老馮茶居 (大棠路)

營業中

休息中

今日興起想食點心，又咁岩泥到元朗，好隨心咁搵點心店，就搵到呢間咁特別既舖頭。一入去個舖頭佈置充滿住7、80年代既感覺，佢唔係美都餐室果種本身就舊舊地既感覺，而係購入左唔少懷舊既生活用品，將餐廳佈置得好有老香港既情懷。呢隻雞，唔陌生吧～鵪鶉蛋燒賣，係舊式點心先有，肉同蝦既比例係一半一半，咬落去仲有肉汁滲出泥，連埋鵪鶉蛋一齊食，非常有風味。叉燒腸粉，腸粉既部分好嫩滑，咬落去啖啖叉燒，同出面偷工減料既叉燒腸真係差好遠。趕時間又唔太肚餓，今次食得好少野咋。個餐牌仲有好多野都想試

有樣嘢最好是先知清楚， 一來呢間嘢好爆， 上飲早茶嘅話最好早啲嚟， 二來呢一間唔係畀你慢慢坐， 限時一小時， 純粹畀你嘆下點心同埋飲杯茶， 唔好諗住可以喺度吹好耐水傾好耐偈， 第三你要響一開始嗰陣時嗌曬所有你想食嘅嘢， 包括如果你想外賣攞走嘅都最好講埋， 因為每枱佢照幫你落一次單， 冇得一到飲一到慢慢諗跟住又加單。我一定要讚下佢個蝦餃， 好多年冇食個皮咁薄嘅蝦餃。 另外佢個蜆介鯪魚球又係好新鮮炸得， 一食落去就知真功夫。 牛肉球亦都係煮得好好， 其實食咗所有嘢我都覺得唔錯， 蝦腸有少少失望， 可能我本身比較鍾意有韭黃， 但我唔知係咪因為傳統嘅蒸蝦腸冇韭黃， 而佢又想複製返以前原裝嘅舊式蝦腸， 即使我話唔係最好食但係都ok。

𦍑越老越辣，茶居越舊越有風味。元朗呢間茶居，裝潢五，六十年代，攞放的裝飾物也有一定時間，好懷舊。地方有點窄，坐得不太舒服。食飯物水準卻意外驚喜。燒賣，蝦餃，蝦米腸，生竹牛肉球，鳳爪，糯米雞....全部即叫即蒸，熱辣辣，味道真的好好，用料也不敷衍。香港少有的舊式茶居，值得回味一番。

每次尼，即使係閑日都要等一等位，而且而家有限時，唔可以慢慢嘆茶。嘢食好味，服務一般，環境懷舊。今次試埋牛仔骨，牛仔骨都唔錯。成日都想食佢個千層糕，但係都係冇。呢個真係要睇運氣。最鍾意食佢蘿蔔糕，推薦推薦。

呢間餐廳吸引之處就係佢裝潢佈置好懷舊，裏面仲有唔少懷舊嘅用品及擺設。不過真係需要等，因為都多人食。小妹大約等咗一個鍾左右。呢度可以食到最鍾意食缽仔蒸飯。因為缽仔飯唔單止食到一粒粒嘅米，而且更特顯飯香味。今次叫咗蝦醬豬肉缽仔蒸飯，蝦醬好香。😍加埋甜豉油特別好味。豬肉半肥瘦，比例完美。一啖接一啖，好味到停唔到。之後仲咗鮮蝦腐皮卷。腐皮卷炸得好鬆化好脆口，入邊有大大啖蝦，點埋喼汁，正！以懷舊餐廳嚟講，個價錢真係好合理。重點係黃店💛

