老馮茶居 (大棠路)

營業中

休息中

好多人成日都問有無黃店食點心嫁 其實元朗都有間小店- 老馮茶居🍵佢係一間行懷舊路線既小店  裝修落足心機 呈現返6/70年代既老香港出黎連碗碟都係公雞碗/缽 十分適合打卡點心方面亦唔馬虎 有而家好少係酒樓食到既點心例如：古法馬拉糕、奄春蛋燒賣特別推介➡️蒸飯唔知係咪因為用缽仔蒸 啲飯粒粒分明 正➡️鮮蝦腐皮卷炸得香脆 蝦膠彈牙之餘啖啖都有蝦食到最緊要無我最憎既臭葱臭茜😭滾動小店早排比人報食環搞到要停業一星期不過而家已經開返 聽講日日都比人重罰😂各位可以多多支持

近來保持早睡早起的好習慣，於是趁清早到了老馮茶居飲茶。由於時間較早，可以馬上入座。甫進茶居，看到簡單，復古和懷舊的裝潢，雖不華麗，但仍讓我感到驚艷，店內每一個角落都是拍照的好地方。舊人下雨天用的簑衣、碧綠色的舊鐵閘、花露水的雙姝，只要細心看一看，你會發現這茶居老闆的心思。店內採用的是環保下單方法，用紅蠟筆在過了膠的菜單上畫出需要的食物。點了六個點心，需要等候5-15分鐘，當中分了兩次上桌。香味十足，餐具亦貫徹懷舊風格，全都是公雞圖案。前面的是沙嗲金錢肚，後面是沙嗲豬大腸。沙嗲金錢肚: 很諗，吃下去不會有渣或出現咬不斷的情況，下次來會再點沙嗲豬大腸: 內外入味，亦不會有臭味，和金錢肚一樣很諗，不會有渣，不過內裡有一點點肥膏。前面的是薑蔥牛柏葉，後面是蜜汁叉燒腸。薑蔥牛柏葉: 爽口，份量足夠，色澤亦不錯，薑蔥味亦夠。蜜汁叉燒腸:腸粉頗滑，正常水平，值得一讚是上桌時熱辣辣，最怕吃到不是熱的腸粉。最後第二批來的是鵪鶉蛋燒賣皇和八珍糯米雞，不過當時正大快朵頤，忘記拍照了。鵪鶉蛋燒賣皇:份量足夠，燒賣內有蝦肉，很足料。八珍糯米雞:正常水平，內有腸和雞翼，亦算足料，屬飽肚之選。最後仍點了一杯凍齋咖，

好喜歡飲茶的說樣樣都可以黏啲瘋狂吹水 一路飲茶一路吹食左以上呢幾款點心我都唔知自己係咪咁膚淺竟然好似係第一次食「鮮蝦腐皮卷」事關我唔係好食腐皮呢啲豆製品所以驚喜萬分以後去邊飲茶都會想食到佢～～～老馮每樣點心都正常發揮環境好特別倍添左飲茶嘅意境～

靚靚的裝修，但卻食物一般⋯⋯叉燒腸比較楷（音），唔係滑嘅.....蟲草花燉雞湯，比較多油，我諗真係燉左好耐🤣排骨食兩塊已經唔想食了，薑蔥牛柏葉太辣了，我以為係辣椒牛柏葉🙄但仍然有推介嘅食物：蜆介鯪魚球😍呢個做得唔錯，蜆介汁有少少鹹香味👍🏻

唔想去茶樓飲茶可以試下黎老馮茶居☕️有點心食之餘又有懷舊裝修睇下🤩老馮鮮蝦餃🥟 $28皮係有少少厚，不過個餡嘅份量都算多，蝦肉夠厚身而且彈牙唔霉👍🏻咖哩蒸魷魚🦑 $23份量適中，上枱嘅時候仲係好夠熱，魷魚好入味，咖哩味夠濃😋沙嗲金錢肚 $23金錢肚夠爽口，不過份量有啲少，亦唔夠入味，墊底嘅蘿蔔最入味🤣蜆介鯪魚球🐟 $28就咁食鯪魚球已經夠好食，鯪魚肉唔腥又彈牙，反而個蜆介醬酒味好濃，唔係好接受到😛鮮蝦腐皮卷🦐 $26個腐皮夠薄夠脆，蝦肉好多好厚肉夠彈牙😛因為太好食嘅關係，略嫌太細件☺️環境比起普通飲茶好好多茶錢都只係五蚊位不過點心嘅選擇就相對比較少😔埋單兩個人都係$138 算係正常價👍🏻

