聆渢咖啡廳

營業中

休息中

佢而家攪緊生日promotion, 唔係65折既話...我諗都唔會揀...又冇凍野飲....食物普通, 無咩特別太好食...唯一最鍾意食既就係salad,,,好多款choose, 佢個blueberry cheese cake都唔錯=], 好好味!不過冇野飲真係好唔得~d熟食...全部都係肉丸囉~不過佢呢個價都ok既~

如果無6折的確會好後悔黎呢度食方面的確係好似好多款但其實只係地方大 周圍放d 大家就覺得好似好多而冷盤就蝦最ok 魚生個d 大家都係唔好掂 我好似食冰咁燒個邊幾好 有鴨有生果有雞翼有魚 翅個個都幾好但係出個so呼厘竟然係咁既味 我完全o咀最好味竟然係wofu而甜品就十分失望...唯一可以食下既係cheese cake..其他都係算吧有人唱歌地方大環境ok 其實每人$22x 一定歡黎都算可以接受

朋友喜歡黃金海岸，回味多年前的黃金海岸酒店 buffet，便老遠由沙田坐車到這兒了。這次仍是坐出面位，幸好沒有下雨... 吹吹風，挺爽的﹗buffet 很多款式...一次過拿了三塊三文魚刺身和三塊立魚刺身，三文魚刺身很厚和肥美，立魚則一般吧﹗雖然刺身肥美，但卻後悔拿了那麼多又不與朋友 share.. 因為仲有好多其他食物哩 ~~~ 小食有日式、燒烤、沙律、小菜、不同形式的炸薯、甜品等。 日式小食.. 試了燒壽司，一般啦﹗壽司舖的比它好，可以不試. 燒烤類... 燒菠蘿沾上了糖槳，雖然沒有加上玉桂粉，但保留了菠蘿的鮮味。 而眾多燒烤食物中，最喜歡燒羊扒，帶了點羶味和甜味，燒得七八成熟，保留了肉汁... 正正﹗ 炸薯仔有三款，包括薯寶、薯角和炸薯蓉。薯角是炸得最香最脆的，而薯寶和薯角則是一般。 甜品則推介 blueberry cheese cake. 在街上真的很少試到比 homemade 還是 cheese 的 cheese cake ~ 保留了 homemade 的特色，但蛋糕比 homemade 的實一點，提升了它的口感。而它的消化餅底又是較厚較脆，又不會散，真的很想問問那兒廚師的

7月9日係男友既大日子,預先BOOK左呢度既BUFFET,諗住入黃金海岸食飯一定好浪漫啦~~而且有恆生卡仲有折,應該都幾抵食既~~搭左成個鐘車..仲行左15分鐘先到..一入到去,見到D人已經開始左拎野食..我地既位置都好偏僻...O係TOILET出面..樓梯底...噢NO..好彩係對住個刺身COUNTER!!我同男友都極愛三文魚我首先拎左一大堆海鮮:凍蝦,青口,蟹,瀨尿蝦等等..我冇記錯既話,有部份瀨尿蝦係有膏架!!當然唔少得拎左唔知幾多round既三文魚啦~~好肥美!呢個buffet既主題係燒,我地就出左去outdoor拎d燒既野食: 燒三文魚sushi,燒蝦sushi (好似都係普通sushi好味d)羊架(幾好味~)煙肉+腸串燒,燒雞串(過下口癮啦~)燒鵝(佢俾左成6件我地..食到好漏..)燒雞全翼(佢d酸辣汁超正!!本來看似好肥膩既雞翼點左汁之後味道即提昇不少!!)各式天婦羅 (我同男友只係拎左蝦天婦羅咋...唔想南瓜,蕃薯之類既野霸左d quota~)另外仲有:雲吞碗仔翅煲(一人一煲仔,醋自由加,即煲即食~好好味~我食左兩煲~)麥樂雞,薯寶一類既東西..(本人非常愛carboh