小妹今日帶同藍c 父母入元朗國換身份證一盡孝心之餘，仲帶佢地去資黃身體力行去消費，既然係同一陣型，兄弟爬山各自努力💪，不要問人做了甚麼，但求自己能做到無愧於心，再鬥同路人就會再次入分化圈套。點了一系列點心， 老媽子以前為左生計曾在大集團酒樓待過一段時間當廚房拉腸粉師傅，所以對點心的要求頗高。老爺子是茶道愛好者，講到飲茶就滔滔不絕，每天都無茶不歡，然後小妹帶住兩位老頑童仲辛苦過湊小朋友...問東問西點解唔去附近酒樓啦，係因為，呢度飲茶唔收加一好抵呀！亦係其中一個事實😀😀，唔通同你講係黃店咩，雖然門口好大隻連豬貼紙，但係都可以睇唔到既鯪魚球好味，有果皮味但又唔會蓋過魚肉味，又唔會太稀，咬落有彈性。腸粉老媽子大讚拉得好靚玻璃咁通透，配上原隻蝦同甜豉油，又幾好味喔。再黎燒賣好味又大粒，蝦肥豬肉各菇粒粒分明，馬拉糕太濕，但係都夠軟夠香，都幾好味既。鮮蝦腐皮卷好味，小妹徧好豆品包括腐皮，炸到脆卜卜好香口正，糯米雞就麻麻地，內裡舊臘腸唔好味😀，老人家想食飯類野，所以先免為其難點下啦...呢個稍為失望係呢個時候事頭婆都仲好緊張唔好坐咁近呀，未食野唔好除罩呀點點點...其實顏色店咁緊張都岩既，可能有人會

山長水遠又嚟大西北🤣元朗真係好多好西🥰同友人一盅兩件😚「老馮茶居」參考六七十年代舊香港🇭🇰重現舊式七層大廈特色裝潢好多細緻位。之思值得一讚！座位、地磚、餐具、吊燈、牆壁裝置極用心！就連洗手間設計都唔馬虎㗎！打卡度爆燈！茶芥每位$5 免加一食點心緊係要熱同新鮮最怕炸物凍哂、蒸點心過哂龍糊口呢度點心即叫即蒸😍大讚！因此點完單後食物會陸續分批上唔會一口氣上哂真正做到襯熱食☺️唔飲唐茶呢度都有西茶飲！奶茶、咖啡任君選擇小店點心種類當然不及連鎖式酒家但都不乏fusion自家特色點心咖喱蒸魷魚($23)👍🏻大塊厚身入味有咬口份量亦不少😋咖喱味香而不辣四寶滑雞札($25)👋🏻有讚有彈內餡有魚肚、豬肚、冬菇、雞讚嘅係用魚肚！🥳非一般酒樓偷工減料用豬皮、芋頭代替如果用返傳統火腿會更好可惜係調味唔夠😖內餡以至表層腐皮都好淡無乜味扣左唔少分八珍糯米雞($28)👏🏻好大份🤣好足料內餡有咸蛋黃、雞翼、臘腸、雞肉味道係啱😊糯米稍為水多過頭煮得爛左些少芡汁都唔太夠老馮咸水角($18)👌無乜存在感同記憶點正正常常熱辣辣XO醬蘿白糕($28)👌呢味菜相當有自己特色、獨創性！蘿白糕切粒上😛炸過嚟 每粒糕面頭都有XO醬碎如果

上次因為太餓，所以眼見幾group人等緊，我地就轉陣去左隔離辣媽到食​今次再黎用左半個鐘時間等位，以比我想像中快（因為店內位置真係唔多）​​片香馬拉糕​😋😋😋😋😋​真心香嘅，食落又唔膩，我個人覺得依個最好味​​正宗潮州粉果​😋😋​麻麻地 無食完再想食既衝動​​鵪鶉蛋燒賣皇​😋😋​因為唔係到到都有得食鵪鶉蛋​但食完都係覺得普通貨仔​​咖喱魷魚​😋😋😋😋​味道係正路，魷魚嘅質地都係爽口​個底有舊麵筋，吸晒啲汁～唔錯​​八珍糯米雞​😋😋😋​除左薯比欣賞面頭糯米嘅質感之外，我哋一致認為裏面嘅餡麻麻哋好食，雞肉係嚡十十嘅，臘腸雞翼同埋蛋黃都係乾爭爭嘅​​豉汁蒸鳳爪​😋😋😋😋​得四舊 大隻入味​得馬比一個食晒 岩岩好​如果同行多人中意食就要叫兩籠​​​結論​食物質素係好嘅，因為係即叫即蒸，所以等候時間係較為耐，由坐低開始至到真正上菜需時30分鐘，真係餓到肚凹，不過價錢算平，兩人埋單都係$147，所以如果你唔怕夏天係個街道等位同埋本身唔係肚餓，都可以一試​​