老馮在廣東話中是指某些帶有奉旨心態的人，可能真有其人，亦有可能是順口所至！個人也對所謂老馮通常取避之則吉之態，旨在不要惹我，否則怒火中燒，連朋友也做不行！元朗有家名為「老馮」的茶居，早於開業時已認識他，由點心師傅的爸爸掌管廚房，兒子主理店面及管理，父子兵小店出品的懷舊點心，確令人吃得津津有味，加上街坊收費，縱使元朗小店雲集，但假期必須輪候！對於假日奉旨處於排隊狀態的「老馮」，我們只好過門而不入、避之則吉！不過，一波未平、一波又起，打從去年發起「懲罰」黃店的行動，身為「老馮」更是老馮的擁擠！等了又等，今回不想再等了，乘街坊之便一早直踩「老馮」，大概等了十五分鐘，算是給街坊一點面子了！火速之快送來了金牌炸芋角 HK$18，可惜芋角豪無火氣、冷冷冰冰，蜂巢又未夠鬆脆，似乎已製作多時！雖有軟滑綿香的芋蓉餡，但由於失色於前，未能挽回我去的分數！香滑牛肉腸 HK$22 又如何？許多時候，腸粉皮都只呈現一味的滑，而「老馮」的是帶有米質的軟滑感，口感較為自然；而厚度，不至於玻璃皮，但已達至利落細薄的標準！牛肉餡更散出芫荽和果皮的香氣，蘸上調製的鹹甜豉油，好吃！起初沒有留意正宗潮州粉果 HK$20 的正

兩個人想飲啖茶吃個包，又唔想去酒樓，老馮都係一個幾好的選擇。難得星期六下午唔洗排隊，不過搭檯是當然的，勝在吃點心又可以飲杯奶茶。蝦醬腩肉蒸飯同豬大腸係每次必點，不過今日腩肉的肥肉比較多，試埋古法千層糕，都係馬拉糕好吃d。

今次係第3次食，記得過往2次經驗麻麻，但琴日閒日6pm喺元朗想食點心同千層糕，所以就諗起老馮。一去到門口，一檯客都無，心想時間尚早而已。入到去一個後生、長頭髮、箍牙嘅waitress態度極差，個樣勁不屑，加上最愛嘅千層糕刪除左無得叫，已經想起身走人，但無奈開左茶無得走。唯有叫另一最愛芋角，點知職員又話要逢星期六、日先有......最終求其叫左4籠點心，再轉戰勝利牛丸，咁岩遇上貌似老闆娘嘅人，所以招呼好好多囉！！！

🔎老馮茶居 (元朗) #黃店系列📍元朗大棠路66號地舖-#元朗黃店 搵食認住米豬連🐷👍🏻 懷舊點心店 店內裝修相當有80年代懷舊風格🔹XO醬蘿白糕 $28🔹鵪鶉蛋燒賣皇 $28🔹蜜汁叉燒腸 $22🔹鳳爪排骨飯 $32🔸茶芥$5/位XO醬蘿蔔糕同鳳爪排骨飯都唔錯，即叫即整，蘿蔔糕夠脆夠熱，鳳爪排骨飯係用缽仔裝，相當有特色。鵪鶉蛋燒賣皇就正常無咩特別，叉燒腸就麻麻，叉燒太大片，豉油唔夠味，不過加左芫茜都加返少少分。-#90sfoodieshare_元朗#食在元朗#良心餐廳#黃店

不盅燉湯足料味夠濃鮮蝦腐皮卷腐皮卷揸得趣卜卜，餡料蝦肉新鮮，食嗰時要小心燙口鵪鶉蛋燒賣皇蝦肉同埋豬肉嘅比例剛好，唔錯沙嗲豬大腸 豬大腸比較硬，要咬好耐而且同沙嗲味唔係咁夾，麻麻地梅菜肉餅飯白飯夠乾身，肉餅調味適中，配埋甜豉油一齊食非常好味

呢排社會實在太動盪，好多嘢都冇咩心機！今日西鐵開唔到，索性全日唔返工。中午同老婆兩個人去呢間茶室飲茶。鋪頭細細間，但係蒸出來的點心好好食，好夠熱。兩個人食叫咗六樣嘢，加埋茶位百五蚊有找，抵！最值得推介係XO醬炒蘿蔔糕，個面好脆，入面就入口即軟，味道唔會太濃，真係好值得一試！

