。cheesecake只有兩三款重要輪流出，但真是差過食美心。下面的價錢是原價．

朋友在畢業敘餐的抽獎抽到了這裡的二人自助晚餐餐券, 她不去便給了我. 我們一行三人, 只需給一人的價錢, 那是…大約$80一位吧. 心想: 八十元一餐自助晚餐應該會是物超所值吧~ 怎料…唉不想多說了. 總之…食物差, 服務差. 很差的一頓自助餐. 若我們是付原價$220 (+10%) 來的, 那真是要爆粗了…

唔係好得呢間食物款少,唔好食,唔refill,最緊要d食物好cheap,好似我留下間茶餐廳d野‥‥有干炒牛河都算,但連腸仔都有都夠擔死,個唔知咩豬扒又乾又硬,d熱葷好多都唔夠熱,d食物比人了都一pat pat又冇人理,見到都唔開胃甜品好差,竟然冇cheesecake,有d蛋糕,但美心仲好食過佢靚過佢,個豆腐花簡直慘不忍睹,比人"筆"到又難又碎,最核特係得返好少又唔refill,靜左好多水同一d碎到唔似豆腐花0既"白色浮游物體"...真係好核特撞0岩果日有大陸旅行團,令情況雪上加霜...我絕對唔係歧視大陸遊客,不過佢地好多都不顧儀態﹐不理會其他食客感受,見有食物就係咁搶係咁搶...最慘佢地包左個角落,成晚個導遊都"毑"住個大聲公係個場到嘈,搞到個環境異常嘈雜,跟本就唔似響間酒店0既餐廳入面食梗野果晚因為有行團包場,入面冇幾多位淨,於是坐左出面露天食風位,我覺得入面會好好多連加一加埋tips,兩個人五百,我覺得好好好唔值