老馮茶居 (大棠路)

營業中

休息中

食物質素幾好，裝修有老香港特色，但服務態度差。如果決定幫襯就要有心理準備比錢買氣受🤬，唔用黑面形容，而係臭檔🙎🏻‍♂️。一般酒樓既點心阿姐既服務都好過佢。

元朗區酒樓一向都比較多，要食點心選擇唔少，老馮荼居是一間裝修比較別致，有懷舊風味的點心小店，而且沒有收取荼位費及加一服務，當然小店不會像傳統酒樓般好坐，充滿喧嘩聲熱熱鬧鬧，比較特別的是他可以邊飲涷檸茶，涷咖啡，邊食傳統點心。一行四人約二時嚟到，都要稍為等一會兒位。今次食左的點心及評分如下：燒賣-口感肉質唔錯 8分腸粉-蝦同叉燒肉質及份量一般，皮唔夠薄 6分蝦蛟-蝦唔夠新鮮，皮唔夠薄 6分叉燒包-口感佳 8分鮮竹卷-口感佳，汁夠 8分咖喱尤魚-好味 強烈推介 9分

食物一般，環境衛生可以做好啲，再加上有一位員工態度好差好似趕客咁。其實去都係想支持下本土嘅茶樓，平日同週末都有時去食，但係今次去淨係等位已經好趕客，最後嬲到走無食，個位員工大大聲吆喝我地，我地話走唔食佢仲要話”好啊你咪走”，呢類茶樓其實都係食人情味，真係唔好話而家啲人唔支持啲小本生意，老馮真係令人好失望。食物其實真係好一般，普通茶樓嘅水平，支持嘅人相信都係覺得有人情味，但有一位態度咁惡劣咁趕客嘅員工，相信以後唔會去了。

這間茶居在元朗，屋企人食過話好味，咁今日就嚟試下，我們三個人，但要等齊人先可以安排入座。過左一陣齊人了就入去了！入面唔大的，不過樓底高好多之前舊年代的擺設及佈置。各有特色座位比較迫，枱貼枱，櫈貼櫈。叫左d點心一齊食。有潮州粉果，三大隻，皮唔厚，入面配料飽滿，有花生，沙葛，肉碎同蝦米。好香好味。牛栢葉，好惹味又夠爽口，份量也不少咖哩魷魚好大件，魷魚好爽口，唔算好辣，夠香入味。懷舊馬拉糕，叫錯了，本身是想叫蒸馬拉糕，但原来係千層的，入面有d欖仁咁，比較甜同實身鵪鶉蛋燒賣，正常梅菜肉餅飯，好多料，好香的梅菜，飯是好軟綿綿，好味整體感覺也是好的，係迫左d！

老馮既裝修係專登整到好有以前香港既感覺，新淨得黎又有懷舊feel，最重要係乾淨🤣🤣。今次黎到老馮飲茶，2個人嗌左 排骨飯，蝦餃，牛柏葉，紫薯流沙包，4樣野。蒸飯係好食既 不過30幾蚊 黎講太少, 我地2小口，食左2啖就冇晒啦，相比之下，得閒飲茶雖然冇咁好食，但多d。蝦餃正常，牛柏葉係男友食，我冇食到紫薯包係好食既，少見之餘又好食😋排骨飯黎果陣太肚餓所以冇影相🙊

已經來過幾次飲茶，最like係蝦醬豬肉蒸飯，好好味，蝦醬味到啱啱好，唔會死鹹。馬拉糕同蜆介鯪魚球都係必食，鯪魚球夠大粒，炸得剛剛好，馬拉糕夠鬆軟。人少少有想去飲茶，我會揀哩到，不過d姐姐就比較有性格，可能係舊式茶樓嘅特色