門口已經有米豬連貼紙 仲叫人登記做選民亦鼓勵人自備容器外賣 支持環保抵讚👍一入到去好懷舊有公屋外牆&走廊/上下格床/冰室/ 雜貨舖/士多嘅佈景同行嘅父母當然覺得唔太特別因為佢哋係呢啲環境下長大但係佢哋都覺得幾得意有影相懷舊下至於嘢食呢都非常抵食啦冇茶錢冇加一 - 沙嗲金錢肚/豬大腸 各$23 （ 佢係港式沙嗲汁，唔係東南亞好多花生醬嗰種， 好濃好香，媽咪都大讚， 除咗個醬好味，都醃得好入味）- 咖哩蒸魷魚 $23（ 咖哩都唔錯，係港式咖哩，比較稀， 媽咪鍾意沙嗲汁多咖哩， 我就覺得兩個都好味， 而且魷魚新鮮好彈口）- 流沙芋泥包 $20/2個（ 原本想試千層糕，不過今日無，所以轉試呢個， 同台式嘅芋泥唔同， 話明係流沙，一開個麵包就湧曬出嚟，好似心太軟咁🤤🤤，堅正）- 另外試左牛柏葉$23同雞扎$25冇乜特別不過因為佢冇茶介冇加一 我哋三人都係食咗$140有找連阿媽都大讚唔錯可以再返啅**認證黃店

行怀舊路線的小店，裝修落足心機，碗碟都係公雞碗，店內每個角落都係拍照的好地方。趁著等待食物的時間，細心欣賞店內的精心佈置，會發現老闆的細膩心思。可能由於街坊收費，鋪頭又細細間，三次來都必須輪候，大約等待15分鐘才能入座。店內採用環保下單方法，用紅蠟筆畫最愛缽仔蒸飯，虾醬腩仔蒸飯，欣賞爽口的香米，d米粒粒分明，蒸得夠乾身，非常好味道。XO醬蘿蔔糕即叫即整，夠脆夠熱，入口即軟，好值得一試。点心的選擇相對較少。的確每個点心都正常發揮，我們十分滿意，兩三個人想飲啖茶食個包，老馮係一個好選擇。

家中老人家講左好多次，疫情下，無得飲茶心癮起，所以屋企人揾左一間小茶居，俾佢哋止下癮。店鋪小，每枱限食一個鐘，無得加單。我哋4個人，等左一個鐘，但有張卡位，自己坐晒，都幾好。全部點心上枱都熱辣辣，好新鮮，難得平時「腌尖」嘅老人家都讚好，真係不得了。4個人試左10樣嘢，每人每樣食少少，啱晒！老馮鮮蝦餃$28一籠4粒平厚薄適中，入面嘅蝦食落幾新鮮，彈牙。八珍糯米雞$28淨係影左個外型，唔記得影入面。佢好多料架，有獵腸，雞粒，好似有條火腿，仲有隻雞中翼；糯米飯係濕嗰隻，有咬口。蜆介鯪魚球$28個人最怕食鯪魚球嘅味，但屋企人讚佢入味，而個蜆介係有酒香味㗎！流沙芋泥包$20我食嗰個有流心，個屋企人食嗰個就無，反而有粒芋頭喺入面。麵包鬆軟，乾食，唔「痴」牙，餡夠香，但唔太甜，超吸睛。鮮蝦腐皮卷$26薄薄嘅腐皮包住少少蝦喺入面。腐皮炸得鬆化而唔油膩。薑汁桂圓紅棗糕$20甜品一號：哩個係蒸糕，熱食。一層層嘅糕，夠軟夠Q，薑味夠重，紅棗味香。蟹子燒賣皇$28粒粒都好大粒，上面有鮮蝦，入面啲肉帶粉紅色，感覺好實在。我哋都滿意。香滑米皇腸$18一碟超有分量嘅原味腸粉，有成9小條。佢嘅腸粉係走有彈性嘅路線，唔