店員態度差，對顧客呼呼喝喝，取了票等候，店內明明有位但又要齊人才可入座，那取票輪候的意義何在？最後等了二十幾分鐘才能入座。入座後幾分鐘都無人給予餐牌，又沒有人問喝甚麼茶，要問店員才有。點了食物下了單又要等二十分鐘才有食物可以吃。從到達店外到食物上枱足足五十分鐘，真是老馮才做得到。薑葱牛柏葉薑葱味不濃，牛柏葉爽口，切得很細，份量比較少。沙嗲豬大腸沙嗲味調味不錯，豬大腸煮得軟淋入味。蜜汁叉燒腸無甚特別，不過不失。蟹子燒賣皇肉質爽口蒜蓉鮮蝦春卷沒有蒜蓉味，蝦很少，炸得很脆。梅菜肉餅飯梅菜味不錯，肉餅軟嫩，飯也蒸得夠乾身。

以前一直都有去佢到飲茶🍵 因為啲野食既水準一直都咁高🤩最近仲要發現佢係良心小店 🤩💛要多多支持個人黎講，唔太鍾意商場入邊既茶樓一黎 佈置一式一樣二黎 服務員嘅態度唔好三 最重要嘅一點就係啲嘢食唔好食 可能十碟得一碟好食🥺但老馮就唔同啦！💛💛💛佢既環境佈置好特別～但就比較擠逼 唔太好坐 老人家唔鐘意😂但野食黎講 水準就好高啦薑蔥牛柏葉咖喱蒸魷魚佢個咖喱味好濃啲汁用嚟撈飯就最好食啦所以我每次都會叫多一碗砵仔蒸白飯淨係撈飯都好好味！豉汁蒸鳳爪都係一樣😋啲醬料做得好好蝦餃皮就好薄🤩又夠晶凝通透入邊嘅蝦仲好多 好大隻 好新鮮

元朗區不嬲多野食，呢間"老馮點心"之前成日路過見到覺得應該幾好味，今日就同朋友lunch 黎試試。一黎到就被安排坐卡位，正，可以唔使同人迫舒舒服服咁嘆點心。"老馮"既裝修好行懷舊香港風，如果帶外國朋友同親戚黎佢地應該會幾中意。食物方面兩個人都嗌唔到太多。呢度既野食唔算大碟，不過亦因為咁可以嗌多幾款。 🥡蟹子燒賣王 $28開頭真係比佢既粉紅色蟹籽嚇親，食落都正常，豬肉都幾彈牙。 🥡鮮蝦腐皮卷 $26腐皮好脆，d 蝦都好彈牙。 🥡片香馬拉糕 $18朋友覺得佢既皮偏乾，我就覺得acceptable. 同埋之後食左濃味三寶得閒再食下d 糕中和番都唔錯😂 🥡咖哩蒸魷魚 $23🥡沙嗲金錢肚 $23🥡豉汁蒸鳳爪 $20呢三樣野睇落去味道好似差不多，但都係我中意既點心所以仍然嗌晒。鳳爪正常。魷魚同金錢肚都炆得軟淋入味，值得一讚！雖然今日有幾樣我同朋友想食既都無 (eg 千層糕，芋角), 但呢度野食味道都不錯。總括而言如果下次咁岩係元朗又想飲茶，應該都會再幫襯老馮。

上次係元朗路過一間古色古香既舖頭，今次有機會再去決定黎一試呢間點心小店。舖面唔算大，除左卡位仲有大排檔既枱，加埋店舖入面既裝修，好有傳統既風味。兩個人叫左6樣點心。鮮蝦腐皮卷🌟炸得岩岩好，唔會太燶，入面既鮮蝦都足料，係表面睇落少少油，不過點完醋就唔覺油。豉汁蒸鳳爪🌟夠哂入味，鍾意佢唔會好似其他茶樓咁好多醬痴係上面。咖哩蒸魷魚🌟一樣係夠入味，下面仲有魷魚腳。😋沙嗲金錢肚🌟金錢肚份量充足，亦都好入味。片香馬拉糕🌟馬拉糕表面有少少乾。味道一般。蟹子燒賣王🌟雖然蟹子望落顏色有少少奇怪，但食落去係好足料既燒賣，唔會食到有好多肥肉係入面，但仍然夠滑。可惜最想食既芋角同千層糕都冇，不過店員既態度友善，茶壺加水都好快，唔覺有其他食評講既態度惡劣，有機會會再黎食過！😬