山長水又遠咁走入元朗，就係為左接偉大既男朋友收工🥰之前做定資料搜，知道呢度有間叫老馮既懷舊茶居，兩個決定去一盅兩件下。一入到去，佢唔係古式古香既裝修，係每個角落都有一啲唔同舊香港屋村/店舖既特色，未必係關茶樓事。見到呢啲就忍唔住會講，「細個既時候呢....(下刪一千字)」，估唔到已經到左呢個年紀。坐低嗌左壺茶，同茶樓一樣，兩個人少不免要搭枱。嗌野食當然係一盅兩件，你話好好食佢唔算，係食環境，食懷舊既風味🤗

老馮茶居 | #元朗 .🥢懷舊茶室 傳統點心🥟假日想要食得特別啲 去遠啲食懷舊茶室 單單餐廳內的設計都加哂分 除左主打舊式傳統點心之外 店內的公屋、士多和茶餐廳擺設 岩哂打卡📸.1️⃣咖哩蒸土魷土魷事先用咖哩炒過 炒得入味再加齋一齊蒸 齋吸收哂土魷和咖哩的精華🦑.2️⃣古法千層糕蛋糕間層加入鹹蛋黃和椰絲 咬落軟熟 鹹蛋味香濃起沙不膩.3️⃣鮮蝦腐皮卷相對平日酒樓的失色 因為餡料只係得蝦 比較單調 但蝦肉都爽甜 🦐.4️⃣鳳爪排骨蒸飯鳳爪份量只得一隻 醃得入味 但皮偏乾硬 排骨軟身入味 但餸菜和飯分開蒸 飯沒有吸收到肉的味道 有點失色 🙁都係蝦醬腩肉蒸飯較出色 ..5️⃣鵪鶉蛋燒賣傳統點心真係唔係間間都有 下面的豬肉咬起來爆汁 蛋蒸得剛好 加埋辣椒油無敵💕.雖然價錢比酒樓貴 但勝在有不少古法點心 而且水準都保持得不錯 開到11:00pm 全日都有得食點心——————————————📍元朗大棠路66號💰$50-100 位 （茶錢$5/位）

服務質素好好！本人唔係住呢區，一入到去見到有個後生仔喺度做都特別好奇！因為好少後生仔會喺度做！我對佢印象特別深刻，因為嗰日係假期樓面好多人，但我一跌左對筷子我講都冇講個後生仔就即刻重新攞對新嘅筷子俾我仲要攞之前幫我洗過👍🏻👍🏻大致上服務質素好好

入座時都可謂消夜時段，入內只有1張細枱，我地2大2細尚算夠坐便先坐下，有2個朋友就諗住換2張有靠背既椅俾小朋友座。下下要自己落手落腳做唔緊要，因為係我地自己想換，搬到第2張時就話「你地咁會阻住我地上菜」。真係好「老馮」既口氣，我諗係因此一中取名，成間舖都係後生仔侍應，無禮貌，拎碗碟都無力咁係「跌」落枱面。我地4個人人，叫左3碟飯，5個點心2個小食1盅湯同一杯野飲，放左1個飯1個點心2碟小食1個湯加大家食緊既4個碗碟4隻茶杯1個茶壺其實已經滿到放唔落任何野。眼見已有2，3張枱走，仲有1張4人長枱，咁我地見仲有5個點心2個未到，便要求調去長枱。誰不知換黎一句「落左單唔可以調枱」我話根本再放唔落新既野，點食啊。恃應自己個盤一睇都知咁多樣野一樣都放唔到，都堅持話唔俾人調枱。仲要求我地將食物「疊起」黎食。大佬，3個飯唔通疊起，5個點心又疊起，點食啊。侍應仲好無禮咁話「係你堅持要坐呢張枱」我地絕對無「堅持坐呢張枱」，「你可以係出面等長枱架」無禮貌到一個極點，我唔係住本區，更唔知貴餐廳所謂既「下單後不準調枱」既規矩，更同我講「人人都係咁疊」，但唔代我要接受5籠點心疊埋一齊。最後侍應更提出「咁等你食完