本以為偽懷舊的裝修食物會一般般每次經過都好多人等位的小茶居一直令我為之卻步終於遇上時間夠早竟然唔洗等位😛所有食物都比預期好食唯獨咖哩尤魚甜咗少少有機會會再幫襯🍵🥢

抗疫時間堂食只限一半座位，已經習慣外賣，預早打電話落去 order，事頭婆叫 25 分鐘落去拎。一落到去就已經拎得。1.  牛肉餅飯 ： 我先己煮飯都有蒸牛肉餅，老馮既牛餅非常彈牙煙韌，一食落就知貨真價實，我估計都係手打添，味道啱啱好，亦無好似其它茶樓咁落一大堆馬蹄增加口感，份量好足。咁既價錢，好多地鐵都有分店既連鎖店 "x 記"   實左比唔上。唯一要比少少評語係外賣係跟一隻生蛋，要番屋企自己打，因為番到屋企都唔係出爐咁熱，咁樣打落去似乎唔係咁穩陣，最後我自己煎左隻蛋。建議老闆外賣可轉做煎蛋啦。2.  蝦醬蒸腩仔飯 : 非常惹味，咬落好爽口，如果可以加番幾條薑絲會天正。3. 鯪魚球 ： 咬落又係非常彈牙，無腥味，份量又係好充足，我自己試過打鯪魚肉，真係好花時間同埋未必打得好。呢道既鯪魚肉堅真材實料。總結 ： 同區食點心蒸飯既我食過 "大榮 x",  老馮性價比高好多，如果一大班人，老馮就坐唔曬，最大張檯得六個位左右。

今日同老公兩個人去元朗嘆早茶想搵有炸鮮奶食既地方，奈何都要去醫院去到九龍咁唯有上網search下邊度有！點知search到呢間茶居，但原來已經無出炸鮮奶好耐,不過都可以一試食物好新鮮鹹水角都係即叫即炸雞扎就冇咩特別，不過有蝦醬男腩仔蒸飯係幾新鮮既！ 正！

又入咗元朗搵朋友食晏，見好耐無飲茶問朋友有咩推介，佢帶左我去呢間茶居～兩條友叫咗一個湯一個飯同四個點心湯係椰子鱷魚肉湯， 清清甜甜都幾好飲，不過個燉盅週邊有好豐富嘅歲月痕跡，感覺好污糟咁，見到有少少唔開胃。。。。個蒸飯係梅菜肉餅飯，啲米粒粒分明蒸得幾好，肉餅肥瘦適中，整體ok沙嗲金錢肚同咖哩蒸魷魚味道濃郁爽口份量足，呢兩樣都唔錯👍馬拉糕面頭蒸得有啲濕，食落唔覺得特別香，但係算鬆軟薑汁桂圓紅棗糕都係面頭好濕，食到少少薑味但係唔太食到紅棗味，麻麻地整體嚟講除左蒸嘅糕點水準比較麻麻，其他都令人滿意服務黎講，因為啲碗碟畀人收走晒，有個後生仔員工喺我食緊最後一嚿紅棗糕攞個籠墊住驚跌嗰陣佢同我收走埋個籠。。。我真係啞左， 相信佢係初出茅廬，但係應該要醒目啲， 除咗呢樣我聽到後面嗰檯落單要加杯“凍檸茶少甜”，佢只係一秒後轉述畀另一個阿姐聽都可以漏咗“少甜”兩個字， 希望佢黎緊會努力有進步🙈