前排因為信用卡有折所以黎食~~ 黃金海岸酒店既環境真係一流~ 個大堂好靚~ 哈~ 我地book左戶外位置, 感覺十分好~ 因為近住燒烤區~ 真係好香~ 厘間酒店既自助餐都算好多野食, 亦不停供應~ 都算唔錯~~1. 熟食食物唔算多, 亦比較普通... 不過黎到都唔會主攻厘樣既~~ 哈哈~2. 冷盤都算幾好~ 有刺身, 蝦, 龍蝦仔, 瀨尿蝦, 青口等等~~ D刺身都新鮮~ 都算厚切架~ 好好味~ 另外, 凍蝦, 龍蝦仔, 瀨尿蝦, 青口都幾好, 不過如果可以更鮮味會好d~ 3. 甜品好多款, 亦好好味~ 有好多款cheese cake, 慕思, 亦有蛋糕~ 水準唔錯~ 好好味~ 同埋近生果0個度有個朱古力噴泉~ 可以吉D生果去加朱古力食, 好味又好玩~ 兼且在門口附近亦有窩夫同班戟, 窩夫好味~ 但我唔太欣賞個班戟! 因為佢太多cream and 勁少水果餡~ 香蕉班戟裡面得3片蕉.... not good!! 仲有係雪糕係雀巢雪糕~~ 都幾好既~ 最重要係要讚0個度既生果係超級甜~ 唔似加糖水既甜~ 天然~ 好正!!!4. 燒烤部分係我最鍾意既~ 因為燒得好好, 有燒蝦, 扇貝,

終於等到7.1有陽光嘅大好假期, 唔好浪費咁好嘅天氣, 梗係去附近有海灘嘅地方食lunch啦, 黃金海岸酒店就係個好選擇。早上11:30打去訂枱食lunch buffet, 12:30仲有位, 不過剩番室外, $188pp加一....是但啦!點知揸車入到去, 停車場爆滿, 以為酒店實幫我地泊啦, 點知佢地都無位....正想放棄之際, 又畀我地响停車場兜到個位!! 實在太好彩!!終於入到餐廳, 雖然係室外, 溫度都唔係太高, 反而有去東南亞渡假feel, 而且原來所有煮食都係室內進行, 室內油煙仲大。食呢一餐真係賞心樂事, 慢慢食, 慢慢傾, 慢慢嘆, 雖然食物種類唔係好多, 但係勝在新鮮, 服務同環境都一流。 再加上埋單時恒生卡有8折, 真係太太太好啦! 唯一唔得嘅地方, 就係鮮榨橙汁好快就無晒, 仲要係到埋單時都無加番, 呢點就真係要改善囉.....

今晚食dinner buffet, 有hangseng card有6折, 一個人~$220。總括來講, 食物質素真的一般, 除左冷盤(唔計seafood)能夠保持水準外, 其他都好似差過以前。 bbq肉好一般, 無咩味, 得bbq 燒炭味, 甜品好甜, d小果tart個皮好硬, cookies都係好硬。d中式熱盤味道幾好, 炒飯材料十足, 仲搵到粒粒元貝。至於bbq水果, 我只係試左bbq 菠蘿, 甜到死, 不過應該係菠蘿本身太甜, 唔關酒店事。最令人失望o既係疏乎厘, 估唔到疏乎厘係 "un" o既, 仲無味tim!如果無6折就真係唔抵, 無咩高貴o既食材, 最貴個d seafood 冷盤, 雖然有小小波士頓龍蝦仔, 有長腳蟹爪 同蝦, 青口, 不過完全無味, 得雪味。如果正價, 想食到番本就無咩可能。

上次男朋友生日就去咗呢間Cafe Lagoon食自助餐好得意 如果你個生日date有佢特定咗的數目字相同的話, 就有折..9折定8折唔記得咗, book位 n 比錢個時可以問清楚我覺得坐outdoor的感覺好一點, 有點海風, 周圍都係樹indoor 則有點兒嘈 出面雖然有外國人唱歌, 但唔太吸引.. 我都冇點理過燒大蝦係回本必食, 啱啱燒起熱辣辣, 食落真係成日都係肉和汁, 超美滿的感覺建議大家去到一定要怒拎, 最好食!! ~~~~燒鱔肉都好香口, 回本必食佢其他d熟食都唔錯龍蝦仔就冇乜肉食, 仲有陣味甜品有wuffle 熱wuffle加 ice-cream 係我的推介

我認為，自助餐最緊要係：一、款式多；二、夠貴格；三、夠新鮮。款式不多、用料普通或不夠新解，為什麼要浪費好幾百蚊？不如幫襯一般餐廳好了。曾幾何時，黃金海岸酒店的自助餐，係我三甲之選。那時有肥美生蠔、牛扒、魚生壓陣，值回票價。這次海鮮自助餐，生蠔、牛扒欠奉，多款魚生不消半句鐘掃清，剩下來三文魚、吞拿魚卻不夠新鮮。此外，其他如小龍蝦、虎紋蝦、抄蜆、青口也不新鮮，淡而無味。其中，海鮮梳乎呢賣相一流，味道九流。另外一些陪襯普普通通，不提也吧。不過，恆生卡有7折，加一後折實$256/人，或買三送一，尚算抵食。(按：有限日期！)總括來說，就是將貨就價。款式夠多了，可惜不夠貴格，也不夠新鮮。有心食自助餐，建議另找地方。