落大雨又唸唔到去邊，就走去試一試懷舊既酒樓老馮茶居！一入到去已經好懷舊既感覺，好似返左係呀公呀婆年代咁！裝修都好懷疑feel真係似好舊既屋邨茶餐廳feel既枱加雞雞碗，仲有個膠碗俾你洗下碗、野食都有懷舊野既，我地試依家好小有既古法千層糕先有蛋黃仲有椰絲好耐冇食過依種味道!好好味啊！竽絲都係熱上，好脆同香口、蝦醬肉腩飯好野味好香口，依個必須要試試👍🏻鵪鶉蛋燒賣就比較普通既、牛肉腸粉都ok蝦餃做到皮薄义燒飽好易散開...帶小朋友黎睇驗一下上當年都係唔錯既選擇！

今次入新界係想去元朗十七両買涼果，所以順便元朗搵食，媽咪話要飲茶，所以我哋決定試吓呢間老馮茶居，我哋五位入到去店員安排我哋坐圓枱（比較細），但店員見啱啱有張卡位結賬，就安排我哋去卡位坐，仲話坐得舒服D（太細心）入面裝修好懷舊公雞餐具金牌炸芋角（只限六、日供應）即叫即整，外脆內軟咖哩蒸魷魚、薑葱牛栢葉、沙爹金錢肚、正宗潮州粉果、蒜蓉鮮蝦春卷、老馮鮮蝦餃x2蟹籽燒賣皇古法牛肉球、鵪鶉蛋燒賣金牌叉燒包、片香馬拉糕香煎蘿蔔糕、鮮蝦腐皮卷、蜆介鯪魚球老馮鮮蝦腸蠔皇鮮竹卷鳯爪排骨飯總括嚟講所有嘢食都好好味，仲係舊式酒樓嘅味道，最估唔到呢到仲有咖啡奶茶呢類飲品𠻹。須然今次食唔到老馮流沙芋泥包，希望可以快D再去食過

想飲茶仲要有特色嘅，一定要黎老馮！元朗呢間老馮茶居裝修真係一啲都唔簡單充滿懷舊風味，好似去返60年代咁款，嘆杯茶，食個包。坐卡位會比較舒服，不過卡位就唔多，今次好好彩坐到😉點餐紙都咁有特色，無得輸啦！餐果都唔好睇小，公雞牌㗎都係點心整體都好出色，蝦餃仲大大粒有成四粒咁多添！炸雲吞唔係度度有得食！呢度炸到好香脆！好好味！係即叫即炸嘅！配埋沙律醬真係食到冇嘢好講腸粉都絕對媲美大茶樓價錢係偏貴但係值得嘅

Weekend喺正形點搵餐廳都相當唔容易想飲餐茶 六點半已見到商場中餐館大排人龍同frd行遠些少 十幾分鐘 搵咗間茶居分分鐘行仲快過等位座位就稍為逼澀裝修都幾有心思行舊式屋邨懷舊路線以為係純粹以gimmick旺場嘅餐廳點知食物好唔錯首推蝦醬蒸腩仔飯食完齒頰留香非常回味居然有鵪鶉蛋燒賣皇味道正宗 不下於蓮香樓十分驚喜芋頭糕熱辣辣咸水角亦外脆內軟餡新鮮值得一試叉燒腸 牛柏葉牛柏葉好爽口兩人食好飽晚餐價錢幾值得如果唔介意坐得唔舒服值得去多幾次

打工仔既你日頭飲吾到茶可以夜晚飲啦喂😂最好既係全日供應放假想飲個茶又吾想同人迫又吾洗限時又限刻去飲茶多麼的精神🙈佢店外店內都好有茶樓氣氛而且好有懷舊的風味好懷念即感覺😍點心樣樣都好好食所以吾洗我介紹啦😂自己去試下啦🤩重點一提講到好似賣廣告咁但其實我無收錢的🤣不過只係好食好氣氛先跨張左個個古法千層糕真係要試下因爲好特別的感覺