一行十三人到 黃金海岸酒店地庫ge聆渢咖啡廳度食自助餐環境好好，俾人一種好舒服ge感覺~分多室內室外室內就有冷盤、刺身、suihi、中式小菜、湯、dessert、西式小食....等室外就有燒烤食物、炒蜆、天婦羅、灼菜、粥類....等等食物素質方面：燒烤牛扒較遜...但都可以話係原汁原味ge....好多醬汁俾你揀~燒烤雞翼都唔錯...(即叫即燒)天婦羅蕃薯唔錯~可能本身鐘意食！##室外好多蚊子....冷盤方面....味道偏淡...一般刺身都幾新鮮...(一次切好多俾你)薯類食品選擇較多...好多種唔同ge薯仔俾你揀但dessert 方面選擇好普通~冇咩特別多就多在佢有印尼泰式糕點至於其它dessert味道一般.....有D失望都係朱古力噴泉.....o個D我覺得環境好好~仲有live band表演...氣氛好relax~

考完AL一個月，咁岩今日又見工，幾日前book左呢度食自助餐。呢餐就當係慶祝搵到工啦！book左六點九既室外枱，但因為唔熟車程既關係，遲左大約半個鐘先到。到去攞位，見個場唔爆，所以遲左都冇影響佢地，仲驚唔留枱比我地添。一行出室外，就嗅到一陣炭香，原來係炭燒大頭蝦。安頓好就去拎野食啦!首先拎左冷盤，迷你龍蝦仔同凍蝦都幾鮮甜，後者都絃彈牙，藍青口冇沙，味道仲好得添！不過凍蟹就唔好食，冇乜肉不特止，仲好似唔係咁熟添。其他小食如八爪魚、筍片都唔錯。美中不足就係冇生蠔，滿足唔到我呢隻生蠔怪。食完冷盤，就拎戶外既ＢＢＱ食物啦，大頭蝦燒到熱辣辣，蝦頭既膏好甘香！蝦肉亦彈牙，不過我嫌蝦過熟，如果可以好似o係新葡京食過既白灼大頭蝦咁唔熟得晒，帶點嫩滑就更好啦！但都encore左幾云。繼續食室外既廚部，嗅到炒魷魚幾香，就要左碟啦，辣辣地幾好食，不過就太過鹹，差少少。然後食烤蒜蓉扇貝，蒜蓉味重，正！海鮮雜菜湯幾清甜，而且用砂鍋煮，唔怕好快就凍晒。室外既ＢＢＱ仲有燒鰻魚同肉類。燒鰻魚有肉汁燒，不過就唔係一般日本蒲燒鰻魚既醬汁，薄薄地一層，但正因如此，令燒鰻魚帶出黎既油份更加特出，食落都幾油膩，食到滿口是油。另

我成家人都系 ~自助餐~ 愛好者 , 首選環境靚 ' 食物選擇多 如果價錢系平 , 一定無好野食 .平均三個月來一次食 , 室外有樂隊現場表演 , 室內有鋼琴伴奏 , 中'日'美'泰 燒烤樣樣齊 ,單系食個環境 , 都值回票價 .

其實本人真係對buffet一般，但我媽就十級喜愛。 我去既原因就係因為甜品，特別係果撻。其實OVERALL 都係一般，如果唔係貪近同有6折都唔會去。不過可以一試既！

朋友仔帶我到這間5 star hotel 食buffet.. 個人而言, 這間酒店buffet 食物area 算幾大, 有室內, 室外area, 室內主要是泠盤, 刺身, 主菜, 甜品. 室外則吸引得多了, 有bbq 海鮮, 天富羅, 海皇粥, 海鮮湯, bbq lamb, chicken wing, 等等overall, 最好味是bbq lamb 同waffe... 其他都係普普通通.

以為5星酒店級的BUFFET, 都應有番咁上下,唔會差得去邊掛.... 點知真係唔掂, 唔係想誇張, 真係事實! 連我影相意欲都冇....4月19日晚(沅熊日), 4大2小共6人, 一開始先兜果圈, 都冇咩驚喜發現, 全部都係D普通野甜品: 幾款旦糕仔.撻仔,喱里杯,白糖糕, 芝麻卷..一般甜品, 呢PART都算免強合格其他: 蟹肉霉,炒飯硬,面冇味,鴨肉硬,赤小豆老火湯仲難飲過我家姐姐煲, 壽司又係唔掂, 卷到散晒之後, 每人送左一客... 酥皮磨菰...淡而冇味!總之, 當日的食物質數真係好差, 真係估都估唔到